يالله يابنات آخر فرصه للي ماسوو رجيم تبدأ من بكره

1. السلام عليكم ورحمة الله وبركاته..كيفكم يابنات المنتدى الحلوين..

السلام عليكم ورحمة الله وبركاته..كيفكم يابنات المنتدى الحلوين..

بعد تفكير طويل قررت أساعدكم وأساعد نفسي ..بعد أن كلمتني أمي كلام طويل عريض أثر فنفسي كثيرا وخفت على صحتي أكثر..وقررت أمي تساعدنا وتعطينا نظام غذائي نمشي عليه ...طبعا أمي دكتوره ..وبحكم عملها تعرف مدى خطورة السمنه على الانسان....غير انها مرت بتجارب رجيم كثيره هي سوتها وقالتلي عليها وكم مره حاولت تساعدني بس مافي مني فايده بس أخرب وأخرب لكن أنا املي كبير هذه المره...وأبغاكم انتو كمان اللي قدتو الامل ان وزنكم ينزل تنسو الاحباط والفشل ونحاول نشجع بعض..انا عارفه ان اول الايام حتكون ثقيله على قلوبنا لكن كل يوم ندخل ونشجع بعض واي وحده تحس انها بتخرب تدخل تفضفض على طول وتحاول تتذكر ان الايام راح تمر وتعدي بالطول او بالعرض ..ولا زم ماتخرب...أرجوكم هذه آخر فرصه لنا ..الى متى واحنا عديمين اراده ومفجوعين على الأكل الى متى الاكل ماحيشرد<<تكلم نفسها برضو..ههه
المهم هذا النظام ببدأ فيه من بكره واتمنى منكم تبدو معي ومدته 13 يوم اللي هو باقي من رمضان وبعد رمضان راح نبدأ فنظام جديد اقولكم عليه اذا خلصنا هذه ال13 يوم على خير...بسم الله نبدأ
أول يوم 17\9السبت
الفطور\تاخذي حبة تمره وكاسة لبن كبيره خالي الدسم وتقومين تصلي..
بعد الصلاه...شريحة توست بر+ بيضه مسلوقه+ حبة طماطم+ حبة خيار
وجبة العشى في أي وقت تحبيه وممكن تلغيها اذا مو جيعانه كلي اي حبة فاكهه تفاحه او برتقاله مثلا
السحور+حبة خياره كبيره تقطعيها على علبة لبن زبادي خالية الدسم او قليله طبعا الخيار الياف بيملي بطنك واللبن كمان يشبع..
بكره هذا أكلنا واذا مر اليوم على خير بكره بكتب لكم اليوم اللي بعده وكل يوم بيومه عشان تكون مفاجأه لكم وماتحسون بالملل
رجاءا يابنات بكره قط لما تصحو من النوم شوفو وزنكم وسجلوه وبعدها لاتوزنو الا وقت ماقولكم احلفكم بالله لاحد يوزن بكره بس شوفو كم اول ماتصحو وخلاصص خبوو الميزان وانسووه الين اقولكم ...
يالله يابنات فكرو فيها واتشجعو ترى كلها 13 يوم واذا مرت معناها بتمر 3 شهور
على فكره وزني 114 وطولي 165 وياريت كل وحده تكتب وزنها يالله اتشجعو شجعوني معاكم