يافراشات المدينة المنورة ولاتهون باقي الفراشات

وعليكم السلام ورحمة الله وبركاته
دار الهجره المنارات ____ الفردوس
وبالتوفيق ان شاء الله
اي خدمات ,,,,

ثانوية الابرار
ثانوية العقيق
بالتوفيق

السلام عليكم يا يااخت زيزفون نصيحه لا تفكري ابدا لا في دار الهجره ولا المنارات لانو دار الهجره مرة قديمه وتدريسهم اي كلام والمنارات اكتريه المدرسات مصاريه وما يفهمو مزبوط غير ازا اخدتي عندها دروس خصوصيه اما في المدرسه مايفهموكي والابرار ازا عندك صحبات روحيلها بس ازا ماعندك لاتفكري نصيحتي ازا كنتي تالته سانوي روحي الصفوه مرة يسهلو الاساله والمناهل كمان مرة ممتازة بس عيب دي المدرستين انو المبنى شويه صغير يعني مو زي المنارات او الابرار او الريان همى كمان معروفين انو حقون فلوس يعني حتى جدول الامتحانات بفلوس بس المبنى مرة حلو وسمعتها طيبه يعني بل مختصر يا المناهل او الريان او الصفوة دول التلاته نفس المستوىا واي استفسار عن دول المدارس انا جاهزة لانو اعرف ناس فيهاوالله يوفقك يارب

والله ياقلبي انا في مدرسه أنوار الفيحاء والله مره كويسه ومره فله
ولاأبلات كمان مره طيببين يعني بأختصار المدرسه مره كويسه
وإذا تبغي أي أستفسار عن المدرسه انا جاهزه ؟؟
وإنتي سنه كم؟؟ وعلمي ولا أدبي .؟؟
أناسنه تانيه وأدبي ...
تحياتي لكِ بالتوفيق ..^_^

ثورة مشاعر
اشكرك من قلبي بس دار الهجره فين مااعرفها

نعناع مديني
شكرا ياسكر بس العقيق ماتنفع لي لأني ثالث ثانوي راحت عليا

لولو ّكاتي
انا كان في بالي الصفوة بصراحه بس مااعرف عنها اي شي لا مستوى المعلمات ولا الطالبات واهم شي سمعة المدرسه ككل ياريت تعطيني معلومات اكتر عنها وانا في ثالث واختى في ثانيه

ألماسه تحب الوناسه
انوار الفيحاء سمعت ان عدد الطالبات فيها كثير صح ؟
مع انهم يعني يقولوا حلوه بس انا ماابغا الزحمه
وانا في ثالث واختي في ثانيه كلنا علمي

فينكم كان في بالي الصفوة بصراحه بس مااعرف عنها اي شي لا مستوى المعلمات ولا الطالبات واهم شي سمعة المدرسه ككل ياريت تعطيني معلومات اكتر عنها وانا في ثالث واختى في ثانيه
وصحيح مافيها مدرسة فيزياء الى الان ؟؟؟
ساعدوني قبل السبت ربي يخليكم