فتاة مقبله على الزواج عرسك قريب حياك الله اقلطي

1. بالعربي الفصيح جهاز الزوجيه


2. الملابس وملحقاتها ******


3. مقاضي من السوبر ماركت **********


4. مستلزمات الاحتفال *******


5. مكياج العروس*******

السلام عليكم يا أحلى فراشات
شلونكم شخباركم ؟؟ إن شاء الله تكونون بصحه وعافيه يارب
أنا أول مره أكتب موضوع بهالقسم ..
كذا طرا على بالي وحبيت إن كل الفراشات الحلوين يستفيدون
الله يسلمك يا غاليات الموضوع ومافيه كل ما تحتاجه العروس لبيت الزوجيه

بالعربي الفصيح جهاز الزوجيه

الملابس وملحقاتها ******

• أهم شي لازم تشترين ياعروسه بدلات سواريه وفساتين حفله حلووه << عارفه انتي عروس جديده والعزايم راح تهل عليك فلازم تكونين أشيك الحضور
• جهزيلك بدلات راقيه وعمليه بنفس الوقت عشان الزيارات لبيت أهل زوجك وأقاربك << عروس جديده لازم تتدلعين
• وطبعا الشي الاساسي (( قمصان النوم )) والملابس الداخليه .. لازم تنوعين بالموديلات والالوان عشان ما يزهق منك زوجك .. يعني يوم فاقع والوان صارخه ويوم ملاك ناعمه .. ترا الرجال يحب التنويع .. ويفضل انك تكونين على علم بالالوان اللي يحبها .. نوعي بالبانتيه اشتري كل الموديلات عشان تسدين فمه ولا يقدر يقول شي .. نوعي باللبس هاذا بالذات قد ما تقدرين .
• جينزات ضيقه .. تنانير قصيره .. بديات علاق وحفر وكت .. للبيت البسيهم العصر واكشخي فيهم له .. عارفين هالفضائيات ذابحه شبابنا .. عشان ما يشوف برا .. شوفي بالبيت وبالحلال .. وكثري من التنانير القصيره جدا ترا كل الرجال يعشقونها .. واخذيها مني .. والله يعشقونها
• ملابس سبورت حق السوق .. منتزه .. بحر .. وما الى ذلك من الرحلات الحلوه
• بجامات ناعمه والوانها حلوه ومريحه للنوم
• جلابيات .. عشان اذا انعزمتي على الغدا احلى انك تلبسين جلابيه من انك تلبسين بدله .. للغدا طبعا ..والا العشا البدله أحلى
• شرابات .. شباصات . . اكسوارات .. عطور .. كريمات .. وما الى ذلك
• عبايات جديده وملافع جديده
• جيبي اطقم جزم وشنط على الوان البدلات اللي شاريتها.

مقاضي من الصيدليه *********

• آله لنزع الشعر .. بتحتاجينها كثير.
• أمواس حلاقه .. لاتستخدمينها ولكن للاوقات الضروريه بس
• حبوب صداع
• بلاستر للجروح
• ادوات منكير

مقاضي من السوبر ماركت **********

• شامبو
• صابون
• معجون أسنان
• حلاوه
• فوط صحيه (للدوره الشهريه .. للاستعمال اليومي)
• غسول (او مناديل المسح )
• مناديل لمسح المكياج
• فرشاة للشعر
• فرشاة أسنان
• لوشن للجسم
• شاور جل
• بودره للجسم
• ديودرنت
• سنفره لتقشير الوجه
• كريم حمايه من الشمس
• كريم الليل

ملاحظة: انا افضل انك تستخدمي اللوشن والشاور جل والبودره ماركه بيبي جونسن .. صدقيني راح يحس زوجك انك طفله نقيه وطاهره .. بتكون رحتك مثل الاطفال .. وناعمه مثلهم بعد

مستلزمات الاحتفال *******

• فستان أبيض ( او على ذوقك .. بس من رايي اذا كانت الحفله كبيره بصاله او بفندق يفضل اللون الابيض .. واذا كانت صغيره بالبيت يفضل السكري او الذهبي )
• شبكه (( نصيحه ترا مو كل ما كبرت الشبكه كانت احلى .. اختاري شبكه حلوه وناعمه عشان تستفيدين منها بالمناشبات .. اذا كانت مره كبيره ما تقدرين تلبسينها بعدين ))
• دبله
• جزمه وشنطه مع الفستان
• مسكه ورد (( من متخصص لأن المسكه تعطي للفستان موديل حتى لو كان عادي))

مكياج العروس*******

• جهزي لنفسك مكياج وأهم شي كريم الاساس .. اشتري كريم اساس حلو يخفي عيوبك مع البودره حقته والكونسيلر
• جهزي حمرات .. بلاشر .. تحديد للحمره .. كحل .. ايلاينر .. شادو
• مكياج يوم الحفله روحي لمتخصصه محترفه .. عشان تكونين مرتاحه انك بتطلعين بالصوره اللي انتي تبينها

معليش حبيباتي طولت عليكم .. بس شسوي حبيت أساعد وأقدم رايي وان شاء الله استفدوا
أختكم .. أحلى*نجدية