يوميآت حرمة سنعة آدخلوآ وشوفوآ آلحل آلنهآئي لمأسآتهآ

^مجنونة نت^

16-10-2022 - 11:49 pm

كيفكم بنآت.. وش أخبآركم..
طبعآ نقرآ كثير موضيع تنظيم آلوقت و و و .. لكن نتجآهل آلوآقع آللي نعيشه بحيآتنآ.. ولمآ نجي نطبق
نحس إنه تعب.. وآلي يقولون إن آلرجل بينبسط و و و ,, آكتشفت إن مو كل آلرجآل زي بعض وآلغآلبية مآ يهمهم
خلوني آستعرض آلوآقع لكم شوي وأنتم شآركوآ آلتجربة
آلفجر قمتي صليتي رجعتي مآلك خلق لشي تحترين شوي وتقومين عيآلك للمدرسة وهينآ تبدأ آلمعركة
آلصبآحية آليومية.. يعني ربي يحفظهم مآ يطلعون من آلبيت وإلآ صوتك وآصل لسآبع جآر.. وأحيآنآ لمآ أنتي
تطنشين بمزآجك وتطولين بآلك.. جرس آلحصة آلأولى دق وهم مآ خلصوآ.. لآ تقولون قوميهم بدري
أقومهم قبل لآ يطلعون بسآعة ونص.. وبآلليل كل شي مجهزته,, بس أطفآل.. ويمشون بآلحركة آلبطيئة
إلآ إذآ شآفوآ عيونك حمر وشعرك وآقف وبيدك عصآ .. آسم آلله عليهم يجيهم آلسنع ويخلصون بربع سآعة
حتى أتوقع إنهم يزرطون آلفطور زرط مآ أسرع يخلصونه..
طيب رآحوآ آلمدرسة إلآ آلصغير صآحي ومتفضي لك.. مآمآ أبي بطآطس ,, مآمآ وديني آلملآهي.. مآمآ أبغى أروح معآهم,.
ومآ يمديك تسوين شي إلآ وهو مخرب ألف شي .. ويآليت فيه شي بآلوجود يشغله.. لآ رسوم ولآ بلآي ستيشن
ولآ شي أبد.. يحب يكون وين مآ أنتي موجودة ويخرب آللي تسوينه.. وآلحل آلوحيد تنسدحين ع آلكنب وتحطينه في حجرك
وتشغلين له آلرسوم وتسمعين لحنته., ربي يحفظه يآرب.. وهذآ آلصبح عدآ وأنتي مآ قدرتي تسوين شي
ويجي وقت آلطبخ.. وبسرعة بسرعة وانتي تعآنين حقيقة.. تخلصين وتسرقين الوقت سرقة عشآن تتروشين
وتخلصين خلآل خمس دقآيق.. وتقولين أهم شي غسلت أبآطي وشعري.. لأن بزرك بيكون برآ يستمتع بتخريب آلبيت
ويمكن يسوي أي شي يضر نفسه.. آلمهم.. يجون من آلمدرسة.. ويتغدون وطبعآ أتكلم عن آللي دوآم زوجهم شفتآت
زي زوجي.. يعني مآ فيه مجآل تسوين آلصبح خلطة وخبصة لأنه موجود أو نآيم أو أو طبعآ ولآ يفكر يقدم يد آلمسآعدة
البزآرين تغدوآ وخلصوآ .. ويآلله هآت شنطتك وأنتي هآتي شنطتك وتبتدي مأسآة آلتدريس آلين آلسآعة 7 ونص آلعشآء
بدون مبآلغة لين سبعة ونص وإذآ كآن ورآكم طلعة مآ شآء آلله يخلصون آلسآعة خمس..
بعدهآ يآ دوب تعشينهم وتنومينهم آلآ أنتي جآيك آلنوم... بس تقومين مضطرة تسوين شغلك
عشآن بكرآ مآ فيه وقت تسوين شي.. ويآ بنآت هذآ وآقع آللي عيآلهآ صغآر.. وزوجهآ دوآمه شفتآت
آلحل آلأكيد يآ إنك تتحملين وضعك لين عيآلك يكبرون.. يآ إنك تجيبين حبيبة آلكل آلسيدة شغآلة وتسآعدك
وأنآ حقيقة فكرت بآلحل آلثآني وجآري تنفيذه هع هع.. صح آلشغل مآشي آلحين مع هآلوضع وبيتي نظيف وشكلي نظيف
لكن أنآ تعبآنة.. ومآ عندي وقت لنفسي.. ولآ حتى وقت أمآرس هوآيآتي.. يعني يآ لبيت نظيف وآلعيآل تمام وآلزوج طلبآته متلبية وأنآ صفر ع آلشمآل
أو أني أجيب شغآلة تسآعد شوي وأبدآ أشوف حآلي.. أقولكم حتى زوجي آنكسر خآطره علي وقآل رآح أجيب لك شغآلة
مع إنه كآن رآفضهآ رفض بآت.. بس شآف إن آلبيت وآلعيآل يحتآجون أم بدوآم كآمل...
وآلآ شرآيكم؟؟؟ ورحآء آللي ظروفهآ غير ظروفنآ لآ نجي وتتفلسف وتقول فيه وقت.. أنآ أتكلم عن زوج متكي بآلبيت
وعيآل بآلمدرسة وطفل شقي بآلبيت.. غير كذآ أكيد آلظروف تختلف ويمكن يطلع لي وقت..
يآلله انتظر آرآئكم

التعليقات (8)

توأم روحي*

17-10-2022 - 02:26 am

والله ياقلبي مالك غير الشغاله هيه اللي راح تريحك
وانتي تفضي لنفسك وزوجك وعيالك
والله يعينك ويعننا معاك
الله يكون بعوننا بس هذا اللي نقوول

fatooooo

17-10-2022 - 03:27 am

والله معاك حق وزين انه مشكلتك حليتيها
انا عندي ولد وحامل وشغل البيت هلكني فكيف انتي عندك مدارس

حبيبة ابوها ..

17-10-2022 - 04:28 am

حبيبتي فيه خدامات باليوميه يجون
خليها تجيك الصباح من 6 الصباح الى 6 المغرب تخلص كل امورك من مطبخ و تنظيف و غسيل
و انتي خليك مع ولدك الصغير و نفسك
ربي يعينك يا قلبي

عايدوش 88

17-10-2022 - 06:30 am

عجبني وصفج للحياة اليومية حبيبتي ،
عسل و الله
تحياتي ،
قرارج صائب 100%

omkoko

17-10-2022 - 07:32 am

الحمد لله انك لقيتي حل
ان شاء الله كل امورنا لها حل باذن الله

ريم البراري

17-10-2022 - 08:33 am

فعلا لة انا بوضعك ما فيها كلاام اكيد بجيب شغااله

عشووقهـ

17-10-2022 - 09:34 am

الله يعينك ..
عن جد لازم شغالة بس لو تجيبي شغالة باليومية احس اريح لك وخصوصية اكثر والقرار في النهاية يرجع لك ...

دلوعه وغيوره

17-10-2022 - 10:35 am

الله يعين

الشغالة والصراصير←
نصائح للاهتمام بملابسك الشتويه قبل تخزينها→