آآآآه يااندنوسيا بطيتي كبدي

حسبي الله عليهم ماتجيهم الفزعة وطقة الصدر الا بهالأشياء .. طيب ليش ماياخذ له مترجم هناك ياكثرهم ويارخصهم .. وبعدين هناك مايحتاج مترجم على طول بيدبر روحه لأنهم عارفين السعوديين هناك وش جايين عشانه .. من رأيي حاولي تقنعين زوجك بالقوة انه مايروح .. لأن حتى لو هو فعلاً مابراسه شي .. اخاف صاحبه يكمل كرمه ويهديه شغالة بالحلال على حسابه عشان ما يأنبه ضميره .. انتبهي ترا اشكال هذولا خرابين بيوت .. والله يستر على زوجك ويهديه ويفركش سفرة خويه يارب ..

الله يعينك على الرجل الموذي
حاولي تخربين عليه باي طريقه
ترا بعدين يتعود ع السفر ..؟

مزاجي قهوه
فديتك الله يسمع منك
وعلى قولتك انا خايفه يهديه شغاله
والله ضحكتيني شر البليه مايضحك
وياشين فزعة الرياجيل

اوركيدا
تسلمين على مرورك وهذا شي يخوف انه يتعود لانه من تزوجنا مايسافر الا انا معه
بس حسبي الله على هالبلوه

ياخيه اذا زوجك موراعي خربطه
ترى صاحب السوء كنافخ الكير>>>ونافخ الكير إما أن يحرق ثيابك وإما أن تجد منه ريحاً منتنة
شوفي انا زوجي راعي سفريات واعرف نوع الشعور الي تمرين فيه
مو نصيحه بس اقولك الي اعرفه
الي يجرب مره يطلب اكثر من مره
يعني اندونيسيا جنه خضره وطبيعه واجواء وكل شي رخيص المجمعات الاسواق المطاعم كل شي بالصراحه عيشه
بس حنا ماذبحتنا اندونيسيا ذبحونا بنات اندونيسيا قسم من كثر مازوجي صار يعرفها يقول كل اهل ديره يختلفون عن الثانيه
يوم رحنا عند بنت عمي وودت الشغاله المويه لهم قالها انتي من >>كذاكذا قالت ايوه
فرح يعلمني انه يعرف بتات هاك الديره << عرفهن ابن الذين
رجل خالتي كان قنصل بالسفاره هناك تقول خالتي قعدنا هناك اربع سنوات شفتو الي يجوننا هنا تراهم حكاكة المجتمع هناك
زباله المجتمع
البنات هناك يطيحون الطير من السما
شعور وبياض واجسام وتسدح عن الاشارات بالكلوتات والستينات قسم القسمات ان خالتي رجلها مطوع بس تقول كل يوم يجونا بنات يطقون على البيت >> للاجار<<توصيل البنات مجانا وبدون طلب
ومو القصد بنات وما بنات القصد الروحه الحين معي خويي
المره الثانيه معك>>مع اخوياه>>>مع الي معاه الله واعلم
بعدين خويه نصاب وش انقليزي<<اصلا اكثر من نصهم هناك مايهرجون الابلغتهم الاندونيسيه حتى زوجي ودى معه كتاب
بلهجة الاندونيسيين
انا قلت لك الي مريت فيه
انتي بكيفك شورك من راسك السفرات من غير حاجه مالها داعي يالصراحه..دامك قاضبته من اول انصحك ان تستمرين
لان الرجل لاعطيتيه مجال ينطلق ترى تتعبين معه والله..تجربة اخت
تحيتي لك

خو بنيه ش
والله انك صادقه
وهذا اللي انا ناويه عليه بعارض للاخير
وانا قلت له حتى لو سافرت انا مو راضيه ووالله انك مضايقني
وصرت ماعطيه وجه حيل ولا احاول ادور سوالف معه
ان شاء الله ينفع معه

اختي اقلبيها على راس صديق زوجك وخلي وحده تتصل على زوجته
من رقم ما تعرفه بعدين تقفل الشريحه وتقول لها لكن حاولي
تحددين وقت السفر الماضي لصديق زوجك وخليها تقول لها ان
زوجك متزوج في اندونيسيا وبأمكانها ان تفتشي جواز السفر
وتلاقي ختوم الدخول والخروج وبكذا تتنكد السفريه وخليها تقول
انه يبي يسافر خلال ايام واضربي الحديد وهو حار مثل ما يقولون ,,,
( نجد المها ) ,,,

انتبهي وديري بالك ما دامت زوجته ما تعرف عن سفرياته دليل انه يخبي عنها شي غلط بغلط ووده ياخذ زوجك لهالطريق يا تفركشيها وبقوة يا اما تروحي مع زوجك ولو اضطريت تقولين لزوجه رفيق السوء ذا ما تقصري الله يحفظلك زوجك ويبعده عن طريق السوء

حسبي الله على صديق زوجك
لا تخلينه يسافر