يا بنات جدة تعبت و انا أدور على خياطة زي الناس ساعدوني

و الله صارلي انا و الوالدة ست اشهر و احنا ندور على خياطة زي الناس
لأن اللي تخيطلنا دايما تركت البلد
أنا اقول لكم شيء
و احنا نلفلف اكتشفنا ان اغلب المحلات المعروفة زي نوارة و مدري ايش حرامية!!
يعني لو ايام فرحي خيطت عندهم و انا عروسة ممكن، بس ان الأسعار تبدأ من 2500 لفستان سهرة عادي و دغري لا منفوش و لا انه حق جهاز عروسة.. صعبة شوية!
و انا مجتمع اهلي ان ماحد يلبس فستان سهرة حق افراح عند نفس الناس أكثر من مرة.. يعني تخيلوا الخساير!
يعني احنا خلقة بنستثمر في أقمشة ممتازة من اللي المتر ب500 و 800 و كمان فوق هذا احط 3000 و فوق على الخياطة؟ ما ابغى الصراحة..
و احنا ما نحب الجاهز لأن الجاهز في اغلب البوتيكات الموديلات حلوة بس تعالوا شوفوا نوعية الأقمشة.. مرة سيئة! و فوق هذا كله الأسعار على 4000-5000 و من هذا القبيل
يعني انا اهم شيء احتاج خياطة خياطتها نظيفة من جوا و في نفس الوقت اسعارها معقولة.. شفنا كذا مشغل يخيط الفستان ب800 ريال بس الخياطة من جوا ما كانت نظيفة و الشغل مبهدل!
نفسي القى خياطة زي اللي كانت تخيطلنا ، الخياطة نظيفة و الفستان ب1300. يعني لا افراط و لا تفريط.
بس للأسف تركت البلد للأبد
تقدروا تساعدوني يا بنات؟