يمه وينك انا بجنبك قومي

الفراشه رهام 2006

18-10-2022 - 04:15 pm

.. ( يمه وينك ) ..؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا ... دخيلك لاتنومي
من يرتب لي الدفاتر !؟
من يبدّلي .. اهدومي !!؟
.. يمه بدري والله بدري ! آتهجّاها اهمومي !
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه..
مر ..
ودعني ..
وفات !
طفلتك ماعاشت " إحساس" الطفولة !
فاقده في هالزمان ... إحساسها !
شافت إن الصبح... ماتقدر تطوله ..... !
وازفرت .. ونّه ! ورى أنفاسها !
هالليل والورد ..... وذبولهوأحضنت !
لين مانامت ...... على كراسها !
فيه شي ٍ لو قدرت إني ....... أقوله !
حبت ناسها............ كان شفت الناس!
يمه ضميني بنام !
خايفة أبقى لحالي عايشه وسط الظلام!
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك
بس اشوفك .. واسمعك !
ودي لو أقتل بصدري هالسؤال :
يمه وينك !!؟
من تأثري بالابيات حبيت انقلها لكم000

التعليقات (7)

ظما الوجدان

18-10-2022 - 06:33 pm

تعجبني طريقتك في التفكير ، ومن ثم في التعبير
إذ أنّ القلم ما هو إلا خادمٌ لصاحبه
يكتب ما يعتمل بداخله ، ويترجم دمع قلبه ، وخلاصة لبّه
***
سلمت يمناك غاليتي ودمتي بود

صغيرونه دلوعه

18-10-2022 - 07:34 pm

مشكوره على النقل الرائع عزيزتي

زهرة المحبه

18-10-2022 - 08:35 pm

بصرراحه موثره وجعت قلبي كلش ولا حنان الام وحنانه
اذا فقدتيه مستحيل احد يعوضك عنه
الله يخلي لي امي اللهم امين
ومشكوره يالغلا

الفراشه رهام 2006

18-10-2022 - 09:36 pm

ظما الوجدان
الله يسلمك وشكرا على هذا المدح لي والله خجلتيني حبيبتي يعطيك الف عافيه00

الفراشه رهام 2006

18-10-2022 - 10:37 pm

العفو صغيرونه دلوعه 000