ياحليله ادخلو والله بتموتون ضحك

مساء\صباح الخير
حبيت أحكي لكم اليوم شخص يوم راح يخطب وبالتحديد أول يوم راح فيه عشان يشوف خطيبته
يقول
طبعاً البنت راقية و سنويا تطلع مع أهلها إجازة أستجمام في أوروبا
وأهلها ماعليهم ماشاء الله و فيهم تواضع جميل
وماينظرون للمظهر بقدر ماينظرون للجوهر وهذا الي خلاني أتجرا
وأخطب بنتهم ,, ووافقوا الحمد الله لأسباب أمنية
المهم جاء اليوم المهبب بالنسبة لي والي هو يوم شوفة البنت
طبعا أنا آخر بنت شفتها هي بوسي ايام التلفزيون الأسود والأبيض بعدها
أنقطع البث التلفزيوني عن حارتنا وبعدها حطينا المجد بس
وصار مافية صور ترمز للأنوثة في مخيلتي غير أمي وخواتي الله يحفظهم والباقي شنبات
المهم أنا مو متعود أشوف بنت قدامي بدون عباية
كيف عاد اذا شفت بنت لابسة فستان وتسلم علي طبعا اكيد راح اهبب
وفعلا هذا الي صار
الوالدة الله يحفظها عارفتني الذوق بدولة وانا بدولة
عشان كذا كانت هي وخواتي كل الليل يعلموني الأتكيت وفن التعامل مع
الآخرين .. وكيف أحكي مع البنت الذوق
طبعا كنت متكشخ على الآخر ,, لدرجة العطر استعملت علبة كاملة حتى الجزمه الله يعزكم عطرتها
و أكتشفت أن الجزمة الي أنا لابسها ضيقة بشكل لايطاق
بس أيش اسوي أختي موصيتني تقول لازم تلبسها ما ابغاهم يشوفوا
اصابيعك الي زي الفطر والله مافيهم شيء حلوين بس هي دقيقة بزيادة
المهم وصلت و وقفت السيارة ونزلت ومشيت للباب الداخلي للبيت طبعا الي
يشوفني وانا امشي يقول هذا أكيد عنده أعاقة أو يعاني من عاهه أبدية
(( طبعا بسبب الجزمة ضيقة مرة ومو قادر أمشي والله بس قلت يالله كلها كم خطوة وأفسخها))
استقبلني ابوها عند الباب الداخلي للبيت ورحب فيني أشد ترحيب
ولما وصلت نهاية المجلس كان الدم محبوس في سيقاني ومتجمع في الركب ورجولي ناشفة مافيها دم
المهم بعدها قالي ابوها انت مستعد ابغى انادي البنت قلت لا والله ماتناديها أجلس يارجال خلني اسمع علومك 'طبعا أنا مرره مستحي وابي أتهرب '
قال أنت جاي تخطب ولا تسلم قلت طيب لازم اشوفها عادي ماعندكم نمونة ( أختها الصغيرة مثلا ) قال لا ما ابغاك تقول ماشفتها قلت أستحي قال عادي بجلس معك (قلت بقلبي توي ما أستحي صدق)
طبعا قام ونادها ,, أنا كنت جالس أتأمل في رجولي
من الحياء ما أسمع الا كعب البنت وكان مع كل طقة للكعب 10 طقات لقلبي ,, لين جلست قريبة كان قلبي شوي ويوقف
قالت : السلام عليكم
أنا أرتبكت ورديت عليها وقلت : السلام عليكم !!
طبعا انا من هنا بديت أهبب لاني أشوف سراب فستان بنت جالسة قدامي
طبعاً كنت مازلت اتأمل برجولي من الحياء
قام ابوها قالي أتكلم معها عشان تقدرون تشوفون بعض
قلت : أأأأأ
أأأأأأأأأأأأأأ
أأأأأأم م م م م م م م كح كح
ثم سكتت
قال أسئلها طيب
قلت بسرعة : ماعندي أسئلة ولا شروط والله !! <<<
قال طيب أسئلها وين تدرس قلت عارف سنة ثانية في الجامعة
قال أسئلية أنتي ,, ماردت علية وكانت مرة مستحية
قام قال يالله أسئلية عشان يشوفك
طبعا انا في ها الاثناء جاني ضعف حاد في حاسة السمع
قامت سئلتني أنت : مدرس
قلت لا أنا مدرس ( أحسبها تقول أنت تدرس )
أبتسمت ونزلت راسها
قالها أبوها ارفعي راسك يالله وأسئلية ,, أستحت في البداية بعدين
قالت: كم عمرك
قلت 8 الآف ( أحسبها تقول كم راتبك )
هناابوها مات ضحك ,,وهي كمان ضحكت شوي وهي مستحية طبعا أنا ماادري وش السالفة !!
بعدها كانت بتقوم لكن ابوها أجبرهاتجلس ,, لانهاكانت مرة مستحية وكاتمة ضحكتها
بعدها قالها يالله كملي ..
قالت : متى أنت متخرج
قلت في الأجازة الجاية أو زي ماتحبون ( أحسبها تقول متى تبغى نتزوج )
طبعا هنا انفجر أبوها من الضحك ,, والبنت صارت تضحك وأستحت وقامت تركض ودخلت البيت
طبعا انا قلت أكيد شكلي فية شيء غلط ( قلت يمكن عقالي يضحك زي العادة 'مفتوح أقصد' ,, أو فية صرصار رايح جاي على راسي
لما خلص ابوها ضحك قالي هاه أعجبتك البنت ؟
كان نفسي أقول حلوة بس أخاف يذبحني ,, قلت له برسلك ردي على الجوال
ثم أستاذنت وطلعت وأنا مدري لية يضحكون !! لين هي علمتني ليه بعدين
وش هببت
وبس
م ن ق و ل