ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار

بسم الله الرحمان الرحيم
السلام عليكم ورحمة الله وبركاته
والصلاة والسلام على خاتم الأنبياء والمرسلين
نبينا محمد وعلى آله وصحبه أجمعين
أما بعد..
ياه ياه
يازمن تغدر فيه الفرحه بصاحبها
ياه يازمن تطعن فيه النسمه صدر راعيها
ياه يازمن تجرح فيه النبضه قلب نابضها
كلنا الله سبحانه وتعالى من علينا بأزواج
وفي منا من الله سبحانه وتعالى عليها بذريه
تشوفهم كل حياتها
كل طموحاتها
أول صرخه لهم بالدنيا كانت صرخة وجود لذاتها
وإحساسها صرخة وجود لأحلى مشاعر بالدنيا
مشاعر الأمومه وأول دمعه لهم تعانق عيونها بفرح
تربيهم بكل مافيها من نبض
تحميهم بكل مافيها من مشاعر
تظللهم بهدب عينها
تغذيهم من دم قلبها
لو يغيب عنها واحد فيهم
يسود الكون في عينها
مهما قست مهما جرحت يظل حبها لهم
من أسمى المشاعر الفطريه
لو يطلبون عيونها قالت خذوها ماأبيها
تحرم نفسها وتعطيهم بكل شوق وحب
وفجأه تمر الأيام بكل مافيها من فرح وحزن
وتشوفهم قدامها البنت مع زوجها
والولد مع حرمته شعورها يوم زواجهم لالالالالالا يوصف
لأنها تشوف سنينها وحياتها فيهم
وفجأه تنكسر كل طيوف الفرح بعيونها
والسبب!!!!!!!!!!!
ظلم
ظلم
ظلم
وغطرسة وكبرياء
زوجة ولد
تملكتها الأنانيه
وكبر فيها حب الذات
وسيطر عليها التملك
وغرتها الدنيا وغرها جمالها
وللأسف عاونها زوج تافه
مايحمل من المشاعر
سوى الإنجراف ورى زوجه صغيره جميله
نسته أمه وحنان أمه ونسته كل لحظة ألم
ضحت فيها علشانه
يا اه
النبضه اللي نبضت فيها طعنتها
والفرحه اللي سكنت فيها غدرت بها
والنسمه اللي تنفستها خنقتها
يا اه
أقسى شعور بالدنيا لمن يطعنك إنسان
فما بالك لو يكون هذا الإنسان بيوم من الأيام نبضه داخل أحشائك
لكن مصير الدين للديان
والله سبحانه يمهل للظالم
ثم ياخذه اخذه مايتركه فيها
يافراشات لاتغتر وحده فيكم بنفسها
وجمالها وتوز زوجها على أمه
ترى العقوق تعجل عقوبته في الدنيا قبل الآخره
مهما تكون أم زوجك قشرا
أنت عامليها بالمعروف
وإتقي الله فيها
وإذا ما قدرتي على قشارتها
خلاص كفي خيرك شرك
وإقبضي أرضك لاتزورينها
بس خلي زوجك يروح لها هو وعياله
هم عليهم حق البر
لا تمنعينهم ولا تستخدمين عيالك
صواريخ أرض جو
ضد جدتهم وهلهم
ترى والله بتدور الدنيا ويصير فيك نفس الشي
تخيلي طفلك اللي ربيتيه يرد الدين لك
ويجيب لك زوجه تكرهك حياتك
بترضينها
جاوبيني بترضينها!!!!!!!!
إتقي الله في نفسك أولا
ثم إتقي الله في عيالك
الدنيا قصيره والجمال مايدوم
وكل أم تحب عيالها أكثر من شوف عيونها
فلا تخلين نفسك في مثل موقف هذي الأم
اللي بالأبيات الجايه
إذا تحبين عيالك خلي زوجك يبر أمه
ولا تدخلينه بمشاكلكم هي أمه قبل مايعرفك
إذا تحبين عيالك وتبينهم حولك
لاتحرمين جدتهم من أبوهم
إذا تحبين عيالك وماتبينهم يتفرقون
لاتفرقين بين أبوهم وأعمامهم
إذا تحبين نفسك
زرعي لنفسك خير اليوم تحصدين خير بكره
بالله إقرئي هالأيات وإتعظي قبل ماتنقال بكره فيك
مو معقوله تجي منك وترميني لأي إنسان
يلملمني ولا يلقى بعيوني غير دمعاتي
أنا ماأصدق إنك أنت تنهيني من الوجدان
وترميني وأنا أشوف القبر نادى مسافاتي
وكسرني الشتاء ياوليد وأنت بداخلي دفيان
تحملت الأسى والهم عشانك يابعد ذاتي
وصحابي البرد وإلا هو وأنت بداخلي غفيان
تحملت السنين وياعسى الله يلملم شتاتي
أنا أمك ياهيه أمك
حملتك والعذاب ألوان
ولدتك والألم سكين يركز داخل لهاتي
وأنا أثناء الولاده من بكاء صوتك طعنت أحزان
لأني شفتك بصوتك تنادي كل طموحاتي
ومهدتك في عين وعين يشرب حزنها القرآن
وهزيتك وكان النور يتهزهز من دعاتي
أضمك في يديني لا تجي وتقول أنا بردان
تركت البرد لضلوعي رح أسأل رعشة شفاتي
وزولك من ركض فيني لمست بداخلي أوطان
وتركتك تبني بمجدك على أكتاف إنكساراتي
وتذكر يوم مدرستك صدى وكفوفنا الحرمان
وكانت رنته فلسن خنقته لك بشيلاتي
كبرت وصرت بعيوني شجاعن وأشهم الفرسان
وحلفت إني على عرسك أرقص كل شيباتي
أسولف للبشر عنك وأقول ولابه أي نقصان
رضع عز الشهامه شب طموحه في معاناتي
وله شان الصقر لا لا أخذ منه الصقر له شان
يجي مثل الوضو لاطب حنينه فوق راحتي
يقولون الولد هو خان أقول وليدي لا ماخان
وهم يدرون ماغطى منامي غير وناتي
افا وشلون تتركني يكحلني عمى النسيان
وأنت أدرى بيوم الحشر جنه تحت خطواتي
لك الله مانطق صوتي لك إلا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للأسف تندان
ويرمونك مثل أمك وتذكر حلم شيباتي
صح لسانك ياسالم بن سيار
قلت اللي عحز الكثير عن قوله
أتمنى نتعظ ونخاف الله في أنفسنا أولا ثم في أزواجنا وعيالنا
أختكم في الله
وجاين بنت عبدالله