ياصاحبات الذوق الرفيع علموني كيف اغلف الهديه واقدمها

كيفكم عرايس الله يسعدكم يارب ..
بنات انا متملكة من 9 شهور وخلال هذه الفترة زوجي اهداني مرتين في كل مرة يجينا وانا ماقد اهديته >>>قالت قصة حياتها.. وبيجينا يوم الاربعاء واليوم نزلت السوق واشتريت له ساعة وابغا اشتري له دهن عود ودهن ورد عاد اخوي بيتكفل بهالشي لأنه يشتغل في العربيه للعود ووصيته يجيب لي شي حلو والمشكله اللحين موعارفه كيف اغلف الهديه واقدمها بشكل ناعم وذوق >>> مااحب العفاشه ابد
المهم فكرت أروح محل الهدايا وأشتري صندوق حلو وأحط الساعة بالنص بين دهن العود ودهن الورد وانثر ورد مجفف واحط بطاقة حلوة فيها عبارة حلوة .. بس مو عارفه احط الساعة في الصندوق بعلبتها او أنزلها من العلبة وتكون بالمخدة الصغيرة حقتها وكذلك الطيب نفس الشي أو اخليها بالعلبة وإذا خليت العلبة اغلفها ولا اكتفي بتغليف الصندوق وش نوع التغليف هل هو مخمل ولا ورق كريشه احلى وش رايكم يافراشات دلوني تكفون بسرعة لأني بروح بكرة السوق استنا افكاركم الحلوة بفارغ الصبر ...