يوم شفته والتفت صوبي فز قلبي وقال هاونه قصه واقعيه قصيره لا تفووتكم

1. فطوم: يا الله عاد ظبيوه لا تخربين علينا نشي خلينا نستانس .


2. ظبيه: شو جبيلته؟ حصه: رميثي .


3. ظبيه: ماشاء الله عليه واايد يرزف حلو .


4. وقامت ظبيه ولمت كتبها وشلت شنطتها .....


5. ظبيه: بسم الله منج .. أنا الغلطانه إني دقيت لج يله باي .


6. فطوم: سلامه..م ما ادري والله بس اعتقد انه في سويحان .


7. ظبيه: اوكي خلاص يله باي جلبي ويهج .


8. الام: لا حول.... بس لاتظهرين جدام الحرمات بشعرج ............


9. ظبيه: ان شاء الله امايه ..


10. علي : تسلمين .. مع السلامه .


11. lillili أفكر فيه lililili

السلام عليكم ورحمة الله وبركاته
شخباركم بنات عساكم بخير .. ؟!
هذي قصه اماراتيه واقعيه وقصيره .. يعني ما راح تطولون وانتو تقرونها قريتها وحبيت انقلها لكم ... واتمنى القى ردود بعد القراءه ..
اخليكم مع القصه ..
(( يوم شفته والتفت صوبي .. فز قلبي وقال هاونه ))
للكاتبه : منطوق قلبي
في جامعة الإمارات بالتحديد في الكوفي ها وس.. البنات يالسات على الطاوله دخلت عليهم حصه ومعاها كيس ....
حصه: مرحباا بنات ... ايه بنات بنات .....!!
لطيفه: هاه شعندج ..
حصه: مالت عليكم انا يايبه لكم شي وايد حلو وايد ..!
فطوم : شوه؟ قولي عاد .
حصه: يايبه شريط عرس ولد يرانا وفيه كل المزاين .
لطيفه: قولي والله .................. يالله نروح نشوفه .
فطوم: يا الله بسرعه قبل لا يخلص البريك .
حصه: أوكيه بس .. وين بنشوفه ؟؟ فطوم :في اللابات.!! لاب 25 فاضي دوم البنات يشوفون اشرطه هناك ..!!
لطيفه : سلامي ع فطوم اللي عندها العلوم كلها .
فطوم: عيل شو تتحرييني خديه شرااتج.؟ حصه: أوكيه فكونا عاد ويله نشن .
وقاامن البنات بيروحن اللابات عدا ظبيه ربيعتهم اللي كانت ساكته طول الوقت ..!!
لطيفه: ظبيوه؟؟!! ليش يالسه مابتروحين ويانا .؟؟ ظبيه: سمحوا لي بنات تعبانه ومالي بارض .!!
حصه: شو تعبانه.. حرام عليج نشي شوفي الشريط معانا ..

فطوم: يا الله عاد ظبيوه لا تخربين علينا نشي خلينا نستانس .

ظبيه : ادريبكن ما بترحمني .. بس عندي كلاس بعد نص ساعه يعني ما بطول ورايه درب .
وراحت الشله ( حصه,فطوم,لطيفه,شمه, حمده وظبيه)اللابات وسحبن الكراسي وشغلن الشريط ويلسن البنات يشوفون الشريط وكان العرس واايد حلو واللي فيه احلى فطوم: بنات بنات .. شفتن اللي لابس كندوره كركميه.. عنبو محلاته ..
لطيفه: هيه ماشاء الله عليه غاوي .
فطوم: غاوي إلا يهههبل.حصوه منو هذا؟؟ حصه: واحد من رواعي المنطقه الغربيه .
فطوم : حصوه عيال بن صويلح ظاهرين في الشريط؟ حصه: لا مايو العرس كانوا رايحين عرس في الهير .. مع ان يايبين فرقة بوصلاح .
وكملن البنات تعليقاتهم ..على منو هذا وطاعوا هذا ..ومن وين فلان وكيف يرزف ومحلاته ..... الخ ظبيه ملانه ومالها خاطرلشي وفجأه شافت واحد ظهر في الكميرا ويلست اتشوفه.. عيبها وايد وحركانه حلوه وهو يرزف ومر الوقت ..
فطوم: ظبيوه ماعندج كلاس الحين؟؟ ظبيوه: هيه بس الظاهر اني بطنش المحاظره .
ويضحكون البنات ويكملون شوفة الشريط............ غنت الفرقة اغنية عيضه.(أهمه) نشو الشباب كلهم يرزفوون وظبيه بتموت وتعرف منو هذا اللي يرزف .
ظبيه:حصوه منو هذا؟ حصه: أي واحد.؟ ظبيه: اللي لابس غترة حمرا هذا اللي يرزف مع اللي طاوي السفره ..
حصوه : أوه هذا سعيد .

ظبيه: شو جبيلته؟ حصه: رميثي .

ظبيه: ماشاء الله عليه واايد يرزف حلو .

حصه: لا تتخبرين ما شالله عليه حتى هوه حلو فطوم : لازم رميثي ........ الحلاة إلا من عقبهم ومر الوقت وخلص الفلم ونشن البنات وراحن البنات الكوفي وظبيه بعدها اتفكر في سعيد اللي سحرها برزفه وحركاته..كانت سرحانه ومب حاسه بعمرها .
لطيفه : ظبيوه..ظبيوه.. شوما بتروحين البوابه؟ وإلا بتيلسين مع البنات لين الساعه 8 شرات كل يوم ثلاثاء.. التيووز دي مال البنات؟ ظبيه: لا لا بروح البيت تعبانه ومالي خاطر بصراحه .

وقامت ظبيه ولمت كتبها وشلت شنطتها .....

ظبيه: بنات حد منكن عندها شريط عيضه اليديد؟ فطوم : لا ما عندنا روحي عند هاذيج الشله يحطون عند طاولتهم فوق الست مسجلات وكل الاشرطه تقولين تسجيلات واكيد بتحصلينه عندهن .
وراحت ظبيه صوب الشله وحصلت الشريط عند روضه وظهرت من الكوفي رايحه صوب بوابة العين وهي تسمع اغنية عيضه اهمه وكل ما تخلص الاغنية تعيدها من اول لين ما وصلت البوابه وراحت البيت وهي بعدها تفكر في سعيد الرميثي وهو يرزف ع الاغنيه .....
lilili البيت lilili
سلامه:ظبيوه شبلاج من ييتي من الجامعه وانتي يالسه في الحجره وتسمعين عيضه .
ظبيه:مابلاني شي شفت اليوم شريط عرس يهبل .
سلامه:قولي والله شو حلو؟ ظبيه: لا تتخبريبن. إلا رهيب. فطوم ماتت ع واحد من المنطقه الغربيه.. بتموت وتعرف رقمه ..!!
سلامه : فطوم امبونها رمسه لكن ادريبها مابتتصل به .
ظبيه: بس بصراحه العرس وايد حلو فيه واحد اسمه سعيد الرميثي من رواعي السمحه.. ماشاء الله عليه وايد حلو.. والله ايخليه لهله .
سلامه: وين مستوي العرس؟ ظبيه: ما اعرف والله صبري بتخبرفطوم .
وخذت ظبيه تيلفونها واتصلت حق فطوم ربيعتها الروح بالروح ...
فطوم:ألوه مرحبا السااع ..هلا والله بهل فلي هزاع ..............
ظبيه: ههه ........... هلا والله علومج..؟ فطوم: ظيبه.. هاه شوه في خاطرج؟ توني امفارقتنج !

ظبيه: بسم الله منج .. أنا الغلطانه إني دقيت لج يله باي .

فطوم: حوه شعندج... مره ماصدقتت البنت ...ظبيوه ليكون تيلفونج ما فيه رصيد ... الله ايعيني عليكم قوم البطاقه المدفوعه ..............
ظبيه: مالت عليج احينه أنا قوم البطاقه المدفوعه و مع هذا اتصلبج و انتي يا راعية الخط ما تتصلين ............ المهم وين مستوي العرس الي شفناه في الجامعه ؟ فطوم : ليش يعني .............. شي في خاطرج ظبيه: لا ماشي بس سلامه تبا تشوف الشريط ..

فطوم: سلامه..م ما ادري والله بس اعتقد انه في سويحان .

ظبيه: اوكي خلاص يله باي جلبي ويهج .

فطوم: ههه باي و قالت ظبيه لسلامه تيب تيلفون البيت وراحت سلامه ويابت التيلفون لين الحجره واتصلت ظبيه حق البداله وخذت رقم استيديو الوسام واتصلت به لكن ما حصلت الشريط العرس عندهم وعقب اتصلت حق مركز التسجيل وحصلت الشريط وطرشت الدريول وعطته فلوس عشان اييب لها الشريط .....
هذا عاد الجزا الاول ويوم ثاني بقولكم الي استوا ويا الربع lilil الصدفة العجيبة lil
وتمر الايام والشهور وظبيه بعدها اتشوف الشريط وتتذكر سعيد الرميثي في كل لحظه.. ماكانت تقدر تنام لين ماتشوف الشريط وحفظت شكل سعيد.. ... ... وتمر الليالي ويهل عليهم العيد سلامه: ظبيوه خلصي بسرعه .. ابويه وحميد وخليفه بيون الحين من الصلاة وانتي بعدج ..
ظبيه: صبري......ها .. خلصت شوه بلاج كنت اتعدل ..
أم ظبيه: سلامه .. سلامه .
سلامه : لبيه امايه ..
الام: ظبيه ليش فاجه شعرج الحرمات بياكلونج وبيضربونج بعين..روحي لفيه ...
ظبيه: حرام عليج امايه .. امس بت عند الافراح اعدل شعريه واتكشخ والحين تقول لي لفيه ..

الام: لا حول.... بس لاتظهرين جدام الحرمات بشعرج ............

يلست ظبيه اطرش مسجات حق ربيعاتها واتصلت بها فطوم وقالت لها انها بتيها البيت .. وراحت عند امها في الميالس ..و كانت امها ماسكه المدخن تتدخن .....و قالت حق امها ان فطوم بتيها ظبيه: امايه عطيني المدخن بتدخن ريحة عودكم حلوه .........
ام ظبيه: ظبيوه عقب ما تتدخنين وديه صوب الممر وخليه هناك ايفوح عالريايل اول حدرتهم ..

ظبيه: ان شاء الله امايه ..

وراحت ظبيه و حطت المدخن عالطاوله في الممر .وفجأة سمعت صوت حد يقول ..هوود .... هود.. ويوم لفت ويها وقف قلبها يوم شافت الي رمس ...... كان سعيد الرميثي و من الصدمه ما عرفت شوه اتسوي و نست انها بلا شيله و عباه ...... طاحت عينها في عينه.. وتصنم الريال من حلاتها .. ما كان ايريد ايشوفها بس ما قدر ينزل عينه من حلاتها.. فجاه ربعت ظبيه وسعيد ايطالعها و يشوف شعرها وراها كان فخاطره ان يمسك شعرها .... حس ان عيونها فيهن شي غريب ... بعدين دخلت عليه امها و رحبت به وقربتبه في الميلس .
ظبيه : سلالالالالالالالامه .... سلالالالامه ..
سلامه : هاا بلاج ..
ظبيه: بلاني .. لحقيني .. سعيد الرميثي في بيتنا .
سلامه: منوه سعيد هذا بعد ..؟؟ ظبيه : اللي شفناه في الشريط مال عرس سويحاان ..
سلامه:.. قولي و الله ... هذا كيف يا بيتنا .....
ظبيه: ما ادري... والله اني ما اعرف ما ادري ..... بس و الله انصدمت يوم شفته سلامه: ظبيوه .... بس لايكون شافج؟ ظبيه : لالا ما شافني ....... بروح اتصل بفطوم .
جذبت ظبيه ع اختها وماقالت لها ان شافها سعيد ما عرفت ليش بس حست انه احسن ان سلامه ما اتعرف ...... اتصلت بفطووم وخبرتها كل السالفه ........
طلع سعيد من بيت ظبيه.. وهو يفكر بالغزال اللي شافه ..... مب امصدق انه في انسانه ممكن اتكون حلوه لهدرجه ... ما قدر سعيد ينام ذاك اليوم ..... كل ما اتخر عينه يتذكر ظبيه و حلاتها لدرجة انه صار يتخيل انه يلمس ويها ..... يلمس شعرها .... حاول انه يتخيل غزالة احلامه و هي تظحك ..... و هي ترمس ...... و هي نايمه ......
lililili آآآآآآآه يا علي lilili
في المركز الدولي في العين..الشباب متيمعين هناك ...
علي : هلا بو عسكور وين محد يشوفك؟؟ ..
سعيد: والله الا في الدار ............. انته عولمك..؟؟ علي: تمام .. هاه شبلاك ..؟ تعبان .. . ؟ سعيد: آاه.. يا علي لو تدري بحالي جان عذرتنيه ..
علي : رب ما شر بو عسكور ..
سعيد :
بان الفجر واسفر علي ساهر الليل ..
وأنا الذي من طل ليلي أعاني ..
كله سبب سود العيون المظاليل ..
ذاك الغزال إللي وداده شجاني ..
فزيت له واقف على حسن تدليل ..
وصغيت القوافي ثابته من زماني ..
عيني يشوق لها حسين التعازيل ..
اللي كساه الزين بين الغواني ..
خده كما البراق لو جابع بشيل ..
والعنق عنق اليافلي الدماني ..
والعين تعشق فايج الزين وتميل ..
ع ما يحب القلب في كل شاني ...
والشعر طايح على المتن ويميل ..
يسعدك شوفه بالصدفه لو ثواني ..
……………… آاه ياعلي ..
علي : أفا و الله يا بوعسكور ........... من ورايه..؟ سعيد: والله ياعلي من يوم شفتها وأنا ميت عليها ...
وهذا بعد الا جزا وبعدين احطلك الباقي علي: انزين عاد منوه؟؟ سعيد : ما اعرف اسمها بس هي أخت خليفة الظاهري ..
علي : أي خليفه..؟ سعيد : خليفه.... ربيعنا اللي في فلي هزااع ..
علي : قول والله .. انزين ... انزين تعال .. انته وين شفتها .. ؟؟؟؟؟ و قال سعيد حق علي كل شي استوى يوم العيد في ميلس قوم خليفه علي : ما يهمك بوعسكور .... حلك عندي .... انته عطني بس يومين ...
سعيد : علي؟ شوه بتسوي .... ايه لاتفظح البنت تراها خت ربيعي .....
علي :افا عليك و الله ... بس كنت اريد اييب الك معلومات عنها ....
سعيد: كيف ..؟ علي : اعرف وحده من فلي هزاع بتخبرها عن هالبنت ...
سعيد :بس انا ما اعرف اسمها علي : عادي .... و رفجت بوخليفه لاظويلك الاسم و الرقم ان بغيت lililililili الملاك lililililili علي يتصل حق ربيعته ........
علي : مرحبا بج الغاليه.. شحالج ..؟ روضه: هلا والله بهالصوت غريبه متصل ..؟؟ علي : والله كنت شوي مشغول ..
روضه : يا الله الحمد الله سمعنا صوتك ..
علي : أقول أأأأأ ....
روضه : هاا شو أطلب ..
علي : أباج تسألين عن وحده من فلي هزاع ..
روضه : والله بنات فلي هزاع وايد وانا اشدراني منوه اللي تباني اسأل عنها ... ؟؟ علي : بعطيج أسم أخوها ..
روضه : أوكيه شو اسمه؟؟ علي : اسمه خليفه بن فلان بن فلان الظاهري ..
روضه : شوه هاي وحده يديده تبا تتعرف عليها..؟ علي: ههه.... .... أفا انا اتعرف ع بنات.. حبيبي حبي الاول نعم انته ولا غيرك.... مكانك داخل فوادي ولاحد حاز تقديرك .. أنا احبك أنا ودك ....
روضه : ههه بسك ... ادريبك .. دهان سير هاه..؟ علي : شو الحين بتسألين وإلا لا ..؟ روضه : أوكيه الغالي بسأ ل تآمر بشي ..
علي : لا سلامة راسج .
روضه : بتصل لك أنا مع السلامه ..

علي : تسلمين .. مع السلامه .

lillili أفكر فيه lililili

ظبيه: صباح الخير امي الام : هلا بنتي ها متى بتردين اليوم من الجامعه ظبيه:مادري يوم بخلص بتصلبكم مع السلامه الام: الله وياج ويوفقج في الطريق ظبيه وسلامه مع الخدامه والدريول رايحين الدوامات سلامه: ظبيه بلاج ساكته ظبيه: مادري خطر في بالي سعيد الرميثي سلامه: الله الله عالصبح شو الظاهر قمنا نحب والله عجيبه ظبيه : ههه سلامه نزلي يالله وصلنا مدرستج سلامه وهيه تظحك: ..فكري فكري بسعيد مالج ظبيه وسلامه : ههه تنزل ظبيه وادش الجامعه وتمشي رايحه الكوفي هاوس وتشوف ربيعاتها كلهم على الطاوله ظبيه: صباح الخير...شحالكن بنات ..عساكن بخير حصه + لطيفه + فطوم + شمه + حمده: صبااح النور فطوم :ها ظبيه اخبارج؟؟؟ ظبيه: تمام فطوم: هاعندج كلاس الحين ظبيه:هيه عندي بس عقب نص ساعه فطوم :انزين انا رايحه ظبيه: لحظه لحظه بوصلج كلاسج ظبيه وفطوم يتمشون رايحين مبنى 66 فطوم: بلاج احسبج تبين تقولين شي ظبيه : ماادري احس اني احبه فطوم: اها منوه؟؟؟؟ ظبيه: سعيد الرميثي وتبى فطوم ترمس وتقاطعها ظبيه وتقولها اشوفج بعدين باي .
ظبية الظاهري سعيد في الدوام وتفكيره كله في الملاك اللي شافه وتمر الثواني واللحظات والساعات ويرن تلفون سعيد..وحاط نغمه (( وش الذي عيني تشوفه ..وجه القمر اومطلع الشمس ))
ويرد سعيد: ألوه ....
علي : هلا مرحبا الشيخ ...
سعيد : عقب .. عقب سلم عليه الحين قول لي شو سويت ...
علي : مب قلت لك قبل.... أعجبك أنا افا عليك ...
سعيد : قول لي يا الله عاد ..
علي : أسمها ظبيه وتدرس في الجامعه كلية علوم أنسانيه و الاجتماعيه... و ... .,,, و ,,
هي اكبر وحده من البنات و عندها اخت بس صغيره .. يعني بنت مداارس .. الخ وقال علي حق سعيد عن كل شي ..... ...
سعيد : فديت اسمها انا ....... والله انها ظبيه ...ووالله اني احبها احبها ...
علي : يا الله عاد انته عليك الباقي .. انا اللي علي سويته ..
سعيد .. علي انته شو تقول ؟؟!!.. ... كيف تتوقع اني ممكن اغلط مع اخت ربيعي خليفه ..
علي : انا ما قلت لك أغلط معاها والحب مب عيب ..
سعيد : عيب والله و اكبر عيب ........... ما ربينا ع هالسوالف .
علي : عيل عن الحشره من شهر و انته حاشرنا واحبها ,...انزين ربك البنت تحب حد غيرك .. بعد انته غير شكل ...
سعيد : لا لاتقول جيه ان شاء الله لا .. بموت ... هي ذبحتني .. ونظرتها فيها شوق واشياء وايد والله يا علي .. احبها ..
علي : حوه .. يا ريال شو انته صدق الظاهر تحب ..
سعيد : ما بيدي حيله يا علووه .
علي : لا انته قمت تخورها.. انا علوه .. اصغر عيالك انا ..؟؟ يا الله اجلب بويهك انا بروح القهوة عند الشباب ,, ..
سعيد : اوكيه القاك هناك باي .
lilili لوعات الحب lilili
( ظبيه يالسه في حجرتها وتسمع المسجل ..(لي صاحب خذني بزينه .. عن كل مزيون ورعبوب..... .... وفجأة تيلفونها يرن ..
ظبيه : الوه .
فطوم : الوه هلا ظبيوه شحالج ..؟؟ ظبيه : بصراحه تعبانه .. !!
فطوم : أأ,,,,أوه يضرب الحب شو بيزل ..
ظبيه : فطوم عن الغلاسه عاد .. حسي .
فطوم : والله ما حبيت علشان احس ..
ظبيه : فطوم ... ... أحبه .
فطوم : جديمه من شهور وانتي تقولين هالكلام ..
ظبيه : فطامي حرام عليج عااد حسي فيه ... والله احبه .. وما ادري شو اقول لج ..
فطوم : ظبيوي ....
ظبيه : فطوم حرام عليج لا تكسرين مياديفي ..
فطوم : لا في سفينه نحن .. عقلي .. شو بلاج الريال مب حاس فيج ولا يعرفج وانتي متعذبه ع الفاضي ليش ...؟ خلي عنج هالأفلام الهنديه وعيشي واقعج يا الهبله ...
وتدخل سلامه ع ظبيه وهي تكلم فاطمه ...
سلامه : ظبيه انا وامايه وحرمة خليفه وخالوه وبناتها بنروح نتمشى....... وعقب يمكن نظهر يا الله جان بتخاوينا .. ؟؟ ظبيه: لا مالي بارض .
فطوم : ظبيوه عيوني انا ببند عنج وانتي روحي خففي عن عمرج شوي روحي تمشي معاهن.. أحسن لج من الحكره في الحجره وسماع المسجل ..!!
\ ظبيه : اوكيه فطامي برايج باي .
فطوم : يا الله بيباي .
liliil في العين مول lilili
ظبيه:- سلامه مسكي عويش لا تخلينها تربع عنج ..
عوشه:- عموه.. عموه... أنا اليد الوح الحمام ..
ظبيه :- سلامه وديها الحمام ..
سلامه:- شوه؟! بتبطي.. وديها انتي