يارجلي احبك وبعلمك الرومنسيه غصب

جعل الرجاجيل للماحي .. جعل الرجاجيل للماحي
حطوبنا امرآض نفسيه .. حطوبنا امراض نفسيه
في مرتن من المرارير الموافق امس كنت بحالي ومالي من الشيطان طاري منجطلتن على سريري
قررت اني افتح الجهاز << اخلصي علينا
المهم واطيح على ذاك المنتدى
"مشاكل الحياة الزوجيه "
وقسم استحيت ان بنت ينعن اووم الحاله
احد قال سماجه !
احد قال مرض!
وقسم يحومون التسبد هالحريم
اقتباس:
مشكلتي مع زوجي ..معقدني مايخليني البس الا طويل << اللحين ذي مشكله تبي تتفصخ
مشكلتي احبه << ياحياة الشقا
اطلب الطلاق اذ طلقني انجن اجلس ابكي << خلاص انطقي وقعدي عنده
اقتباس:
اليوم طلبته فلوس عشان اروح السوق واشتري له هديه واخذ لي ملابس وقميص نوم او لانجري...
المهم رفض وقال ماعندي فلوس ومو لازم نحتفل هذي السنه << لاتكفين ياذكرى اليوم الوطني الحين
وخليها نعوضها السنه الجايه
وعصب علي وأنا تنكدت مره <<ياربيه كسرتي خاطري مرا مرا يعني مشكله ذي!
انا كنت ابغى اشتريله هديه بسيطه << غصب يعني
واخذ لعبه زوجيه << اووم البثاره بس
تدرون وش العابهم الزوجيه !! >> انزلعي بس
اقتباس:
رجلي ينام بسروال السنه وش السوات ؟ << من جدها ذي
اقتباس:
بنات انا زوجي وسيم وكشخه الله يحرسه << طيب وش نزين لتس؟ نخق على رجلتس همن ندوره عشان نعرس عليه؟
المشكلة كل مارحت السوق اخليه يوديني وينزل معي وكل مره اروح انا وياه الا ويصير موقف لي واعصب عليه واطلع ولا اشتري شي ويتعكر مزاجي
طبعاً هو ماله ذنب بس المشكلة في البنا ا ات
ماخلوني بحالي كل وحدة نمر من عندها تقعد تطالع بقوة عين قويه >> لا والله يالي متزوجه عمران عباس على غفله
طبعآ تراي منيب اتطنز عليهم <- اجل وش علة هالموضوع
اقتباس:
رجلي يخليني ابوس رجله احد فيكم مثلي؟ >> وآخزياه بس <<اشعندها جدتي حصه
اقتباس:
رجلي عطاني 5000 عشان ارقصله وانا عييت << الله ابوتس لو بايعينك بالسوق ماجبتي 5 ريال
اقتباس:
انا وزوجي بنحب بعض كتير<< والمطلوب
وانا متأكده من انو يحبني بس مشكلتو انو ما يحب الرومنسيه << ياي مايحووب الغومنسيه عادي اطلبي الطلاق>> خرابه بيوت
<<يعني انتي وراسك عارضتن مشكلتس ذي البثاره الي مسميتها رومنسيه وش بيسسونلتس !!
بيغيرون فطرة الرجال ؟ الله ابوكم حريم >>وقسمن ادبلو تسبدي
اقتباس:
طبعا كاتب عنوان الموضوع .. متى اخر مرة مرختي او دهنتي رجول زوجك بالفازلين ؟ <<يقالها المره السنعه الحين
اقتباس:
زوجي طلقني عشاني حذفت عليه كرتون المنديل >> ياشيخه والله لو مكانه لرميك من اقرب دريشه مو بس طلاق
اقتباس:
الحين وحده تبي تتميلح عند رجلها وتبي منهم يساعدونها :
اول شيء خذي تنكري العروسه <<رايحه حفله تنكريه
بالذآآآت انه ذكرى زواجكم < وخير ان شاء الله
ترى مره حلوه << قصدك مرا لحجنه
وبرضو جيبي العصى السحريه << يبيعونها في ابو ريالين
واكسريها عشاآآآن تضيء وبعدها قصي طرفها وانثريها على جسمك << من باب الظرافه يعنيلحظتها بيلحقتس وبيخق همن تعيشون حيات سعيده >>للحقاره عنوان
اهم شيء يكون المكاآآآن مظلم عشاآآآن تباآآآنين << تغدين تسنتس لوحه تموينات
وموسيقى هآآآآآديه << صح يا غوومنسيه
انا سويتها لزوجي لمن رجع من سفره << الله من النصب تبي توهق لضعيفه
..
واهم شيء العصى المضيئه نثرتها من باب الشقه لغرفة النوم << طيب سوت ذا الحركه والمطلوب؟ زاد معدل الحب؟ سوت حركه اغراء؟ زياده فتنه<< نعنو تفكيركم بس
حتى الجدار نثرت عليه << يقولون الجدران دفاتر الشسمهم
حركات التميلح :
لايفوتكم الهبال بس :
1- ألبسي ملابس اسبورت برتقالية اللون ولا تنسي الحذاء البرتقالي والماكياج البرتقالي الصارخ. <<معرسن على واحدن من البلديه مب آدميه
2-ضعي علي الطاولة عصير برتقال وكيكة البرتقال
وزيني المكان ببالونات بيضاء وبرتقالية اللون واحضري برتقال الزينه وعلقيها في كل زاويه <<شكله ذي قاطعي سرها بمزرعه بردقان الله يحوم تسبد العدو اجل ليله رومنسيه ونقرض من البردقان ياشيخه روقيني
بعدين بفهم وشوله بلالين بلالين <<يختي حفل روضه
ياربييه وتقولون لي خليتس مره وتقولون لي الحريم مب بثراات
نعود لمحور خرابيطهم
3- اذا ادتي من زوجك يحبك سوي نفسك بزر وناغيه مثل الأطفال والبسيله بيجامة اطفال وسوي قرنين<< اللحين بيخق كذا ! وقسمن لو مكانه امسدها بالعقال سلامات تستهبل على راسي
>> تحسون اني استقعدلهم
نكمل
4- عزيزتي العريسه ذا ودتس يخق رجلتس جيبيله كوبن من العصير وهو جالس وانتي جايه تسحبي وامشي بغوونج وراستس على جنب كنتس ديك
وناظريه بعينين زايغه وحاولي ترمشين واجد يعني لايوقف << ترى هالنصيحه مو من عندي ابد
5- اذا ودتس يقولك كلام حلو عى طول قوليله دايم انت تسبدي << ياليل الطعوس
وانت مصاريني <<انثبري تكفين
وشبكن يالحريم مغير مشقيات اعماركن ورا هالرجاجيل وعلى غير مصلوح
يعني لو كبرت شوي قال ابجدد شبابي ولو ماكبرت شوي قال ابغير الشرع محلل لي اربع والا تب تخالفون شرع الله ؟!
البثاره والمبزره الي عايشينها هالحريم
المهم بعد كل هالخمبقه الي فوق خلصنا << وآضح اني توهقت بالآخر
سلملم ياحلوين
من إيميلي
منقول