يابنات جدة ساعدوني

بصراحه نواره ماشجعك عليه
فيه مشغل اسمه مليكان عند مستشفي الزهره مره حلو شغلهم مكياج وشعر
المكياج قولي ابي الحضرميه شغلها روعه احلى من السوريه
وفيه مشغل لامارا بعد روعه مره انا شفت كذا وحده مسويه شعر ومكياج عندهم بس بصراحه
روعه قليله فيه
والله يوفقك يارب

وعليكم السلام
افضل لو تروحي بنفسك وتشوفي واللي ترتاحي عندهم سوي
لأنه ممكن تعملي مكياج الكل يعجبهم وانتي لا ، وهادي ليلتك ورأيك هو الاهم
وبالتوفيق

والله ياقلبي ماافي احسن من انك تروحي بنفسك
لان الناس اذواق
انا عن نفسي احب المكياج المتوسط لاخفيف ولا ثقيل واكرة الرسمات العجيبه الي يحطوها للعين
عشان كدا كنت محدده الصوالين الي حروح اشوفها وكانت العنايه الملكيه وريما
وبصراحه بعد ماشفت الاشكال الي طالعه من العنايه الملكيه حزنت عليهم والله
المكياج باهت و احمر الخدود كتير والشدو كلو لطخه وحده واصلا المحل يهش دبان
فرحت بعدها ريما , علما اني اتعامل معاه من زمان ’ وصراحه في المكياج ريما ولا بلاش
والله كل العرايس الي شفتهم تبارك الرحمن طلعو يجنو ماشاء الله عليهم
شيء راقي بصراحه
وعلى طول حجزت لملكتي عندهم
عاد تعاملهم زفت ولا مو زفت , عادي احنا رايحين بفلوسنا اهم شيء تطلعي حلوة وقتنعه بمكياجك وشعرك
وعلى فكرة صالون كارمن الي في التحليه شغلهم برضو مره حلو
بالتوفيق ان شاء الله

حبيبتي نواره مرره ما انصحك
عندك حبيبتي سوبر استار طلعوا بنت خالي زي القمر
وبالتوفيق

ادعيلي اطلع قمر في عيون زوجي واهله في ملكتي , انا عله في المكياج والتسريحات مااقتنع بسهوله
لاني في العادة امكيج نفسي ومااروح صوالين للمكياج <<< لاني فنانه ماشاء الله لما امكيج نفسي

الله يسعدك ويسهلك امرك ياعروسة

نوارة مرة مايمدحوها
روحي منة سنتر شغلهم حلو وانصحك عند ذكرى مرة ممتازة وتعرف ايش اللي يناسبك من الوان ورسمات العين شغلها ماشاء الله ممتاز
وكمان عندك المقينة حلو
وكارمن 2 اللي في التحلية

حبيبتي انا فرحي في نهاية شوال وبداية القعده وان شاء الله ناويه اروح الياذا مكياج عند ابتسام الحكمي شغلها جنان وشعر عند الفت
بصراحه جربناها في فرح اختي واخويا والعرايس مشاء الله طلعوا قمر

والله مشكورين ماقصرتو
والعروسة2007 قوليلي متى ملكتك
وقليلي بعدين كيف تطلعي وكيف تعاملهم معاكي
لاني سمعت انو في عرايس يخرجو يبكو من عندهم من سوء الاخلاق
وهدا الكلام سمعتو من اكتر من وحدة