ياريت بس دعوة منكم لي والله يجزيكم خير

1. ياريت يا أخواتي العزيزات تدعوا لي إذا ما كان عندكم مانع

ياريت يا أخواتي العزيزات تدعوا لي إذا ما كان عندكم مانع

أنا كان عندي هرمون الغدة الدرقية نشط بشكل بسيط يعني كان tsh: 5.95 والطبيعي إنه ما يكون أكثرمن 5 (خمسة) وبعدين الحمد لله أتعالجت منه وصار الآن طبيعي طبعاً ما سويت أشعة الصبغة وقالت لي وحدة دكتورة لو أسويها يعني مو لازم لأني أنجبت الحمل الأخير قيصرية والمشكلة زوجي غير مهتم بموضوع الحمل وقالت لي الدكتورة لازم في الأيام الخطرة يوم بعد يوم وكانت دورتي يعني منتظمة تقريباً كل 30 يوم طول دورتي (مع الأدوية اللي أخذتها لخبطت لي الدورة ولكن أنا شايفة بعد ما وقّفت العلاجات ليها شهرين الحمد لله تقريباً منتظمة )
المهم أنا صرت أحاول ألخبطه بالدورة ( يعني تقريباً لي أكثر من سنة ونصف) يعني أعطيه الموعد غلط وما في فائدة لالالالاحمل وكل شهر أجدد الأمل والحمد لله على كل حال ما بيصير حمل وكل ماتجي الدورة لازم أبكي ولو قليل لأنه أجد صعوبة علشان أخبّي عليه موعد الدورة وأنا مرّة أشتهي أجيب أخو لولدي وهو كمان ولدي نفسه في أخو وزوجي لالالالالايبالي المهم الدورة باقي لها أسبوع وأنا حاسة إنّها بتجي لأنه الله يكرمكم إفرازاتي صار لونها أصفر فلست متفائلة بحصول الحمل ومافي أعراض وصرت حاسة حالي بس أبغ أبكي لأنّي شاعرة إني ما بأنجح في محاولاتي ، وزوجي قال لو حصل حمل وهو محتاط منّي حيرضى وحيحب النونو لأنه جاء بإرادة الله فأنا مو خايفة إنه يعمل مشكلة لو حصل حمل
شاعرة نفسي أعصابي متوترة جداً وأحاول اقرأ قرآن وأدعي وما أترك الدعاء وبأعتبره إبتلاء لاكن موقادرة أشيل الموضوع من بالي لأنه معنى إنّي أشيله من بالي إنّي ما أخطط ولا أحاول ألخبطه ،أنا عرفة مشكلتي ما لها حل إلا من ربنا ولاكني مهمومة ومتوترة فقلت أفضفض لكم إمكن دعوة منكم ربنا يفرجها عليّ وربنا كريم وأملي في الله في كل حال، ولاتقولولي حاولي تكلّميه مافي فائدة لأنه في مشاكل بيننا ( بسبب حماتي تحب تثير المشاكل وهو ولدها الوحيد وهي مزاجها صعب وتتدخل في كل شيء وتخاصمني وممكن يعني تتلفّظ بألفاظ نابية تجرحني فأنا قررت إنه أبعد عنّا علشان نفسيتي بتتعب وأجلس أبكي من كلامها وزوجي يبرّها وأنا أقول له روح لها هي أمك لاكن أنا ما أبغ أروح تعبت ) والمشاكل هذه مالها حل
ولكن وجود طفل جديد في حياتنا ممكن يحسّن الوضع بيننا وأنشغل في تربية أبنائي وهذا قدري ونصيبي طالما قررت إني أكمل معاه مشوار الحياة بحلوها ومرّها فأحسن إني أستفيد من جلوسي أنجب أبناء وأربيهم وان شاء الله أجد عوضي فيهم ولكن هومو عاجبه الوضع وبيعاقبني إنه ما يقرّب مني في الأيام الخطرة فهي معاناة ما لها حدود
وإمكن أنا مو عارفة أحسب الأيام الخطرة كويس الله يعلم بس أتمنى تدعوا لي إني أحمل والله يرزقكم الحمل قريباً آمين .آسفة على الإطالة بس حبيت لأول مرة أفضفض عن مشكلتي وأنا عرفة مالها حل إلا من عند رب العالمين بس دعوة منكم والله يعطيكم مثلها يارب .