يوميآتي بدوون حبيب قلببي تجن اتمنى الكل يددخل

1. يووه ورربي وحشني كثيير ...


2. وجلسست ليين المغررب اذاكرر .. ورحت جلسست معي اهلي ...

الخميس .3\2\1430....
صحييت الصبااح ..
وكان يووم الودااع ...صحيت ومالقيته بالغرفه ..
فاقدته كثيير ..
ترك هالشي فراغ كبير بداخلي .. لان ماكان شي غيره يشغلني ..ويستغل طااقتي..
مر الصبآح ..الظهرر..العصرر..المغررب .. العشآء..
والليل ..وآه يالييل ..
حسيت بشووق ووله ..الغرفه ماتنطاق بدوونه ..اشتقت لجلسته بحضني .. اشتقت للمسه اصباعي عليه
وضحكااتي بسببه ..واحيان اعصب واضربه بسبب تعليقاته اللي تجي بااوقات رومانسييه ...!!
دمعت عيووني من الشووق ..نززلت اول دمعه ..ومسحتهآ..
بس لحقتها الدمعه الثانيه ...الثالثه ..حضنت مخدتي بكل حززن وغمضت عيووني ونمت تقرريباا حوالي
السآعه 2 الفجر ..
الجمعه ...4\2\1430
صحيت كالعآده الصبآح ...قمت ادوره لانه بالنسبه لي روتين يومي ..
بس..
هالروتيين ..آنآ اخترته بمزاجي ..وحبيته ..
يوه .. حبيته شوويه بحقه ..!!
قصدي ..عشقته ..هويته ..لا لا ..اتووقع ادمنته ...؟؟
بس ..
مالقيته حوولي ..وتذكررت اللي صاار ..وكل هالحررمان اللي حصل لي بسبب شي وااحد اللي هوو
الآختبآرات ......................
رجعت انسسدحت على سريري وانا اتامل الغرفه ..واحسس مالها داعي بدونه ..
اشوف الكمودينا ..واتخيله جالسس عليهآ زي كل يووم ويناديني ..!!
واقووم احضنه زي كل صبآح واحطه على رجولي ....وابدأ معه نشااطي زي كل يووم ... بهمسااتي ولمسااتي ..
تنهدت بصوت عالي وبعدهآ ..سمعت اذان الجمعه الاول ..قمت وتحممت ..دخلت الغرفه
وانا لابسسه روب الحماام ..جا في بالي ذيك اللحظه ..
كنت دايم اجلس قدامه حتى وانا لابسسه الروب ..وشعرري مبلل بالموويه ..والمسه واصابعي فيها موويه..
وبحيااته ماقالي شي ..
وبعدهاا تقبلت الامرر الوااقع وذاكرت للاختبارات..ومضىا نهاري حززين ..اسمع تعليقات اهلي .. وابتسسم ..
ومااقدر ألومهم ..لان مااحد حاس باللي بقلبي ..؟؟
السبت ..
5\2\1430
اول يوم بالاختبارات ..يارب سهل لي ..
صحيت الساعه 3 الفجرر ..نعسآنه موت ..لاني طوول الليل سهرآنه ..فكرره توديني وفكرره تجيبني ..
اخذت غفووه لين الساعه 5 الفجرر وقمت بعد التهزيئه ...صحصحت بعدهاا ..
الساعه 5 و20 دقيقه اذن الفجرر ..قمت صلييت بعد ماخلصت مذاكره ( اللهم استودعك ماقرأت وماذاكرت
وماطنشت وماسويت له براشيم ..فردته لي عند حاجتي اليه ..اللهم آمين )

• بدلت ملابسي وكشخت ونزلت تحت وشفت اخواني اللي طالعين لمدارسهم ..

الله يوفقك ميمي ..الله يسسهل اختباراك .. انشآء الله ماتحملينها للسنه الثالثه هاهاها..

• ابتسمت لهم وجلسست انتظر المركبه الفضائيه قصدي الباص الليي يوديني الجامعه ..فجاءه

سمعت صووت ..اي صح هذا صوت الباص .. طلعت وركبت الباص ..شفت الصبايا وسلمت عليهم

• جوجو..شخبارك ميمي ؟؟
• انا تمامووه ..بسس تدررين حبيب قلبيي مو عنددي ..اشتقت له ..
• جوجو ..تدررين انه عنددي للحيين ..
• ياحظك ياجوجو انا من الخميسس ..احسس الغررفه ماتسووي بدونه ..!!
• جوجو .. ههه المهم ذاكري كلها اسبوعين وتردون لبعض ان شاء الله ..
• وصلنا للجامعه ..ودورت قاعتي ..ودخلت فيهآ ..بدا يسلمون الاورق ..

لما استلمت ورقتي .. ابتسمت .. وقلت شكلي بحملها للسنه الثالثه ..
طلعت من القاعه اتسحب ...
الصبايا .. هآه بشرري ؟؟

• زفت والحمد لله ..وبحملها للسنه الثالثه بإذن لله ..!!

طلعت من الجامعه..الساعه 10 ونص ..الاختبار كانت فتره صباحيه .. ولما وصلت البيت بدلت ملابسي
وصليت ونمت علىا طوول ...
صحيت من النوم المغررب بعد التهزئيه طبعآ .. فتحت الملززمه عشان اذاكرر .. قريت فيها شووي..
وطفشت منها وصكيتها ..شغلت اغنييه بالجوال ..آووه من زماان ماسمعت اغاني بجوالي ..كنت اسمع
الاغاني منه وبصووته .. واعيش جووي معه .. يجيب لي الاغاني الجديده والقديمه ..الرومانتيك والشكشكه
بكم لمسه بااصبعي ..!!
الاحد ..
6\2\1430
صحيت كالعاده طفشاانه ..لبست وطلعت للباص ..جوجو صديقتي كان عندها off ..
البااص هدووء الكل يذاكرر .. وانا طفششت ..
ناديت شوشو عشان اسولف معها ..
قالت ..ياحظ جوجو اللحيين مكبره المخده وناايمه ..

• قلت ولا يهمك خلينا نززعجهاا ..

اتصلت علييها وردت علي ..

• صبااحو
• اهليين .. كيفك ؟؟
• تماام .. انتي كييفك وش عنندك قاعده هالووقت ؟

جوجو .. ام وش تتوقعيين اسووي ..

• يووه خلااص لاتذكرريني ..وتعورين قلبي .. طييب ماابي اززعجك .. وقت ممتع .يارب ..

جوجو ..ههه ياللا بايو

• ياحظك ياجوجو للحين حبيب قلبك عنددك مو انا لي ثلاث ايام وهذا الرابع وانا ماشفت زوله ..

المهم .. وصلنا الجامعه ..ودخلت القاعه ..استلمت الورقه ..الاسئله سهله ..الحمد لله ..
وحليت الاسئله .. وطلعت وركبت البااص ورديت البيت ... ونمت ....
صحيت المغررب .. وجلست مع اهلي ..
باباتي .. كيف اختبارتك ..ميمي ؟؟

• الحمد لله مااشييه دعواتك اهم شي ..
• باباتي ..الله يووفقك ..وينجحك ..
• امين .

بعد العشااء صعدت لغررفتي ونمت ....
الاثنين ...
7\2\1430
كان عنددي يووم off ..بعد يووميين عشت فيهم جو الاختبارات .. احساس الطالبه اللي بداخلي ابشركم بدا يصحى ..!!
اتصلت على كم بنت واخذت كتبهم وملازمهم ..وبديت اخطط واصورر ...
وللاسف اذااكر ..!!
اهلي يشوفوني .. ومستغربيين المنظرر ...

• ميمي جالسسه وسط الكتب تذااكر ...!!
• شفتووا كييف الدنياا قاايسسه .. بس شنوو نسووي ..؟؟

شغلت اغنيه ابو نوره ..
ليتك معي سااهر ليل الهووى كله .. وماانوم وانا وانت لااجل الحب سهرااني ..
ترى السهرر مع حبيبك يبرري العله .. لاصررت شفقن ..وهو بالحييل شفقااني ..!!
آه ياحبيب قلبي .. ليتك معي بدل هالكتب اللي شكلهاا يسد النفسس..!!
جلست اتذكرر اول اياامي معه كانت باول ثاانووي ...يعني تقريبا قبل اربع سنين ..
وشلوون بديت اتعلق فييه لما وصلت لثالث ثاانوي ..
وبعد التخررج من الثاانوي ..ماكنت اترركه 24 سااعه مقابلتته ..
وجلسست افكرر فييه ليين نعسست ونمت ...
الثلاثاء ...
8\2\1430
بعد هاليووم off مع الاربعاء .. صحيت السااعه 11 وجلسست اذاكر .. لاني تقبلت الووضع .. طلعت
من غرفتي المغرب ..ورحت جلست مع اهلي ..
يووه من زماان عن هالجلسه ..و قهووه المغرب .. صحيح اشتقت لها ..بس مو كثر شووقي لحبيب قلبي ..

• ياترى شنو حاله اللحين ..باي غرفه جالس ..

ياترى شغال النور عليه والا طافي .. جالس ع الارض او على مكتب .. او تحت السرير .. او وسط الدولاب ..
اشتقت له موت ...
رحت لغررفتي وانسسدحت على سريري .. واخذت كتاابي وجلست اقررى فييه ..
تذكررت حبيب قلببي كان داايم على سريري .. وماارتاح معه الا لما اكوون على السرير ..!!
عكسس جلسستي على كررسي او على الاررض ...!!
بسس وش اسووي كلهاا كم يووم وتررجع لي ان شااء الله ..!!
كملت مذااكررتي ليين غلبني النعااس ونمت ..
الاربعاء ..
9\2\1430
صحيت الساعه الساعه 1 الظهر بعد التهزئيه طبعا ..
قمت وصليت الظهرر ..وجلست شووي لين صحصحت وبعدها ... مسكت كتاابي وجلست اذاكر ..بديت بماده السبت وكانت صعببه كثيير ..
وحاملتها معي من سنه اولىا ..المهم بديت تقريبا السااعه 2 الظهرر ..لين المغرب .. وبعدها رحت وجلست مع اهلي ..وتآقلمت على جوهم
وعلى سوالفهم ..بس مانسيته لانه ع بالي .. ورجعت الساعه 9 وكملت ولما جت الساعه 1 بالليل طلعت من غرفتي
اتمشى ..
وبعددين شفت عمو..معاه واحد يشبه حبيب قلبي .. فزيت .. رجف قلبي .. بس لما دققت بملامحه
طلع واحد يشبهه ..
قالي عموو .. لهالدرجه اشتقتي له ..؟؟

• والله واحشني مووت ..!!

عمو .. ههه طيب كلها كم يوم ويرجع لك .. وحنا مافرقناكم الا عشان مصلحتك ..

• عطيته ظهري ومشيت لغرفتي ... نادني ..ميمي تعالي جايب معي عشاء يجنن .. خلينا نتعشى مع بعض ..

قلت .. بالعافييه علييك .. مالي نفسس
قالي .. يؤيؤ لهالدررجه قافله اخلاقك .. والله احيان احس انك تحبينه اكثثر مني ..

• اي والله قافله اخلاقي .. ولا تنسى انه راابط بيني وبيتك في اوقات كثييره ..!!

قالي .. طيب تعالي آكلي تررى مايدري عنك ولا رااح يدري عنك ههه
قلت .. ماابي علييك بالعافيه .. ورحت لغرفتي ...وانسدحت على سريري .. وجلست افكر فييه ليين نمت ..
الخميسس ..
10\2\1430
كل شي حولي يذكرني بشي .. حتى صوتي وضكتي لك فيها شي .. لو تغيب الدنيا عمرك ماتغيب .. شووف
حالي ..آه من تطري علي ... الاماكن ...
اسبووع كامل من الغياب ...اسبووع كامل من الشووق..
اليووم بديت اركز بمذاكرتي ..لان الياس دخل لقلبي عشان الايام للي طافت كانت كلها off وماشفته..شلون
والاسبووع الجااي كله دواام .. فقلت اشغل وقتي بالمذاكره بدل جلستي كذا ونظراتي للاطلال ...!!
ذاكرت طول النهار .. وجلست مع اهلي العصرر ..بدووا يجيبون طاريه ..وعورني قلبي ..
قمت شغلت التلفزيون واخذت الريموت ...
يووه من زمان عن التلفزيوون ..جالسسه اتذكر القنوات واسمائهم .. واسال اخواني الصغار كيف اغير القناه
وارفع الصوت ..!! .. ماانلاام من زماان عن التسسدح على التلفزيوون ..كانت ايام سبيستوون ..
يالبى ذيك الاياام والبراءه اللي كنت عايششه فيهاا ..
حطيت عل mbc شفت مسلسل خليجي اسمه الساكنات في قلوبنا وبعده.. مسلسل تركي بيت الكواببيس
لاحظتووا الفرق ..؟؟
وبعده هالملسلين المتناقضين جدا جدا .. قمت وكملت مذااكره ليين نمت ...
الجمعه
11\2\1430 ...
صحيت الساعه 9 الصباح .. تحممت وكشخت ..وبعدها طلعت ملابس الاسبوع كله ..لان
مالي مزااج نص الاسبووع ..اجلس انسق ..البلوزه مع التنوره هااذي .. والشنطه هااذي مع البووت هذا ...
وهكذا ..
جلسست اذاكر ..بس هالمرره مو انا لحالي .. كانوا معي اخواني طلاب المدارس ..انبسطت لان فييه كائنات بشريه
تذاكر معي ..!!
بعد الغداء الساعه 2 الظهرر .. طفششت مالقيت شي اسوويه ...
آه ياحبيب قبلي .. والله لو انك عندي كان ماحسيت بالطفشش ..لانك الووحييد اللي تووسع صدرري وتونسني
..!!
صح كان يجيب لي اخبار شينه بعض الاوقات مثل اسئله الوزاره ونتيجتي الخياليه لما تخرجت من الثانوي ..
وعرفت منه رفضي وعدم قبولي بالجامعه.. وموادي اللي احملهم كل سننه.. بالجامعه..
بس مقابل هذذا ..عرفت منه قبولي بالجامعه بالتسجيل الثاني ..ويساعدني بالبحوث والاختبارات ..
وعررفني على عاالم ثااني كنت اجهله ...!!
وبعد ..الافكاار اللي دارات برااسي دخت .. نعست ..ونمت ع السااعه 11 بالليل
السبت .
12\2\1430..
صحيت الساعه 5ونص صليت وجلست اذااكر شووي .. بعدها لبست وطلعت من بيتنا ورحت للجامعه ..
دخلت القااعه الاختباار كاان شووي فييه صعووبه .. بس انا الحمد لله كنت مذااكره .. وحليت كوويسس..
وبعد الاختباار طلعت من الجاامعه ورديت البيت .. ونمت شووي..
وبعددها صحيت عشاان اذااكر E .. لانه ماده الاحدد ..

• تمنيته عنددي في وقت المذااكره لانه كاان داايم يساعدني بترجمه الكلمات الصعببه .. ارريح لي من الحووسه

وسط القواميس وكتب الترجمه ..ذااكررت ليين السااعه 2 وبعدهاا نمت وانا تعباانه...
الاحد
13\2\1430..
صحييت السااعه 6 ونص بعد التهزئيه طبعاا..
قمت مستعجله يووه ماصليت الفجرر ... صلييت بسسررعه ووبدلت ملابسسي واستعدييت ..
جاني الباص ومشينا للجامعه وحنا بالطرريق ..

• سوسو ...جبتي كتاابي سيرره ..؟؟

سوسو ... يووه ميمي والله نسيته .. بس ان شاء الله اول ماارد البيت ارسل فييه السواق ..

• اووكي حصل خيير ..

المهم ..
دخلت الاختباار ..حلييت كان الاختباار يجن ..طبعا انا دفرره بالانجلشش.!!
غششت البنات اللي حوولي..رااعيه فزعه فديتني ..!!
وبعدها ..طلعنا من الجامعه ورديت لبيتنا ...ونمت..
وصحيت الساعه 3 ونص عششان بصلي العصرر واسال اهلي عن كتابي جابته سوسو والا ..؟؟
قالوا لي ماجا لك شي ..!!

• الله يررج ابليسك ياسوسو شكلك نسيتني ..!!

اخذت جوالي واتصلت وماردت علي .. طنشت السالفه ورجعت نمت ليين المغررب ...!!
بعد صلاه المغررب صحيت واتصلت عليهاا ... وبعد ماردت !!
سالت اهلي قالووا .. ماجا لك شي ..!!
المهم قالت لي عمتي هس هس .. روحي ذااكري والكتااب مو لاززم تجيبه اللحيين ...!! تجيبه لك بكرره
بالجاامعه والا ترسله لك بعددين ..

• ام ..مو الكتااب اللي عندها كتاب ماده بكرره ..!!

عمتي هس هس .. ايشش ؟؟ ماده بكرره ..وسااحبتها نوومه للمغررب .. وجالسه تتمغطين وتاكليين ..
وانتي ماتدررين عنك كتابك؟؟
عمتي تررى كتاب قراطيسس .. بعددين الدراسه وصخ دينا .. وبعد يقولون العمرر يخلص والدراسه ماتخلص
ههه...
عمتي هس هس .. وتضحكيين بعدد .. الله يعيين علييك ..
المهم دق جوالي .. وكانت سوسو ..
سوسو .. هلا ميمي .. سوري تااخرت علييك بس والله الساايق ضييع بيتكم ..
واللحيين انا جاايه معه ..

• لا عسوله حصل خيير

سوسو .. المهم اطلعي لي واخذي الكتااب .. انا انطررك عند الباب ..

• اووكي ... وانززل اخذ كتاابي .. واصعد اوريه عمتي هس هس .. واروح لغرفتي ..

وافتحته واجلسس اقرا فييه شووي .. واطفشش منه لانه المااده كانت طويله ..وانا اسكرر الكتااب ..
واجلس اغني ...
مشتااق لك مووت يااللي طوول غياابك ..ذبحني الشووق وانت عني مو داري ..
اتذكرك كل يووم وامووت واحيا بك .. واقوول ويينك .. تجي وتسال عن اخبااري ..
مشتاق ..
تسالني النااس عني كيفهاا اخبااري .. اقوول بخيير وماني بخيير يالغالي ..
كنت نعساانه وحسست بالاغنيه ..هع ...
الاثنين
14\2\1430...
صحيت السااعه 6 وقمت لبسست ملابسسي وكشخت ... وطلعت من بيتناا ..وحنا بالطرريق للجامعه
اسمع اغنييه واحشني مووت ..وعاايششه جو واتذكرره واتخييله ..وه فديته حبيب قلبي ..المهم .. وصلنااللجامعه..
و دخلت القااعه .. وانا متوهقه ..لان بجدد مافتحت الكتااب .. شفت ورقه الاسئله وانبسطت ..
لان الدكتوره جايبه 15 فقره صح وخطا .. طبعا هالسؤال سهل بالغشش ..
وجالسسه اتلفت ادورر بنت دافوره اغشش منهاا ..
ولسووء حظي كانت المرااقبه سعووديه ...

• انتي ياللي هنااك عينك بورقتك ..>> سوويت نفسسي ماسمعتها

وتجي تمششي وتوقف على رااسي ...

• اتووقع قلت عيينك بورقتك ..
• حاضر استاذه ..

المراقبه .. وش مادتك ..

• سيرره ..

المرااقبه .. يؤ الحمد لله والشكرر احد مايعررف سيره الرسوول ...

• لا وابشررك حاملتها للسنه الثانيه ..

اسمع ضحك البناات بالقاعه ...!!
تناظرني بنص عينها .. وتمششي وتخليني ..
المهم اطنشها .. واكمل حل ليين خلصت .. واطلع من القاعه، واطلع للباص واررد لبيتنا ...
وانام ..
واصحي .. على السااعه 7 المغرب .. اروح لااخوااني كل وااحد مااسك كتاابه ويذااكر .. واناطفششت مالقيت شي اسوويه
اتصلت على صديقتي شووقه الساعه 7 وربع لما جت السااعه 8 قالت خلااص سكرري برووح
عنددي شغل ..

• قلت .. لا بليز مااعنددي شي اسوويه خليينا نسوولف ..

شوقه .. يابنت خلصت سوالفي وانت اذا شكلك مطووله ..

• ماالت علييك وربي لو حبيب قلببي عنددي كان ماتصلت علييك ..

وش اسووي طفششانه ..والا وش فاايده الصدااقه اذا ماوقفتي معي ..
شووقه .. والله شكلك تبين تسحبيين فيني عششان مااسكرر بسس ..
ياللا بااي ... طوط طوط

• ماالت علييك .. ياشووقه هااذي اخرتها اورريك .. يالدووبه ..

وبعد ماسكررت شووقه الخط بوجهي .. رحت لغررفتي ونمت ...
الثلاثاء
15\2\1430..
يووم off بعد ثلاث اياام متعبه ..
صحييت السااعه 1 بعد التهززئيه المعتااده .... وجلسست اتمغط ليين 2 وبعددها مسكت كتاابي..
وجلسست اذااكر ... وبعد المغرب رحت جسست مع اهلي ..
قالت ماماتي .. والله سووينا خيير لما فرقناكم .. على الاقل صررنا نشووف خشتك ..
وقمتي تنززلين وتخليين بررجك العااجي .. والله شكلي مااراح اررده لك ..!!

• رديت بخووف ..لا لا والله اتسنع وانظمم وقتي احط لكم اوقاات خااصه ..بس لا تفكررين بهالمووضووع

ماماتي .. ان شااء الله بسس قوومي ذاكري ..

• رحت وجلست عند اخوااني ليين ماحطوا العشااء .. تعشييت وصعددت .. وكملت مذااكرره

لين نعست ..ولما انسسدحت ع سريري اسمع صووت هوااء قووي ..
قمت فتحت الدريششه لقييت غباار ..

• ياسااترر عسى يخف الغباار قبل الصبااح ...!!

وانسسدحت وسررحت بخيالي .. لين نمت ...
الاربعااء .
16\2\1430..
السااعه ست ونص للحيين غباار..

• ياربي ماادري البسس شتووي او صيفي .. حنا بالشتاء .. بس الغباار يجي بالصييف ..؟؟

عمتي هس هس .. ميمي رووحي لغررفتك .. مالي مزااج استهباال ..
رحت لغررفتي وانا محتااره .. واخرر شي قررت البسس ربيعي .. هع هع ..
طلعت من البيت وانا متلثمه بطررحتي ولابسسه نظرات شمسييه ..

• ولما وصلت للجامعه .. نزلت اللثمه بس الغباار كان مزعجني شووي ...

غطييت وجهي بالمندديل ودخلت القااعه ... والاختبار كان ززفت وصعب .. والجوو كاان مغببر
يعني النهاار بكل مافييه اغببر ... لان تعبت شووي من الغباار .. ورحت للمستشفى واخذ .
اوكسجيين .. ورديت البيت وارتحت بغررفتي .. وتذكررته وتذكرر الاياام اللي كانت تجييه فيروساات
وشلوون كنت اتضاايق عليه ...يوه وربي اشتقت له مووت ... المهم غلبني النعااس وانا
افكرر فييه ونمت ...
الخميس
17\2\1430...
صحيت السااعه 1 الظهرر .. الحمد لله مافيني الا العاافيه
بدييت بمذااكره اخرر مااده .. والحمد لله مابقى شي واخلص ...واليووم بكمل 14 يووم ..

يووه ورربي وحشني كثيير ...

وجلسست ليين المغررب اذاكرر .. ورحت جلسست معي اهلي ...

• هاه يااجمااعه انتوا على وعدتكم والا .. السبت بعد مااطلع من الدواام .. اررجع لحبيب قلبي
• ماماتي .. انتي خلصي ويصير خيير ..
• لا ماتفقنا على يصير خيير .. اتفقنا السبت نررجع لبعض ..

عمتي هس هس .. ابشرري ولا يهممك بسس انتي ذاكري مادتك ززيين ..

• خلصتها ياليت لو اختبرر بكرره واخلص ..
• وبعدها كملتها سواالف ليين العشااء .. تعشييت وصعددت .. وكملت مذااكره ليين نعسست ونمت ..

الجمعه
18\2\1430...
هنووني هننووني .. ياناس هنووني حبيبي رااجع لي وبتفررح عيووني ..
برجعته لي بتنورر الدنياا .. خلووني اتهنى ولا لا تلووموني ..
واحشني قدد الكوون .. بسس انتوا ماتدروون ..
اخبي في قلبي .. اشوااقي وشجووني ...
ماماتي ... الله لايبلي بنات الاجوااد مابلااك ..

• ههه اميين ..

المهم ترراكم على الووعد ..ولا تخلفوون ..

• ماماتي .. المهم انتبهي لمااده بكرره ولاحقيين خيير ان شاء الله
• وه ان شااء الله نلحق بكرره .. واشووفه فديته جاالس بحضني ..
• الكل ... ههه

ومانمت طوول اللييل افكر فييه ....
السبت
19\2\1430
يوافق 14فبراير .. يوم الفلنتاين ....
نشااط مو طبيعي ... لبسست بلووزه حمررا .. وحطييت رووج احمرر.. وورده حمرا بشعري
وشنطه حمررا >> مدلعه نفسسهاآ.. المهم كششخت وخلصت قبل السااعه 6 !!!
انطرر البااص من السااعه 7 ..!!
ركبت الباص مبسووطه ...

• ياي صباياا اليووم اخر يووم لي بالاختبااراات ...
• يوه يااحظك .. حنا بااقي لي بكرره .. بعددين حركاات يالفلنتااين

جوجو .. اليووم تستمليينه ...؟؟

• اكيد اختباراتي وخلصتهاا .. وش يبوون بعدد ..

ونددخل الاختبار .. وماادري وش الساالفه ااسئله .. اغشش من اللي حوولي .. واطلع للباص
واززعج البناات .. ليين اكتملناا .. وفلينها سوالف وضحك وتمششي ..
وبعدهاا رديت للبيت
دخلت البييت وانا اغنني ..
طاايرر من الفررحه طايير .. قلبي على نار حاايير ..
وحشني شوف الاب توب ...
ماماتي .. عمتتي هس هس .. وينه حبيب قلبي ...!!
اختباراتي وخلصتها .. ياللا عطووني اياه ..
عمتي هس هس .. يااربيي بسسم الله علييك .. وش شفييك ..؟؟

• مبسوطه ..
• عمتي هس هس ... ههه دووم ان شااء الله ..

طيب سلمي ع الاقل ..
ماماتي .. طيب الاب تووب تلقياه بغررفتك حطيته على سريرك ...
واصعد الدررج ارركض .. وافتح غررفتي .. واشووف على سريري ..
وارركض احضنه >> فلم هنددي ...!!
ماماتي .. ميمي وانا امك انهبلتي ... حااضنه الاب تووب ..

• يووه ماماتي ورربي وحشني ..

ماماتي .. طييب ناامي ارتااحي ولاحقه علييه ..

• اي والله حدي تعباانه .. بناام واذا قمت لاحقه علييك حيااتو >> اكلم الاب تووب ..

عمتي هس هس .. ههه حالتتك صعببه ...
وانام وقوموني 8بعدد التهززئيه .. واجلس اتمغط لين 9وبعددها انززل اجلسس مع اهلي ..
لما جت السااعه 10 صعدت واستلمت حبيب قلبي ..لاب تووبي ..
مابقى شي الا سوويت ...
فتحت المسسن ...وسولفت مع الكل ..
رحت لشاتي الكتاابي ..والصووتي ..سولفت مع وشلتي والناس اللي فييه..
دخلت للمنتديات اللي مسجله فييها.. شفت وش تغيرر فييه وش اخبار الاعضااء
رحت اشووف القرى اللي عندي بالتريفيان .. والايكارم ..
لعبت بلياردوا ..
قريت الايميللات اللي واصلتني .. وشفت حظي بالابرااج ..
فتحت بروفايلي اللي بالنت لووق .. واللي بالفيس بووك ..
سمعت اخرر الاغااني اللي نزلت بطررب ..
شفت اخرر الفديوهات اللي نززلت باليوتوب ...
كملت شغلي بالسبايس حقي ..
واخرر شي فتحت نظاام الباانر عششان اشووف نتيجتي ...
بس مانززل شي للحيين ..
دعواتكم لي بالنجااح ..
وبس...
وتقريباا كانت هااذي يوميااتي ....
تقبلوا خالص حبي وتقديرري ... ميمي ..