يومياتي لازم انحف قبل الإجازة

السلام عليكم
كيف حالكم عساكم بخير
اكيد رجعت بعد غيبه عن هذا القسم
وكل مره تشجع البنات وندخل قروبات ونخربها
وكل مره نقول خلاص توبة
مو مهم الفشل المهم الاستمرار في المحاوله
وانا اليوم رجعت اشجع نفسي قبل ما اشجع غيري وناوية كل يوم ادخل واكتب يومياتي لنفسي
وإنشاء الله يارب تكون هذي المره موفقه لان الوقت ضيق والاجازة قريبه
طبعاً سويت لي رجيم مناسب ومتوفر عندي لاني ما احب الخربطة ورجيم الي كل يوم شكل
هو عباره عن فطور واجمع وجبة الغداء مع العشاء لوقت المغرب
ويكون الفطور / بيض مسلوق وجبن قريش وعيش توست او ربع العيش
عصير برتقال او شاهي
الغداء والعشاء / صدر دجاج مسلوق بدون جلد ( جاهز صدور دجاج مجمده ) وسلطة (خضراء )
و ممكن اغير واخليه نفس الفطور
وهذا الرجيم الي بمشي عليه
وان شاء الله التزم واكتب كل يوم الي يصير معاي
طبعاً عندي سير بمشي عليه لو نص ساعة
ببعد عن القهوة العربية لاني ما اقدر اشربها من غير تمر او حلى
بس الشاهي ما اظن اقدر اخليه
وسلامتكم ادعولي والله يسلمنا من الذواقه الي كل يوم وقت الغداء
واذا في بنات من القروبات السابقة اقولهم معليش سامحونا واتمنى تكونوا وصلتوا لهدفكم