ياليل حقوق الزوج بس

السلام عليكم ..
كيفكم يا حلوات عساكم دوم متهنين..
انا ابي اخذ رايكم بمشكلتي مع زوجي ..
انا متزوجه لي 10 شهور تقريبا احب زوجي وهو يحبني لله الحمد وبسبب عملي وعمله وظروف اخرى قررنا نسكن عند اهلي مؤقتا حتى تضبط امورنا وهو مو غريب عن العايله عشان كذا وافق المهم..
مشكلتي معاه انو متى ماعصب مني بشغله ولو تافهه يتذمر اني ما اقوم بحقوقه وانو مهمل وانا مقصره معاه !!
مثلا يجي من الدوام وما يلقاني بالغرفه اكون قاعده مع اهلي داخل البيت وبس احسه موجود اجي ومشكلة دوامه متقلب كل يوم له وقت جديد يزعل!
احيانا نجي من الدوام تكون امي طابخه الغدا وحاسبين حسابنا بالطبع بس يزعل مني يقعد يعيرني ويقول لي انتي ما تطبخين لي وكل شي على عمتي!
مره كان بيسافر وطلبني الشنطه اجيبها من المخزن اللي داخل جبت الشنطه وحطيتها بالغرفه ودخلت اسوي فطور رجعت لقيته مجهزها ولما تزاعلنا قاللي انتي شنطة سفري ماتجهزينها وهذي من ابسط حقوقي!!
ماادري وش اعمل ؟
والله ملابسه اغسلها .الغرفه دايم ارتبها . احاول اطبخ له قد مااقدر انا احس اني مو مقصره بس هو شكله يبي سوبر وومن !!
ودايم يقولي انا اضحي كثير لأني افوت لك بعض اخطائك !! والمشكله انو مااقدر احاججه لأنها فعلا اشياء مطلوبه علي !!
واذا قلت له لا تعقد الامور وتكبرها على شغلات ماتستاهل قال لي يعني انا مااستاهل حقوقي ما لي حق اطالب فيها!!
والله ذبحني بحقووقه ما يبيني اهفو لو مره واذا قلت له انت تحملني فوق طاقتي قال هذا جزاي اطمح لحياة بيرفكت مع المره اللي احبها ولا تكسرين مجاديفي وتحطمين احلامي!
والمشكله كل هالامور وهالشغلات اللي ع اساس انا مقصره فيها ما تطلع الا اذا عصب مني او تزاعلنا وقمنا نتهاوش!
الحين سؤالي لكم يا متزوجات هل الحياة الزوجيه كذا لا غفران للخطأ مهما كان تافه؟
ولو جا زوجك وماشافك مستقبلته عند باب بيته يحق له يزعل عليك؟
وهل صحيح انو هالامور توافه مثل مااشوفها ولا هو معه حق ؟؟
افيدوني جزاكم الله خير لأني تعبت من تكرار هالسالفه بحياتي ومهما تعاملت معاها باي طريقه ماالقى حل
شكرا والمايك لكم