يآمتزوجات أفيدوني هل أجآآآمل أبوي وأوآفق على شخص ماأبغاه

×~عيون أبوي~×

13-10-2022 - 03:51 pm

السلام عليكم
فراشات عندي استشارة ابيكم شووي
انا مره متضايقه من هالشي اتمنى المشرفات
ماينقلو موضوعي ابي المتزوجات يفيدوني
أنا عمري 25
الاسبوع اللي فات تقدم لي عريسين ..
الاول من جمآعتنا والثاني لا من قبيله ثانيه
بس انهم كلهم من الجنوب ..
المووهم أنا استخرت وأدري ان اللي فيه خير بيتيسر لي
من رب العالمين ...
كلمتني اختي قالت ترى مو مره يمدحونه الجماعه ذا
يعني نصيحه لاتنشبين عمرك فيه
انا اصلا مو مرتاحه لسالفة اني اخذ من جماعتنا ودي اكون بعيده
المشكله أبوي !
قبل ست سنوات جبر اختي تتزوج ولد عمي
وكان زواج فاشل مشاكل × مشآكل
اليوم جآني يقول
انا مارح اجبرك أختاري اللي تبين لآكن
ِأنا أشوف تآخذين وآحد سئ من الجماعه ولاتآخذين واحد طيب من برآ
وانتي بكيفك لاتدخليني في مشآآكلك بعدين لو اخترتي اللي من برا
إنتي حره بس لاتجيني في يوم من الأيام تشتكين !
قلت طيب هذا اللي من جماعتنا مامدحوه كثير وخطب عند ناس قبلنا من الجماعه وردوه
قال يبقى من جماعتنا ... مارح اجبرك عشان لاتجين في يوم من الايام
تقولين جبرتني !
بعطيك مهله اسبوع وبجي اسألك اذا انك مصرة تبين الثاني انتي حره
أنا لو وآفقت على اللي من جماعتنا بكون بس أجاملهم أنا ماابغاه .. وزيادة على كذا
محد مدحه مره يعني مشاكله رح تكون كثير .. هل اوافق عليه عشآن أرضيهم ؟
والا أوافق على اللي من برا واللي انا احس اني مرتاحه لهم وبكذا أحس أبوي
رح يخرب فرحتي بكرة لاجيت اسوي اي تجهيز لزواجي
بيجي يقول مالي شغل هذا إختيارك !!
علما ان اللي خطبني من برا يصير خال صديقتي اعرفها من اكثر من عشر سنوات
أعرف تقريبا كل شي عنهم عن حياتهم ناس طيبين وذوق ...
أنا في صرآآع تعبت من التفكير ارشدوني الله يسعدكم <<<بروح أبكي

التعليقات (9)

فتاةالخيال

13-10-2022 - 06:04 pm

واللة ياحبيبتي مادام اللي من جماعتكم موزين وخطب من قبل وردوة وانتي من كلامك شكلك مومقتنعة فية
مدامك مومرتاحة لة انا اشووف انك ترفضينة والله يعوضك احسن منة
واللي من برا استخيري واسالوو عنة زين خذوو وقتكم وانتم تسالون لاتستعجلون ابد هذا زواج واستخيري واذا مارتحتي لة لاتوافقين انتي تووك بشبابك ماانتي كبيرة
ونصيحة الا الزواج لاتزوجين شخص انتي مومقتنعة فية هذة حياتك
واللة يوفقك ياقلبي طولت عليك[

♥ج ـبرني غلآڪ ♥

13-10-2022 - 07:05 pm

انا اشوف تاخذين اللي برا احسن
من الجماعه يصير مشاكل ومدام مامدحوه وش تبين فيه
وافقي ع البعيد احسن لك
ابوك ماراح يزعل كم يوم ويصير عادي
واذا شافك مستانسه اكيد يستانس
لاتشيلين هم صدقيني بيستانس لاشافك مستانسه ..
وفي الاول والاخير
استخيري وادعي ربك..

أم رنو الحلوه

13-10-2022 - 08:06 pm

نصيحه لاتتزوجين شخص مو مقتنعه فيه بس عشان ترضي ابوك انت راح تعيشين معه مو ابوك

أقطر عسل

13-10-2022 - 09:07 pm

استخيري واللي ربي كاتبه لك بيصير
بس دامك مقتنعه بالثاني توكلي على ربك والله يوفقك ويسخره لك مو مهم تاخذين اللي ابوك يبيه بما انو موافق ع الثاني مو لازم يصير مقتنع انتي اللي بتتزوجين وتعيشين معه عمرك فأختاري اللي تحسين انه بيسعدك ان شالله
الله يوفقك ويكتب لك مافيه صالح وخير

عيون سوزي

13-10-2022 - 10:08 pm

اختي الزواج ما في مجاملات هذا لطول العمر مو ليوم وليلة وتنقضي
نصيحة لا تجاملي حد الي رتحتي لهم بعد استخارتك اختاري
وصدقيني لما تختاري شخص وما تكوني مرتاحة معه اهون مليون مرة ما تاخدي واحد غيرك اختارة وما رتحتي معه
على القليلة اختيارك انت مو اختيار غيرك لما حد بيتزوج ما بيجامل بيختار الي عقلة وقلبة واحساسة فيه مو مجاملة واذا صار اي مشكلة بينكم تتحسري على المجاملة وتقولي يا ريت لانه وقتها ما بنفعك الندم

×~عيون أبوي~×

13-10-2022 - 11:09 pm

فتاةالخيال
اللي من جماعتنا مو مقتنعه فيه ولا 1% :(
مره شكرا ياقلبي
نورتيني الله يسعدك

نبض قلبي A

14-10-2022 - 12:10 am

اتوكلي ع الله واستخيري
وخذي الله مقتنعة فية ياقلبي
والله يوفقك يارب

بوبة الموهوبة

14-10-2022 - 01:11 am

نفس راي البنات انتي اللي رح تعيشي وتعاني مو اهلك
وحتى لو اهلك وقفو معاك في مشاكلك شهر شهرين وبيملو وانتي اللي رح تبتلشي فيه واذا لا قدر الله تطلقتي منه انتي لوحدك رح تعاني محد رح يعاني غيرك
اما بالنسبة للثاني استخيري والله يسخر لك الخير

&^جووجوو^&

14-10-2022 - 02:12 am

مدامك مو مقتنعه فيه وعليه كلام لا تااخذينه
خذي اللي من برا جمااعتكم افضل
وقبل هذا كله استخيري الله يووفقك ويسهل امرك

استفسار عاجل←
بنات الله يرضى عليكم ساعدوني وجهوني اش اسوي→