o O لا تشتكي من جور الأيام للناس O o

الباارت الاول
×××××××بداية الرحلة ×××××××
جلست ع الارض بركن منزوي وهي مكشره وضامه يداتها الصغاار لصدرهاا... هي كانت تراقبها من طرف عينهاا ونفسها تنفجر ضحك عليهاا لكن موقفها مايسمح ماتبيها تستخف ابهاا ...
شادن : مااماا متى بنلوح
جاوبتهاا : قلت لك مو ضروري ترووحيين السووق
شادن تعترض : ليس ...مو انتي بتلوحين مع فلح "فرح "
تقلدها وهي تضحك : فلح
شادن بعتب : ماما لاتكلديني "تقلديني "
ضحكت : خ كيفي
شادن : وهي تجري عليها وتضمهاا وتبووس خدها : ماما حبيبي حليني الوح معااكم
بعدتهاا عنها : انا بروح مع فرح بنجيب اغرااض .. انتي بتجين معاناا ليه ؟!اناا مافيني لدلعك وبعدين زحمه ليه اخذك وامرض قلبي
شادن تضرب ع صدرها ومقلده حركات جدتهاا : انا ملد "مرض "
الجده تضحك : خ الله يقطع شرك من بنيه شفتي شلون تقلدني
ضحكت : خخ ماعليك منهاا يمه
شادن وتقرب من جدتها : امي انا ملد ؟! يلضيكي امي يلضيكي "يرضيكي امي يرضيكي"
الجده : خخ لا مايرضيني انتي شمعة البيت كله
شادن : انا مو سمعه انا سادن
امهاا : اخ من طولت اللسان ... روحي نادي فرح
شادن : بلوح معااكي
حبت تقهرهاا : لا
شاادن : ليس
الجده : سراب حرام عليك خليهاا ترووح
شادن وتقرب من جدتهاا وتمسك بثووبهاا : ايوا امي حلام حلام
سرااب وهي تقهرها اكثر : مو حلام من قال انه حلاام
شادن تجري لجدتهاا : امي سوفي
الجده بعتب : سراب طلعتني روحهاا خلاص شيليها
سرااب : امرك يمه .. شادن اطلعي نادي فرح بسرعه قوليلها مشيناا
شادن طارت لغرفة فرح من غير لاترد
سراب : شفتي المطيوره ؟! تقولين عمرها ماشاافت سوق
الجده : ياابنتي خليها تفرح ..الا مع من بتروحون
سراب تنهدت : مع منو بعد يمه مع تاكسي
الجده : يابنتي انا اخااف عليكم من التكااسي والرجعه معهم بلحالكم شوفي ابو ريان خليه ياخذكم او انتظري راكان لين يرجع
سراب : يمه ماعلينا خلاف وبعدين ابو رياان مب ملزوم فينا وراكان يرجع حيلة مهدوود من شغله بالكاد يرتااح اجي اقوله ودني السووق غير كذاا انا مب لحالي معي شادنوه الملسونه وفرح
الا وفرح جاات وبيدها شادن : السلام عليكم
الكل : وعليكم السلاام
فرح : عمتي انتي قلتي لام لساان اننا بنروح السووق
شادن تقرصها : انا سادن
فرح : صمخ ان شا ء الله
سراب بعتب: فروح
فرح : اوهو نست ان المحاميه حقتها هنا
سراب : اطلعي جيبي عبااتك خلينا نمشي لا يتاخر الوقت
فرح : عمه صدقين ماله لزمه تكلفين على نفسك
سرااب : اقول روحي جيبي عباتك وعبااتي قال ماله لزووم وشنطتي تلقينها بالدولاب جيبيهاا معك
فرح استسلمت لاصرار سرااب ورااحت تجيب عباتهاا وطبعا سبقتها شاادن الي راحت تجيب
عباة امها
سراب: يمه توصين ع شي نفسك بشي
جاوبتها : سلامتك يابنتي .. .. سراب من وين الفلووس
سراب ارتبكت : مجمعتهاا يمه
جااوبتها : سرااب
سرااب : يمه الاهم انهم يستاانسوون بالعيد
الجده وهي تمسح دموعهاا : حسبي الله على من كاان السبب
سرااب : تكفين لااتدعيين على من تكرهيين تجي في من تحبين
الجده : اه
"سراب مدرسة للمرحلة المتوسطه ارمله وعايشه على راتبهاا الي مايتجاوز ال4 الاف
مسئولة عن امهاا المره الكبيره بالسن وشادن الملسونه 5 سنواات وفرح
وراكان عيال اخوهاا ماجد الله يرحمه "
شاادن الي وصلت من فوق : ماما عباتك
لبسو البنات العبي وطلعن باتجااه السووق
وطوول ماهن ماشياات بالشاارع الشعبي الي هم سااكنيين فيه يسمعون تعليقات باايخه من عياال الحاره
واحد وهو يصفر : ياحلو بس كلمه
الثاني : اموت ع الثقيلين انا
الاول :: ياهو كلمه ولو جبر خاطر
سرااب التفت له : اقول وقسم بالله ان مامشيتو لا اعطيكم بنعالي " والجميع بكرامه "
الاول : شووي شووي ياقمر مب لايق عليك الزعل
الثااني : يابويا اتركك منهاا هذي وحده شراانيه
سراب وتفصخ نعالهاا" وانتو بكرامه " ان مااربيتك ياعديم الاخلاق مااكون بنت ابوي
العيال ااول مااشافوهاا فصخت نعالهاا على طول شردوو
فرح : يااعمه فضحتيناا والله فضحتيناا وش ذاا
سرااب وهي معصبه وترمي نعالها ع الارض : انتي عاجبك قليلين الادب ويش يسوون وانا اوريه احمدوه
ان ماعلمت امه يحسبني مااعرفته اربيه اناا مابقي الا ذوولي البزران يعااكسوون
شاادن : ماما حلاص لااحوو نبي السووق
سراب : انا بعرف انتي عليك عفريت اسمه السووق
البنات وقفوو لهم تاكسي وراحو ع السووق وطبعا كان سوق من الاسواق الشعبيه لان امكانياتهم الماديه ماتسمح يروحوون مرااكز ولا سنترات كبييره
×××××××××××××××××
طفشان وهلكان المفروض يرتااح كل النااس يرتااحون بليلة العيد الا هو كله مشغول ومو فاضي حتى يحك شعر راسه ... ورق .. ميزانيات .. منااقصات .. وشلون بيفضى وامبراطوريه كامله تحت مسؤوليته
سمع صوت طرق ع البااب ..منو هذا الي قرر يخاطر ويقتحم عليه عالمه الخااصه .. فتحت البااب بشوويش لاحظ انهاا قطبت حاجبها اول ماشمت ريحة الدخان الي مالي المكان حارب ابتسامه كانت بتفلت من شفاته تكلم بصوته الرخيم : نعم وش تبين
بلعت ريقها بصعووبه : صقر العشا جاهز و
الصقر: مابي عشى
دخلت وقفلت الباب : الصقر اسمعني ولو مره
الصقر: نوال طلعي برى لو سمحتي
نوال : انت ليه قلبك قاسي
الصقر : خليت القلووب الطيبه لكم
نوال : الصقر ابوي مااعلمك القسووه
الصقر : الايام علمتني شلون اقسى
نوال : ليه ؟!! وين الصقر الاولي وين اخوناا وين راح ؟!!
الصقر : اندفن مع ابووك بقبره
نوال تبكي: يااقسى قلبك.. ياقسى قلبك... وطلعت وتركته
حس بداخله بحسره بالم ماتخيل انه ببيووم رح يكون قااسي كان ينبذ فكرة القسوه لكن الي صاار
مو شويه ...
" نوال عمرهاا 22 سنه اخر سنه بالجامعه ... تخصصها علم نفس... جمالهاا عاادي "
صقر " 35 سنه رجل اعمال ...عازب... مزيوون لكن ...بنعرف بعدين .."
×××××××××××××××××
طلعت غرفتها وهي مقهوره وزعلانه صارت تبكي ... دموعهاا كانت حاره تلووم نفسها على كل الي صاار لهم ماتنكر ابد خطاءهاا لكن اذا رب العبااد يغفر الخطايا والذنوب ليه بني ادم بيكون بكل هالقسووه
وصرخت ليه ياصقر ليه
دخل على صووت صرختهاا شاافها واهي بركن غرفتها ضامه رجولهاا لصدرها وتبكي بشكل هستيري
.. شاافتها واقفه قدامهاا كان بااين عليها انهاا زعلاانه عليهاا جرت لهاا ضمتهاا .. لكن وينهاا وين اختفت .. وين رااحت ؟!! توها هني ؟! استدارت تدور عليهاا بكل زواايا الغرفه ... وينها ؟!! صرخت وينك يمه وينك ليه تركتيني ؟! ليه يمه ؟! ليه خليتيني لحالي معااهم يمه ليه يايمه ... بدت تضرب نفسهاا تبكي بصووت انتشر بكل زواياا القصر الكبير
ماحست الا وبدينه الكبيره تمسك اديها ويصرخ فيهاا : بس يا نوال حراام عليك بس
نوال ارتمت بصدره وتمسكت بثووبه كاات خاايفه انه يرووح يتركهاا من زمان مااكان بذا القرب منها .. كانت خايفه يرووح ايه خايفه طول عمرها لا تعبت تحط راسها على صدره وتشكي محد غيره يمسح دمعتهاا محد غيره حنون عليهاا ..خانته قسوته وطوقهاا بذرااعيه حسسها بالاماان الي من زماان مااحست فيه
الصقر بصوته الرجولي: حبيبتي خلااص
نوال: صقر والله اناا مالي ذنب صقر اهي الي
الصقر يقااطعهاا: خلااص الي فاات مات
نوال صرخت وهي تبعد عنه : مامات مامات اناا اشوفه حي بعيوونك وعيون كل الي حولي يا صقر اناا مانكر اني مسئوله عن الي صار مانكر لكن بعد والله انت فاهم غلط
الصقر يووقف : نووال صكري ع المووضوع
نوال : صقر اسمعني ولو لمره بس اسمعني
الصقر انتفض من مكاانه وصورة المااضي كل قداام عيوونه: ماابي اسمع شي ماابي
وطلع من غرفتهاا وتركهاا لوحدهاا
×××××××××××××××××
لهم ساعتين وهم يلفوون بالسوق خلااص تعبوو .. كانو يتشرون للبيت اشياء نااقصه
غير كذاا تبي تاخذ لفرح لبس جديد غير الي اخذته لهاا قبل يومين
فرح كانت تنقى بالمحل وهي كانت تقلب بشنطتهاا وتتأكد من الفلووس .. نزلت للسوق معاها 1000 ريال ومابقي معاها غير 300 ريال الفلوس طارت وهي بعد تبي تاخذ لامها ثووب للعيد شدت شاادن عباتهاا : ماما .. مااما
سراب طالعت لبنتها : ها حبيبي وش بغيتي ؟!
شاادن : ماا ماا ابغى هذيك اللعبه تعالي سوفيهاا
سراب حست بغصه : ياماما مو وقته اللعب اللحين المره الجايه
شادن بدت ترافس ع الارض : مالي سغل ابيهاا .. ابي اللعبه
سرااب عصبت ومسكت ذراع بنتها بقووة : شاادن بس لاا امد ايدي عليك
شادن صاارت تحااول تكتم شهقااتها وتحبس دموعهاا خصوصاا وهي تشوف نظرة الغضب بعين امهاا
فرح : عمه وش صاار ؟!
سراب تعتدل بوفتها : ولا شي حبيبتي خلصتي ؟!
فرح وهي توريهاا تنوره وبلوزه : وش راايك ياعمه ؟!!
سرااب : حبيبتي مو مهم راي المهم يكون عاجبك
فرح : من يقول الا مهم ونص وش راايك
سرااب وهي تتأمل البلووزه : حبيبي مو شاايفه ان البلوزه مفتووحه بزيااده
فرح عضت ع شفااتهاا : صدق
سرااب : ايه غيريهاا حبيبتي
فرح بكل طواعيه رااحت وغيرتهاا ...فرح شخصيه طيبه وحبووبه عمرها 18 سنه وهي حاليا ثانويه عاامه البنت متفوقه بشكل كبير.. وماشاء الله عليها مزيوونه .... تعشق شي اسمه سراب عمتها اخت ابوهاا الي ربتهاا من يوم كانت بنت بعمر 8 سنيين بعد موت ابوهاا وامها بحادث سياره على طريق جدة الطائف
حاسبت ع التنوره والبلوزه وكانت ب100 ريال
وراحت شرت ثووب لامها بباقي المبلغ الي معهاا ورجعت للبيت وهي مابشنطتهاا ولا رياال اخر 10 ريال دفعتهاا للتاكسي الي وصلها لرااس الحااره ودخلت هي والبنات مشي الين البييت
×××××××××××××××××
بمكان ماايقطع سكوونه عادة الا اصوات الالم .. كان هوو هنااك بغرفه الخاصه
يلملم اغراضه استعداد للرحيل اخيرا بيترك هالمكان .. اخيراا رح يرجع يكمل حياته طبيعي
طبيعي ؟! استوقفته هالكلمه !! هل فعلاا رح اقدر اكمل حياتي بشكل طبيعي ؟!
اضحك على ميين ؟! على نفسي ؟! طاالع من الشباك كان صوت الصخب يملىء المكان وشلون مايملىء وهو يشوف الاستعدااد لحفلة العيد الي بكره رح يكون تجري على قدم وساق
العيد .. ياه من زمان مااحس بطعمه .. وشلوون بيحس وهو الي احرم نفسه من كل متع الحياه بلحظة تهور منه بحلظة ضعف قضى فيهاا على كل طموحه واهدافه ..
خالد : ااه يااخالد انت غلطت وجا اليوم الي رح تدفع فيه ثمن خطاك ونزوااتك ..من اليوم انت انسان جديد
رح ترجع تكمل رح تنجح رح تثبت له انك مو فاشل رح تثبتله انك رجاال غصب عنه انك مو بحاجه لفلس منه ..ايه انت رح تكون ناجح ياخالد رح تكون نااجح ورح تبني حياتك من جديد
" خالد 23 سنه .. امم عاازب ومملووح والباقي اعرفوه بعدين "
×××××××××××××××××
كان جالس بكرسي بالصاله مغمض اعيوونه حااس راسه بينفجر من كثر التفكير
حس بيدين صغيره تنحط على اعيوونه ابتسم من قلبه وهو يتحسسهاا ويشم ريحه العطر المنبعثه من صااحبتهاا : مها مارح تبطلين هالحركاات ؟!
حاسة بوزها : ياربي انا ابغى اعرف انت كيف تكشفني
الصقر : خخ لان ماحد يسوي حركات البزوره هااذي غيرك
مها ترفع حااجبهاا : انا بزره او انت الي شايب
الصقر: انا شايب؟!!
مها وهي تجلس جنبه وتتمسك بيده كأنها طفله : واحلى شايب فديت رووحك انا
الصقر ابتسم بحنان وهوو يشووف اخته شلوون تغليه : حبيبت الصقر انتي
مها : حبيبتك اللحين بكره تعرس واصير كخه " يعني مااسوى "
الصقر : مها
مها : صقور يااقلبي انت اللحين 35 سنه الي زيك صاار عندهم اطفال بالمدارس وانت مااشاء الله كامل والكامل وجه الله
الصقر : تهقين اني كامل
مها : ايه نعم ولو ماانت باخوي كان خطبتك لي
الصقر : خ الله يرجك من بنيه .. مها انتي تقوولين هالكلام لانك اختي لكن لو كنتي أي احد ثاني كان شفتي عيوبي
مها : مو ضرووري انت ماتشوف وجه العنز حصه شلوون تتميلح كل ماشاافتك
الصقر : تكفين اذكري شي عدل
مها : خ حتى سيرتها تمرض
الصقر : اقول ليه ماتضفين وجهك عني
مها افا عليك يالصقري كذا مش طايئني دنا مها حبيبت البك
الصقر : خ اقول روحي سويلي شاي
مها تأشر على عيونها : من عيوني
الصقر : تسلم العيوون وراعيتها
مها : وتسلم لي يااكل اهلي
" مهاا 25 سنه ... حلوه وتاخذ العقل بمعنى الكلمه ... مطلقه "
×××××××××××××××××
بغت الاحمال تكسر ظهره اليوم اخر يوم له دوام هني وبعد كذاا عنده اجازه ثلاث اياام ومفروض يرجع يكمل
لكن شكله ماارح يرجع ماايقدر يلحق بين هالشغله والجاامعه
ابو نواف : راكان يااوليد خلصتو نقل الكراتين
رااكان : ايه نعم دخلناها كلها الثلاجات
ابو نواف : الله يعطيكم العاافيه
راكا ن وهو يقفل المستودع بعد خروج اخر عامل : تفضل عمي " ومد له المفتااح " هذاا المفتااح
ابونوواف : تسلم يااولدي .. وطلع من ايده مظروف ..تفضل وحطه بجيب راكان العلوي
الا ورااكان بحركه سريعه يمسك ايده : ابو نواف وش هذاا ؟!1
ابو نواف : لا تردني ياوليدي
رااكان بعنفوان : اسمحلي يااعمي ماتعودت اقبل احساان من احد لاترضى علي بالمذله
ابو نواف : يااولدي اعتبرها عيديتك
رااكان : عيديتي وصلتني يااطويل العمر
ابو نواف انحرج من رااكان حس نفسه اهانه برجولته
رااكان : عمي انا ان شااء الله بعد العيد ماارح ارجع اكمل الشغل
ابو نواف : راكان لاتكون خذيت على خاطرك
راكان : لا يااعمي يشهد الله علي اني كنت ناوي اترك الشغل من قبل
ابو نواف : ليش ؟!!
رااكان : ياعمي انت عارف ان اهلي ماعندهم غيري وانا بشغلي معك ماقدر الحق عليهم الصبح يكون عندي الجامعه ومن العصر الين تشطيب الشغل تكون ورجعتي للبيت تكون صكت 1 يعني مره مااقدر يااعمي
مااترضى اترك اهلي كل هالوقت
ابو نواف : طيب ياولدي ان تركت هالشغل من وين بتعيش اهلك ؟!!
رااكان خذ نفس عميق : لقيت لي شغل مساائي صحيح ان الراتب اقل بكثير لكن المكان قريب ع البيت واخلص بدري نوعاا ما
ابو نوواف بحسره لانه رح يفقد انساان اشتغل معاه من ثلاث سنين تقريباا وكان مثال للاماانه : يااولدي اعرف ان هالمكاان مفتووح لك بااي وقت
رااكان وهو يحب رااسه : تسلم يااعمي
راكان شاب بعمر ال23 يدرس بالجامعه هندسه معمااريه وبنفس الوقت يشتغل "
×××××××××××××××××
اخيراا وصلت بيتهاا مااصارت كانت زحمه مره عند الكوفيراا وقفت تأمل شكلها بالمراياا
حصه : صدق اني مزووينه واهبل وقامت تمرر اصاابعها الضعيفه بشعرهاا البني بخصله الشقراا
اخ ليته يحس ويشوف ... مالت عليه احيان احسه احول ...
دخلت عليها مهاا : حصوه وجعه ان شااء الله انبح صوتي وانا اناديك
حصه : مااسمعتك يمه
امها : وشلوون بتسمعين وانتي حابسه نفسك بذي الغرفه واقفه لي قدام المراايا
حصه وتدور على نفسها : وش رايك يمه حلووه
امهاا حاسة بووزهاا : ليتك تعقلين وتركدين بس
حصه : يمه
امها : وصمه .. انتي متى بتحسين على نفسك الولد مايبيك لو يبيك كان خذك من زمان
حصه : بيااخذني يايمه بيااخذني
امها : احشمي عمرك واحفظي ماا وجهك واتركيه بحاله
حصه : ماكون بنت ال ... ان تركته يمه
امها : صدق انك مااصخه وبلا حياا .. وقالت بحسره يظهر اني مااعرفت اربي
وطلعت من الغرفه وهي مقهوره
"حصه 22 سنه .. بالجامعه علم نفس .. حلوه بمعنى كلمه حلووه "
×××××××××××××××××
رجع بيته هلكاان وتعباان الثووب صار لوونه بني من كثر الغبار الي فيه
شادن استقبلته عند البااب : لاكان وارتمت بحظنه
رااكان وهوو يضمها لصدره : شووي شوي
شاادن : وين حلااوتي
رااكان : انتي ماتنسين
شادن هزت رااسها : لا وينهاا
حطها بالارض : وقام يفتش بجيووبه : ماافي حلااوة
شاادن : ليس
راكان " سرا السااري سرا " : نسيت حبيبتي
شاادن تجلس ع الدرج المؤدي للدور الثاني : مالي دخل ابي حلااوه وبدت سنفونيتهاا
نزلت على صوتها فرح : هي بس انتي ترى صجيتيناا .. هلا رااكان
راكان : هلا فرووح تكفينا سكتيهاا ترى مو نااقهاا
الا وبجيت سراب : وش صااير
رااكان وهو يهوي على رااس سرااب ويبووسهاا : شلونك يااعمه
سرااب وهي تبتسم : هلاا يااقلب عمتك شلوونك عسااك بخير يالغاالي
رااكان ببتساامه تسحر : بخير دام اني اشووف هالوجه السمووح
سرااب : اخ من لساانك
فرح : احم احم نحن هنا وهالوناانه هني بعد " تقصد شادن الي دموعها اربع اربع ولسى ماتوقفت "
رااكان : يااربي من الغيره
فرح : مابقي الا اغار منك ياوجه العنز
سرااب وهي تخبطهاا : خل يكوون عندك نص جماله وبعدين اتكلمي
فرح : شوي شووي لاا تنفجر بس قال حلو محد شايفك حلو الا هي لااتصدق ترى يقوولون القرد بعين امه غزاال
شادن : خ انت كلد "قرد"<<وتاشر على رااكان
رااكان : اللحين تضحكين ومن اول تبكين عجبك السب مالت عليك
سراب تقرصه من ايده : لاتسب بنتي
رااكاان : اخ يعور يمه
شاادن : هي هاي مااما دلبتك تستاهل
جريت لامها ومسكتها من ثووبها : ماما ادلوبيه "اضربيه " ماجاب لي حلاوه
سراب بعصبيه مفتعله : وين حلاوة بنتي يااراكان ؟
رااكان : يمه انا جاي مع خويي مو معقوله اقوله وقف بشتري من البقااله حلااوه وهني البقالات مقفله الساعه 1 اللحين
سراب : خلااص بكره جيب لبنتي حلااوة ساامع
راكان يهز رااسه زي الهنودد : حاادر مامااه
جاهم صوت الجده : بتقعدون كثير عند الباب دخلو الصاله عيب عليكم الجيران تسم اصواتكم تالي الليل
رااكان : جدتي صااحيه ؟!!
فرح : لا خيالها اجل منوو الي توها تنادي
رااكان وهو يدخل الصاله ويروح جهة جدته يسلم عليها : وش عندها قمور ماانامت
الجده : قمور بعينك اصغير عيالك ااناا
رااكاان : يااقلبي ع المعصبين
فرح : امي هاك العصى ادبيه
راكان : خلك محضر خير
الجده : رااكان اترك منها تعشيت ؟!
راكان : لا ماا تعشيت ابي عشى جيعان
سرااب : يخسى الجووع وانا اخت مااجد اللحين عشااك عندك
راكان : سلمتي ..يكلم فرح .. تعلمي تعلمي السنع من عمتك
فرووح وهي تحظن عمتها وتحط راسها عكتفهاا : هوو في مثلهاا بالدنيا
شاداان تجري وتقوم تخبط فرح برجولها : وخلي عن مااماا وخلي " وخري عن مااما وخري "
فرح : يااربي من ذي البنت وغيرتهاا
شاادن : وخلي
فرح : بس بس وخرناا
سرااب : شدون يااقلبي اطلعي ناامي عشان تصحي بدري بكره
شاادن وهي تمشي معااهاا : ماابعى
سراب : ماابغى انطقي الحرووف عدل
شادن : مابعى ابعى ادعد معااكم
سراب: اجل بكره ماافي عيد ولا عيديه
شاادن : ليس
سرااب : عشاان انتي ماتسمعين كلامي والي مايسمع كلاام امه ماله عيد
شاادن : الا انا اسمع الكلام سووفي انا ناايمه وغمضت اعيوونهاا
سرااب : خخ هين نايمه بالمطبخ ووااقفه بعد ... اقول رووحي الغرفه بسرعه
شادن رااحت للغرفه تناام عاد كله ولا العيد البنيه تحسبله من يوم دخل عليهم رمضاان
دخل رااكان وشااف شادن وهي تحط الاكل له بالصينيه بتجيبه
سرااب : شكل الجووع عاامل عمايله
راكان : خ والله جيعان ... ودخل ايده بجيبه وطلع فلووس
مدهاا لسراب : هااك يمه
سرااب باستنكار وهي تناظر الفلووس : وش ذاا ؟!!
راكان : اليوم استلمت رااتبي وو
سرااب قاطعته : لايكون كبرت يااولد مااجد وصرت تفكر نفسك رجاال علي
رااكان : عمه علاامك ؟!
سراب بضيقه : مافيني شي هذاا هو عشااك
طلعت من المطبخ وتركته لحاله
قاابلتهاا بالطريق فرح وشاافتهاا وهي معصبه استغربت منها : عمه في شي
سراب : لاا انا طالعه انام
فرح دخلت المطبخ وشاافت اخوهاا وهو وااقف وقاابض ايده ع الفلووس
سرااب : شوو الي صار ؟!!
رااكان : ماعرف جيت اعطيها الفلووس وعصبت علي
فرح : رااكان انت غبي او تستغبى
راكان : فروح
فرح : كم مره عمتي قلت لك خل فلووسك لك وان هي المسؤله عن كل شي انت ليه تعاندهاا
رااكان : اناا اعاندهاا ؟ انتي تعرفين وش كثر اغليهاا واحبهاا
فرح : داامك تحبهاا لا تضاايقهاا .. لاتحسسها انها مقصره معاناا
رااكاان : لكن اناا الرجال انا الي مفرووض اصرف مووهي
فرح : اللي يسمعك يقوول عندك وظيفه كشخه مو....
هذا هو اول بارت اتمنى اعرف انطباعكم عن الاحداث والشخصياات
لاتحرموني من ردوودكم
و ماراح انزل البارات الثاني لمين توصل الردود في قصتي 6 ردود
وشوف يانا ياانتم <<<<<<<< تهدد العمه
تحياتي ,,,

السلام عليكم
الصراحه بدايه القصه جيده وان شاء الله بتابعها للنهايه
وبالنسبه للشخصيات ما أقدر احكم تونا بالبدايه
بس نزلي بارت ثاني بليز

لقيت القصه خلاص قاعده اقراها م منتدى ثاني ^__^