ˆ تمنيتج ˆ

كنتي بقربي طول سنيني..
كنتي حياتي أنتي ومناتي..
كنتي تشغلين التفكير..
ولو هموم العالم في قلبي ما تاخذ مكانج من التذكير..
كل يوم أسولف معاج بليالي طويلة..
عمرج ما زهقتي من كلامي..
ولا تأففتي من همومي..
ولا تعبتي من سؤالي..
كنتي لي الملاذ الوحيد..
كنتي لي المكان إلي التجأ له لين الدينا ضاقت فيني..
والحين......والحين
عقب ما دارت الأيام..
وشفتي ألموان وأجناس..
هملتيني .. وبعدج عني ارداني..
تركتيني .. وخليتيني بروحي أعاني..
كل يوم..وليلة ..وساعة..ودقيقة
دموعي ومخدتي تشهد على معاناتي الشديدة..
دموعي..ترتجي لفته منج..
دموعي..وآآآآآهاتي تتمنى نظرة منج..
تبي حضنج وعيونج..
بس أشوفها..تشيل الهم من نفسي
بس أحس بقربج وقلبج..أنسى أحزاني
لما أخطيت في حياتي..
توقعت منج الملام
لكن تفاجأت بالبرود..وسألتني عنه مرتين
أبي طراق يصحة لها ..النفوس
أبي صرخه تفزع لها..الشجون
فقدت محاتاتج واهتمامج..لين صرت في قلبي وحيدة
الله عوضني بقلب ملكني..اشتكي له
ما ابي منج شي عقب ما ....
سلطاني جروحي..وشاركني همومي
وتقولين اتركه..!!
كيف اترك انفاسي..أموت
كيف اترك حياتي..أموت
كيف اترك روحي..أموت
كيف أوقف الدم إلي يمشي بالعروق..
كيف أنسى أجمل إحساس في الوجود..
صعب علي هجرانه..
قلبي أهو قلبه..احس فيه وأحس بنبضه..
إعذريني إن لقيت حضن غير حضنج..
إنتي السبب..
لكن الله عوضني بالأمير إلي نساني الأحزان والوجود..
تمنيت العتاب منج..
لكن للاسف ما لقيت
غير الجمود..وقلب ثلوج