التزم

الالتزام بالمواعيد شي رائع بس زوجك مو متعود على كذا ولاحظي انه من سنوات فمن الصعب يقدر يتغير في يوم وليلة...وهم انت حاولي ماتكوني دقيقة كثير طنشي في الامور الي ماتكون ضرورية كثير وربي يسعدكم...
هي عادات تختلف من شخص الى شخص فمحتاجين بعض التنازلات من الطرفين عشان المركب يسير ...ويوصل لشاطئ الامان.

والله اني سرت اطنش بس برضوا حتى لما احاول افهمو بهدوء يقعد يعصب ويقلي انتي تحبي تدققي رغم اني ما ادقق الا لما نكون متفقين على شي يكون في اهلوا لكن بينا اطنش واعدي واحاول اني ادخل الموضوع بطريقة ماتحسسوا انو انا متضايقة او اي شي بالعكس ... صح انو مالنا غير اسبوعين مملكين بسفالبداية غلبت عليا العادة دي ودحين باطنش

ياقلبي مع الوقت صدقيني بيلتزم
يعني السالفة محتاجة شوية وقت
لا تزعلي وتضايقي نفسك
اختاري اسلوب حلو ما يزعلو ويخليه يسوي اللي تبغيه
ولساتك في بداية الطريق لازم تطولي بالك ..
الله يسخرو لك يارب ...

حاولي تمشي ياقلبي وتطنشي ولا تدققي كثير
ولا بتتعبي
حيصير واحد من اثنين
يا اما انك تصيري زيو
او هوا حيلتزم ويصير زيك
من هنا لوقتها هدي اعصابك بس

الله يوفقك

مشكورين ياصبايا وهو دا انا بطنش بس مو كل شي يتطنش صراحة
وان شالله هو اللي يسير زي

نفس الوضع .. بس احس الموضوع يجي بالتدريج
و صرت مثلا لو عندي موعد و أبغاه يجي في الوقت اقوله على موعد أبدر منه عشان لا نتأخر
يعني الموعد 7 اقوله 5 و كده و برضو يجي متأخر بس اقل شي نوصل عالموعد
أنا بأعاني من دا الشي بس صرت ما أدقق كتير
و ماما قالت لي دحين انتي في بيت و هو في بيت فصعب تتحكمي فيه و لا تغيري فيه طبع زي كده
بكره ان شاء الله لما تصيرو في بيت واحد تقدري تفرضي النظام الي تبغي بيتك يمشي عليه
و هو مع الأيام بيتعود .. صح ممكن ما يوصل لنفس درجة التزامك بالمواعيد بس رح يكون فيه تغيير
فان شاء الله الامور تتحسن بعدين ..