أخواتي 00أسألكن بالله أن تدخلن000

,, بسم الله الرحمن الرحيم ,,
والصلاة والسلام على نبينا محمد وعلى آله وصحبه أجمعين000وبعد
أخواتي في الله 00 قربت الإجازه والمناسبات زي ماأنتم عارفين تكثر بهالإجازه00 ويمكن البعض عامل
حسابه لهالمناسبات من قبل شهور 00تقعد الوحده تراكض من سوق لسوق ومن مشغل لمشغل عشان تسوي شي
محد سواه00والله سبحانه وتعالى يقول{وسابقوا الى مغفره من ربكم وجنه عرضها السموات والأرض أعدت
للمتقين} وعشان تنال أعجاب الناس00 والله سبحانه وتعالى يقول في كتابه العزيز:{والله أحق بأن ترضوه}
وتلقا الوحده منا تبرم برم بهالأسواق كل يوم تقريبا وأهل العريس والعروس في حالة إستنفار عشان يوم واحد
بينقضي ويمر وبيظل مسطر علينا كل اللي سويناه فيه وننسى اليوم الآخر إللي ما تجهزناله مثل ماتجهزنا
للافراح والمناسبات00قال سبحانه وتعالى:{إن هؤلاء يحبون العاجله ويذرون ورآئهم يوما ثقيلا},
تلقا البعض منا مايهمها كم تدفع للفساتين والله إني أعرف نساء من قبيلتنا تدفع في الفستان الواحد 5000
ومنهم 4000 ومنهم 3500 وهذا أقل شي وإذا أحد قلها هذا إسراف تقول إيش أسوي هاذي أسعار المصممات
ولو الوحده فيهم دقت عليها جارتها وهي محتاجه 100ريال تتردد 1000 مره قبل لاتعطيهاوالله سبحانه وتعالى
يقول :{وكلوا وأشربوا ولاتسرفوا},
والله يا أخواتي إن اللي قاعد يصير في أفراحنا هاليومين يخلي الواحدمنابيطق من القهر إن كانت عنده حميه
على دينه ,
الحين أخوانناالمسلمين حالهم حال (قتل وتجويع ومرارة إحتلال )واحنا00 لاهين 00والله يا أخواتي
لو ماحسينافي أخوانناواتعضنا بكره يجي الدور علينا 00الله يكفينا الشر,قال تعالى
{إذا اردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا}
حتى أفراحنا صارت مخالفه للسنه النبويه 00لأن الوحده تعزمك للعشا وماتحطلك العشا إلا آخر الليل إللي
المفروض يكون للعباده00وطول الليل رقص على هالأغاني إللي أكثر كلماتها دعوه للفجور 00 والله يا أخواتي
إن بعض كلمات هالأغاني فيها كفر بالله و العياذبالله00 بس احنا ماناخذبالنا منها00 لا وبعضهن تجيبلك رجال
يغني مع المطربه والحريم منطربات لصوته الا من رحم ربي!!!!
هذا غير الاسراف في صحون التقديم والعشا اللي ينرمي نصه!!!
ولو الوحده فينا ماحضرت للمناسبه يقولولها الرسول صلى الله عليه وسلم يقول أجيبوا الدعوه!!!
أستحلفكم بالله يا أخواتي جاوبوني على هاذا السؤال 00
لوإن واحده من أمهات المؤمنين دعيت لفرح من أفراحناهل كانت ستجيب هذه الدعوه؟؟؟
طبعا لا00 لأن أغلب أفراحنا فيها مخالفات شرعيه كثيره
ليش يا أخواتي ما نقيم أفراحنا على هدي الرسول صلى الله عليه وسلم وصحابته ؟ بتقولون الزمن تغير أقلكم
لاكن الحكم ماتغير 00يقول الله سبحانه وتعالى {ما أتاكم به الرسول فخذوه وما نهاكم عنه فانتهوا}
يعني لازم نحط مخافة الله قدام عيوننا وكل ما بغينا نسوي شي نفكر هل هذا الشي يرضي الله ورسوله ولا00 لا
اعذروني كان طولت عليكم وأرجو من المشرفات الكريمات عدم نقل الموضوع من هذا القسم لأن زائراته ماشاء الله
لاقوة الا بالله كثر000كثر الله أفراحكم على طاعته وبمايرضيه00 آامين
وفي أمان الله ,
والسلام عليكم ورحمة الله وبركاته0