يوه زعل الزوج

سلام خواتي المتزوجات
قلت خليني اطرح هالموضوع زعل الزوج .....
تعرفون مره صار لي موقف مع زوجي الحبيب >>> داخله بالعرض
قبل حوالي اسبوعين صار هالموقف كنا انا زوجي تمام التمام ..المهم انا امر بنفسيه شوي متعبه بسبب الحمل وزوجي مقدر هالشيء الله يسعده ...
كنا جالسين وهادين ومافينا شيء بعدين طلب مني اسال جارتي عن شغلة وبما اننا في ديرة الغربة لازم نعرف هالشغله قبل ماتسافر جارتي للسعودية >> راجعه للوطن
قلت له ليش اسالها ماله داعي تقدر تسال زوجها بحكم انك صاحبه اما جارتي هذه فقط جارتي يعني مو صديقتي وبالتالي شفتها صعبه اتصل فجأة واسالها ... بس هو سهل عليه لأنهم يمونوا على بعض ... وانا بررت له قصدي...
قال ليش اساله
قلت خلاص انسى السالفه >>> طبعا هنا زوجي عصب قال والله انتي تافهه قلت وانا اضحك >>على بالي زوجي يمزح خ
انا تافهه افا بعد هالعشرة انا تافهه
قال اي ونص بعد >> هنا عرفت انه جاد وزعلان بعد
قلت بنفسي طيب والله اخليك تندم تقول عني تافهه
بالليل ولما جاء ينام طبعا نسي كلامه وانا مانسيت >> حاقده عليه خ
جلس يناديني يبيني انام بحضنه >> قلت واو تافهه وتبيها قال اهاا فهم اني زعلت منه طبعا راح نام وطنش واول مره يسوي هيك بالعادة اذا زعلت يراضيني
قلت بنفسي انا للحرب >>> متحمسه البنت
اليوم اللي بعده يكلمني وماارد الا رسمي يعني كلمة ورد غطاها وطبعا كلام دلع مافي
وغير كذا اذا سالني وش السحور اليوم اقول ليش تسال خلاص اذا ببالك شيء قول لي او لا تسال >>> قلبت وحده تانيه خ
طبعا سكت ... وطنش
اليوم اللي بعده صار يتحاشا الجلوس معي وصار يقلدني يكلمني رسمي
لا ومسوي نفسه مو مهتم بي
طلع الاخ زعلان مني ليش اعامله بجفاء >>> طيب مين بدأ هو اللي تكلم وانا قلت يتحمل نتيجة كلامه ولازم يتعاقب كم يوم >> شريرة الاخت
جلسنا اسبوع على هالحال بالبداية عجبتني الحركة خ عشان صرت اخذ راحتي بكل شيء مافي سؤال ومافي كلام يعني سوي اللي تبين
لكن يوم جاتني مغص ببطني وكمان استفراغ الله يكرمكم شالني للمستشفى وخاف علي وهنا تصالحنا >>>
وطبعا مبدأي لازم نتكلم باللي راح عشان كل واحد مايغلط تاني مره ..
يعني بدات المحاسبة خ
المهم عدت هالاسبوع على خير ومااخفي عليكم بنات هو عرف غلطه لما تكلم وقال تافهه وكمان قلت له اسلوبي كان غلط لأنها ناتجة من ردة فعل وانت سببها >> يعني حسسته بذنبه
ورجعت علاقتنا اقوى من اول >> احس بعد الزعل تجي محبة
يعني كلما زادت الزعل زادت المحبة >>> سوتها معادلة خ
الخلاصه الزوج اذا زعل هل تطنشين زيي خ
وخااصة لو كنتي مظلومة او هو بدأ خ
اما تسرعي لكي تداركي الموضوع و لايكبر وخلاص تسكتي عن غلطه ...؟
تحياتي لكم