يا بنات مو شايفين ان كل تغيير عدنا نعتبره حمل

السلام عليكم
اني حبيت افتح هذا الموضوع لان بصراحة اني اشوف ان نفسية الفراشات هواي متاثرة بتاخير الحمل
يعني صايرين ننتبه على ادق التفاصيل والتغييرات بجسمنا ونتامل الحمل حتى لو كانت هاي التغييرات قبل موعد الدوررة ب10 ايام او اكثر
يمكن يكون عادي تنتهي هاي التغيرات بالحمل نهاية الشهر
ويمكن تكون لا ما تنتهي بالحمل
نتامل بالحمل كل شهرلايام طويلة وننصدم بعدم وجود حمل بلحظة نزول الدورة
وهاي بحد ذاتها صدمة النا والدليل ان اكثر البنات يقولون انهم يبكون لان نزلت الدورة
وهم كانو متاملين بالحمل وكل اعراض الحمل ظهرت عدهم
شنو الي صار النا يا بنات
تعرفون هاي كلها تاثر على نفسيتنا
تعرفون كل هذا الاحباط الي يجيلنا كل شهر هو سبب تاخر الحمل عدنا
تعرفون ان صحتنا بالدنيا اهم شي
اتركو تاخر الحمل وتوكلو على الله سبحانة وتعالى واستغفروا
وتركو كل الاعراض الي تجيكم كل شهر
ودعي الحمل ياتي متى ما شاء
وما تشاؤون الا ان يشاء الله رب العالمين
ندعو الله ان يرزقنا بالحمل عاجلا غير اجل ونستغفر الله
بس بنفس الوقت نعيش حياتنا وما نزعل اذا نزلت الدورة
اخواتي العزيزات تحياتي الكم وان شا ءالله الكل تنتبه على نفسها
وتذكري صحتك بالدنيا وماكو اغلى من الصحة