يا بنات إنتو من جدكم تستخدمون فرد الكيراتين

.
:
:
:
.
.
.
.
.
.
.
.
.
السلام عليكم ورحمة الله وبركاته
انا الحقيقه وحده شعرها مجعد
وماسمعت عن فرد والا تمليس والا صبغ مدري وش الا متضررين منه
طبعا الضرر مو في البدايه الضرر يجي بعد شهور ، ياتلف يا تقصف ياتساقط فضيع
والحين جاانا شي عجيب اللي ينقال عليه
يسمونه فرد ويقولون طبيعي والله اعلم ..
اللي اعرفه ان المواد الطبيعيه والزيوت الخاليه من اي مواد كيميائيه مثل زيت الزيتون
والحنا والسدر والزبادي والاشياء الطبيعيه عموما هي اللي تغذي الشعر وتزينه
وما اقول تعطيه لمعات لا ، اقول تعالج الشعر ويطلع بمظهره الطبيعي الامع
وتعطيه الترطيب وتغذيه
ولكن ماتغير في شكله لدرجة ان المجعد يطلع حرير !
لا يعني كل شعر وطبيعته ويكون على احسن حآل
والاشياء اللي تخلي الشعر خارج عن طبيعته الي خلقنا الله عليها
لابد يكون فيه شي غريب !
مثل الاستشوار ، جهاز تنعيم يخلي الشعر واو بس مع كثرته تتلفه
والا الفرد !
والا كوي الشعر ، عاد هذا وشلون ما ادري بس سمعت
يعني اشياء تجرب الشعرن انه يخرج عن طبيعته الى حال اخرر
بس النتائج بعد فتره تكون غير مرضيه ..
هل بيختلف الكيراتين عن الاستشوار او انواع الفرد الاخرى والتلميس ؟
انا ما اطعن في المنتج ، انا ماجربته اصلا
ولكن وش هي الماده الطبيعيه اللي في هالمنتج تجعل الشعر ب هالجمال اللي نتمناه ؟!
هل له اضرار مستقبليه ؟
يمكن افرح به شهر شهرين . بعدين احصل شعري تالف و منتدهي مره !
بليز افهمو قصدي ، بدون اي ردود جارحه او سيئه
انا وحده تعاني من شعر اجعد وودها تشوف شعرها حرير طبيعي
بدون استشوار ولا فرد ،
الى الآن ماقريت الا رد واحد وضحت فيه احدى الاخوات ان صاحباتها في الجامعه
تضررو من الكيراتين .. والله اعلم
شي ابي نفهمه ونتناقش فيه ..؟
وقفه ...
وياعزيزتي الخبيره او المندوبه لمثل هالأنواع سواء كان فرد او علاج او اي منتج مهما كان
هل من الممكن ان تكوني صادقه مع الله ثم مع اخواتك العضوات بحيث تبيني اضراره قبل فوائده ؟
ولا تنسي انه العضوه اللي تضررت منك راح تدعي عليك من قلبها .
فقط لا اكثر ..
لا احد يزعل من كلامي . بس هذي مخاوفي ومخاوف اي بنت تبي تقدم على منتج معين
ممكن يطيرها فرحه او يموتها قهر ساعتها ماينفع الندم ..