ويستمر قطع الأرزاق والردود الإمعيه

السلام عليكم ورحمة الله وبركاته.....
اخواتي العزيزات في الفراشه...
انطلقت حمله هنا في المنتدى لمقاطعة الكوافيرات...
والإنظمام اليها يكون بوضع هذا شعار في التوقيع
طيب طالما راح تقاطعو الكوافيرات...
قاطعو المطاعم لو سمحتو اطبخو في بيوتكم.....
والخياطين واتعلمو الخياطه..
والسباكين وسلكي الموصير لحالكم..
والنجار ودقي المسامير وركبي رفوف وخليك شاطره..
والسواق وامشي على رجولك عشان لو تخينه تخسي شوي ولو نحيفه تنشطي الدورة الدمويه بالمره..
والشغاله قاطعيها كمان ولا تدفعي فيزا وراتب واشتغلي ببيتك احسن..
والمحلات قاطعيها كمان وسوي اكلك بدون مواد صناعيه..
والدكاتره كمان قاطعيهم لا تروحي عالجي نفسك في البيت وكل شي يصير لك مكتوب لاتتعالجي احسن..
والمدارس كمان لا تتعلمي ولا تعلمي عيالك انتي خليك فهيمه وعلميهم...!!!
سبحان الله..
كل إنسان مسخر لشي...
مالنا غنى عن بعض...
ربي سخر لكل انسان شي يعمله ويحترفه ويكون باب رزق منه ...
وجعل لكل إنسان يميز الصح من الغلط...
اذا انتي تعرفي تمكيجي نفسك في غيرك ما يعرف..
وإذا في صوالين تمكيج بشكل اوفر في صوالين تمكيج بشكل حلو..
واذا اتمكيجتي بشكل مو حلو ربي خلقلنا عيون ومرايات نطالع انفسنا فيها...
واعطانا عقول ولسان ...
مين علمنا في المدارس؟؟؟
المعلمات...
مين اذا بغينا دواء يكشف علينا ويصرف علاج لنا؟؟
الدكاتره...
مين اذا تبغي تخيطي فستان تكشخي فيه يخيطلك؟؟؟زوجك؟؟؟
الخياط...
مين اذا نبغا نصبغ شعرنا ونحلي انفسنا ونسوي تسريحه وتسشوري كشتك وتخليها حرير؟؟مين؟؟؟
مين اعطانا دورات تدريب لعمل مكياج لانفسنا يناسبنا ؟؟؟؟
الكوافيره...
بقول شي....
كل انسان ما عنده ضمير ممكن ينصب علينا اذا ما شغلنا عقولنا شوي.....
ممكن نلاقي في اقرب مكان شخص ينصب اذا انتي ما فكرتي...
تبغو تقاطعو صح؟؟؟
وأنا معاكم....
راح اقاطع التساريح اللي تدخل فيها التوصيلات المحرمه...
راح اقاطع التساريح اللي كأسنمت البخت اللي قال عنها الرسول عليه الصلاة والسلام...
راح اقاطع الفساتين الكاسيه العاريه اللي ذكرت في الحديث..
راح اقاطع النمص..اقاطع الحمام المغربي اللي يدخل تحت حديث من خلعت ثيابها في غير بيت زوجها فقد هتكت الستر الذي بينه وبين الله عز وجل..
راح اقاطع الطريقه اللي يشيلو فيها لإزالة شعر الجسم بالكامل في الصوالين...
اقاطع اللي قاصات شعورهم زي الاولاد والإيمو عبدة الشيطان....
راح اقاطع واقاطع واقاطع...
في أولويات في حياتنا اولى بالمقاطعه...
نقاطع اللي سبو الرسول..
نقاطع اللي يحللو الحرام..
نقاطع التعري في افراحنا...
نقاطع الأغاني في افراحنا..
نقاطع اللي يجيبو مغنيه ومعاها بنات مسترجلات..
كثير اشياء في حياتنا التفتولها...
وزي ما انتم جادات بمقاطعت الكوافيرات خليكم جادات بمقاطعت ما حرم الله..
بسالكم سؤال..
الكوافيره اللي تمكيج الحريم بالشكل المخيف هذا...
هل...
تدخل في ما حرم الله؟؟؟
دخلت في اللعن أو الحرام او المكروه؟؟؟
اقسم بالله اني شفت بعيني...
وحده اتمكيجت مكياج كان جدا راقي...
وخرجت من عند الكوافيره تسب وتلعن ونادت المسؤله عن المشغل...
العاملات يقولولها حلو مكياجك ليش بتغسليه حرام حلو؟؟؟
قالت انا ما ابغا كذا مو حلو..
واقنعت المسؤله الماكييره تعيدلها المكياج وتسويلها اللي تبغاه..
وانتظرت قلت بشوف ايش النهايه...
وقسما بالله انها خرجت من الغرفه شكل ثاني...
راسمه العين من الاذن للاذن..الفتحات اللي في العين شوارع..واكلييل والوان والبودره بويه مو بودره...
والخدود مع العين موصوله..
خرجت الزبونه من تحت يد نفس البنت اللي مكيجتها اول ومارضيت تسويلها اللي تبغاه من اول..
في الأخير...
اللي تحط هذا المكياج في اغلب الأحيان هو طلب الزبونه نفسها...
وما اعتقد وحده عاقله بالغه راشده تسوي مكياج كذا غصب عنها...
ياريت يا بنات نكبر عقولنا شوي ونفكر بعقولنا ونوزن الامور شوي وبلاش قطع الأرزاق دامها ما دخلت في المحرم وما نعم الجميع.....
ودمتم سالمين...