أحتاج مساعدتكم ومشورتكم في هذا الامر بسرعة رجاء

1. انا طالبة جامعية هذي اخر سنة واتخرج الحمد لله

طلبتكم يا بنات ...

انا طالبة جامعية هذي اخر سنة واتخرج الحمد لله

المشكلة انا الفصل الي مضى توفى اخوي ( الله يرحمه ) فأخرت كورس فصرت متأخرة بكوس عن باقي صديقاتي ..
المهم لما هذا الفصل جيت اخذ مشروع التخرج الي هما سبقوني وخذوه ( صديقاتي ) ربي بلاني بوحدة اخذت المشروع معي ( لازم نكون طالبتين او اكثر في المشروع ) انا لاني كنت متغيبة عن الجامعة وقت التسجيل البنات الي اعرفهم حشمة وبنات ناس سجلو مع بعض مجموعة وما احد كان عارف اني معاهم المهم تركوا وحدة بغيضة الله لا يحطكم معاها في اي موقف ..
المهم لما بديت اداوم سلمت امرى لله واخذت المشروع الاستاذ نبه رئيس المشروع اني انا طالبة مجتهدة وهذيك بنت كسولة وقال له درس هناء الصعب وخلي السهل للي معاها لانها كسولة وراح تغلبكم ؟
المهم بديت اسوي المشروع والله يا بنات ..
والله وربي شاهد
انا اشتغلت كل شيء فيه
درست برامج ولغات برمجة وذبحت روحي اشي فيجول باسيك واشي جافا واشي فلاش واستعير كتب من المكتبة وذابحه روحي ..
وانا سويت كل شيء وربي شاهد والاستاذ عارف ..
المهم انا اشتكيت للاستاذ المسؤول عني المرشد الجامعي الي هو يتابع خطواتي ويعرف امكانياتي راح هو كلم المشرف عن المشروع وقال له اعطي البنت الثانية شغل تسويه وإلا لا تعطيها درجات بالمرة ..
المهم الاستاذ كلفها بعمل قالت له سويته وحطيته بالفلاش ديسك ..
مر اسبوع والثاني وهي تقول للاستاذ نسيت الفلاش في البيت ..
اليوم انا كنت غايبة ( مريضة وتعبانه شوي ) واهي راحت للاستاذ لما سألها عن الشغل الي سواته قالت له ايوة سويت كل شي بس الفلاش مع هناء ؟؟
ورسلت لي رسالة تقلي هناء إذا بتداومين بكرة قولي للاستاذ ان الفلاش حقي معاش وانك نسيتيه في البيت او ضيعتيه او اي شيء ..
المهم حسيت بالتعب النفسي شديد جدا ..
احترت الحين وايش اسوي فيها هل اخبر الاستاذ ولا كيف اتصرف معاها نحن ما عدنا بنات صغار ؟؟
صعب اتعامل معاها ؟؟
حيرتني وذبحتني ؟؟
وانا الي متعبة نفسي اكتب وادرس وادفع من جيبي ثمن نسخ وطبع اوراق وإنترنت وبرامج كله وهي تكذب على الاستاذ وتتهمني بأشياء لما اكون غايبة هذا شيء منها والله يستر لايكون في اكثر من كذا ؟؟؟
دلوني بالله ايش اسوي بكره بروح الجامعة ايش اقول للاستاذ هل امشي معاها في كذبها ولا اقول الصدق واحكي كل شيء ؟
انا تعبت ومليت ..
وشكرا