آبي شوركم تكفون

الهي ادعوك

11-08-2022 - 01:16 pm

السلام عليكم ورحمة الله وبركاته...
انا بغيت استشيركم...في موضوع وايد مهم...
انا عندي ضعف في التبويض ... ولما اخذ منشطات يصير عندي التبويض ممتاز واحمل وبعدها اجهض ... وسويت تحاليل لسبب الاجهاض لانه تكرر عندي اكثر من مرة...وقالوا لي لانه البويضة تكون ضعيفة...ونصحوني بعمل الحقن المجهري...

هل تنصحوني بعمل الحقن المجهري مع ان زوجي سليم....؟؟؟

انزين ولنفرض اني قررت اسوي العملية فانا متحيرة وين اسويها..؟؟؟في نستشفى السلمانيه قالوا لي بنسويها لج ب1000 دينار واحنا نتحمل مصاريف الكشف والادويه...!!! او اسويها عند د.بركات بيسويها لي ب1500 دينار وعليه الادوية وكل شي....!!!
انا الحين وايد مترددة.. اخاف اسويها في السلمانية وتفشل((لاني ما اثق فيهم ولا في علاجهم))
واخا اسويها عند بركات واخسر فوس وتفشل....((خصوصا ان زوجي مو راضي واناجابرته)واحنا بنسوي العملية بالدين......)..

وين اسويها.. ؟؟؟؟

اساسا اسويها اولا....والله تعبت من هالوضع كله....
وفي بالي فكرة من فترة...ابي اتبنى بنت...؟؟اشرايكم...؟؟؟
بليز ردوا علي...محتارة....اشرايك م...؟؟؟؟
والله يعطي اللي ترد علي مرادها ويبلغها مناها....

التعليقات (9)

~أنتظر خلودي~

11-08-2022 - 04:46 pm

الله يرزقكِ حبيبتي ..
وفي بالي فكرة من فترة...ابي اتبنى بنت...؟؟اشرايكم...؟؟؟
بليز ردوا علي...محتارة....اشرايك م
والله حبيتي ما أنصحكِ بعد فتره تندمين ...وجهة نظر

°•.»أمـٍ^ٍـٍيــٍ^ـٍره«.•°

11-08-2022 - 05:47 pm

شوفي اذا انتي تجهضين في بدايه الحمل يعني قبل مايكمل ثلاث شهوراعملي الحقن المجهري اما اذاتوصلين الثالث وبعدهاتجهضين ويكون الطفل حي سوي ربط هذا الي سمعته انه افضل وبعدين في وحده من قريباتي مسويتها ومشالله عندها الحين بنوته قمرلاتترددين والله يرزقك انشالله

الهي ادعوك

11-08-2022 - 06:48 pm

انتظر خلودي...
الف شكر لك ولتجاوبك معاي...
ووجهة نظرك احترمها....
الله يرزقنا قريب يارب...

الهي ادعوك

11-08-2022 - 07:49 pm

اميرة...
الف شكر لك وما قصرتي...
انا اجهض خلال الثلاثة اشهر الاولى...
اول مره بدون مثبتات وحبوب....
وثاني مره مع المثبتات والحبوب والابر...
بس الله ما كتب لي يكمل الحمل...
الله كريم ...وربي يرزقني ويرزق الجميع... .

وصيفة خير

11-08-2022 - 08:50 pm

استخيري والله يكتب لك الخير يارب العالمين
اما على التبني ماانصحك فيه لان الناس ماراح تسكت وبعدين ما تدرين وش بيصير بالمستقبل والله يرزقك ياالغالية والله يعوضك خير يا عمري

ام عزوزي 2008

11-08-2022 - 09:51 pm

حبيبتي وحده من قرايبي كانت مثلك كل ماتحمل تسقط راحت لوحده حرمه شعبيه وسوت لها تمريخ وعطتها علاج والحمد لله حملت بعدها ولا سقطت والحين معها 4اولاد الله يحفظهم لها يارب

teeba

11-08-2022 - 10:52 pm

الله يرزقك يارب بس حبيت اضيف شي انتي كم سنه متزوجه ؟
اقولج قصه صديقتي وجارتي صارلها عشر سنوات متزوجه وصار معاها 4اسقاطات بس ماياست من رحمه الله واصرت ان تحمل بعد مشيئه الله حملت والان اكتملت الشهر الرابع والحمدلله مافي اي خطر عليعا يعني انتي روحي الدكتوره شاطره اول مايصير عندج الحمل ورقي نفسج وصدقيني بعد التضرع لله حيثبت حملج بعون الله اما بالنسبه لتبني طفله بكير يا اختي على هذا الموضوع دامج سقطتي مرتين يعني بيج امل التلقيح المجهري على شنو تسوينه وانتي ماعندج مصاريف العلاج تتدايني علمود العالج يا اختي ما انصحج ابدا اتركي الموضوع لحين ماتياسين من الاطباء وبعدها فكري بالتلقيح المجهري والله يا اختي متفائله الج بالخير اصبري تراها تطهير ذنوب الحمدلله واحتسبي الاجر تصدقي ولو بشيء بسيط بنيه الحمل واستغفري ومن تشكين نفسج حامل رئسا روحي للطبيبه لاتهملين حالج وادعي ربج يثبته ترا ربج مايرد عبد حاشه لله الصبر ثم الصبر ثم الصبر رزقنا واياج الذريه الصالحه امين يارب

تالين22

11-08-2022 - 11:53 pm

اصبري ماتدرين يمكن تحملين ان شاء الله طبيعي بدون مثباتات ولا شئ والله كريم ..

& طيف الأحلام &

12-08-2022 - 12:54 am

والله يرزقك ياالغالية والله يعوضك خير

من تطمن قلبي الله يطمن قلبها←
المجهضه الله يعوضها الكل يدخل يفيد ويستفيد→