ياليت تتقبلون وجهة نظري

1. بسم الله الرحمن الرحيم


2. انا بس ابي اعرف وش سالفة مكياج مميز


3. تكفون وش مميز مامميز ولي يقهرني انه با ميات


4. والا كرستال تحطها فوق الحاجب ابي اعرف وش تحسون فيه اذا سويتو كذا

بسم الله الرحمن الرحيم

كيفكم بنات وش اخباركم وش مسوين وش اخبار عيالكم واهلكم وجيرانكم<<احب اطمن على الجميع
المهم انا وحده ضايق صدري بصراحه يعني انا ماادري كيف افتح الموضوع او كيف اوصله لكل حرمه او بنت يعني معشر الأناث تكفون يرحم والديكم خففو من المكياج خاصه الظل يابنات انا بكل صراحه اعاني اذا رحت الزواج احس اني رايحه حفل تنكري ماعاد يبان من وجه الحرمه شي والحين طاحو يمكيجون اطفالهم يعني بناتهم على عمر 12 سنه يعني مايكفي انتم ظالمين انفسكم ترحون تظلمون اطفالكم

انا بس ابي اعرف وش سالفة مكياج مميز

تكفون وش مميز مامميز ولي يقهرني انه با ميات

والله مره بزواج كنت حاظرته وكان على اخر ازواج جلست اطالع بامكياج وحده والله والله يابنات بدون مجاملة اني ماادري وين عينها فيه من كثر الظل من اول عينها لين الاذن تخيلو المهم وانا جالسه اطالع الظل والحرمه اللي ظالمه نفسها مادريت الا هي تناظرين وقسم بالله يوم وصلت العدسه أرتعت روعه <<بسم الله علي
والله ماانتبهت انها تناظرني لابسه عدسه نفس لون الظل حتى ضاق صدري يوم لاحظة اني ارتعت مشوهه شكلها بالمكياج ليش كذا ترا المكياج بس تحطينه لتبرزين ملامحك مب علشان تخوفين الناس
حرام والله حرام اللي جالس يصير
هذا كوم والتسريحات كوم تكفون ماودي اتكلم عن التسريحات علشان ما اضيق صدر نفسي...
ولا سالفة الرموش اولا هي حرام وتعتبر من الوصل يعني ملعونه اللي تحطها
ثانيا بالله عليكم اموت واعرف وش تحسون فيه اذا حطيتو رموش بالكرستالات والله مره حاظره زواج
عيشو معي الموقف وحده حاطه روج اورنج وظل اورنج وعدسات اورنج وظل اورنج ورموش كرستال
طبعا اكيد اللبس اورنج انا مااطنز عليها والله اني مااطنز بس ليش كذا قسم بالله اذا غمضت عيونها كنها مفتحه ماادري هي مغمضه ولا مفتحه ترا ماابالغ والله ودي اكلمها اقول ليش تظلمين نفسك
مخليه شكلك كذا....
والا اذا قالو مكياج عروس يوصل الى 3000
كيلو كريم اساس علشان تطلع تلق لق والكحل من اول العين لين الاذن هذا غير الكحل اللي تحت الحين
تسحبه سحب همن تلويه وين وتحط تحته الوان بالله عليكم هذا عروس يعني اذا سويتو كذا حسيتو انفسكم عرايس
حلات الشي ببساطته ولا الحين طايحين يرسمون على الوجه يقالك شي زين ترا هذا وجه مب لوحه فنيه

والا كرستال تحطها فوق الحاجب ابي اعرف وش تحسون فيه اذا سويتو كذا

حبيباتي تكفون لاتخلون المكياج يعلب فيكم وكنكم مهرجين حتى الروج حطي الوان معروفه مب اورنج فاقع يعني قد شفتو شفاه طبيعيه لونها اورنج او بنفسجي فاقع ...
والله مره شفت وحده بزواج حاطه ظل والله بشكل غريب قسم بالله اقول في نفسي كيف تجيها الجرئه تطلع لناس بشكل هذا حاطه الظل كل ابو اللي عندها والحمره حاطتها كلها وقسم بالله انها يوم دخلت القاعه احسبها تستهبل والله العظيم
والكوفيرات هم الربحانين كل ماكثرت ظل زادت 100ريال قال ايش قال مميز والله كوفيره اعرفها شرت لها فله واثثتها احسن اثاث من المكياج اللي تحطه لكم....
بنات ياليت تتقبلون وجهة نظري واتمنى اني ماجرحة احد وياليت تفهمون اني مااطنز او اتمصخر واتمنى اني مااشوف كذا بزواجات ...
وتصبحون على خير...