أتمنى تساعدوني الكوشة و المسكة والفستان

هلا أختي قمر الإمارات
أول شي مبروك مقدماً
بالنسبة للكوشه والمسكة وتزين الطاولات ممكن تروحين لمحلات جون للزهور
في دبي محلهم خلف مركز أبوهيل بصراحه أسعاهم ممتازة وعندهم أفكار
ناعمه جداً ورمانسية للمسكات والطاولات .. والكوشه بعد ممكن يسونها ..
وقمصان النوم ممكن تروحين محلات نعومي في دبي وعجمان أسعارهم حلوه
ولاسنزا في دبي والشارقه ماركس ودبنهامز كلهم أسعارهم حلوه
وفيه قمصان نوم في قسم المول أسعارهم ممتازه ممكن تشوفين الكتلوج
فيه الصور والأسعار ..
بالنسبة لتأجير الفساتين ماعرف محلات صراحه ..
ياهلا فيك ..

هلا الغاليه
المسكه انا سويتها عند اول سينز في ابوظبي
والفستان عندج حبابه للازياء عندهم فساتين حلوه واجارهم وايد حلوه
وقمصان النوم الاخت ما قصرت ذكرت لج احسن المحلات وعندج في الخالديه وايد محلات قمصان نوم روعه وعندج الكتالوج اللي انا عارضته فيه اشياء حلوه ومناسبه
واذا تبين شيء انا حاضره
بعد عندج مصانع عجمان محلات تراديشن حلو واسعاره وايد اوكي ( قمصان نوم)
سلامي

ألف مبروك يا قمر الامارات.. أنا عندي لك فكرة حلوة.. كنت ابيها لخطوبتي بس ماصار نصيب.. وانشالله تعجبك ويكون عرسك رهيب..
الفكرة هي فكرة سندريلا..
المسرح اختاريه يكون على شكل عربة خيل وفيه مسرح كذا اكيد بتلقين
وسادة زرقاء بيها كراكيش يكون فيها فردة من حذائك الزجاجي أو الأبيض الرائع يلبسك اياه العريس عند باب الصالة امام المعازيم قبل الدخول
كعكة الزواج تكون على شكل قصر أو ساعة فيمكن أن تكون بهذا الشكل
بطاقات الدعوة تكون على شكل ورقة ملفوفة كما الدعوات في ذلك الزمان وتكون صيغة الدعوة كدعوة لعرس الامير والاميرة
اغنية فايز السعيد (السندريلا) حلوة للزفة وماحد دخل عليها بس ضيفي لها زغاريد..
يمكنك توزيع تحف على شكل أحذية صغيرة على المعازيم
يمكنك تعليق ساعة كبيرة في القاعة
أتمنى أن تعجبك وأتمنى لك السعادة في حياتك الزوجية..

مبروك ياقمر الإمارات .... أنا بدليج على محل ورد روعة جربناه حق عرس أخوي تزين الطاولات رهيب أفكار يديده و بعد المسكة و يسسون كوش وأ سعارهم مناسبة جدا جدا أنا بصراحه أتعامل معاهم حق كل المناسبات و عندهم توصيل مره سويت حق صديقتي تنسيق ورد وفواكهه بس سوولي إياه بطريقة رهييبة .... أسم المحل المناسبة الجميلة بعد موجود خلف أبوهيل