يوم الثلاثاء وحضور السجانه للمدرسه

1. ((حضور السجانه))

السلام عليكم
بعد طول فتره غياب مني للمنتدى قلت ارجع لكم بموضوع صار لنا يوم الثلاثاء

((حضور السجانه))

كل يوم ثلاثاء بالمدرسه تكون عندنا جمعيات حصتين المهم صار ذاك اليوم وقدر الله انهم ودونا المسرح جلسنا بالمسرح لمدة خمس دقايق تقريبا الا ونشوف سجانه تدخل علينا بالزي الشرطي احنا استغربنا ايش حصل المهم جلست السجانه على الكرسي والطاوله قدامها قامت قالت لطالبات جيبوا الطاوله وودها فوق بدأت بالحمدلله والصلاه على رسوله وبدأت بالمحاضره قسم بالله يامعلمات وطالبات قالت لنا محاضره اثرت فينا وعنوانها((فراشات وراء القضبان))تقولنا عن طالبات بنفس عمرنا في السجن تقول من سن عشره ومافوق بالسجن وقالت لنا قصه انه بنت بالصف السادس عندها بنت وليتها بالحلال للأسف انه مو بالحلال والعياذ بالله قالت لنا قصص وهذي حمله على مدارس الخبر اسمها((شواطىْ الامان)) وحاطين لنا صور قسم بالله يابنات انه ذاك اليوم تأثر كل المسرح وكل الطالبات ساكتات ولا كلمه ولمن خلصت المحاضره صار تصفيق قوي من الطالبات والمعلمات وراحوا بنات عندها وقاموا يتكلمون معها بنات طلعوا من عندهم يبكون وبنات فرحانات يقولون نسينا همومنا تقول السجانه انه اكثر ايام يحزنون عليها المسجونات يوم رمضان ويوم العيد تقول يجي يوم العيد ازين لهم المكان احط لهم بالونات اجيب لهم ملابس تقول قاعدين يبكون مايلبسون تقول قبل لااطلع من السجن يحبون يدي يقولون نبي نحس باللي يحسونها اللي عندهم امهات ومستانسين معها الحين وهذي اكثر قصه اثرت فيني لدرجه رجعت البيت وقعدت ابكي بغرفتي ذاك اليوم ماهنالي نوم قسم بالله وانا افكر فيهم وعلى فكره يمكن تمر عليكم يابنات المتوسطه والثانوي واسمها((حنان الدوسري)) وهي طبعا مديرة سجن الدمام
وهذي بعض الاشياء من بحثي في الانترنت عن شواطى الامان
انتقلنا بعدها إلى قسم الفراشات

• (فراشات خلف القضبان)

وقد استضاف هذا القسم
مديرة سجن الدمام : أ.حنان الدوسري
ذكرت لنا العديد من القصص التي واجهتها
في السجون النسائية
وبعدها قامت بالنصح والإرشاد والتحذير
والكل كان مندمج تماماً معها