أرجوكم بنات جده استفسار عن محل

فيه محل كلف في مجمع الشرق اسمه العيسائي
ومحلات الكلف بصفه عامه تلاقي فيه الورود والشرايط
وعندك كمان سوق الصواريخ تلاقي فيه كل شيء واسعارهم
رخيصه

بنات فينكم أنتظركم
معليش أبغى أكياس الهدايا الصغيره اللي من الورق المقوى أبغى مجموعه كبيره بس ما أدري فين ألقاها

مشكوره حبيبتي بس لا يكون غالي لأن أبغى مجموعه من الورود والشرايط
وفين مكانه بالزبط

فيه مكان اسمو مركز الهنداويه فيه شرايط وكلف

حبيبتي انا كنت زيك يوم ملكت بنت خالتي قلت انا راح اسوي المناديل واتورطت هع هع
المهم دلوني البنات على محلات في البلد والخاسقيه
الخاسقيه هذي شي عجيب غريب كل ابو شي تلقيه هناك < ركزي مو كل شي الا كل ابو شي كمان
والاسعار مرة رخيصه
اتوكلي على الله وروحي الخاسقيه < لا تسأليني فين المكان بالزبط بس اللي اعرفو اننا رحنا الين مبنى الكورنيش < السوق التجاري _+ وهناك سألنا عن الخاسقيه والناس ما قصرو والله
ان شاء الله اكون افدتك

ياقمر في محلات الهندواية تباع اكياس الهدايا والتفليف
والورد وكل كل لجميع الحفلات بسرعة رواحي من غير تفكير كل الي يخطر في بالك

من جد الخاسقيه دائما اشوف اشياء يشترونها الناس من
عندهم برخص التراب وربي شفت اشياء عند بعض البنات
بريالين وبثلاثه تنباع نفسها في الاسواق على 25 و50 وطالع
انا ماعمري رحتها ولا اعرف مكانها بالضبط بس انتي اسألي ماراح
تتوهي

إن شاء الله البنات يفيدونك
موفقة لكل خير
والله يسر امورك يا رب