يستحق التفآعل شريتى غرض ولقيتيه فى محل ثانى ارخص

ام جوان و جنى

24-09-2022 - 08:58 am

هلا خواتى الفراشات جبت لكم موضوع نتناقش فيه لتبادل الخبرات
والاستفاده وطبعا واضح من الموضوع
انا دايم اشتري اغراض البيت من بنده وطبعا بنده يكون فيها عروض
وقلنا خلنا نغير ونروح السيفويه اسواق التميمى بحكم انها تكون
مفتوحه الى الفجر وايضا لوجود العروض وطبعا مشترياتنه كل شهر
تقريبا نفس المشتريات وتوصل مبالغ بس الحلو ان اسواق
التميمى اذ وصلت مبلغ معين يعطونك كيبون ب 50 ىريال او يخفضون
لك مبلغ معين
اما تجربتى الثانيه فى سنتربوينت الى فى البحرين وخصوصا فى
فى مجمع ستى سنتر شريت طاوله وبعض الاشياء ولما رحت سنتر
بوينت الى عندنه اكتشفت ان الى فى البحرين اغلاء مع انه نفس
البضاعه
اما التجربه الثالثه انى شريت فستان من مصممه معروفه عندنا بلشرقيه وتقول انه
جابته من تركيا وانه مايتوفر منه الا حبه وحده والفستان فخم وبمبلغ
معتبر وتوكلت على الله وشريته وبعد كم يوم لقيت واحد مثله بلضبط
فى مجمع مارينا مول وسئلت البائع عن السعر وبقيت اموت
فرق كبير1900ريال وتقول يجى منه قطه وحده وهومليان فى المحل
بس ماحطيت بخاطري كلمت المصممه وقلت لها الى صاروتفهمت
الوضع واعتذرت ورجعت المبلغ رحت المحل وشريته
والحين دوركم يافرشات عطونا تجاربكم عشان نستفيد ونعرف
المحلات الى بضاعتها ارخص اتمنا تفاعلكم مع الموضوع

التعليقات (9)

بسبوسه با العسل

24-09-2022 - 12:19 pm

وغلا هلا شكوره على الموضوع يا كثر اني اشتري شي واشوفه بمحل ثاني ارحص مره شفت ثوب بالمارينا مول الدمام ب250 بس ماستعجلت ولا اخذته وحصلته عند السعر المانفس ب50 ريال ما تصدقون نفسه اللون الموديل مو شي يقهر او شكثر يلا بنات نبي تفاعل ..................سلام

ام جوان و جنى

24-09-2022 - 01:20 pm

العفو ياقلبى والله قهر وعلى فكره السعر المنافس قريب من بيتى خ بس مافكرت اخذ لى شى منه شكلى بروح اطالع بعد تجربتك
وفعلا نبقاء تفاعل عشان نستفيد

*بسمة الكون*

24-09-2022 - 02:21 pm

انا شريت لعبة لبنتي ب70 ريال يقول ب90 ريال مسوي تخفيض
لقيته بعد فترة في محل ثاني ب35ريال
مرت علي مواقف بس ما اذكر إلا هذا

رمش الخليج

24-09-2022 - 03:22 pm

انا بصراه ماقد صار لي موقف
بس تخيلو اختي شرت بلوزه من مارينا مول 150ريال اواكثر
ولقيتها في محل ثاني ب 70ريال
نصابين انتبهوا

بنوتهـ سنعهـ

24-09-2022 - 04:23 pm

موضوع خطير والله...
انادايم اشتري اكسسوارات او ابواك>محفظه وجزم اعزكم الله
من محلاات معروفه وفالأخير اروح محلات ماهي داخل مجمعات
نفس الي شريته واقل من نص سعرهم !!!

أملوamalلة

24-09-2022 - 05:24 pm

حلو الموضوع يسلموا ام جوان وجنى حبيبتي والاحلى لو الاخوات يذكرون اسم المحلات عشان نستفيد
انا رحت لرويال مول طبعا الرياض ولقيت نفس الفستان اللي كنت ماخذته لبنتي في رويال بسعر 111 بعد التخفيض
ومن البلاد ب40 ريال ونفس القماش قهر حمدت ربي اني اروح ادور في كذا مكان قبل ماشتري

كبريائي هز كيانك

24-09-2022 - 06:25 pm

ياكثر المواقف اللي صارت معاي
احيان اشتري شي وفالمحل اللي جنبه القاه ارخص شي يقهر

the_queen2007

24-09-2022 - 07:26 pm

مااتذكر شي الان
بس اذكر مره رحت للاسواق اللي في الخيام وشفت عندهم امشطت البف اللي اسعاره وصلت 200ريال
تخيلوا بكم لقيته عندهم ب25 ريال والله العظيم انصدمت من السعر بس ماشتريته

ام جوان و جنى

24-09-2022 - 08:27 pm

يعطيكم العافيه على مشاركتكم واين الباقى نبقاء تفاعل عشان نستفيد واذ ذكرت شئ اسدحه لكم
ومشكورين يامشرفاتنه على التثبت الله يسعدكم

نصيحتكم ياحلوات←
حفلة أخوي الصغيرفديته→