يارومانسيات تكفون ساعدوني

مرحبا يالغلا
انا بحاول اساعدك اوكيك
انا عن نفسي ما احب اتكلف في اي شي بالذات مع زوجي ولكن احب الشي يكون تمام
بمعنى اني اقرا في النت الشي اللي قد يصعب الوحده انها تسويه بمعنا انه يبيله فضاوه وخطة استراتيجة ههه
فخذي باللي اقولك عليه من نصائح فاللي تسويه اتركيه واللي ماتسويه حاولي تسوينه
يالغلا زوجك اهتمامك فيه لازم مايقل اذا ما كان اكثر من عيالك بعد
البسي زين في بيتك وخلي عنك الهذاميل اللي تلبسها الحريم الكبار في السن
يعني البسي وكشخي واقصد بكشختي كحل عين وروج او مرطب له لون و احمرر الخدود
وشعر مرتب اما ممكر او ملموم بشكل حلو
اذا كنتي من اللي يطبخون غيري لبسك وحبذا شور لجسمك وتعطري كلها تاثر في نفس اللي قدامك
استقبليه وودعيه وانتي تدعيله وبالابتسامه ترى والله لها تاثرها في النفس
البيت ماراح اقولك شقلبي فيه الان هذا انتي بتسويه لحسيتي بالرغبة في التغيير بس يكون البيت مرتب وريحته حلوه
اما بالفواحات او بالبخور
والاطفال يكونوا مرتبين
هذا كله بياثر بزوجك مع الايام وترى الصبر زين
وبقولك سر لاسويتيه بتحسين بالسعاده اللي مالها حد هو الدعاء وخاصة باخر الليل وحتى لو صليتي قدامه او حس بك
حاولي اذا سرتم بغرفتكم كوني لطيفه ادعليه وسويله مساج بسيط مايحتاجها مقدمه وانتي قريبه منه
اما على الليالي الرومانسية فتقدري تغيري نومكم من غرفة النوم لاي غرفه في البيت وكانكم ضيوف ويكون قبلها عشى
او يكون العشا عادي وتكون الغرفة على ضوء الشموع وتكفيك حقة الفواحات بس انتبهي لمكانها وشغليها قبل ماتروحولها
تقدري تسويله درع تشتري اي قلب اما تحفري عليه او تكتبي بخط يدك فيه وتحرقي اطراف الورقه وقدميه بكلام من قلبك
وتقدري تبتكري 0
ابتكري بلبسك
عطري فراشه
اشتريله هدية
ارسليله مسجات حلوه
اطمني عليه
الورد لاتنسيه
الاكل والشراب بعد تقدري تعملي فيه حركات تدل على حبك
الحمام المرتب والمزين بالورد المجفف و بانيو دافي وشمع وخليها مفاجاة
كوني ذات روح مرحه حتى يحب حديثك
حاولي تشاركي اطفالك في خلق جو حلو منها انتي تحسي بالتغييري ومنها زوجك بيفرح والاطفال بيستانسون
اعرف اني طولت اعتذر
لكن هذي مؤنه عدة شهور ههه
واي طلبات احنا في الخدمة والتوصيل مجانا ههه
الله يوفق الجميع

يا أختي الغالية قال رسول الله ( صلى الله عليه وسلم ) تهادوا تحابوا
أهديه العديد من الهدايه وتنوعي فيها و أنصحك انك تهدينه إما من الصبح لما يستعد يروح الشغل لان كما يقال أن الرجل يتقبل كل شي في الصباح الباكر و إما فبل الغداء ولا تنسين أنها تكون أمام أبنائك علشان يحس بالفخر وبعد منها يتعلمون الابناء لما يكبرون ويتزوجون بعض الرومنسيه , ودايم تعدلي وتعطري و حاولي تتعرفي على هواياته وتشاركينه فيها .
ومو مهم أن تكون الهديه غاليه المهم أن تكون مبهجه له , حتى لو كانت رسالة حب وغرام ,وشكر و إمتنان
مثلاً بالنسبه لي كل شهر أسوي مفاجأة لزوجي و آخر مرة كانت أني نيمت ولدي وبعد ما نام زوجي رحت وغسلت سيارته من الخارج والداخل ( لأنها كانت وسخه بعد يوم ممطر ) وبخرتها وعطرتها من عطري الخاص ولي هو يحبه , وكتبت رسالة أصبح فيها عليه ألصقتها على النافذة بحيث يشوفها لما يفتح الباب و رسالة ثانية ألصقتها على المقود فيها كلام حب و غرام وفي الأخير كتبت له ابحث عن هديه موجودة في السيارة ولما بحث لقاها وكانت قلم معاه رسالة كتبت فيها هذا القلم هدية مني لك أريد أن تكون أول حروف يكتبها هذا القلم هي رسالة لي فيها كلام حلو , ولما عاد من الشغل دلعني أحلى دلع و سلمني الرسالة فوقها بوسة وحملني إلى السرير ههه .

زوجه وام صالحه بصراحه فكرتك اللي سويتيها مره ممتازه لا وتجيب نتيجه بعد ههه راح اطبقها ان شاء الله الله يعطيك العافيه