أبي مشورتكم وخصوصا اللي ماعندها عيال

انا بصراحه توي بنت
بس انا بأحط نفسي مكانك
أولا بأستخير إذا ارتحت خلاص
وبعدين شوفي الناس ياكثرهم يربون العيال وبعدين يعقون فيهم والي يتزوج وينساهم والي مهبلين بهم بمشاكلهم وبلاويهم
يعني ماتدرين وش الخيره فيه
أستخيري

مشكورة ياقمر على ردك والله نفس الاحساس
اقول وايش ابي بالعيال هم واحيانا اقول لا علشان يشيلون بكبرتي
يعني تحسي اني مترده لكن الاستخارة الى الحين ماني حاسه بشي
والله يعطيك اللي تتمنينه

حبيبتي
اوصافة ماشاء الله ماتتفوت وقليل اللي كذا
لو انا مكانك اوافق
والله فيه ناس يتحسرون بحياتهم والسبب عقوق اولادهم
واذا على غريزة الامومة عندك ادخلي ميتم واشتغلي فيه حلو بتشوفين بنوتات حلوات
وتذكري ان الله على كل شئ قدير
الله يوفقك ويسهل دربك

هلا يااختي ملكني ياحلو اسمك
والله بخصوص الرجال والله انه مواصفاته ماتتفاوت
ووعد الوالد انه راح يعوضني عن كل شي
اختي نفس الكلام قالت خذيلك يتيم وربيه والطب كل ماله يتقدم

صدقيني مثل مانت عايشة الحين تبين الزواج بعد الززواج على طول بتعيشين تبين اطفال وتفكرين فيهم
اعرف وحدة مطلقة وعندها 3 اطفال وتقدم لها واحد مايجيب فوافقت قالت خلاص 3 يكفوني وبعد 5 سنوات تطلقت منه تقول ابغى اطفال
فنصيحة لاتوافقين وتضيعين عمرك زياده انتظري سنة او سنتين بس تاخذين واحد على الاقل تنجبين منه لو طفلين

هلا ياomkoko اشكرك على ردك
والله كلامك فيه نوع من الصح
لكن ياترى لو رفضت راح اضمن انه راح يجيني واحد ثاني
وفيه نفس المواصفات هالرجال
ياربي والله الحين تردت اكثر

اشراقة الربيع
على فكرة قريت في موضوعك انك رافضة تتزوجين واحد اصغر منك ترا مافيها شي وكثير اعرفهم متزوجين رجال اصغر منهم ب 5 و7 سنوات وعايشين مبسوطين
وكل رجال له عيبة هذا اللي تقدم لك كامل والكامل وعيبة العقم ويمكن تبين بعض العيوب بعدين وبينك وبين نفسك بتقولين عقيم وفية كذا وكذا يعني ماراح تتقبلين من اي عيب ثاني
واذا تقدم لك متزوج ميسور وافقي مافيها شي الزوجه الثانية اذا كان بيعدل وبيعطيك كل حقوقك ولاتجلسين بدون اطفال على لو لاقدر الله تطلقين من واحد طبيعي على الاقل فيها خيارين اما بتحملين بطفل او بتجربين نفسك ويمكن ماتحملين وتعالجين
ولاتاخذين واحد مايجيب وتحطين يدك على خدك ولو تطلقتي لاقدر الله تصيرين ضيعتي عمرك لا اللي انت حملتي ولا انت اللي عالجتي للحمل
اتمنى تكوني فهمتيني وصدقيني الاطفال كل شي بالحياة لايغرك كلام اللي مابعد تزوجوا واللي عندهم اطفال اسألي اللي لهم سنين عايشين بدون اطفال
الله يوفقك ويرزقك وفي الاول والاخير استخيري

والله ياحبيبتي اهم شي العيال بكره من بغى يشيلك بكبرك؟؟
عيال الناس والله هالزمن ماينفعو حتى لو كانو اولاد اخوانك واخواتك
نصيحتى لك لاتوافقي وان شاء الله بيجيك افضل منه

لا توافقي كل اللي يتزوجون ويتاخر حملهم ينهبلون ويدورون الحمل والمال والبنون زينه الحياه الدنيا الله ماقال الزوج زينه الحياه الدنيا وخوذي اصغر منك تعيشي ملكه صدقيني ياكثرهم اخذو اصغر منهم واخذو رجال متزوجين مافيها شي اما اخذ عقيم ليش والله والله والله وحده قريبتي اعرفها زين عمرها 37 تزوجت واحد مايخلف بعد 6 شهور تحسفت تقول لو اخذت شايب كنت جبت منه ضنا مع انها كانت مقتنعه جدا فيه نصيحه لا توافقي واتمنى تطميننا انك ماووافقتي وبالنسبه للعاقين واللي مانفعو اهلم كل واحد ونصيبه حتى ام العاق لو ماحملت وجابت طفل كانت اتحسرت ومحد يعرف الغيب بس الاكيد الندم