أعطوني آرائكم وحلولكم للشعر الجاف

أزهار مبعثره

10-05-2022 - 04:12 pm

صباح الخير
حبيت آخذ منكم الأراء والحلول عن الشعر الجاف وعن أي موضوع يتعلق فيه ويكون هذا موضوع النقاش مثلا :

أفضل شامبو للشعر الجاف
أفضل بلسم
افضل زيت
أفضل خلطه للشعر الجاف
افضل حمام زيت
أفضل كريم بعد الاستحمام
أقنعه ومستحضرات مجربه

كل وحده تقول اللي تعرفه واللي جربته او سمعت عنه لأني ودي اهتم بشعري لأنه عاجبني طوله الى كتفي وعاجبني انه مو خشن بس جفاف اذا استشورته يطلع روعه بس انا ناويه اصبغه قريب ودي اهتم قبل
واذا عندكم شي عن الشعر المصبوغ لاتبخلون علي
الله يسعدها ويوفقها دنيا واخره اللي تشارك معنا

التعليقات (8)

قطوة

10-05-2022 - 07:10 pm

والله انا نفس طبيعة شعرج سمعيني :
1- الشامبو والبلسم بانتين الأخضر
2-الزيت عندي خلطة وايد زينة راح احطلج الرابط مالها !!!!!! والله العظيم اتنعم الشعر لقيتها بالمنتدى بس وايد فيها طلبات ههه
3- افضل حمام زيت ( حمام كريم الجرجير ) او ( زيت الحية ) موجود بالجمعيات ،،،، والصبار يجففه بزياده تركيه !!!!
4- قناع الزبادي : عجيب للشعر بس حطي وراه حمام كريم لأن المرات الأولى بينشف شعرج بعدين راح شعرج يتعود عليه ،،،
المقادير : 1 علبة زبادي + 2 ملعقة كبيرة عسل طبيعي + بيضة وحدة
حطي نص ساعة الى ساعة فقط لأن وايد حار عالشعر ومرتين بالشهر كافي ....
يلله اتمنى أفدتج ....
ملاحظة : اللي تعرف شي زين للشعر المصبوغ لا يبخل علينا ........في انتظار خلطاتكم للشعر المصبوغ؟؟؟؟؟؟؟

kwateer

10-05-2022 - 08:11 pm

انا اتكلم عن نفسي شعري جاف بس الحمدلله اهتم فيه بهذي الخطوات دائم ويطلع كأنه ناعم وكله لمعه :
استخدم حمام زيت باناويل 2 ملعقة اكل + 2ملعقة اكل زيت جوز هند + 2ملعقة اكل زيت ذرة +2ملعقة اكل زيت زيتون واخلطها واحطها على شعري مدة ساعتين .ساعة اغطية بكيس الرأس والساعة الثانية مكشوف .
اغسله بشامبو بانتين للشعر الجاف وبعدين احط فاشكول بالصبار لمدة ربع ساعه وبعدين اغسله .
واجففه بدون مااحتاج عمل سشوار .بس بصراحة اذا ماسويت حمام زيت اضطر اعمله سشوار.
جربيها وان شاء الله تعجبك .

أزهار مبعثره

10-05-2022 - 09:12 pm

أفا أفا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله ماهقيتها منكم توقعت اني ماالحق على الردود من كثر النشاط اللي بهالقسم ؟؟؟؟؟؟؟؟؟؟؟؟؟؟؟؟؟
قطوه الله يعطيك الصحه والعافيه يالغاليه انا بانتظار الرابط
كوثر الله يجزاك خير ماقصرتي
الباقين ماتعرفون ابد ولا شي عن هالموضوع ..... أي شي يجي ببالكم ؟؟؟؟؟؟؟؟؟؟؟؟

غيوض11

10-05-2022 - 10:13 pm

شامبو لوريال وحمام الزيت اللي معاه جدا روعة للشعر الجاف لانه يمنع الاستاتيكا منه وتلاقينه في المشاغل وهو يختلف عن اللي في الصيدليات
كذلك شامبو كادوس تلاقينه في الصيدليات الكبيرة مثل الحبيب

أزهار مبعثره

10-05-2022 - 11:14 pm

يعطيكي العافيه غيوض 11
ماقصرتي

أزهار مبعثره

11-05-2022 - 12:15 am

upppppppppppppp

بنت المهري

11-05-2022 - 02:18 am

من ناحيتي عندي لكم وصفات....لانه شعري جاف
طبعا حلفت يمين اني مااصبغ شعري لانه محد خرب شعري مغير الصبغات لانه فيها مواد كيماويه وبعد فتره تخلي الشعر باهت وماله لمعه وجاف......
في البدايه كنت اسوي خلطات زيوت ومافي فايده..
بس الحين والنعم
((((((((((((((((((((((((((((((الحنه اليمنيه)))))))))))))))))))))))))
لاتقولون اتزيد الجفاف بالعكس وربي ماتجفف الشعر لاني اضيف لها مواد ماتخلي الشعر يجف..
يعني زيت زيتون وزبادي واحيانا نسكافيه بس ازيد من الزيت زيتون وقبل كل ها ازيت شعري بزيت زيتون...
صدقوني شعري صار خيالي ماشاء الله غليظ وناعم ولونه حناوي...
بس الصراحه واايد اتحسن..
واحيانا في الاسبوع مره او مرتين احط ماسكات....
يعني
(((زيت زيتون+صفار البيض+زبادي))>>>>>>>>وربي احس شعري خيال لمعه ونعومه وماقد مره حسيت انه جاف...
بس الحنه في الاسبوع مره او مرتين او ثلاث احطها بشعري...
واي سؤال من عيوني اتفضلوا..

أزهار مبعثره

11-05-2022 - 03:19 am

بنت المهري الله يعطيك العافيه يالغاليه ماقصرتي
المشكله الحنه ماودي فيها مع اني اعرف انها مفيده مره لكن انا ودي بعد فتره قصيره اصبغ شعري
ان شاء الله بس مدري وش اسوي ..
الباقين عطوني حلولكم

ماسك روعة حبيت افيدكم فيه←
بليز الي جربت الاعشاب الهندية لشعر ترد وبأمانة→