ي يطول الشعر شبر ب 3 أشهر من غير خلطات و خرابيط

1. للامانه........منقول الاخت الي استعملته من اللامارات الله يوفقها

اخوااتي الفراشات....ز
حبيت انكم تقرون عن هذا المنتج الي موت عجبني بس تعبت ماحصلته واكثر الصيدليات يقولون خلص
حصلت بس الشامبو بس انا ابي المسرع النمو ويا ليت الي تلقاءه في الرياض تفيدنا
او براء الرياض وتبيعه علي واقرو معي الموضوع
للا امانه

للامانه........منقول الاخت الي استعملته من اللامارات الله يوفقها

ياما حطيت خلطات بشعري ما خليت حنا على حلبه ...و زيوت هيمتاج و 555 و الخروع و النارجييل و وخلطات الزيوت الجاهزه كلها ما منها فايده ...وكل ما احط شي يزيد شعري يطيح زياده و يتقصف هذا غير كلام السي سيد ...اللي ما خلا شي ما قاله عني واِني صايره مثل العيايز ..كل ما سمعتي شي سويتيه هذا غير الريحه اللي ما يدانيها أبدا ..حتى لو بشو عطره ما تخوز أبدا الريحه ... و الحل الوحيد اللي ألاقيه قدامي هو المقص ..عشان أشيل به كل التقصف و الجفاف اللي بالشعر ..
المهم أنا قبل سنه بالضبط سويت رباندين لشعري وهو التمليس الفلبيني ..و راعيه الصالون عطتني شامبو الحصان مين ان تيل اسمه مع الكوندشينر ماله .. اتبعته فتره بس المشكله فريحته كان يقول لي ريلي لأشم ريحه بالون فشعرج .... ...تخيلوا
المهم رحت بعدها لصالون ثاني بشيراتون و نصحتني راعيه الصالون لبنانيه اِني لازم أهتم بشعري
خصووصا بعد التمليس هذا و اللي كان طالع جنان بشعري الصراحه ..((بس الله لا يراويكم التقصف اللي صار له بعدين))
و عطتني شامبو و تونيك من منتج ياباني ..اسمه KAMINOMOTO
التونيك اسمه HAIR GROW ACCELATOR ,وهو عباره عن مسرع لنمو الشعر يقضي على
البكثيريا و الحكه و القشره ...و يخلي الفروه نضيفه و هذا أهم شي لشعر طويل و صحي ...
و بنفس الوقت هو يحرك الدوره الدمويه بالشعر ويقوي جذور الشعر ويمنعه من التسااقط..
بعد ما نصحتني أخدته على طول من عندها و قلتها حطي لي منه ..و حطت بايدها شوي من التونيك و
قامت تحط على الفروه كلها مع عمل مساج خفيف بأطراف الأصاابع ...صدقوني اِنه على طول يتغلغل
بالداخل وحسيت ببروده و انتعاش ..وما ينغسل وراه الشعر ..
يعني لما اتحطينه من الأحسن اتكون فروه الرأس نظيفه عشان يسوي شغل ...
المهم اِني ارتحت عليه و استمريت عليه أحطه بعد السبوح وانا عاده 3 مرات بالأسبووع أغسل شعري..
بعد أول شهر حسيت بطول بشعري قلت يمكن لأنه على طول سيده ها اللي خلاني أحس بالفرق ..وبعد ما كملت 3 أشهر صار فرق واضح حتى ريلي انتبه لها الشي ...و أهم شي عنده انه افتك من
الريحه .. اللي صدق أذته وهذا غير المنظر الصحي للشعر وتخلصت من القشره الدهنيه اللي كانت مأذيتني بالحكه ...
المهم اِني وقفت المنتج من 6 أو 8 شهور تقريبا وما منه أي اآثار أو مضاعفات ..بس التمليس اللي سويته هو اللي هلك لي شعري وصاير يبين مثل الأسلاك صحيح اِنه صاير طويل ..بس كنت كل فتره
أقص شوي من شعري .. بس من شهرين قصيت منه وايد لأني شليت كل الشعر اللي كان مملس ..و الحين شعري كله طبيعي مع ان طبيعته نااعم بس فيه طعجات ويستوي كيرلي اِذا حبيت ..
المهم اِني بغيت شعري يطول من أول و يديد وهو طبيعي ..و حبيت أعرض عليكم تجربتي و اللي تبي تبدأ معاي حياها الله لأني اشتريته أمس و أبغي أبدا من ها الاسبووع واِن شاء الله شعري يوصل لآخر ظهري بعد 3 شهوور من الآن...
وما أبغي منكن اِلا دعواتكم بظهر الغيب اِن الله يستر و يسهل علي بأمري ويحفظ لي بناتي الثوائم ...
أختكم في الله ..