أخوات زوجي يالله تصبرني

حبيباتي الفراشات والله اني من فترة وانا نفسيتي زفت من اخوات زوجي لي 10 سنوات متزوجة وعندي 4 بنات كان وضعي طيب لمدة اربع سنوات وبعدين سكنت وياهم في بيت واحد لي شقة خاصة فيني هو وحيدهم وخواتة اربع متزوجات طبعا المشاكل من صغر العقول بدت تظهر صراحة انا لو تذبحيني ما اقدر ارد ع اي احد مو لاني ما احسن الرد لا بس اشوف ان هذي اشياء تافهه الواحد يرد عقلة عليها ولكن يقولون كثر الدق يفك اللحام مرة اختة الكبيرة كنت جالسة اسولف مع خالتي في بيتهم وهي بالغرفة والبنات الصغار تهاوشن مع بعض قامت اطلعت علي ودها تاكلني وتهاوش وتقول انا كرهت بيت اهلي من بناتك وليش يسوون كذا ومن ها لحكي والله ما قدرت اتكلم وقمت سحبت بناتي وطلعتهم شقتي الا خالتي تناديني وتقول والله لترجعين تكملين قهوتك طبعا استحيت منها ورجعت
والمرة الثانية تقول زوجي ما يحب بناتك ماادري ليش <<<<<رديت بضحك ومن طلب حبة
ومرة كنا جالسين نسولف قامت قالت انا شفت فيك حلم والله يابنات اني لو ذا الحلم شايفتة في عدو ماقلته موزين مرة ويسبب مشاكل وقالتة وعينها قوية انا ما عاد الدنيا تشيلني ادور احد يفسرة بالقوة لقيت وتدرون وش تفسيرة الحلم قالي المفسر انتي مو المقصودة في المنام ومالك فية لا من بعيد ولا من قريب كلة عليها وتفسيرة شين يعني وش استفادت مدري
وانا ما عندي شغالة وقتي كلة لبناتي واكرف واخلاقي تقفل ولمااطلع مع لزوجي ابي اشم الهوا ويكونون خواتة عند خالتي يرسلون بناتهم معي وصارت كذا مرة واقول لزوجي ليش تاخذهم انا يالله في اللي عندي يقول لنا فيهم اجر <<<ما اختلفنا بس مو دايم انا في اجر اكثر منهم
والله يابنات ياكثر ماشافت عيني بس انا تعبت ماصرت مثل اول اقعد معهن واسولف احسن اني قاعدة ع جمر واني بسمع كلمة من هنا او هنا وياما سبو في اخوهم قدامي واشياء والله كبيرة وصخة وامهم تسمع ولا ترد عليهم كرهتهم وكرهت جلستهن
يابنات طلبتكم لا تبخلون علي وش اسوي باللي يصير وش اسوة
( الله يرزقني بالاولاد الصالحين اللي يسروني يارب)