يابنات والله طفشت

سلام لكل الفراشات الغاليات
انا اليوم داخلة على الله ثم عليكم<<<<حشى بمسلسل بدوي
شوفوا يااخوات انا غزاني الشيب وانا توي صغيرونه <<<تدلع نفسها
المهم يابنات انا مالقيت حل يخيفه بطريقه حلوة
ماخليت ميرامية ماحطيتها في راسي وشاهي وكل المنتجات اللي في المطبخ
الحنا يطلعني عجوزة
يعني مالي الا الصبغه والصبغه انا اروح صالون اصبغ بس تعبت من المصاريف والمشاوير
تفشلت من زوجي وين رايحه رايحه الصالون من وين جاية جاية من الصالون
غيير الخشونه اللي صارت في شعري صار ليفه موب شعر
الزبده في الموضوع ابي تنصحوني باحسن طريقه اصبغ شعري فيها بالبيت وماتخرب الشعر
خصوصا اني اصبغ شهريا
وكمان البنات اللي يصبغون دائما كيف تعتنون بشعوركم المصبوغه
لاتبخلون علي بارائكم والله يجراكم خير مقدما