ياصغر همومكم عند همي

1. يالي همك زواج عندك من يواسيك وعندك من تشكيله


2. ويالي همك مطلقه وعندك عيال ضحكت ولدك ينسيك هموم الدنيا


3. كل الي حولي القريب والبعيد ماريحوني جابو لي الهم

اه ياقلبي اه
ياصغر همومك عندي همكم متى اتزوج ومتى اصير ام
ولا همها انها تطلقت

يالي همك زواج عندك من يواسيك وعندك من تشكيله

ويالي همك مطلقه وعندك عيال ضحكت ولدك ينسيك هموم الدنيا

انا وش اقول وش اخلي هموم لو تشيلها جمال تنهد كل ماطقيتها انعوجت وكل ماتفائل سدوها في وجهي ماذقت طعم الفرح ضحكتي مزيفه اكابر اقول انا بخير وانا ماني بخير مايمر يوم الا ودمعتي على خدي احرموني من اشياء وعطو غيري حرمو علي شي حلله الله منعوني ممنوع كلمه دايم يقولونها علي ولغيري سوى الي تبيه انا في نظرهم الفاسده الي اجيب لهم الفساد انا في نظرهم الخبيثه الي تحاول تفرق وتجيب المشاكله ليه انا في نظرهم كذا ليه
بالعكس انا الطيبه انا الضعيفه انا مكسورة الخاطر الي من زمان ماذاقت طعم الفرح ضحكتها دمع اخفي اخفي همومي عن الناس وتفضحها ملامح وجهي استكثرو على السلام كل ماجيت اصلهم وقربت منهم ابتعدو عني ليه مدري ليه
انا مطلقه وعمرى 24 وقريب راح امكل 24 وادخل 25 بس ياحسافة شبابي الي بروح في هموم
ماهمني الطلاق قسمه ونصيب وراضي فيه بس همي مو طلاق همي راحة البال ودي ارتاح بالي ودي ارتاح ودي قبل ماانام اضحك ودي اذا صحيت اصحى وانا قلبي مرتاح

كل الي حولي القريب والبعيد ماريحوني جابو لي الهم

ابوي مرات ادعي عليه هو السبب في كسرة خاطري ومرات اقول الله يسامحه ويطول في عمره ماقد فرحت مثل البنات وماقد لبست مثل البنات ماالبس الا بهاوش حتى الجوال منعني عنه وانا مطلقه وحتى تلفون الثابت بعد يمعني اني اكلم منه وانا في هاذا السنه ماكلمت صديقاتي ولا اكلم احد نهائيا الين اخذت 20 ريال من عند امي وشريت شريحه سوى وماشحنها غير بعد شهر او شهرين 10 ريال علشان اكلم حتى الجهاز جهاز اخوي الصغير وخربان بعد اخذته قلت بس اهم شي تكلم صديقاتي ماابي اقاطعه تدرون وين اكلم اذا جيت اكلم احد اكلم وسط الدولاب ادخل في الدولاب واسكر على نفسي واكلم صديقاتي حتى بصوت واطي علشان محد يسمعني باللهي عليكم انا اسوى حرام علشان اسوي كذا ماروح للعرس ومااجي الا بخوف اخاف يهاوشني لان كل شي عنده حرام حتى المكياج الي حلال حرمه علي حتى يوم تطلقت وجايه وانا دموعي على خدي قال لولا خوفي من الله كان قطعت جلدك ليه طيب بدال ماتواسيني تقولي هالكلام حتى بالعراس مااروح غير عرس ولد عمي ابوه اخو ابوي ومحد يجي بعد والعراس الثانيه لا تروحين ليش علشان محد يخطبك ليه طيب زوجتني بالغصب وانت الي تشرط وانتالي حطيت المهر يوم تزوجت تخيلو قالي مره قدام زوجي لااجيك من الوسط البيت واسحب شعرك ليه طيب الله يسامحك يايبه الي نزلت مقداري عنده حتى راح يعايرني يقول ابوك ماحترمك اجي انا احترمك ابوي هاني وكسر بخاطري وحرمني من كل شي ياليت ابوي حنين وطيب القلب والله لا اطيح على صدره واصيح
ولا اخواني اخوي الكبير عنده بنات قسم بالله انه يمنعي اني اكلم تلفون ولا جوال حتى بالنت كان اذا جيت من المدرسه انه يفتش شنطتي يحسبني اجيب له العار ويفتش دفاتر وكتبي كسر بخاطري مره رحت سيرة على بنت عمي واصرت علي اني اجي وقلت لي امي بعد مااقنعتها ابي بس اطلع واشم هواء وقالت امي خلاص واورح انا وامي مشي لي بيت بنت عمي مع الطريق صادفنا اخوي الكبير رايح للبيت بالسياره وهو يشوفنا ويوم وصلت بيت بنت عمي الا التلفون يدق وترد بنت عمي الا اخوي داق وبنت عمي افهمتها وهي تسكر التلفون بوجه احرجني قدامها يوم رجعت للبنت وش لقيت تعرفون سلك التلفزيون لقيته بجهزه وهو في شقته عند زوجته ويناديني وانا اروح عنده الا يوم شافني ويطيح فيني ضرب بالسلك علشان رحت سيرة على بنت ليه طيب انا سويت شي محرم علشان كذا مو كافي علي ضرب ابوي لي واهانته تجي انت يااخوي تزود علي جرحي ولا بعد يمنعني من اني اجلس مع بناته وكل ماشافني جالسه مع بناته يروح ويجي وينافخ ويعصب مره طفشت بالليل وقلت ابي اروح عند البنات افضل من اجلس لحالي واورح الا بناته جالسين على النت تخيلو الي يمنعني اجلس على النت ويخلي بناته جالسات على النت وهم صغار ماتعدو العشرين وانا اجلس الا هو جاء ويشوفني وكل شوي رايح وجاي الا شوي مرسل زوجته تقول اخلصو عطوني الكونكت انا فهمتها وسكت ونكسر قلبي ودمعت عيني ومسحتها ومحد شافها ولا زوجات اخواني الي يحسبوني اغار منهم زوجت اخوي الي اسوي معاها شغها بالمطبخ واساعدها بالمناسبات اخر شي تضربني وتنشر بين الناس اني انا ضربتها ولا زوجت اخوي الثانيه تمشي بين الناس وتقول انجنت بعد طلاقها انا مجنونه الحين اتهموني بالجنون والله يابنات واصله السالفه برا الرياض بعد وغير زوجت اخوي الثالثه بعد تقول اني انا وسخه ورمه وماني رعية بيت ولا زوجت اخوي الرابعه تقول اني ابي افرق بينها وبين زوجها وكل مااجيت اسولف معاها راحت تقول سوالف تغث زوجي يبكي علي يوم فارقني زوجي جاب لي وجاب لي تحسب انا اغار منه انا ويني وين الغيره ولا اختي الي كل ماقلت لها جاني خطيب وش رايك فيه قالت انتي منتي راعية بيت انتي مااحفظتي على الاول تبين تحافظين على الثاني ولا بنات اخوي الي افضحوني وانا عمتهم ولا قصرت معهم اتهموني حتى بالجنون كل مااجونا ضيوف وجلست معهم راحو زوجات اخواني وبناتهم ينطلون علي كلام انتي تكشخين تعرضين نفسك علشان يخطبونك انتي جيتي تسلمين علشان يقولون طيبه وتحب الناس الحين ليه ياناس ليه وانا عمري 11 سنه بصف سادس ابتدائي وانا همي معاي كان اخوي الكبير يضربني اذا جيت العب مع البنات والعيال في الحوش وانا عمري 11 سنه ليش انتي كبيره خلاص وانا حتى موباين اني كبيره الين صرة مااعرف العب بس جالسه لحالي وابوي اذا شافني مع اخواني جالسه جاني وضربني قال لا تجلسين معاهم وانا كنت عفيفه ماادري عن شي الين صرة وحيده وحيده ياناس امنعوني اني كلم احد كنت اكلم بنت عمي الين جت زوجت اخوي وفرقت بيني وبينها وكنت اكلم بنت عمتي بعد وفرقو بيني وبينها ليه مدري الحين انا وش سويت علشان يصير فيني كذا غير الظلم الي جاني وغير الاتهام الي اتهموني في شرفي الحين انا مكسوره مااعرف اتكلم وان تكلمت بكيت السكوت غلب علي همي ثقل علي همي مو يوم ولا شهر ولا سنه همي من عمري 11 سنه وانا الحين عمري 24 سنه كافي علي ياناس اهمومي حتى الكلام صرة ماعرف اتكلم ثقتي مهزوزه كل ماشافني احد قالي ماشالله مزيونه وجسمك حلو الحين زيني ليه ماشفعلي عند همي انه يخفف عني الحين ليه جمال جسمي ماخفف عني همومي الوحده اذبحتني دايم جالسه لحالي لا تحسبوني اكذب حتى جهاز الكبيوتر ماعندي اخوي الي منعني عن الكبيوتر شاري كل بناته كل وحده جهاز كبيوتر وانا ممنوع وعلى النت دايم ليل ونهار وانا ممنوع ليه ياخوي ليه
هاذا جهاز اخوي الصغير كل مانام اخذت جهازه ولا طلع جيت واخذت جهازه ابوي بعد مايدري اني ادخل النت لو درا كان ذبحني انا ادخل دايم بالمنتدى واشوف اهمومكم ومشاكلكم والله العظيم ولاشي عند همي انتم تطلعون وتجون انا ماطلع من عطله لي عطله وعرس واحد بس تخيلو السنه كامله مااطلع غير مره مكتوب علي السجن ياليتني داخله السجن الحقيقي كان اسولف واتكلم مع اي احد انا ودي اتكلم ودي اسولف ودي اذا ضحكت اضحكه طالعه من قلبي مو مزيفه ودي ان احد يسمعني تخيلو اذا جلسه بالغرفه وقفلت على نفسي اني اسولف مع نفسي اتخيل ان عندي احد واسولف عليه وابكي واتخيل انه يواسيني حتى اذا حطيت راسي على المخده وسمعت اصوات ضحك بنات خوي نزلت دمعتي قلت ياليتني مثلهم ياناس اظلموني راضيه ياناس اضربوني واجرحوني راضيه ياناس اتفلو حتى في وجهي وراضيه بس القى لي صدر حنوني يستقبلني اذا نزلت دمعتي صدرا احط راسي عليه واشكيله وصدر يعطني الراحه
والله يابنات اني عايشه في عيشه انكم تحمدون عيشتكم اذا فتحت قلبي كله لكم طلعت مافي قلبي مرات اروح لسطح واسكر باب السطح على نفسي واصيح صياحه بقوه بس ارتاح حتى لو يخفف عني ومرات اقعد بالحمام الله يكرمكم ساعه واكثر بعد اجلس ابكي بس وش يفيد الدموع دامني مالقيت من يضمني حتى شوفو التفسير الي فسرته هاذا انا قالت لي اختي عن الحلم ورحت فسرته علشان اعرف بس تحطمت كلي تحطيم من راسي لرجليني قبل شوي رحت لي مطبخ زوجت اخوي ابي معكرونه ميته جوع مالقيت المعكرونه قلت لي الخدامه ابي معكرونه تخيلو وين لقيت المعكرونه في خيشه حقت الرز داستها زوجت اخوي المعكرونه علشان مااجي اخذ حسبي الله ونعم الوكيل والله يابنات وش اقول وش اخلي انا ماابي احد يعطف علي ولا ابي احد يقولي ابي اصير صديقتك لاني مااقدر اكلمها واتواصل معاها حتى الايميل الي داخله فيه بالمنتدى ايميل سويته الاسبوع الي راح ومحد يدري لو درو احفرو قبري ابي منكم تدعولي اني ربي يكتب لي الراحه والفرح امانه معكم الي تقرى همي انها تدعي لي بالراحه