أبغاكم بخدمه لاتفشلوني

مرحبا بك مركب هوى فراشة جديدة بيننا وحياك الله بقسم الديكور والمنزل ومالك الا طيبت الخاطر ان شاء الله
بس انتي أنتظري على بكرة ان شاء الله راح انزل لك مجموعة من الجلسات العربية
أنتظريني عزيزتي
دمتى بكل الود.........

هلا عزيزتي...
جمال أي غرفة في البيت في بساطتها و دايما ً الأجانب يحبون البساطة فتلقين بيوتهم خفيفة و جميلة...من ناحية
الألوان، أنا انصحج تختارين ألوان فاتحة لأنها توحي بوسع المكان و الألوان الغامقة دايما تضيق المكان و
تصغره.. الألوان بعد لهم تأثير نفسي على الانسان اللي يجلس في هذا المكان مثلا الالوان الفاتحة تخلي الانسان
يشعر بشي من الراحة و الالوان الغامقة تضيق النفس و الخلق.. لازم تختارين لون هادي ترتاحين له..
و غير الالوان عندج بعد الكنب..انتي تقولين مليتي منه..تقدرين تغيرين نوع الكنب أو تختارين شكل يديد أو
غريب..تقدرين بعد تختارين ألوان غريبة حق الكوشونات (المخدات) مال الكنب...
الاكسسوارات أو الاضافات البسيطة مثل ابجورات أو شموع أو لوحات مناظر طبيعية أو أي شي ممكن يخطر
على بالج يسوي جو حلو في الغرفة و يعطيها طابع خاص و لمسة حلوة..غير الأثاث و الاكسسوارات عندج
الورود أو النباتات..وايد يعطون شكل حلو خصوصا ً في الصالة..
غير هذا الستاير و الطاولات.. لازم تختارين الستايل و الشكل اللي يتماشى مع باقي الغرفة..مثلا اذا كان ستايل
الغرفة وايد بسيط ما يصير تحطين ستاير وايد فخمة..
لقيت كم صورة فيهم حركات يديدة و ان شاء الله يعجبونج و يفيدونج...
انتظري البقية

نساء صغيرات
الف شكر حبيبتي لطلتك الحلوه وبانتظار صورك باحر من الجمر
جوري
الف شكر لمرورك وأرائك الحلوه وفعلا كنت أفكر بالالوان الفاتحه بس مدري اي لون بالضبط
الله يجزاكم الجنه مثل ماجبرتو بخاطري قولو امين

عزيزتي هذيل باقي الصور...
من ناحية الألوان أي شي فاتح حلو..تقدرين تمزجين أكثر من لون مع بعض..مثلا البيج مع الاصفر الفاتح أو درجات البيج و البطيخي أو البرتقالي الفاتح أو البطيخي مع الاخضر الفاتح...
ان شاء الله قدرت افيدج
السموحة

تفضلي ياقلبي هذي مجموعة من الاشكال الحلوة والغريبة ويغلب عليها الطابع المغربي تقدرين تأخذين منها أفكار
تفضلي... ياقلبي
أتمنى تنال على أعجابك وأي شئ تريدنة لاتترددين بكتابتة هنا أو اي أستفسار ونحن بالخدمة
دمتى بحفظ الله ورعايتة........

جوري الف شكر اعيوني ماقصرتي نخدمك بالافراح ان شاء الله
نساء صغيرات ألف شكر حبيبتي عن جد الصور حلوه وفيها أفكار فادتني
جوري / نساء صغيرات الله يجزاكم ويانا الفردوس الأعلى مثل ماخدمتوني قولو امين

العفو ياعزيزتي ونحن بالخدمة
ومشكولرة على الدعوة آمين
دمتى بكل الحب.....

العفو حبيبتي!! تامرين انتي بس! و اذا احتجتي شي ثاني ما يردج الا لسانج!!