آآآآآآه ياحلو ايام العزوبيه والله لو ادري انو العرس كذا ماعرست

1. اهلين فيكم فراشات000

اهلين فيكم فراشات000

انا لي سنة ونص متزوجه وعندي بنوته لسى ماكملت السنة بنات انا تعبانه من زوجي عجزت اعرفله كرهت حياتي معه انا ارحمه وقت الدوام لان دوامه زفت استلامات يعني مو ثابت طبعا وقت دوامه مستحيل اطلع لو ايش ويومين اجازته مااشوفه اقوله ابي اطلع مليت يقول عندي شغل وانا اعرف انه يروح للاستراحه ومدمن بلوت طبعا ماله بسوالف الحريم وحركاتهم يعني الحمد لله مايحب ويخاف من الله ودايم ينصح اخوياه طبعا مايقولي بس اشوف الرسايل بجواله المهم هو طيب وكريم واذا طلبته شي جابه لي بس المشكله انه مايعطيني وجه يعني ودي اسولف معه اطلع كوفي مطعم من يوم اني عروس يابنات ماعمري طلعت معه يجي بالبيت يقولي عطيني اي شي اكله يعني زوجة بفيزة شغاله زعلت عليه اكثر من مره وتكلمت معه عشرين الف ابو مره بس يوعدني ومايحب يسمع مني يعني مايحب كثرة النقاش وهو يدري انو مقصر معي و يقولي اذاصرنا بالفراش بس احسه عشان حاجته بس
امس طلبته بروح للسوق طفشانه مرة مليت بروح امشي هو من زمان ماوداني السوق تخيلوا ،،،احيانا اذا صرت عندي اهلي اروح مع خواتي بس مااقوله عشان مايتعود المهم قالي اشوف قلت ترا ابتجهز سكت رحت ولبست بنتي وجهزت حالي قدامه وهو يشوف اني بروح ساكت يوم صليت المغر ب قلت له يلا قالي والله مشغول قلت طيب بس نزلني السوق مو بعيد من بيتي يمكن 6 دقايق بس بينه وبيننا شارع عام المهم عصب علي وقال مشغول ومدري اايش قلته حرام عليك اذا بغيت حاجة مني اعطيتك طيب انا لي مدة ماطلعت واليوم ماعندك دوام المهم صار نقاش حاد بيني وبينه وقلت خلاص ماني برايحه عفت الروحه قالي سبحان الله انا لكيدك كيد عظيم قلت له تعال تعال متى شفت كيدي وانا والله يابنات والله اني مريحته مدلعته دلع وعطيته حنان لانه يقولي انا ناقص حنان وماقلت له اعطيني مره احتاج فلوس اعطيه من اللي عندي ابوي دايم يعطي بنتي آآآآآآآآآآآه بس ياخسارة يعني يحمد ربه اللي الله ارزقه فيني ماني راعية مشاكل ومخليته على كيفه وهو معترف بهالشي علاقتي حلوة مع امه وخواته يقولي والله انبسط اذا دخلت وشفتك تضحكين مع خواتي لانه مايحب المشاكل وخصوص مشاكل الحريم قلته انا الحمد لله طالعه من عايله اهلي مربيني على الطيب ،،
المهم يابنات بعد ماطلع من عندي ارسلت له رساله انو الوضع كذا صار صعب واني مافيني اتحمل اكثر وذكرته اني ماعمري زعلته وخلاص دام الوضع كذا لازم ننفصل اذا ماتغير وضعك كتبت كلام كثير لانه الرساله اححسن من كلامي معه وهو مايحب المواجهه انا اللحين زعلانه عليه ماراح افوتها له هالمرة لانه هو اخطى بحقي وسامحته كثير بس مافيه فايده امس من صلاة المغرب طلع ماجاء الا الساعة وحده وطلع على الفجر وماجاء الا الساعه 11 الصبح طبعا انا نمت بغرفة بنتي وخليت له الغرفه ومادقيت عليه اطمن لاني معودته اذا اتاخر اطمن عليه قهرني ابيه يحس اني خلاص كرهت هالحياة كذا هو حاس بالذنب بس مستحيل يعتذر لي طبعا يكابر ودايم يجي يكلمني واكلمه وخلاص يطيح الزعل اللي بيننا ومانرجع نفتح الموضوع ثاني ،، وش رايكم بنات ابتل ازعل عليه والا اسكت واذا تكلم معي اكلمه صراحه حياتي الزوجية كئيبه مرة طول اليوم برا وانا لوحدي بالبيت زهقت انا حياتي عند اهلي وناسه مرة والله لو ادري اني بصير كذا كان ماتزوجت اخته هي اللي خاطبتني له والصراحه غشتني فيه الله لايسامحها ويبليهاان شاء الله قالت لي كلام عنه طيرته بالسما وانا والله من تزوجت ماشفته معه من اللي قالته ولا شي حسبي الله عليها ونعم الوكيل الله يوريني فيها لاتلومني يابنات بس هي مستانسه مع زوجها اذا جت تقولي عن سفراتها والمطاعم وعزايم زوجها انقهههر غصب عني وانا والله مافي قلبي حقد والى الان علاقتي حلوة معها مع اني اعاني من اخوها الله لايعيد الساعة اللي عرفتها فيه بنات ادعولي والله محتاجة دعواتكم ونصيحة من قلب اللي بتاخذ اخو صديقه لها او زميله يابنات انتبهوا بعض الحريم يطيرون الولد يعني حطي نص الكلام بالزباله لانو كذب آآآآآآآآآه والله ان احلامي كلها تلاشت مع هالزوج يارب صبرني واكتب اللي الخيرة