أخويا كان أصلع ودحين طلع لو شعر تبارك الله للي غرتهم خفيفة تعالوا

السلام عليكم ورحمة الله وبركاته
الهرجة ومافيها.................
الله يسلمكم ............
أخويا الكبير عمره 46 سنة
من يوم كان عمره 20 سنة وهو اصلع من فوق وراثة في العايلة
قبل فترة قال لي : ماشفت الزرع حقنا طلع؟؟
أنا استغربت قلت زرع ايش ؟
قام شال الشماغ والطاقية ووراني الزرع على قولتو ههه
والله ماشاء الله تبارك الرحمن طلع الزرع ههه
قلت لو من ايه؟
قال: زيت أعطاني هو الحلاق خ
طبعا فرحت فيه وقلت له بنجربه على مايلي :
1_الغرة ......عندنا احنا ياالبنات دايما خفيفة من الاستشوار الظاهر
2_وكمان بناتي شعرهم خفيف
3_وولدي أبو شهرين حلقت له وطبعا أبغاه يطلع بسرعة لأنه طلع بس من فوق ويضحكوا عليه يقولوا عرف الديك وزي قصة رونالدو اللاعب
المهم اشتريته واليوم بنجربو بإذن الله ويارب ينفعنا
طبعا الكل يبغى يعرف اسم الزيت,,
كم تدفعوا واقول لكم؟؟؟؟؟
ههه
هو اسمو ........................... زيت نعام الصحراء
شكل القارورة زي قارورة العطر بخاخ يعني ومرسوم عليها قطرة أي نقطة ماء وجواتها نعامة تركض
لاحظوا تركض مو تمشي لأن هادا هو الأصلي
اللي تمشي يمكن مايطلع الشعر بسرعة بس اللي تركض يطلع الشعر بسرعة ههه
ريحتو ماله ريحة .......عادية يعني ....زي ريحة زيت عافية وغيرو من زيوت القلي
بس كأني كأني شامة ريحة دهن عود بعد ماحطيتو في شعري ما ادري ليه ومن فين الريحة
وأعتقد ممكن تلاقوه بكل محل زي العطار ومحلات التجميل اللي تبيع زيوت
أنا لقيته عند الرواسي اللي عند اسواق الخشة ( طبعا أنا من المدينة) قيمته 40ريال
بس الحلاق يبيعو ب70 وكان اول عندو ب50 بس طمع يقول الشركة رفعت السعر
لو سعر الشركة كيف لقيناه أرخص في محل تاني؟؟
ملحوظة : لاتقولوا نزلي صورة. .................... ......ما اعرف
سووا بحث وبتطلع لكم
أتمنى أكون أفدتكم ..........لاتنسوني وذريتي ومن احبهم من دعائكم
منقول