يارب ابعد عني شبح العنووسه يارب الطف بحالنا

1. تعرفوا انا عمري 23 سنه ,, واختي الي أكبر مني عمرها 30 سنه ,,,

السلام عليكم ورحمة الله وبركاته ,,,,
طبعا حالتي كحالة كثير من البنات .. باقي منتظره نصيبي ,,
عندي سؤال ::
ايش رايكم في موقع مشروع ابن باز للزواج ؟؟؟؟؟؟؟؟؟
يعني في وحده جربت تزوجت عن طريقه ؟؟ او احد سمع عنه شي مثلا ؟؟
انا الي خايفه منه سرية الموضوع ......... هذا الي قالب علي حياتي ,, تدرون ليش ماقدرت اجرب الموقع ؟؟
عشان لازم احط بياناتي الصحيحه ,, واسم عيلتي معروف في كل السعوديه يعني راح تصير مصيبه لو احد من اهلي عرف اني سويت كذا ,,

تعرفوا انا عمري 23 سنه ,, واختي الي أكبر مني عمرها 30 سنه ,,,

طبعا اختي تقدم لها كثيير بس ماتتم ابدا دايما تتفركش ,, وانا ياحظي طول عمري بس تقدم لي ولد خالي ,, من 3 سنين وكل شويه يتصلوا اهله ,, والله انه طيب واخلاق ,, لكن تم الرفض قطعيا من قبل أمي ,, لأسباب تاافهه ومن ضمنها ان أختي قبلي ,, وانا شكلي سائره على خطاها ,,
أختي احلى مني بكثير ,, اصلا كل الي يشوفنا مايقول احنا أخوات ,, عشان كذا كنت ابغى اوافق علي ولد خالي لأن اهله الوحدين هما الي شافوني انسانه قابله للزواج ,,
وكل مارحنا فرح او عزيمه ماعمره احد خطبني او حتى طالع في وجهي ,, دايما بعد كل مناسبه تجي امي تسألني اذا كان في اح سالني انتي بنت مين او شي من كذا ,, والله امي عارفه اني مو حلوه زي اخواتي بس ساكته ,,
بس هذا قدري وهذي خلقة ربي ,, اللهم لا إعتراض
والله يابنات اني استغفر في اليوم اكثر من 1500 مره وبدأت احفظ سورة البقره ,,, و مو متعبني الا الشيطان طول الوقت يوسوس لي أبطل ,,
انا راضيه بحكم ربي ,, بس الناس ماسابونا في حالنا ,, تعبت والله كل محد شافني يقول انتي اقل من عاديه يعني روحي قشري بصل بمعنى اخر اختك الي احلى منك باقي مبلطه تبغي انتي تنخطبي ,,!!!
بنات اله يسعدكم بس ابغى منكم دعوه في ظهر الغيب ان الله يرزقني انا واختي بالزوج الصالح عاجلا غير آجل ,,
يعني مو لازم تردي وتكتبي بس ادعي في قلبك ,, وبلاشي تجي وحده تقول لي انسي الموضوع والزواج هم ,, صح هوا هم بس مو زي هم العنوسه وكلام الناس الي يشملك انتي وعيلتك ,, وانا ماأرضى احد يشمت في امي وابوي ويقولوا حرام بناتهم عوانس ,,
الله المستعان يارب ارجو رحمتك يارب ,,
لا اله الا انت سبحانك اني كنت من الظالمين ,,