أفكاري في زواجي استفيدي ببلاش

1. يالله نبدأ


2. ان شاء الله فهمتو الفكره

حبايبي كان زواجي بشهر 7 وحبيت انقل لكم الافكار اللي سويتها في الزواج والافكار اللي خططت لها بس مانكتب النصيب واستفيدو منها (حاسه فيكم ومريت بحوستكم)
وعلى فكره اول مرة اكتب موضوع في المنتدى بس اللي يهمني الفايده

يالله نبدأ

1-كانت فكرة طاولة التوقيع جدا رائعه وماحطيتها امام المدخل لكن حطيتها فوق الكوشه
وفكرتها اني جبت عروسه كبيره بطولي ولبستها فستان ابيض منفوش وماسكه العروسه سله فيها حلويات 00وطرحة العروسه جدا طويله(طبعا العروسه لها مكياج وتسريحه خفيفه) بحيث اني وضعت العروسه بجانب الطاوله وكانت طرحتها مفرش للطاوله00وحطيت على الطاولة شمعدانات وعلى الجانب الاخر من الطاوله حطيت الاستاند حقت الصوره(سويت صوره كبيره لي )
طيب يوم اكتملت الناس وجات الدقاقه وغنت كم تغنيه بدأت زفة الصوره وهي اني جبت بنتين ماسكين اللوحه وقدامهم بنت اصغر شايلة صندوق ملفوف بالأغصان ونفس الوان الكوشه وداخل الصندوق(الصندوق مفتوح) دفتر الذكريات وفي نفس الوقت على الكوشه 3بنات يرقصون سامبا
عاد لما وصلو البنات للكوشه رقصو شويه بالصوره وبعدين حطوها على الاستاند والصندوق على الطاوله والدفتر طلعوها من الصندوق على الطاوله
طبعا فكرة الدفتر جدا جديده وعلى فكره كان من تصميمي في البيت يعني اي وحده تقدر تسويها
(شريت دفترجاهز من برا جدا فخم بالوان الصندوق والكوشه وفكيت اوراقها بشويش بحيث ان الورقة ماتأثرت من النزع يعني سارت زي اوراق الطباعه وهي شكلها ساده ولونها سكري وورقتها شوي ثقيله المهم اني اتصورت في البيت كذا شكل بنظاره ومره بمظله واشكال منوعه حلوه وبعين دخلت الصور بالفوتوشوب وحطيت خلفيات مشكله في الاوراق بحيث مره خليت الصوره بكبر الصفحه والوانها خفيفه وحطيت الاسطر عليها 00وشكل حطيت صوره في الجنب والاسطر في الجنب الثاني وكذا شكل======وطبعت الصور في الاوراق المنزوعه ودبستها ورجعتها للدفتر الاصلي===سارت الفكره ان كل صفحه من الدفتر فبها صور مختلفه من صورك وبأشكال مختلفه

ان شاء الله فهمتو الفكره

2-فكرة الزفة ان زفتي كلها أغاني مصريه بدون موسيقى المهم بعد عرض البروجكتر والتصويرمع العريس في الميزبدأت الزفة كنت ملبسه اربع بنات لبس مصري وممسكتهم حفنات مويه داخل الحفنه ماء ودت وبداخلها حبات ورد طائفي ووقت الزفة تتوجه الكاميرا للعروسه وهي تكتب خاطره في دفتر الذكريات وبعدين نزلو البنات على المعازيم وسارت الوحده تاخذ الورده من داخل المويه ولمل يوصل العريس للكوشه تتوجه الكاميرا له وهو يكتب عن مشاعره في الليله في داخل الدفتر
يبنات انا ستفدت من الدفتر لما تمر علي مناسبه زي العيد اخلي زوجي يكتب لي مشاعره في هذا ليوم
ولو افتكرت شي جديد راح اضيفها واي استفسار انا حاضره
واذا افتكرت شي جديد راح ا