أخطاء ومواقف لنا في اول سنه جامعه انتبهوا يابنات اولى

1. >>> طنش تعش تنتعش <<<


2. 8/ حافظي على نظافة مكانك .


3. 9/ حولي مايكون عندك اعداء في الكليه .

اول شئ مبروك لكل بنوته دخلت الجامعه الله يسهلها لكم كلكم
طبعا انا كتبت الموضوع لغرضين :
اولها : للترفيه وذكر المواقف الحلوه والمره اللي مرينا فيها في المستوى الاول خاصه وباقي مراحل الجامعه عامة.
ثانيها : لتوجيه النصح والإرشاد للمبتدئات في امور قد تغفلون عنها وتجنبها على حسب خبرات وتجارب السابقات.
طبعا يابنات شئ اكيد انكم بتنتقلون لمرحله جديده في حياتكم وبتخالطون مجتمع كبير بتلاقون الزين والشين والخير والشر .
احب اولا أوجه لكم بعض النصايح قبل مانبدأ( نذكر ) مواقفنا وانا قلت ( نذكر ) يعني اللي مرت بهالمرحله لازم تذكرلنا مواقفها في الجامعه وخاصه اول سنه لها .......
1/ طبعا اول سنه احتمال تكونين مكتئبه وتفكرين مليون مره انك تتركين الكليه لأنك بتحسين انك في مجتمع كبير ماتعودتي على هالحجم ويمكن تكونين انطوائيه نوعا ما ويمكن تبكين في البيت ويمكن ويمكن
لكن ترى كل هذا لأنك مو متعوده ولأنك فقدتي المدرسه وايامها وبتقولين ياليتني باقي فيها لكن الأيام كفيله انها تغير رأيك وبتتأكدين من شعورك مع الأيام انك حبيتي الجامعه وان ايامها احلى ايام وتراه طبيعي لو خفتي.
2/ انتبهي احد يضحك عليك ويقولك اذا تبغين تنبسطين ألعبي على بنات وجمعي معجبات و ترا والله بتزيدين تعبك وتصير عندك حاله نفسيه وبتفترقين عن صديقاتك وبيزعلوا منك وبتصيرين مشتته لأن الحبيبه تبغاك تكونين ملكها وحدها ( أرض على غفله ) واذا لاحظتي احد يطالع فيك كل مارحتي وجيتي انتبهي تبينين انك لاحظتيها تراها بتفرح وتوقعك في شباكها وانتي ماتدرين عن اخلاقها ونواياها ويمكن مع الأيام تتقرب منك وترى هذا الشئ دائما او بالأصح غالبا مايحدث فيه بعض حركات الشذوذ يعني بالعربي

>>> طنش تعش تنتعش <<<

3/ غالبا بعض البنات يطلعون شريحة جوال في هذي السنه لأنها خلاص كبيره ويعتمد عليها خليك قد الثقه والكلام هذا حتى للي عندها جوال من قبل . نتبهي تعطين رقمك لكل من هب ودب أي وحده تطلبك رقمك على طول تعطينها يمكن تورطك مع شباب ويمكن تنشر رقمك ويسببون لك مشاكل لا لها اول ولا تالي >> اسألي مجربه..صرفيهم وألا قولي انه رقم امك اخوك ابوك جدك المهم صرفيهم إلا اللي تثقين فيهم هذا شئ ثاني.
4/ لاتقولين اول سنه مابشد حيلي مافيه معدل ابغى ارتاح وغيره من هالخرابيط انا اقولك انتبهي انا سويتها وحملت مادتين بدون ارادتي وصرت كسلانه مع اني والله كنت شاطره في المدرسه لكن خلاص اللي يقلل من مستواه يروح فيها .
5/ لو وانا اقول لو قدر الله وحملتي ماده مادتين ثلاثه اهم شئ ماتزيدون عليها ترى تبقون للإعاده هذا الكلام في الكليه لاتتحطمون وتدهورون انفسكم وتمرضون وتتركون الدراسه ومادري ايش ( شوفو من يتكلم ) لاحاولو ترضون بالقسمه والنصيب وترى بعض الدكاتره والاساتذه ظالمين الله يهديهم يعني خذي الدنيا ببساطه واهم شئ حسني اخلاقك مع الاساتذه وألزقي فيهم بتنجحين الأولى بمرتبة الشرف .
6/ حاولي انك تهتمين في شكلك تراك في جامعه مو مدرسه يعني مثلا سوي ميك اب خفيف مو ثقيل نظمي شعرك قصيه غيري تسريحته اهم شي تكون عاديه غير متكلفه ومناسبه للمكان اللي انتي فيه واهتمي بملابسك ونظافتك ترا الناس ماترحم ( الناس مايعجبها العجب ولا الصيام في رجب ) .
7/ انتبهي ترفعين صوتك في الكلام او الضحك خليك ناعمه وحبوبه وساعدي المحتاجات وخليك رزه علشان تعرسين .

8/ حافظي على نظافة مكانك .

9/ حولي مايكون عندك اعداء في الكليه .

10/ لو افترضنا جاتك الدوره وانتي في الجامعه وانتي من النوع اللي يتعب مره شوفي اقولك نصيحه لوجه الله مهما تعبتي حتى لو شارفتي على الموت انتبهي تاخذي حبوب من عند احد حتى لو كانت مغلفه بغلاف الدواء انتبهي انتبهي انتي ماتعرفين الناس اللي حولك في هذا الوقت وللضروره حطي في شنطتك دواك اللي تستخدمينه وعلبة مويه افضلك واضمنلك ولو افترضنا ماعندك !!!!!! لاتنحرجين روحي لشؤون الطالبات واطلبيهم والا اطلبي من الفرّاشات او دبري نفسك .
هذي يابناتي ( قلبت ام ) بعض النصايح اللي جات في بالي حاليا ولو جد جديد اكيد بوافيكم فيه لكن اتمنى منكم تاخذون هذي النصايح بعين الاعتبار والله ماكتبتها لكم إلا من تجربه وماودي تمرون في اللي مريت فيه وانا ألحين تعبت من الكتابه وما اقدر اذكر مواقفي في السنه الاولى لي من الكليه لكن الله الله في الجامعيات مايقصرون ويذكرون مواقفهم .....
والله الله في الردود لا تخذلوني ..