الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
التعليقات (4)
يا فراشة المكياج حلو واذا كنت من محبين المكياج ادلك على خبيرة تجميل اماراتية اسمها خولة مكياجها خيال وروعة جربي وما بتندمين تليفونها 7888782
نداء إلى كل الفراشات المبتكرات→
إذا عرشج في العيد يعني جدامج تقريباً شهرين ونص أو ثلاث
أولاً شي أبدي بجسمج حاولي ترتبيه أشتركي في نادي لو ما كنتي متينه وإذا ما تقدرين عالأقل في اليوم سوي رياضة مشي في الأسوق حق الزهبة .
ابدي من الألحين لان المفروض أخر شهر أتخلينه حق نفسج وفستان العرس يعني تكونين مخلصة كل شي يخص الزهبه .
خذي ورقة وقم وأعملي جدول وايد بيساعدج سوايناه لأختي وسجلي التالي :
1- عدد المخاوير إلي تبينها + الميزانية يعني كم حاطة حق المخاوير + الوقت مثلاً من تاريخ 1/10طبعاً إلي يناسبج
2- عدد البدل إلي تبينها وألوانها / نفس الشي تحددين الميزانية والوقت
3- عدد عدد الجلابيات إلي تبينها وألوانها /تحددين الميزانية والوقت
4- عدد الفساتبين إلي تبينها وألوانها / تحددين الميزانية والوقت
5- عدد المغربيات إلي تبينها وألوانها / الميزانية + الوقت
6- النعل والجواتي حاولي في البداية تاخذين الالوان الأساية بعدها إذا تحبين ظيفي الألوان الثانية أهم شي تحديدن الميزانية والوقت .
7- عدد عبي وشيل طلعات عاديه / مع تحديد الميزانية و الوقت
8- عدد عبي وشيل سهرات / تحديد الميزانية والوقت
9- شنط بعد أشتري الألوان الأساسية وبعدين ( إذا كانت فلوسج اتكفي أنصحج تاخذين ماركات لأنه ما تخرب وينتهي موديلها )
10- الاكسسوارات حطي مبلغ معين حق الأكسسوارات وتكون مناسبه حق للبس إلي خذتيه
11- شوفي كل الألوان إلي خذتيها وعلى أساها أشتري الملابس الداخليه طبعاً أطقم
12- ملابس نوم نصيحة خذي حق ليلة العرس من الغالي بس والباقي خذي العادي لأنه في الأغلب ما بيتكرر .
13- المكياج أولاً حددي الميزانية حق المكياج ولا تكثرين خذي الأشياء الأساسية بودر وكريم أساس ومسكره وبلاشر أي شدو أرواج كلها خليها الألوان الفاتحه وأتوقع ما تحتجين غير لون البيج والوردي الفاتح إذا ما كنتي تحبين تكثرين وتاخذين مزيل المكياج والفرشاة ( إذا أنتي تحبين تتفنين في المكياج بتحتاجين وايد ألوان ).
13 أخر شي أشتري العطور (هذا أهم شي واشتري كريمات جسم وشعر وعطورات عربية وعود ودخون وعطورات فرنسية )
هذا إلي أذكره من الزهبة لكن إلي بغيت أوصلخ أنج أهم شي تحددين الألوان و الميزانية لكل غرض والوقت هذي الأشياء وايد مهمة وحاولي تبتكرين موديلات عشان تكون أشايء غريبة ونفس الوقت ما تروح موظتها .
وخلي الشهر إلي قبل العرس لنفسج بس .
أعملي ماسكات لبشرتج يومياً أشربي عصاير فرش وايد زينة حق البشرة وأشربي حليب قبل النوم
حق ليلة العرس أو شي حددي اللون إلي تبينه بس عمرج لا تخلين لون القاعة ولون فستانج نفس الشي عشان أنتي تكونين المميزة وما تظيعين فوق الكوشة يعني لا تربطين لون مكياجج وفستانج ومسكتج بلون القاعة .
والمكياج شوفي أكثر من خبيرة مكياج بعدين أختاري الاحلى طبعاً لون المكياج وتسريحتج أختاريه على أساس إلي يوالمج من حيث اللون الحجم إذا كنتي ضعيفة أو متينة و اللون إذا بيضه أو سمراء .
يمكن نسيت اذكر شي لكن لا تترددين في السؤال .