هل ترجع أم لا

N&&A

12-10-2022 - 08:17 pm

السلام عليكم ورحمه الله وبركاته...
خواتي الفراشات أبغى رأيكم في هذا الموضوع المطروح بكل صراحه...
قريبه لي صار بينها وبين زوجها مشاكل كثيره وسبب المشاكل اللي بينهم هو عدم التفاهم ..
وكلهم غلطانين بس تقريبا هي الغلط عليها أكثر ...
قالها زوجها روحي لبيت أهلك وأنا ماراح أتقاهم معك ألا مع أحد غيرك جلست عندها أهلها تقريبا 25 يوم وراح أخوها يتفاهم معه قال ترجع بكيفها بس ماراح أجيء أخذها...
وش رأيكم ترجع ؟ولا لازم هو يجيء يأخذها لأنه هو اللي ودها لبيت أهلها؟؟؟
هي فكرت ترجع بس قالت إذا يبيني هو يجيء يأخذني من بيت أهلي..
وهل رجوعها بنفسهايعتبر أهانه لكرامتها؟؟ ,,,
خواتي أنتظر ردودكم فهي بحاجه لمساعدتكم ...

التعليقات (8)

N&&A

12-10-2022 - 11:30 pm

خواتي الفراشات أنتظر ردودكم..

TOoOfe"

13-10-2022 - 12:31 am

الله يهديهم ..
والله المفروض يكلم احد كبير ,,واخوها الله يهداه ليه يروح !!
مو هو اللي نزلها خلاص هو اللي يجي ياخذها !!
بس هالشيء يعتمد على من اخطأ ,,فهمتيني يمكن هي غلطت عشان كذا يبي يأدبها ~
مااقدر انصحك بشيء ..لان هذا زوجها جنتها ونارها

besaan

13-10-2022 - 01:32 am

انا اقول انها هي ترجع وتقعد تتفاهم معاه وبعدين تقرر لان اغلب الرجال ما يتنازلو بسهولة

N&&A

13-10-2022 - 02:33 am

TOoOfe"
أختي الله يجزاك خيرآآ على ردك ..

N&&A

13-10-2022 - 04:35 am

besaan
مشكوره أختي...

بنت المنصورة78

13-10-2022 - 05:36 am

ترجع بيتها وبيت زوجها
في مثل بيقول اذا واحد شد التاني يرخي عشان الحبل ميتقطعش
والست مننا ملهاش الا زوجها وهو كمان ملوش الا مراته بس يمكن يكون من النوع العنيد شوية
ربنا يصلح حالها وحالنا

مدري نسيت

13-10-2022 - 06:37 am

يااختي الله يهديه وش حركته ذي

لميس الغلا

13-10-2022 - 07:38 am

هلا اختي ...
والله شوفي مثل قالت اللي قبلي زوجها هو جنتها ونارها ... وهو مايبي يجيبها يبيها هي بنفسها ترجع وهي اكيد بتعز عليها نفسها انها تروح اكيد تبيه يجي ياخذها ... والموقف مره صعب ..
لكن انا عندي رأي....
خليها تحجز ليله بفندق .. وتروح وتزبط الفندق ورود وشموع وحركات .. وتشتري قميص جديد وتغير لوكها
يعني تقص شعرها مثلا ... وتجيب له هذيه
المهم تروح للفندق وتجلس تنتظر .... وبهذا الوقت اخوها يروح لزوجها ويقوله تعال ابيك بمشوار ...
وياخذه لحد غرفه الفندق ويدخله عندها ويطلع ..
طبعا زوجها بهذي اللحظه لما يشوف الدنيا مرتبه ورومانسيه صدقيني كل الزعل اللي بقلبه بيروح ..
وتجي عنده وتبوس ايده .. وتقول له ما عاش اللي يزعلك حبيبي ...
وانا شاء الله يتراضوا وبكذا تروح معه من الفندق لبيتها وكل واحد حصل على مراده هوا ماراح جابها من بيت اهلها ولا هي بنفسها طلعت له من بيت اهلها ...
ملاحظه عشان ما تجي وحده وتقول كيف تلبس قميص واخوها يجي يدخل زوجها .. انا قصدي انو هي ترتب غرفه النوم بالورود والشموع ... ولما يجي زوجها واخوها تلبس لبس عادي فوق القميص وتستقبلهم بالصاله اللي برا يعني اخوها ماراح يشوف شي ...
والله يخليك ادعيلي بالوظيفه الرسميه عاجلا غير اجل ....

وين اللي كانت تعاني من خفقان القلب ابغاها ضروري←
فادركت كم احبها الطائر ولكن الوقت قد فات→