يمكن تقدرون ترجعون الماي لمجاريها

ما ادري من وين ابتدي؟؟
بس ذاب قلبي ورب البيت قلت يمكن تقدرون تساعدوني...
من 6 شهور جاء زوجي البيت متنرفز وما بقى شي ما قاله المهم كنت مدهوشه والله ثم والله ان مافي بينا مشاكل وقال خلاص خل ننفصل ليش يا ولد الناس شنو صاير شفت مني شي قال لا انتي ما غلطتي بشي بس انا ما اعتقد اني بحجم المسؤولية انصدمت بكلامه وحسيت ان دنياي وقفت..
المهم رحت بيت ابوي ومن يومها وانا في بيت ابوي بس ما صار انفصال كلمني بعد شهر وحسيت في ندم بكلامه ولي اليوم يعبر لي عن ان يحبني وما بيتركني بس للاسف انه ترك الشقة ورجعها للمالك وحالياً يقول ان يدور شقة مع ان الشقق كثر الهم على القلب بس هو متساهل لان متأكد اني احبه ومتأكد اني موجودة..
وانا بصراحه مليت وانا معلقه وبعد كم يوم ذكرى عقدنا (( ملجتنا)) قلت ابي اسوي له شي مفاجأة هدية اي شي شي يأثر فيه ويهزه ويبين له ان خلاص صبري كمل ولازم تتحرك شي يخليه يجي لي ..
في احد يقدر يعطيني افكار ترجعه وتحسسه ان لازم يتحرك بسرعه..