الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
  2. حكم و اقوال فتيات
  3. أقولك شي وماتزعل

أقولك شي وماتزعل


    • أسماء الكويت
    02-11-2022 - 10:42 pm
    1. \كيف تبغيني أطلقج؟؟مش كافي المشاكل من بينا ومن بينكم؟؟

    2. والحين لو طلقتج بزيد الطين بله يترجع الحرب اللي بينا..

    3. موزة16سنة..أول ثانوي..

    4. أوصف لكم البيت..

    5. عوشة:وراج وراج والزمن طويل يا البقرة الضاحكة..

    6. هدى:بس يا عصقول الدياية ..

    7. فاطمة:حرام عليج شغلها على شانج..

    8. ((حرام عليكم ما ريد والله خلاص))


    السلام يابنات اشلونكم شخباركمم يبتلكم قصة يديدة اليوم عاد ماادري حلوة ولالا لاني ماقريتها
    أقولك شي وماتزعل ولاتاخذ على الخاطر!! (1)
    ((أقولك شي وما تزعل..ولا تاخذ على الخاطر..
    صحيح إني أحبك موت..ولكني معك تعبان..
    تخليني وتنساني..تعب قلبي وأنا صابر..
    وأقول اليوم يتغير..وأنا معاك أتغير..
    أدور لك سبب مقنع..وأقولك يا هوى حاضر..
    عشان الحب في قلبي..أخلي قلبي الغلطان..
    أخلي قلبي الغلطان..))
    \أنت شو قاعدة تقولين؟؟
    \\اللي أنت قاعد تسمعه
    \لكن
    \\لكن شو؟؟ والله تعبت خلاص ما اقدر أستحمل هالعيشه
    \بس أرجوج أعطيني فرصه ثانية
    \\يا كم عطيتك فرص وأنت اللي ضيعتهم..وضيعتني معاك..
    \ما أقدر أعيش من دونج
    \\ياليتني أقدر أصدقك
    \وليش أجذب؟؟
    \\لأنك أخلفت وعودك.. وطلعت جذاب..جذاب
    \والحل هو الطلاق؟؟
    \\هيه..
    \لكن طلاق مب مطلق
    \\ليش؟؟
    \مزاج..
    \\والله تعبتني معاك..خلاص أنتها اللي مبينا أنتها

    \كيف تبغيني أطلقج؟؟مش كافي المشاكل من بينا ومن بينكم؟؟

    والحين لو طلقتج بزيد الطين بله يترجع الحرب اللي بينا..

    \\كيف تبغاني أعيش معاك؟؟ وانتوا اللي سويتوا هامشكلة شوذنبي أنا؟؟ها؟؟قولي فهمني؟؟حرام عليك اللي قاعد تسويه فيه والله حرام..أنت تعرف شو كنت..كنت بالنسبه لي؟؟ دنيتي كلها تسوى الدنيا وما فيها لكن تغير أسلوبك معاي صرت تجفيني صرت ما تطيق كلامي وحتى القعدة معاي وهالشي خلاني أكرهك كثر ما حبيتك..ليش تغيرت على؟؟في شو مقصرة أنا في حقك؟؟في شو؟؟أرجوك جاوبني؟؟؟؟جاوبني؟؟
    \
    لا تعليق
    /
    طلعت من الصالة والدموع مثل النهر ينزلن من عيونها وراحت لحجرتها كالعادة
    انسدحت على شبريتها وهي تحاول تنسى شوي اللي صار هلكت عمرها وايد
    ودها تضحك لكن..نست كيف تضحك..ونست شي أسمه سعادة..فتحت مذكرتها الصغيرة اللي باللون االوردي الملفوف عليها بشريط وردي وشكلة حلو..كتبت فيه
    لا أدري..لا أدري
    إلى متى سأظل هكذا.. معلقت بين الحزن والفرح..
    أريد الفرح..
    لكن الحزن يشدني إليه بقسوة..
    هل يا ترى سيعود الفرح لي؟؟
    أم
    سأظل معلقت بين الحزن والفرح؟؟
    بعد ما خلصت ألتفت في لحافها الوردي ورقدت
    كانت غرفتها كلها وردية..عل وعسى اللون الوردي ينسيها حزنها وهمومها
    كان يحبني..يموت فيه..مايقدر يعيش يوم واحد بلياي..كل يوم والثاني قاعد عند باب بيتنا
    عقب ما تحقق مرادة وعرس..مر أول 3شهور..ألا وكل شي متغير..صار يرد البيت متأخر وأحس أنة يتضايق مني..صار يزاعق علي..يغلط علي
    سامحته مرة..مرتين..لكن يهيني؟؟مستحيل
    كنت أشوف فيه الأبو والأخو والحبيب والزوج
    لكن نظرتي له تغيرت..صار أهو الغريب..والعدو
    أكرهه..أكرهه..أكرهه..أكرهه
    في الماضي.......
    زايد:دانوة وصمخ
    دانة:خير؟؟
    زايد:عمي يباج في الميلس
    دانة:أبوية هنية؟؟
    زايد:لا هناك
    دانة:سخيف
    زايد:توج تدرين؟؟
    دانة:يوه أروح أبرك لي
    وبعد ما راحت..
    زايد:فطامي وين كتاب دانوة؟؟
    فاطمة:ليش؟؟
    زايد :ما يخصج؟؟
    فاطمة:اكوة جدامك يالعمي..
    زايد:ختيه وتمونين..
    فاطمة:الحين صدق عمي في الميلس؟؟
    زايد:لا..
    وحط شي في الكتاب وسكرة..
    وأن دانة يايه من بعيد..
    دانة:زيود..ليش جذبت علي؟؟
    زايد:تصدقين يمكن تهيأ لي أنه كان يناديج..
    دانة:والله متفيج الناس قاعدة تدرس لأمتحاناتها وأنت فاضي..
    زايد:هاذي أنت قلتيها فاضي..
    دانة:فطوم دخيلج خلينا نروح غرفتج أحسن..
    زايد:أفا يا بنت عمي أنت قعدي وأنا اللي بطلع..
    دانة:خلاص ممكن تطلع؟؟
    زايد:من عيوني..
    تذكرت ذاك اليوم اللي كانت قاعدة مع فاطمة بنت عمها وزايد أخو فاطمة..
    كانن يدرسن لأمتحانات آخر السنه..وهي في الصف الأول الإعدادي..
    وفطوم في نفس عمرها..أما زايد في الصف الثالث الإعدادي...
    بعد ماراح عنهن لقت وردة جوري حمرا في كتابها وعرفت أنها من عندة وضحكت عليه..
    أعود للحاضر....................
    بعد ساعة..
    فاطمة:دانة ....دانوة..
    دانة:هاه..
    فاطمة:قومي بسج رقاد من الظهر وأنتي راقدة..
    دانة وهي تفرك عيونها:كم الساعة الحين؟؟
    فاطمة:خمس العصر..
    دانة:دقايق وبقوم..
    فاطمة:وترانا بنروح العزبة..
    دانة:العزبة؟؟ليش؟؟
    فاطمة:أبوي عازم ريال وبيسون العشاء هناك وعزم عمي اللي هو أبوج..
    وكلنا بنروح..
    دانة:الله والله ولهت على العزبة والحواطه فيها..
    فاطمة:آه بس اللي ناقص بنات عمتي وخالاتي..
    دانة:وليش ما عزمتوهم؟؟
    فاطمة:الشباب ومشغولين واللي عندها أمتحانات ودراسة..
    دانة:خلاص روحي خليني أخلص قبل لا تروحون عني..
    فاطمة:أوكي..
    دانة:ألا زايد ماشفتيه؟؟
    فاطمة:غريبة حرمه ما تعرف ريلها وين رايح؟؟
    دانة:أأأأ تراني كنت راقدة..
    فاطمة:خلاص أتصلي له..
    دانة:لا ما أبا...
    فاطمة:ليش؟؟
    دانة:ها؟؟خلاص غيرت رايي..يالله جلبي ويهج..
    فاطمة:على أي صفحة؟؟
    دانة:سخيفة..
    فاطمة:ههه توج تدرين؟؟
    دانة:صدق أنج طالعة على أخوج..
    فاطمة:أي واحد فيهم؟؟
    دانة:فطيم....تكفين أطلعي خليني أخلص..
    فاطمة:أوه سوري..عطلتج..
    أعرفكم على شخصيات القصة..
    سيف24سنة وهو يشتغل..
    فهد22سنة وهو يدرس في الجامعة..
    دانة20سنة..معرسة..
    عوشة18سنة ثانوية عامة..
    هدى16سنة أول ثانوي..
    ...
    عيال عمهم..
    سلمى25سنة معرسة..
    زايد22سنة معرس..
    فاطمة20سنة..تدرس في جامعة زايد..
    شما19سنة تدرس في الجامعة وهي مخطوبة من ولد عمتها..
    التوأم وآخر العنقود..
    خليفة17سنة ..ثاني ثانوي..
    خلفان17سنة..ثاني ثانوي..
    عيال عمهم..
    وهم عايشين في بدع زايد..
    سعيد31سنة ومعرس..
    عبدالله28..آخر سنة له وهو خاطب بنت عمة..شما
    أمل26سنة..معرسة..
    محمد24..يدرس في كلية الشرطة في أبو ظبي..وكل أربعاء يرد بدع زايد والجمعة يرجع لأبوظبي..
    اليازي22..تدرس في الإنتساب..
    روضة20..تدرس مع اليازي..
    ناصر18 سنة..ثانوية عامة..

    موزة16سنة..أول ثانوي..

    دانة لها قسم بس برى عن البيت ..في نفس الحوش للبيت الكبير ..وهو عبارة عن غرفتين نوم+3حمامات+مطبخ+3صالات..والبيت روعة وهذا بفضل دانة ذوقها وايد يجنن..اهي كانت راقدة في الغرفة المقابلة لغرفتهم..بعد ما صار اللي صار لا يمكن ترد له خلاص كل واحد وله حياته ..

    أوصف لكم البيت..

    أول ماتدخلون تكون صالة كبيرة على اليمين صالة صغيرة فيها التلفزيون ..وعلى اليسار المطبخ اللي كان مطل على حديقة صغيرة ومفتوح فيها باب زجاج اللي عبرها تقدرون تدخلون صوبها يعني أن المدخل الوحيد لها من المطبخ.. نكمل طريقنا.. وعدال المطبخ حمام وبعدها صالة صغيرة بين الغرفتين وكل غرفة بحمامها..البيت روعة وأحلى ما فيه الحديقة الصغيرة اللي زرعت فيه الرمان والموز والنعناع وزهور مختلفة الأنواع..وغيرها..فيها كرسيين وطاوله خشب الخيزران والسطح عبارة عن مشرمية خشب واللي زادها حلاة العنب اللي ملتف عليها..
    بعد ما تلبست راحت لغرفتهم وقعدة تمشط شعرها..ماكان طويل وأشقر..بعد ما طوته قعدت تتجحل..وكانت حاطة وايد فقمضت عيونها كلهن..
    دخل عليها زايد وهي مغمضة عيونها ما عطاها ويه وراح للحمام وهي ما حست فيه بعد ما خلصت شغلتها شافت الغرفة فوق تحت وقعدت ترتبها ..
    طلع من الحمام وهو كان ماخذ له شاور على السريع..وقعد يدورله كندوره في الكبت اللي في غرفة الملابس..
    وهي ترتب لقت سفرتة وشلتها قعدت تتأملها وقالت..
    دانة:آه فديته ياناس..وفديت ريحته الحلوة..ليش؟؟ ليش يسوي فيه جذيه؟؟؟
    والله حرام عليه حرام؟؟مايحس؟؟عديم إحساس؟؟ وين زايد الأولاني؟؟والله أنة صدق..عديم إحساس..
    نزلت دمعة من عيونها وهي لاويه على سفرته كان يختلس النظر من ورا الستارة حن عليها..لكن ليش هو يعاملها جذيه؟؟ليش.؟؟
    طلع لها وهو طاوي الفودة على خصرة..
    دانة:زايد؟؟أنت هنيه؟؟
    مسحت دمعتها وفرت السفرة اللي بين يديها..
    راح صوبها مسك أيديها ضمهن لصدرة وشافها بنظرات خطيرة...
    نزلت قطرة ماي من بكلته على ويهه..وخلاص هي ذابت..
    ((آه يا ناس والله يذبح يليته يعرف قدرة في قلبي...))
    زايد:دانة..آسف والله ما كان قصدي..
    دانة شلت يدينها من يدينه وتذكرت اللي صار لها:ما أقبل إعتذارك..
    زايد:والله هاي آخر مرة أرجوج..
    دانة:تأخرت أنا بروح..
    زايد:أنا اللي بوديج..
    دانة:ما أريد أثقل عليك..
    زايد:لا أنا رايح هناك وبوديج..
    دانة وهي طالعة من الغرفة:وفطوم بتروح معاي..
    زايد:هاي دومها لزقة؟؟
    بس ما سمعته لأنها طلعت من الغرفة..
    ........
    عوشة:هداوي..هدى..
    هدى:نعم.؟؟
    عوشة:نعامة ترفسج..وين نعلي البنفسجي؟؟
    هدى:....ما أدري؟؟
    عوشة:والله؟؟ومنو البارحة اللي لابسة؟؟
    هدى:والله ما أدري وين عقيته..
    عوشة:نعم نعم آنسه عيدي ما سمعت..
    هدى:كلام الملوك لا يعاد..
    عوشة:عادال يا الكلبة..الحين تروحين تدورينهن ويا ويلج إن ما يبتيهن..
    هدى:كلبة ما غيرج..
    عوشة وهي رايحة صوب هدى اللي منسدحة تحت التلفزيون وتابع Frends في Cannel 2..وأول ماحست بها قامت تراكض في البيت..

    عوشة:وراج وراج والزمن طويل يا البقرة الضاحكة..

    هدى:بس يا عصقول الدياية ..

    عوشة عصبت ما تحب هاللقب لأتها ضعيفة وايد لا شو ضعيفة؟؟ألا معصقلة عكس هدى اللي أمتن منها بس مش متينة وايد يعني((كل خوانها ضعاف ألا هي المتينه من بينهم))..تشل جهاز التلفزيون وتفره على هدى من القهر بس أنصدمت بظهور شخص ما كانت متوقعتنة..
    فهد:آه..
    عوشة:فهد؟؟؟
    هدى:ههه
    عوشة:ضحكتي بليا ضروس قولي آمين..
    فهد:آمين..بس بلاكن صريخكن واصل للميلس؟؟
    هدى:بروح غرفتي باي..
    عوشة:هيه نسيت الجاهي على الغاز..
    وكل وحدة تعلثت لها بشي فهد وايد عصبي وما يحب الوقعة وخاصة الصوت العالي يحب الهدوء والتأمل في الطبيعة..
    وتدخل أم سيف..
    أم سيف:فهد..أنت هنيه؟؟
    فهد:هلا أميه..
    أم سيف:عيل وين أخوك وأبوك؟؟
    فهد:أبوي سبقنا العزبة مع عمي..وسيف طلع عندة شغله مهمه وراح...
    أم سيف:عيل منو اللي بيودينا؟؟
    فهد:والريال اللي واقف جدامج؟؟
    أم سيف:وينه؟؟
    فهد:لا يكون أنا للحين ياهل في نظرج؟؟
    أم سيف:ههه لا أسولف معاك..فديتك الله لايحرمني منك وإن شاء الله أيوزك وأشوف عيالك قبل لا أموت..
    فهد:آمين.بعد عمرج طويل إن شاء الله..
    ...........
    وبعد كل التجهيزات..الكل ركب السيارة مع الدريول..زايد تأخر والكل ركب معدى دانة لأن السيارة ماكفتهم..يعني خليفة وخلفان وأم زايد وفاطمة وشما والخدامة ..
    ما عندها حل غير أنها تروح مع زايد..
    دانة:خلاص بروح مع زايد..
    فاطمة:أروح معاج..
    خلفان كان قاعد عدالها:لزقة عنزروت قعدي محلج..
    فاطمة :ليتك تسكت بس..يعلك تفدى خليفة الهادئ مش أنت عافانا الله..
    ((خليفة عكس خلفان هادئ ومحب ومسالم مايحب الحشرة ولا الوقعة..أما خلفان الله لا تبلانا عدواني وحشري وفضولي يدخل عمرة في أي موضوع))
    خلفان:أحترمي نفسج..
    شما:يالله عاد نروح والله مت من الحر..
    دانة:خلاص الله يهديكم ..ما أريد حد يروح معاي..
    ورجعت للبيت والكل راح تمت ترقبة في البيت تأخر وايد الكل راح وهي بروحها في البيت والساعة صارت 6 المغرب لا يكون نساني؟؟لا ياويله..
    اتصلت عليه..
    دانة:ألو..
    زايد:مرحبا الساع..
    دانة:مرحبتين..
    زايد:ها؟؟
    دانة:وين أنت؟؟
    زايد:في العزبة..
    دانة:لا والله؟؟
    زايد: ليش؟؟
    دانة:ولا شي يالله باي..
    وسكت وهي معصبة على الأخير ولا كأنه قال لي بوديج..
    وهي قاعدة في الصالة ومتضايقة تفاجأت على حد يغمض عيونها..
    وصرخت صرخة واللي برى يسمعها.
    دانة:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآ..
    زايد:بسم الله الرحمن الرحيم..طريتي ذنية..
    دانة:أنته؟؟
    زايد:لا هو..
    دانة:ماقلت أنك في العزبة؟؟
    زايد:أمزح معاج..
    دانة:وفر مزحك مرة ثانية...
    زايد:خلاص سوري ما راح أمزح معاج..توبة..
    دانة:الظاهر تأخرت وايد يالله نروح..
    زايد:عيل وين فطوم؟؟((لأنها قالت له بتروح معاهم))
    دانة:راحت معاهم..
    زايد:أوكي يالله..
    وبعد ما ركبوا كلهم ساكتين ولا واحد تكلم..هي((ياليتني خليت فطوم تروح معاي))
    هو((ياليتج يا فطوم ركبتي معانا))..
    شغل زايد FM لأنهم ساكتين ..طلعت أغنية لراشد الماجد..
    في عبارات العيون أشياء كثيرة تسألك..
    دمعها حكي ونداها بلل الخد الندي..
    ما قدرت أرضي غرورك وأستحيت أزعلك..
    كل ما لك وأنت تنهيني وأنا أرد أبتدي..
    دام نظراتك مدارات ورجى قلبي فلك..
    كم عن برج العرب يبعد مدى برج الجدي؟؟
    قلت تقريبا عدد ما اعشق حبك أنا..
    ما اقصد ألا أعد قصة جروحي أبعدي..
    قلت لك لا لا ترد تقول لي ما قلت لك..
    لي مشاعر ما تنام وأنت قلت لها أرقدي..
    وأنت يوم الله عطاك أحلى الوصوف وكملك..
    كيف تتركني على شطك وأنا قلبي صدي؟؟
    والله أن عروق قلبي كلها ترتاح لك..
    ليتك ألا مثل ما خذت بيدك خذت بيدي..
    كل ما ألمس يديك أتفداك وأتفدى هلك..
    ما دريت أن الهوى والعشق باللمس يعدي..
    رن تلفونه وقعد يتكلم فيه..لفت ويهها صوبه قعدت تتأمله..
    زايد ما شاء الله عليه جمال غير عن كل البشر ما أقول الا سبحان الله..
    حتى أنه أحلى من دانة..عيونة السود الواسعات حياته المقرنة خشمة الطويل شفايفه الورديه لحيته الخفيفه شعرة الأسود الناعم..
    فجاة كان لاف ويهه يدور قلم تفاجأ أن دانة كانت تراقبه حس بشعور ثاني شعور يديد حس أن هاذي الانسانه تموت فيه ولا يوم بتتخلى عنه..
    هي استحت وغدن خدودها ورديات ولفت ويهها على طول..
    وشوي أنهم واصلين ونزلوا يسلمون..
    فهد كان مركب عوشة وراة في الدراجة ويركبها النقيان والجو روعة مغيم وبراد..
    البنات فاطمة وهدى وشما قاعدات يرقبن دورهن..راحت لهن دانة بعد ما سلمت على أمها ..
    دانة:هاي صبايا..
    هدى:يامرحبا والله عد ما حبات التراب علىالأرض..
    دانة:الله الله هداوي صارت شاعرة من متى؟؟
    هدى:من أول ماشفت هالحلاة والجمال اللي جدامي..
    دانة:شوي شوي شو خليتي لفطيم؟؟
    فاطمة:ولا شي..
    هدى:والله تولهت عليج يعني أفداج وأتفدى الأرض لي تمشين عليها..
    فاطمة:لا أنت مش هدى قبل شوي غير والحين غير؟؟
    دانة:أكيد عويش مغثثتنج في البيت ؟؟
    هدى:هي والله ..بس لو تدرين اليوم شصار..
    دانة:الله يستر اليوم أشياء وايدة صارت في حياتي..
    هدى وفاطمة وشما:خير شو ستوى اليوم؟؟
    دانة:بسم الله يالفضوليات..ما شي..
    هدى:كانت عويش تدور نعالها البنفسج.......
    وقعدت هدى تعيد السالفة لدانة وشوي ألا فهد ياي ومعاة عوشة وهي شاقة بالحلج من كثر ما أستانست..وزايد كان بعد ياي..
    تقوم دانة وتسلم على أخوها..
    دانة:الله يالله الحين دوري..
    هدى:أستريحي محلج دوري..
    دانة:ما يخصني الكبيرة أول..
    هدى:ما اريد ما اريد..
    فهد:دانوة هاذوه ريلج خليه يركبج..
    دانة:شو؟؟
    زايد:في دراجة ثانية؟؟
    فهد:هيه الخربانة قبل أسبوع يايبينها عند الصلاح وهي جاهزة شغلها وركب
    Yoer Waif
    وراح لأن هدى راكبة وراه..
    بعد ماشغلها ونادى دانة..
    دانة:لا خلاص كنت أمزح..
    شما:خلاص عيل ركبني بدالها..
    زايد: لا دانة أول وعقب أنتن يالله دانوة عشان خاطري..

    فاطمة:حرام عليج شغلها على شانج..

    ((حرام عليكم ما ريد والله خلاص))

    واستسلمت للأمر الواقع وركبت..طبعا لازم تلوي عليه عشان تتقبض عن لا تطيح.. وهي خلاص ودها تنزل ما تريد تنحط في هذا الموقف.. دار بها كم دورة وركبها النقى شدة بيدينها عليه وضمته أقوى خافت أنها بطيح مع أنها تحب هالشي بس مع زايد؟؟؟؟
    وأول ما نزل خففت من شدة يديها وأول ما نزل في نفس اللحظة أهتزت الدراجة وضرب خشم دانة في ظهر زايد وهي خلاص عورها خشمها+راسها..
    وأول ما حس بها وقفوا..
    زايد:ها شي صار لج؟؟
    وشاف دانة ما سكة خشمها والدم يصب منه..
    زايد:آسف..يعورج؟؟
    هزت راسها:لا ..
    زايد:خلاص يالله ركبي بنرد..
    دانة:هاذية أنا راكبه ((وهي ما سكة خشمها عشان ما تخيس))
    زايد:لا جدامي..
    دانة:جدامك؟؟ مستحيل..
    زايد:دانوة أستهدي بالله نحن بعيد شوي عن العزبة مش قراب وأخافج تطيحين..
    دانة:مش شوي شوي..
    زايد:الحين المغرب والدنيا بتظلم..يالله يا بنت الحلال..
    دانة:أمري لله..بعد ما ركبت جدامة ركب وراها وهي قابضه على خشمها وشكلها يضحك..شغل الدراجة ومشى..
    ((يا ترى هو يحسبيه؟؟أكيد لا..لكن قالي خايف عليج..أكيد يحس...آه يا زايد ليتني بصدقك ورد الثقة العمياء اللي كنت واثقة وايد منك..وبترد علاقتنا مثل ماكانت..
    آه يادنيا هاذا الشي الوحيد اللي أريدة منج بس نرد لبعض .....هذا الطلب وايد عليج؟؟))..
    وبعد ما وصلوا أن الكل يصلي وعوشة وفاطمة عدهن يلعب بالدراجة...نزلت دانة وراحت تنظف خشمها بند الدراجة وراح يتوضأ للصلاة...
    وبعد الصلاة أجتمع الكل برى الخيمة حول الضو والقمر طالع والرياييل في خيمة الرياييل بعيدة شوي عن خيمة الحريم..الكل يسولف ومستانس ما عدى وحدة شكلها شاله هموم الدنيا كلها على كتوفها..
    أم سيف:بنيتي بلاج؟؟
    دانة:ها؟؟هلا أميه..
    أم سيف:هلا؟؟أقول بلاج..
    دانة:لا كنت أسمع سوالف هدى..
    أم سيف:عليه؟؟
    دانة:لا والله ماشي..
    وتتدخل هدى:شبلاكن تتصاصرن؟؟
    عوشة:دزت فيس من طبايع التيس..
    هدى:والله ما لج خص فيه..
    عوشة:الواحد يعقل يوم يكبر وأنت العكس..
    هدى:أميه طالعيها من الصبح وهي تسب وتواقع..
    أم سيف:أنا ما أقول غير الله يعيني عليكن متى بيوزكن وبفتك؟؟
    دانة:ههه الله يهديج يا أميه مستعيلة..
    أم سيف:والله دوم وهن يتواقعن ولا مرة شفتهن يسولفن ويضحكن مع بعض..
    عوشة:عاد هي اللي قليلت الأدب..
    هدى:أنا؟؟
    عوشة:لا يدتيه..
    هنيه عصبت هدى ودها تقوم وتفش غيضها في عوشة..بس استحت لأن الكل موجود..ما استحملت وطلعت برى عاد هي سريعة في مشيتها إذا كانت معصبة ..
    توها طالعة..ألا وداعمة لها حد..
    هدى:أف ما تشوف جدامك..؟؟
    خليفة:آسف..
    هدى:ها..((أول ما انتبهت أنة خليفة استحت))
    هدى:أنا اللي آسفه ما دريت أنك أنته..
    خليفة:لا عادي..باين أنج معصبه؟؟
    هدى((ما تحب حد يتدخل في خصوصياتها)):ما يخصك..
    خليفة:سوري يا الشيخة الظاهر أني غثيتج بسؤالي..
    وكمل طريقة للداخل أما هي حست أنها زودتها شوي معاة..
    ((الظاهر أنه تضايق..خلني أرقبه وأول ما يطلع بستسمح منه..))
    أول ما طلع نادته..
    هدى:خليفة آسفه..والله كن..
    يقاطعها:لا عادي ...
    تقاطعة:لا والله كنت معصبة وما أعرف شو أقول و.....
    يقاطعها:أقولج لا تبررين موقفج عادي..
    تقاطعة:بس أحس أنك حطيت بخاطرك..و...
    يقاطعها:خلاص أقبل أسفج المهم تأخرت على الرياييل بودي لهم العود تلاقين زايد معصب علي أدعيلي يمكن يجتلني..
    هدى:ههه الله يعينك..
    وهنيه كل واحد كمل طرقيه هدى لخيمة الحريم وخليفة لخيمة الرياييل وكل واحد فيهم يغني ويضحك بروحة ويسولف..


    التعليقات (6)
    • أسماء الكويت
    أسماء الكويت
    03-11-2022 - 01:49 am

    أقولك شي وماتزعل ولاتاخذ على الخاطر!! (2)
    بعد الموقف اللي صار دخل خليفة وهو شاق الحلج عليهم..
    زايد:الحمد لله على السلامة يوم وصلت..
    خليفة:آسف على التأخير ..
    زايد:لا بدري عليك..
    خليفة:عيل وين خلفان؟؟
    زايد تلاقيه يسولف في التلفون..
    خليفة:بروح صوبة..
    خليفة طبعة ما يقدر يخبي شي على أخوة توأم روحة خلفان..وراح صوبه وهو خلاص ما يعرف كيف يقوله أو شو بيقوله..
    ومسكة من يدة وراحوا فوق راس حدبه..ساد الصمت..
    الجو كان ولا أروع القمر بدر ومنور المكان والبراد فضيع..
    خلفان:ههه
    خليفة:ليش تضحك؟؟
    خلفان:ههه شبلاك؟؟ههه
    خليفة:ما شي حرام أقعد أسولف معاك؟؟
    خلفان:لا بس ههه شكلك يضحك من الصبح..ههه
    وأنت في خاطرك رمسه..أرمس..
    خليفة وهو مبتسم..:فهمتها وهي طايرة..
    خلفان:أخوك وأعجبك..تكلم..
    خليفة:أأ..أأ
    خلفان وهو قايم:شي في خاطرك؟؟مع السلامة بروح..
    خليفة:إييه صبر وين بتروح؟؟
    خلفان:بتتكلم ولا أروح؟؟
    خليفة:أصبر تعرف أني....
    خلفان وهو يقلدة:أستحي أتكلم..
    خليفة:الله يغربل عدوك..
    خلفان:بترمس ولا؟؟
    وقال خليفة لخلفان السالفة كلها من أول ما لقى هدى لين الحين..
    خلفان:ههه
    يعوينه..أشتحن أخويه..ههه..
    خليفة وهو مستحي:أنا الغلطان اللي خبرتك..
    خلفان:أفا يا أخوي ولد أمي وأبوي..
    خليفة:والحين؟؟
    خلفان:شو بعد؟؟
    خليفة:آه..ما أدري؟؟
    خلفان:لا الظاهر أنك غرقان ..يمكن أو على ما أظن هذا يسمونة حب من أول نظرة..
    خليفة:لا والله؟؟ عدك ما تطنزت..
    خلفان:صدق والله جانك من الحين حبيتها..
    خليفة:أنا ما قلت لك حبيتها..
    خلفان:خلاص أشتحنت بها..
    خليفة:لا... بس عجبتني..
    خلفان:نفس المعنى شتحنت وعجبتك..
    خليفة:ياربي فديت غيضها..لو شفتها كيف كانت معصبة..
    خلفان:لا وعاد قالت لك ما تشوف جدامك؟؟ههه
    خليفة:مبوني ما كنت بقولك بس سبحان الله تكلمت..
    خلفان:خلاص عاد أخوي وتمون..
    خليفة:ظنك بتحبني؟؟
    خلفان:أكيد..
    خليفة:وشو اللي مخلنك متأكد؟؟
    خلفان:لأنك طالع على أخوك جمال..وأخلاق وحلاة..
    خليفة:زايد؟؟
    خلفان:لا أنا....
    خليفة:ههه
    خلفان:شو؟؟ مش مالي عينك؟؟
    خليفة:لا محشوم..
    خلفان:ما عليه أنا الغلطان اللي قاعد أواسيك..الحين بروح..
    خليفة وهو يحب راس أخوه:أفا خلفانوة..
    خلفان:زين عدلي السالفة مرة ثانيه وبلاقيلك حل.....
    تأفف خليفة عدة بيعيد السالفة له وشوي يسمعون سوالف ووقعة..
    خلفان:ما جنها هدى؟؟
    خليفة بلهفة:وينها؟؟
    خلفان:ههه أجذب عليك..
    خليفة:حيوان...
    خلفان:أشوف دانوة وفطوم وعووش وشموة خلنا نروح صوبهن بنسولف شوي..
    خليفة:وهدى؟؟
    خلفان:ما حد..
    خليفة:يالله جدامي..
    وبعد ما راحوا صوبهم لقوهن يلعبن ورقة..
    عوشة:لا فطوم والله ما ييوز..
    دانة:لا ييوز مش غلط..
    شما:لا أنتن غماطات شو ماييوز..
    فاطمة:ها الجوكر عادي أعق وراه 2..
    عوشة:هاذاك إذا جوكر أسود..
    فاطمة:لا لا ..ما يخصني..
    عوشة وهي تفر الورقة:خلاص ما حد بيلعب مع غماطات..وما يعرفن يلعبن..
    شما:حتى أنا والله ما بلعب..
    دانة:خلاص تعالن والله نمزح..
    خلفان+خليفة:مرحبا..
    عوشة وشما وهن رايحات الخيمة ومعصبات:هلا..
    خلفان:بسم الله شبلاهن معصبات؟؟
    دانة:غمطنا عليهن...
    وبعد شوي..
    هدى طلعت من الخيمة رايحة صوبهم وكانوا عدال الضو يلعبون عشان يشوفون..
    ولقت خليفة وخلفان من ضمين لهن ويلعبون ((فار))
    قعدت عدال الضو لأنها تشوي بطاطس وعاد هي تموت في البطاطس المشواي وخاصة في الضو..وهي تطلع البطاطس بالملاس.. نزلتها على يدها عشان تشوفها إذا نضت..وكانت يمرة من الضو لاصقة بالبطاطس..
    هدى:آآآآآآآآآآآآآآآآآآآآآآآآآآآآآآآح..
    خليفة:شبلاج؟؟
    هدى:ها..حرقتني يمرة..
    الكل ما عدى خليفة:ههه
    هدى:أظحكوا..من قال بعطيكم؟؟
    فاطمة:طول الله عمر أبويه الكرتون متروس...
    هدى:فشلة ما بقى غير 2..
    خلفان:أكيد الثانية حقي؟؟
    هدى:لا حق خليفة..
    عوشة وهي ياية:وشمعنى خليفة؟؟ها؟؟
    هدى:لأنه ما ضحك علي ..
    خلفان:وأنا بعد ما ضحكت..
    هدى:شو؟؟أصلا أنت أول واحد ضحكت..
    خلفان:ههه لو شفتي كيف كان ويهج..
    هدى:بروح أييب الملح..
    خليفة:وهاتي ليمونة..
    هدى:أنزين..
    خلفان وهو يغمز لخليفة ويقول بصوت واطي:إنزين.. ههه أكيد أشتحنت وما عطت حد غيرك..
    خليفة:أش لا حد يسمعك..
    دانة:عوش وين شموة؟؟
    عوشة:أمي لقفتها بشغلة وأنا شردت عن لا يتأمرن علي..
    فاطمة:شوي شوي عليج سموة الأميرة..
    عوشة:أميرة غصب عنج..
    دانة:أقول خلنا ندخل ونساعد أبرك..
    وبعد ما يابت هدى اليمون والملح قعدوا ياكلون والبقية راح لخيمة الحريم ما عدى خلفان..
    هدى:أشوفك تطالعني..لا تقول أبا..
    خلفان:أبا..
    هدى:ما بعطيك..
    خليفة:دوك..
    خلفان:لا أبا من مالت هدى..
    هدى:شمعنى يعني؟؟
    خلفان:كيفي..
    خليفة:دوك والله شبعت..
    هدى:لا خلاص أنا بعطيه..
    خليفة:لا عادي..كليها بعطيه مالتي..
    هدى:لا والله كنت أمزح معاة..
    خلفان:والله وفرتوا كل واحد يعطيني مالته..
    ويشل مالت هدى وخليفة وياكلهن وهم قعدوا يضحكون عليه..وشوي تروح عنهم هدى..
    بعد ما تعشوا رجع الكل لبيتة... ودانة حمدت ربها أن فطوم رجعت معاهم..
    الساعة 11 ونص..
    كانت دانة تبدل ثيابها وتلبس قميص نوم عبارة عن بنطلون وقميص.. وهي في غرفتها الوردية..كانت تعبانة وايد من روحت العزبة وغير هذا راسها وخشمها للحين يعورها..تلحفت وقعدت تفكر في اللي ستوى لها اليوم من أحداث من الصبح ليل.... مرة تكرهه ومره تحبه ومره ما تحس شي أتجاهه.. تحس باراحه ومره تحس بالخوف..شعورها متضارب ..قلبها تعب..تحس أنها أختنقت كأن حد قاعد يخنقها قامت بسرعة تريد تتنفس..كانت بسرعة تتنفس وبكلتها على ويهها من قوة القومة..ويدها على قلبها..
    زايد كان داخل وراح لغرفتهم وما لقاها ومثل ما توقع أنها في غرفتها..نست الباب مفتوح..دخل عليها وشافها بشكلها..
    زايد:دانوة؟؟شبلاج..بسم الله عليج..
    وركض صوبها وشاف ويهها يخضر ويزرق ويصفر ..تحريل ما عرف شبلاها وهي خلاص تحس عمرها أنها بتموت..شلها بسرعة ووداها للسيارة..وبالصدفة..كانت فطوم مارة بتروح المطبخ تلاقي زايد شال دانة..
    زايد وهو يزاعق:لبسي عباتج وهاتي عباه لدانة ..بسرعة يالله..
    وهي ما حست بعمرها ومن الخوف قعدت تراكض تدور الدفاف وين..
    بعد دقايق ألا هم واصلين المستشفى نزلها زايد وهو يزاعق على الممرضات وهن يهدنه أن ما صار شي ودخلنها غرفة الطوارئ..بعد ساعة..
    طلعت الدكتورة:الأخ زايد..
    زايد وهو قايم من الكرسي:نعم..
    الدكتورة:ممكن تتفضل للمكتب..
    زايد وهو حاس أن دانة فيها شي..:هيه..
    وبعد ما وصلوا دخلت الدكتورة وزايد وراها والتعب باين على ويهه..
    زايد:خير دكتورة شبلاها حرمتي؟؟
    الدكتورة:تمطن أخ زايد..مرتك ما بلاها شي.. بس عندها ألتهابات في الرئة باين أنها خدت برد كتير..
    تذكر زايد أنهم راحوا العزبة وكان الجو بارد ولا لعبوا بالدراجات..
    زايد:زين..
    الدكتورة:رح نوما ساعتين عندنا تحت المراقبة بس لنطمن ورح تاخد أكسجين وبعدها بتأدروا تتوكلوا على بيتكم..بس خد بالك منها..
    زايد:يعني هي بخير؟؟
    الدكتورة:تطمن بخير والحمد الله..
    زايد:الحمدالله يزاج الله ألف خير ..والحين أقدر أشوفها؟؟
    الدكتورة:دالوأتي حاطين لها الأكسجين وممنوع تتكلم خلها ترتاح شويه لأنها أصابت لإختناق حاد والكلام حيأثر عليها شوية..
    زايد:إن شاء الله بس أتطمن عليها..
    الدكتورة:تفضل...
    بعد ما شكر الدكتورة وراح يطمن فاطمة اللي كانت على أعصابها..ودخل على دانة.. لقاها راقدة وهي تعبانة وايد قعد على الكرسي المقابل لها وهو يتأمل فيها ..
    لحظات وتدخل فاطمة عليهم..
    "
    ""
    فاطمة:أقول زايد..
    زايد:...ها..
    فاطمة:خلنا نروح البيت أخاف أمي تدورني وتستهم..
    زايد:صدقج..ما قلنالها..
    فاطمة:شو رايك دام أنها بخير نروح البيت وباجر الصبح بايي معاك..
    زايد:لا بردج البيت وبرجع بقعد عندها.....
    فاطمة:على راحتك لكن يالله قبل لا تستهم أكثر..
    زايد:دقايق وبطلع..
    بعد ما حب دانة على يبهتها طلع ورى فاطمة..ورجعوا للبيت ..أم زايد كانت تدور فاطمة لأنها دوم تتفقد عيالها قبل لاترقد وما لقت فاطمة راحت لقسم دانة وما لقتها وزاد خوفها وتوها بتتصل على زايد أنهم داخلين..
    أم زايد:وين كنتوا؟؟
    زايد:هلا أميه..
    أم زايد:بلاكم؟؟
    فاطمة:ما شي بس كنا في المستشفى..
    أم زايد:خير ليش؟؟
    زايد:لا بس دانة مريضة ووديتها المستشفى..
    أم زايد:والحين وينها؟؟
    زايد:رقدوها..وهي بخير الحمدلله..
    أم زايد:الحمد لله على السلامة..
    زايد:الله يسلمج شي في خاطرج؟؟
    أم زايد:وين بتروح؟؟
    زايد:برجع المستشفى..
    أم زايد:صبر بروح معاك..
    زايد:لا ما يحتاي لأنه ساعة وبيطلعونها..
    أم زايد:خلاص عيل..الله يحفظك
    زايد:مع السلامة..
    وبعد ما راح تطمنت أم زايد..على فكرة أم زايد تحب دانة أكثر من عيالها تموت فيها ترى قبل كانت أم دانة مريضة وأم زايد ربت دانة كم شهر وفي هالشهور تعلقت دانة وايد وبعد ما كبرت هي اللي خطبتها لولدها زايد..
    "
    ""
    في بيت أبو سيف..
    الساعة 1 ونص..
    هدى:حرام عليج خليني أكمل الفلم..
    عوشة:ماشي باجر وراج مدرسة..
    هدى:خلاص الفلم على نهايته فديتج..((والدموع على خدودها))
    عوشة:كل هاذي الدموع عشان تشوفينه؟؟
    هدى:حرام عليج الفلم يصيح آه لو تدرين شصار..
    هدى كانت تشوف فلم هندي((kal Ho Naa Ho)) يحزن ألا شو يحزن؟؟يصيح ((بيني وبينكم الفلم شفتة وصحت من أول الفلم لآخر الفلم وأنصحكم تشوفونة.. .. .. .. .. .. وايد يقطع بالقلب))
    عوشة:حلفي بس..
    هدى:والله صبر بس دقيقة..
    عوشة:دقيقة بس بروح أتسبح وبرجع ألاقيج راقدة..
    هدى وهي فرحانة:أوكي..
    هدى تدري أن عوشة لو راحت تتسبح ما بتخلص ألا بعد ساعة والفلم دقايق ويخلص..
    عوشه:المهم من يخلص ترقدين فاهمه؟؟
    هدى:وأنت؟؟
    عوشه:باجر علينا رحله دبي..
    هدى:وليش ما بتروحين؟؟
    عوشه:ربيعاتي ما بيروحن ليش أدز بالويه؟؟
    هدى:أها((ورجعت تشوف الفلم..))
    عوشه:الله اليوم بسهر على النت..
    هدى:الله..منو بتكلمين؟؟
    عوشه:تواعدت مع حصوة وشموة نسولف على المسن..
    هدى:الله بقعد معاج؟؟
    عوشة:يالله..أنا ما أعاطي اليهال ويه..
    هدى: الحين أنا ياهل؟؟
    عوشه:يالله جلبي ويهج بتسبح ويوم بطلع ما اريد اشوفج..باي..
    وراحت عوشه للحجره أما هدى رجعت تشوف الفلم..
    "
    ""
    في المستشفى..
    قامت دانة ولقت زايد قاعد على الكرسي اللي عدالها وهوه مسيند راسة على الساس اللي وراه وكان شكلة تعبان لأنه مش مرتاح في رقدته قعدت تطالعة ودخلت عليها الممرضة..عشان تتطمن عليها..
    الممرضة:الحمد لله على سلامتك..
    دانة بتعب:الله يسلمج..
    ويقوم زايد على صوتهم لأن رقادة خفيف وايد..
    زايد:ها دانة..إن شاء الله الحين أحسن؟؟
    دانة:هيه بخير..
    الممرضة:تقدر تاخد مراتك للبيت لأنها صارت بخير والحمد الله بس لازم تاخد بالك منها..وعلى البيبي..
    زايد+دانة:البيبي؟؟؟؟؟؟
    الممرضة:آه أنتوا ما تعرفوش؟؟ مبارح عملت الفحوصات ومبروك المدام حامل..
    دانة:أنا حامل؟؟
    زايد وهو فرحان:دانة حامل؟؟
    الممرضة:مش مسدأين؟؟
    دانة:لكن كيف أنا حامل؟؟ومن متى؟؟
    الممرضة:دا أنت في الشهر التاني..
    دانة:في الشهر الثاني وما عرفت ألا الحين؟؟
    الممرضة:آه ده عادي في بعض الستات يكونوا زي حالتك..ما تخفيش .. على العموم أستأزن رايحة أجيب الأدوية اللازمة وحرقع..
    وبعد ما طلعت الممرضة دانة كانت في حالت ذهول مش مصدقة((أنا؟؟ أنا حامل؟؟ لا ما أصدق بعد ما قررت أني أنفصل منه يربطني بياهل منه؟؟))
    زايد((آه الحمد لله بصير أبو..أخيرا صار شي يربط بيني وبينها وبجذيه ما بتتخلى عني..أحبها..والله حبيتها )))
    زايد:مبروك..
    دانة:شو؟؟ شو؟؟مبروك؟؟
    زايد:ليش مش فرحانة؟؟
    دانة:كيف أفرح؟؟نسيت اللي سويته فيه؟؟
    زايد:دانة..خلينا نفتح صفحة يديدة خلاص بيصير لي ولد أو بنت منج كيف تبغينه يكون متشتت بين أمة وأبوه؟؟
    دانة:ما أقدر..ما أقدر..أنسى..
    زايد:حاولي..
    دانة:........
    دخلت عليهم الممرضة وعطتهم الأدوية وقامت دانة بس زايد ساعدها وهي رفضت مساعدته وركبت السيارة كانت تعبانة...
    وبعد ما وصلوا..لقوا أم زايد ترقبهم وأول ما عرفت بالخبر طارت من الفرحة وحبت دانة ..دانة كانت ساكته بس من أول ما شافت ردة فعل أم زايد((آه فديتها فرحانة عشاني..لو أنفصلت من زايد أكيد بكون سبب حزنها وحزن عمي..ما اريد أنسى فيه الجلطة أخاف أي شي أسويه يأدي لوفاتة..أوه شو قاعدة أسوي؟؟ مستحيل أييب الحزن لهاي العايلة بس ما عليه يا زايد لأخليك تتعذب مثل ما عذبتني وبتشوف))
    وبعد ما وصلها للقسم كملت دربها لغرفتها وقفلت على عمرها الباب..
    ((الله يصبرني عليها بس ما عليه أكيد جرحتها وايد بس وعد مني من اليوم لخليها ترد ثقتها فيه ونرد مثل قبل وأكثر وعد وعد مني يا دانة لرد زايد الأولاني))
    ورجع لغرفتة من التعب ورقد شوي عل وعسى يرتاح شوي بعد اللي صار له..
    "
    ""
    بالباجر الكل درى أن دانة حامل والكل فرحان لها..حتى هدى درت من صباح الله خير..
    هدى:قولن مبروك..
    البنات:مبروك..
    نوف:على شو؟؟
    هدى:دانوة حامل..
    صبيحة:قولي والله..
    هدى:والله..
    نوف:آه فديتها سلمي عليها وقوليلها إذا بنت تسميها نوف..
    صبيحة:وع نوف..أمحق أسم..لا خليها تسمي صبيحة..علي..
    نوف:صبيحة..صبيحة..أسم عيوز الناس يبون أسامي ستايل مش أسم عيوز..
    هدى:بس عن الوقعه لا أنت ولا هي بيسمونها هدى علي..
    نوف+صبيحة:مغترة وايد بعمرج..
    وشوي يرن الجرس ..
    هدى:أف يوم أسمع صوت الجرس أشمئز..
    نوف:حتى أنا والله..
    صبيحة:أخليكن علي مس الأنجليزي وما فيه توقفني الحصة هاي بعد..
    هدى:هاهاهاي عوينها من يوم السبت وهي موقفة ورا روحي قبل لا توقفين الحصة هاي بعد..
    نوف:عوينها..
    هدى:خلينا بعد نحن نروح قبل لا يوقفونا بعد..
    نوف وهدى في صف واحد..أما صبيحة في صف غيرة..وكل فسحة يتلاقن ويروحون مع بعض وبعض الأحيان يشردن من الحصص ..
    "
    ""
    يرن تلفون البيت وعوشة من سمعت الرنه ركضت صوبه..
    عوشه:هلا والله .مرحبا الساع..
    اليازي:أحم أحم هلا بج..
    عوشه:مرحبا والله هلا بأهل المدينة..
    اليازي:الحمد لله يوم أنج عرفتيني..
    عوشه:حرام عليج حد ينساكن؟؟
    اليازي:هيه عنبوه ماجني بنت عمج تسألين عني..
    عوشه:والله التهيت مع الدنيا..
    اليازي:المهم عندي خبر حلو..
    عوشه:وأنا بعد..
    اليازي:شو؟؟
    عوشه:لا أنت أول..
    اليازي:اليوم بني صوبكم..
    عوشه:صدق والله؟؟
    اليازي:وليش أجذب؟؟وأنت شو؟؟
    عوشه:دانوة حامل..
    اليازي:قولي والله.؟؟
    عوشه وهي تقلد اليازي:وليش أجذب؟؟
    اليازي:فقدتج..وبعدين ليش ما داومتي؟؟
    عوشه:علينا رحله..
    اليازي:أها
    عوشه:أقول..
    وقعدت تسولف مع اليازي لين ما سكرت من كثر ما هربذن..

    • أسماء الكويت
    أسماء الكويت
    03-11-2022 - 02:50 am

    أقولك شي وماتزعل ولاتاخذ على الخاطر!! (3)
    آه ..قامت دانة وهي تتمتح من التعب شلت ساعتها اللي على الكامودينو وشافتها
    طلعت خربانة من غيضها فرتها وتكسرت..
    ((بروحي مختاضة والساعة خربانة شو هالحظ النحس؟؟))
    قامت بتعب وراحت للحمام..بعد ما طلعت تذكرت أن ما لها ثياب في الغرفة وطلعت للغرفة الثانية..كانت طالعة وعند الباب اتمتحت وتثاوبت وطبعا ببجامتها كان توه طالع من باب الغرفة وشافها وآه ذاب في هالحركة وهي أول ما انتبهت استحت..
    زايد:صباح الخير..
    دانة:صباح النور..
    زايد:إن شاء اليوم أحسن..
    دانة:الحمدلله أحسن..
    زايد:ترى قلت للخدامة تخليلج ريوق في الصالة..
    دانة:كم الساعة؟؟
    زايد:12 وربع..
    دانة:كم كم؟؟
    زايد:تأخرتي في قومتج..نسيتي أنج البارحة مريضة..
    دانة:أوه نسيت..أنت توك قايم؟؟
    زايد:راحت علي نومه وحطيت الساعة وطلعت خربانة وقبل شوي قايم..
    دانة تضحك: ههه..ما أدري شبلاهن السوع اليوم كلهن خربانات..
    زايد ذاب في ضحكتها..وين أنا عنها من زمان؟؟وحمد ربه أنها تسولف معاه لأنها بعض الأحيان تكون عصبيه ولا تنطق بكلمة..
    دانة:أخليك تلحق على الصلاة..
    زايد:يالله شي في خاطرج؟؟
    دانة:لا سلامتك..
    وبعد ما راح وآه متعطر والريحة تنشم من بعد ميل فديته وفديت ريحته والأرض اللي يمشي عليها..لي متى بيتم مايعرف بقدر حبه في قلبي؟؟
    والإبتسامة؟؟آه..مش لازم أكمل ونسيت أخبركم تراه حاط تقويم ولو ضحك خوزوا عن الدرب..
    "
    ""
    أم سيف:رحمة..رحمة..
    رحمة:نعم ماما..
    أم سيف:رتبتي غرفت الضيوف؟؟
    رحمة:نعم ماما كلاص..
    أم سيف:ودخنتيها بالدخون اللي في المكتبة؟؟
    رحمة:كلاس..
    أم سيف:زين عيل روحي وكوي كندورتي اللي على الكرسي في حجرتيه ولا تنسين ترتبين الميلس..
    رحمة:مجلس هرمة ولا ريال؟؟
    أم سيف:كلهن فثنينه..
    رحمة:إن شاء الله ماما..
    وهي رايحة يدخل فهد الصالة..
    فهد:السلام عليكم..
    أم سيف:يا مرحبا والله..
    فهد:المرحب باجي..
    أم سيف:غريبة اليوم طالع من وقت؟؟
    فهد:أي وقت الله يهديج؟؟الساعة 1 الظهر..
    أم سيف:أحيدك 4العصر أتي..
    فهد:هيه..المهم مش لازم أشرح أيعان ولابعد ميت من اليوع..
    أم سيف:زين رح بدل ثيابك وصل الظهر وتعال على بال ماتي هدى من المدرسه..
    ((هدى تخلص الساعة 2ألا ربع بس يوم الأربعاء فيضطر فهد انه يرقبها))
    فهد:وعدني برقب؟؟..مطولك ياليل..لين ما تي بنتج قد مت أنا..
    أم سيف:بسم الله عليك من الموت..يالله بدل ثيابك وبتي..
    فهد وهو راقي الدري ويتحرطم..
    فهد:أمري لله لازم كل أربعاء أرقبهن على الغدا أف ماجني أنا الريال وهن البزران..
    وبعد ساعة..
    تدخل هدى وهي فرحانه وخاصة أن اليوم الأربعاء وتستانس على الويك آند..
    ..
    هدىوهي تغني:أمي مسافرة وحعمل حفله بس ياريت ما تقيش على غفله..
    وأول ما دخلت الصالة
    فهد:بدري عليج آنسه..
    هدى:بسم الله روعتني..
    فهد:لا يكون أنا يني جدامج؟؟
    هدى:لا عفريت..ههه..
    هدى:أوهوا..نسيت أن اليوم الأربعاء
    فهد:بس أنا مانسيت يالله تراني بتغدى..
    وتدخل عليهم عوشه:هاي..
    فهد يقلدها:هاي..العرب يقولون السلام عليكم..هاي..
    هدى:ههه
    عوشه:أحم السلام عليكم.
    فهد:شعقبه؟؟
    هدى:ويو فشلوها..
    عوشه:جب أنت..
    هدى:مب على راسج..
    فهد:هدى بتتغدين معاي ولا آكل عنج؟؟
    هدى:لا لا يايه..
    وعقت شنطتها ودفتها وعوشة شافت شيلتها على هدى..وعصبت..
    عوشة:آنسة هدى ما جنج خذتي شي؟؟
    هدى أنتبهت على الشيلة ونست تعقها قبل لا تشوفها..
    هدى:أأأ
    عوشة:هاي عاشر مرة تشلين شي من دون لا تقولين لي والله أن عدتيها يا ويلج برويج شي ما قد شفتيه فحياتج..
    هدى:بسم الله كلتيني بثيابي..
    فهد:عويش ما يسوى عليج تواجعينها عسب شيلة..
    عوشة:والله هاذيلا شيل ماي ليدي وكل وحدة أغلى عن الثانية والآنسة يا تخيسها ولا تطرطرهن ما خلت شي عدل عندي..
    فهد:هدى ياهل وأنا مادري؟؟
    عوشة وهي راقية الدري ومعصبة:ألا بيبي..
    فهد:ما عليج منها اللي يقول دافعة من جيبها..
    هدى:هي والله ..الله يعين ريلها عليها..
    فهد:شو الغدا؟؟
    هدى وهي تفج الملة:الله برياني دياي..واو أموت فيه..
    فهد:زين أنج ما متي..
    هدى:ههه تنكت حضرتك؟؟
    فهد:عن الهذرية وأغرفي..أيعان..
    هدى:بسم الله طريت طبلة أذني شوي شوي..
    وبعد ما غرفت لهم تغدوا وكل واحد راح لغرفتة يرتاح ويا خذ قيلولة لأن هل بدع زايد بيون وبيرتبشون..
    "
    ""
    اتصلت دانة على زايد..
    زايد:مرحبا..
    دانة:هلا..
    زايد:خير؟؟
    دانة:لا بس ما بتتغدى؟؟
    زايد:لا عازمني ريال ..
    دانة:خلاص عيل..وترى العصر بروح بيت هلي..
    فز قلب زايد:ليش؟؟؟؟؟؟؟
    دانة:لا بس بنات خالتي بين وبروح..
    زايد:أوكي خلاص برايج..
    دانة:الله يحفظك..
    وبعد ما سكر توها منسدحه على الشبرية ألا بمسج واصلها..
    ((أبي تعذرين إحساسي إذا قصرت..
    وأبي تعذرين لو قصرت في حقك..))
    أحبج.....Z..
    هنيه ما صدقت دانة قرت المسج مرة ومرتين ما صدقت.. ((لا لا أكيد أنا في حلم؟؟ طرش لي مسج من متى؟؟من 3أو 4شهور؟؟ولا كاتب أحبج؟؟آه فديته..بس لا أنا قلت لأخليه يتعذب مثل ما عذبني..))
    وما ردت عليه..
    "
    ""
    فاطمة ياية تركض لحجرتها..وهي فرحانة..
    فاطمة:شموة..شموة..قومي..قومي..عندي خبر حلو..
    شما:أوهوا..توني يايه من الجامعة..الواحد ما يرتاح في هالبيت مرة؟؟
    فاطمة:أيه لوتدرين بس..منو بيينا؟؟
    شما:منو يعني؟؟لو هو محمد بن زايد هب خسارة..
    فاطمة:محمد بن زايد والنعم..بس أحم..حبيب القلب بيي..
    شما وهي ناقزة من الشبرية:عبد الله؟؟
    فاطمة:ما شاء الله عليج عرفتيها عالطاير..
    شما:منو قالج؟؟
    فاطمة:كنت عند دانوة وهي تكلم خالتها وقالت لهم..
    شما:عاد وعبد الله هو اللي بيبهم؟؟
    فاطمة:I think so..
    شما:عيل خليني أرقد أبرك لي ..أول تأكدي من أخبارج وبعدين أنشريها..
    فاطمة:ما عليه هذا يزاي؟؟أنا الغلطانة اللي أقولج..
    وطلعت فاطمة من الحجرة وهي معصبة وخلت شموة تكمل رقادها..
    "
    ""
    في بدع زايد
    ""
    "
    اليازي:ناتالي وين حطيتي نعالي اليداد؟؟
    موزة:وأنا وين شيلتي اليديدة؟؟
    روضة:ناتالي كويلي دفتي..وينج.؟؟؟
    ناتالي:شو هذا كم إيد منشان أنا كل شويه ناتالي ناتالي؟؟
    وتدخل عليهن أم سعيد:ناتالي الدلال الورديات وين؟؟
    وهنيه أضحكن البنات على أمهن وناتالي معصبة هاي حالتهن وهن بيروحن أبوظبي الكل يدور سامانة حتى أم سعيد ..وناتالي هي اللي تبتلش فيهن وتدور حق كل وحدة فيهن سامانها..
    وبعد ساعة..
    أم سعيد:ناصر..ناصر..
    ناصر:لبيه..
    أم سعيد:لبيت حاي..بتروح معانا ؟؟
    ناصر:لا مافيه ويوم السبت علي أمتحان..
    أم سعيد:خذ كتبك معاك..
    ناصر:لا الاستاذ بيي يدرسني..
    أم سعيد:خلاص عيل ..وين عبدالله؟؟
    ناصر:أحيدة رايح الدوبي بييب ثيابه..
    أم سعيد:أتصلة قلة بسرعة عشان نوصل من وقت..
    ناصر:إن شاء الله..
    "
    ""
    في أبوظبي
    ""
    "
    كان زايد ياي من عند واحد من الشباب وهو مستانس وكان يغني..
    ((عيونك آخر آمالي وليلي أطول من اليم..
    وكيف ألقى كلام عذب ..............))
    سكت ماكان متوقع وجودها شافها قاعدة على الكرسي تتابع فلم وهي تضحك..
    توقع أنها راقدة لأنها قالت له بتروح بيت هلها العصر..
    زايد:ليش تضحكين؟؟
    لفت له:مش عليك على الفلم..
    زايد:أونه ..
    دانة:كيفك..
    زايد:وشو تتابعين؟؟
    دانة:Home Alon..
    زايد:عجيبة الفلم من زمان في خاطري..
    وقعد عدال الكرسي اللي هي قاعدة عليه..كانت الصالة مظلمة وباردة وهي متلحفة..وهنيه ثلج زايد..
    زايد:دانوة..
    دانة:ههه شو؟؟
    زايد:ليش تضحكين؟؟
    دانة:يا أخي مش عليك على الفلم..
    ((هو مش ماخذ باله من الفلم لا..هو بردان الحين))
    زايد:دانة قومي بندي المكيف؟؟
    دانة:ما فيه أقوم ..
    زايد:عيل عطيني لحافج..
    دانة:بروحي بردانة..
    زايد:ما فيه أروح أييب لحاف..
    دانة:وشو الحل حرام عليك والله الفلم روعة والصراحة خربت علي..
    زايد:بايي عدالج وبتلحف..
    دانة:المهم تسكت..
    زايد:أيي؟؟
    دانة لفت للتلفزيون وقعدت تطالعة..قام زايد وقعد عدالها لصق فيها وتلحف..
    دانة:قلنالك أقعد بس مش تلصق لصاق..
    زايد:دفيني والله بموت..
    دانة:تدري..أروح وأرقد أبرك لي..
    زايد:لا لا خلاص اللي يريحج..
    وقعدوا يطالعون الفلم دانة من كثر ما تضحك نست اللي مستوي بينها وبين زايد ونست الدنيا وما فيها..زايد آه خلاص مش مصدق قال أكيد نست كل شي وبدت من يديد
    ماشفت كيف القمر عقب الظلام أنور..
    بالظبط نفس الشعور إن شفت بسماتك..
    إن كان في خاطرك حاجات عليه علي أبشر..
    والله لسوق العمر كله لمرضاتك..
    ..وبعد ما خلص الفلم..قامت دانة بترقد..
    زايد:دانوة..
    دانة وهي تتثاوب:هاه..
    زايد:للحين زعلانة مني؟؟
    دانة:زايد الله يخليك خلني وأنا مستانسة لا تكدر بالي..
    زايد:أوكي بس جاوبيني وريحي بالي..
    دانة:بمرور الأيام بجاوب عليك..
    وطلعت من الصالة للغرفة الوردية وقفلت الباب وانسدحت تفكر ((شو اللي قاعدة أسوية؟؟مش حرام علي اللي قاعدة أعذب الريال؟؟لا لا خليه يستاهل هذا يزاه في اللي سواه فيه..))
    بعد ما راحت عنه دانة راح هو بعد للغرفة ورقد من التعب وقال((متى الله يفرجهل ونرد لبعض؟؟))
    "
    ""
    العصر
    ""
    "
    الربشة كلها في بيت أبو سيف لأن اهل بدع زايد بيونهم..
    كل شي جاهز ما بقى غير وجودهم..تدخل أم سيف وتلاقي هدى وعوشة مثل دوم يتواقعن..
    أم سيف:لا حول ولا قوة إلا بالله..بلاكن؟؟
    عوشة:ما علية بتشوفين بعدين..
    هدى: روعتيني..
    أم سيف:غربلكن الله العرب بيونا وأنتن تتواجعن؟؟
    هدى:شوفيها دوم تسبني وتحط دوبها من دوبي..
    عوشة:والله ما ينعرف منو فينا اللي يقل أدبة على الثاني..
    أم سيف بصوت عالي:بس عاد..إن سمعت لكن حس يا ويلكن والله لا اتصل على فهد وأخليه يغسلكن غسال سامعات ولا؟؟
    هدى وعوشة من الخوف أول مرة أمهن تهزبهن جيه:إن شاء الله..
    وشوي ألا يسمعن صوت سيارة ويعرفن أنهم يوا..
    طلعت أم سيف برى بترحب:مرحبا..مرحبا..الساع هلا والله..
    عبدالله وهو نازل من السيارة:المرحب باجي..
    ونزلت أم سعيد:يامرحبا بج..
    ويتوايهن العيايز وينزلن البنات من السيارة أما عوشة وهدى أول ما يوا طلعن برى عندهم..
    عبدالله:هلا عوشة شحالج؟؟
    عوشة:بخير يسرك الحال..
    عبدالله:وأنت؟؟
    هدى:أنا؟؟
    عبدالله:لا الياهل اللي جدامي..
    هدى:هب بخير..
    عبدالله:أفا ليش؟؟
    هدى:من شفتك ..
    عبدالله:ههه
    هدى:يا مرحبا والله بالموز يا هلا وغلا..
    موزة:فديتج تولهت عليج..
    عبدالله:القوم ها كلة لموزوة؟؟
    هدى:أقول خلنا ندخل أبرك عن الرمسة معاة..
    وتدخل هي وموزة حتى أنها ما سلمت على حرمت عمها..أما عبدالله راح للميلس اللي ما حد فيه وباجي البنات توايهن وراحن للصالة..
    "
    ""
    في بيت زايد
    طق.. طق.. طق.. طق ..طق ..طق..
    دانة:أوهوا منو هالمزعج؟؟
    زايد من ورى الباب:دانوة الساعة 5 يالله قومي..
    دانة وهي تركض للباب:جذاب قل والله..
    زايد:ههه أجذب..
    دانة وهي معصبة:حمار..
    زايد:شوي شوي عليج يالغزال..
    دانة:غصب عنك..
    زايد:خلاص برايج خلي حد يوديج بيتكم..(ويلف ويهه أونه زعلان بيروح)
    دانة:عادي بخلي الدريول يوديني..
    زايد:هذا إذا لقيتيه في البيت..
    دانة تروح صوبه قبل لا يطلع من الصالة وتمسكه من يده وتلفة صوبها:زايد سوري والله كنت أمزح..
    زايد مبوز ولا يتكلم..
    دانة:آسفة حرام عليك ..5 دقايق وتلاقيني جاهزة..
    زايد............
    دانة:زايد..
    زايد:بلاج أصمخ قالولج؟؟
    دانة:لا بس ما رديت علي..
    زايد:يالله ولا تراني بروح عنج..
    دانة:آه فديتك أنا دقايق وبطلع لك..
    (وتلف بتروح لحجرتها..يمسكها زايد..
    زايد:صبر..عيدي شقلتي؟؟
    دانة:ها؟قلت دقايق وبطلع..
    زايد:لا قبل..
    دانة:وأنا شدراني ؟؟نسيت..يالله يادوبي ألبس وأخلص..
    وتروح عنه..زايد حس بشعور غريب من أول ما تواجعوا وهو يحس بهالشعور كان يحس بها قبل..هاك قبل..وبعدها تغير والحين بعد تغير..تأكد زايد أنها تحبه ويأكد لعمرة أنها مستحيل تخليه أوتفكر فيوم تتخلى عنه..
    "
    ""
    أم سعيد وأم سيف في الصالة يسولفن أما البنات فوق..روضة واليازي وعوشة في الصالة الفوقيه أما موزة وهدى في غرفة هدى طايحات في سوالف..
    البنات مرتبشات وحاطات نجوم وألا أتي أغنية هداياك لفاطمة..
    عاد اليازي تموت في الأغنية وتقوم ترقص عليها..
    اليازي:يالله عووش قومي..
    عوشة:ماريد..
    اليازي:يالله كم مرة بايي بوظبي صوبكم؟؟
    عوشة:والله الأغنية ما تربش..
    اليازي:كيفج..
    روضة:لو عزمتي علي جان قمت..
    اليازي:يالله قومي..
    روضة:ما فيه بروح صوب مويز وهداوي بشوفهن شقاعدات يسون..
    اليازي:يالله منكن ما يشجعن الواحد ..المهم برقص بروحي..
    عوشة:أوكي وأنا بشجع..
    وطولن على التلفزيون وعوشة تصفق واليازي ترقص والجو روعة ..اليازري ما كانت متعدلة وايد..الجسم ما شاء الله عليها مخصرة وضعيفونة بيضاء والشعر متوسط الطول لا هو طويل ولا قصير..
    كان ياي من الميلس بعد ما جب عليه عبد الله الجاهي(عن لا يحسدة)وهو متأفف ما سمع ألا بصوت الأغاني والضحك مشى لغرفته بس شدة منظر ما قدر ينزل عيونه الباب ماكان مسكر عدل وهو مثل ما قلت لكم غصبن عنه شدة المنظر..
    ((مش معقولة اللي قاعد أشوفة والله تجنن فديتها..أكيد هاذي اليازي ما غيرها أعرفها))
    بعد ما سمع صوت ياي من الدري ركض لغرفته عشان ما ينحط في موقف محرج..
    شما:ما عليه الخاينات طالع مطولات على التلفزيون وبدن الحفلة ولا قالن عندنا بنات عم..
    فاطمة:عادال آنسه ما يدرن أن البرنسيسة بتي..
    شما:ما عليه الحين براويهن ولا يهمج..
    وتدخل عليهن شموة وتهزبهن هي تحب الرقص تحب تشاركهن أما فاطمة بعد ما سلمت عليهن أن روضة ياية وتكتمل الشلة وبعدها يت موزة وهدى من بعد ما سمعن الحشرة في الصالة..
    "
    ""
    أم سيف:ألا هاي علومج؟؟
    أم سعيد:هيه والله ألا ما قلتيلي.........
    دانة+زايد:السلام عليكم..
    أم س+أم س:وعليكم السلام..
    زايد:شحالكن؟؟
    أم سيف:يسرك الحال..
    دانة:شحالج حرمت عمي؟؟
    أم سعيد:بخير ربي يسلمج وشحالج أنت؟؟
    دانة:بخير والحمدلله..
    أم سعيد:ويه نسيت مبروك البيبي..
    استحت دانة:الله يبارك لج..
    زايد:عيل أخليكم بروح للشباب..
    دانة:ألا البنات فوق؟؟
    أم سعيد:من أول مايينا وهن زابنات فوق..
    دانة:ههه برايهن والحين بيكمل العدد..
    وشوي..
    سيف:السلام عليكم..
    الكل:وعليكم السلام..
    سيف:هلا زايد شحالك؟؟
    زايد:بخير..
    دانة:هيه وأنا؟؟ما تنشد عني؟؟
    سيف:أفا أنت الكل في الكل..
    دانة:زين أتحسب بعد نسيتني..
    سيف:ما عاش اللي ينساج..
    زايد:عيل خلنا نروح للميلس ..
    سيف:يالله..شي في خاطركن؟؟
    الكل:سلامتك..
    بعد ما طلعوا للميلس..راحت دانة فوق ولقتهن يسولفن والحالة لله صينية الشاي على الطاولة كراتين البيزا على جنب..قواطي البيبسي طايحات والصالة فوق تحت..
    دانة:السلام عليكم..أوه سوري الظاهر غلطت في العنوان..دخلت زريبة بدال البيت..
    البنات:ههه
    هدى:هلا والله بأم هداوي..
    عوشة تغايضها:هلا والله بأم عووش..
    روضة:لا أنت ولا هي..أم رووضي..
    موزة:وايد مصدقات..مالها غيري.. أم موزوة..
    اليازي:أحم ..أحم..جنكم نسيتوني؟؟
    دانة:وايد مغترات الله لا بليتنا بنتي بسميها أسم ما حد سماه..
    وبعد ما سلمت عليهن:شهالزريبة؟؟
    عوشة:والله ما فينا نرتب بعد شوي بنادي الخدامة ترتب..
    دانة:الله يرحم أيام أول كل شي على راسي وكل شي مرتب..
    هدى:آه الله يرد ذيج الأيام..ماحد معبرني في هالبيت غيرج..
    عوشة:أف بدت عاد..
    دانة:خليها أختي وكيفها..
    اليازي:المهم..شحالج وشحال يزوي؟؟
    دانة:أنا بخير..لكن منو يزوي؟؟
    البنات:ههه
    اليازي:بنتج منو يعني..
    دانة:طاع هاي أقول ما بسمي أسم ما حد سماه وتقولي اليازي..
    بعد ما سولفن البنات يأذن المذن لصلاة المغرب والكل قام يصلي.. الشباب طايحين في سوالف شرات البنات وسوالفهم ما تخلص
    "
    ""
    عبد الله:أقول فهد..
    فهد:هلا..
    عبدالله:خلنا ندخل البيت ما تعيبني القعدة ألا مع أمك..
    فهد:أوهوا..أنت شتبا بالعيايز خلك شبابي..
    عبدالله:والله ولهت على حرمت عمي وسوالفها أول ما وصلنا ما سولفت معاها..
    فهد:أنا عني ما فيه أروح رح بروحك..
    عبدالله:فهود..
    فهد مطنش:حد مثلي بات مشجنه حلم طيف مر خطافي..
    عبدالله:أونه من جذب عليك وقال صوتك حلو؟؟
    فهد:أنا جذبت على عمري..زين..
    عبدالله يحب راس فهد:آسف التوبة..بس عاد ذليتني خلنا نروح..مليت..
    فهد:أف لازم أسمع سوالف العيايز المعتادة..
    عبدالله:عشان خاطري..
    فهد:بس عيال عمي والشواب كلهم هنيه في الميلس..
    عبدالله:ما بيصير شي نص ساعة وبنرجع..
    فهد:نص ساعة!!!!! قل 3أو 4أو5أو6 ساعات يبالكم..
    عبدالله:ذليتني ..خلاص ياخي ما اريدك تروح أنثبر مكانك..
    فهد:بسم الله شبلاك شبيت مرة وحدة خلاص قم جدامي..
    عبدالله:ههه أنت ما تيك غير العين الحمرا..
    وبعد ما طلعوا من الميلس بعد ما ملوا من كثرة أسئلة الشواب..وين رايحين؟؟وليش؟؟وشو بتسوون؟؟
    في البيت..
    بعد ما صلن البنات المغرب وكلهن لابسات شيل بيض..نزلن للصالة الكبيرة تحت وأم سيف وأم سعيد راحن يصلن لأنهن طاحن في سوالف ونسن الصلاة(( أستغفر الله))
    دانة:أقول حطي ستار أكاديمي بنشوف شو يسوون..
    روضة:وع لوع الله بجبودكن حتى أنتن تطالعنة؟؟
    هدى:حبيبتي العالم كلة يطالعة..
    فاطمة:ليش في حد قاذينج ويطالعة؟؟
    روضة:هندوة بنت عمتية 24 ساعة ساقطة في حجرتية وتطالعة..
    شما:ليش ما عندهم تلفزيون؟؟
    روضة:عميتة حالفة لتمحي قناة ستار أكادمي لأنها أدمنت عليه..
    اليازي:ما خلت برنامج في ال بي سي وما شافتة..لا مس ليبنون ولا ستار أكا دمي وسر فايفر وشو بعد؟؟
    روضة:أفتح قلبك وبرامج وايدة ما أتذكرها..
    دانة:عافانا الله مفجوعة برامج؟؟
    فاطمة:تحذري أحيد أن الواحد يوم يدمن على شي يضربة الصرع لا سمح الله..
    روضة:بسم الله على هندوة..
    دانة:أي صف هية؟؟
    روضة:ثالث اعدادي..
    فاطمة:صغيرة على متابعة برامج ولا كل البرامج؟؟
    موزة:عمتية تعبت معاها شلت كل وايرات التلفزيونات في بيتهم عشان ما تتابع..
    دانة:الله يعينهم عليها..
    عوشة وهي ياية من المطبخ:هدى قومي هاتي صنية الكيك..
    هدى:يوه ما فية..
    موزة:أنا باييبها..
    عوشه:يعلج تفدينها..
    هدى:آه فديت موزوة..
    عوشة:فقدتج..
    هدى:أف منج دوم تفقديني ,يالله متى بيي اليوم اللي بتعرسين فيه وبفتك؟؟
    البنات:ههه
    دقايق ألا عبدالله وفهد داخلين..
    فهد:هود ..هود..
    دانة:يا مرحبا هلا والله..
    عبدالله:احم احم..
    وعدلن البنات شيلهن..
    فهد+عبدالله:السلام عليكن..
    البنات:وعليكم السلام..
    عبدالله:شحالكن بنات؟؟
    البنات:بخير والحمد لله..
    فهد:أقول وين أمي وحرمة عمي؟؟
    دانة:يصلن المغرب..
    فهد: خلاص بنروح الميلس عقب بنرد..
    موزة وهي ياية من المطبخ:يبت الكيك..
    فهد:الله عووش مسوية كيك وما قالت لي؟؟
    ((فهد يموت في كيك الكاكاو وخاصة اللي تسويه عوشة))
    عبدالله:مفجوع؟؟
    فهد:آه فديتك لولاك ما كنت باكل كيكه..
    عوشة:مشكور والله عبدالله لو درى وما كل منها بيجتلني..
    عبدالله:أحم أحم..في الخدمة..
    وبعد ما قعدوا في الزاوية المقابلة لقعدة البنات..عبدالله قعد يطالع غزالة شما.. اللي من أول ما دخل وهي منزلة راسها ومستحية..والكل قاعد في سوالف وأنضم لهم العيايز وكملت سوالفهم..
    ما تعرفون في ذاك اليوم شكبر سعادة عبدالله ..هو مش متوله على سوالف حرمت عمة؟؟لا..على غزالة شما..لأنه يعرف أنها بتكون هناك..
    "
    ""
    على الساعة 12 ونص
    الكل راقد ما عدى..
    عوشة..واليازي..وروضة..وموزة..وهدى..
    سهرانات على الفلم الهندي على قناة الإمارات وكانن في الصالة الفوقانية..
    اليازي:أيعانة..
    الكل:.............
    اليازي:أنا منو أكلم؟؟
    عوشة:أكوه المطبخ تحت..
    اليازي:حد يروح معاي..
    روضة:تخافين؟؟
    اليازي:لا شو أخاف أبغا حد معاي..
    عوشة:خلي مويز ولا هدى..
    أول ما لفت صوبهن لقتهن راقدات..
    اليازي:رقدن..
    عوشة:الفلم عجيب وما بنزل..
    اليازي:روضوه حبيبتي أنا..
    روضة:ما فيه..
    اليازي:أف منكن خلاص بروح بيروحي..
    نزلت اليازي وراحت للمطبخ..البيت كان مظلم بس الممرات فيها إضائة خفيفة ودخلت للمطبخ وهي خايفة..((بسم الله ياحي بدع زايد البيت شعبي هب كبير ويروع الواحد والله قلبي طاير من الخوف..بس دقة وبموت))
    فتحت الثلاجة لقت الجبن والمربى والزيتون وسوت لها سندويجة ولقت لها عصير
    وهي لافة بويهها للباب أن حد يناديها..
    :اليازي..
    اليازي من الروع طاح الصحن والكوب من يديها..
    .......................................

    • أسماء الكويت
    أسماء الكويت
    03-11-2022 - 03:51 am

    أقولك شي وماتزعل ولاتاخذ على الخاطر!! (4)
    ..........................................
    ..أنت الغلا كله وأنت نظر عيني..
    واللي تباه شلة بس لا تخليني..
    "
    ""
    اليازي:بسم الله..
    فهد:آسف روعتج.؟؟
    اليازي:هيه..
    ويبت عشان تشل الكوب والصحن المكسور..
    فهد:وينهن عنج؟؟
    اليازي:فوق ما حد طاع ينزل معاي..بعدين أنت شيايبنك المطبخ؟؟
    فهد:مطبخنا وكيفي؟؟
    اليازي:زين ما قلت شي..كلتني بثيابي..
    فهد:ههه لا سمعت قرقعة في المطبخ وقلت أخاف أنه حرامي..
    اليازي:ذكي والحرامي شيدور في المطبخ؟؟
    فهد:يا الذكية يمكن أيعان..
    اليازي:ههه تنكت؟؟
    فهد:لا ألعب..
    اليازي:اسويلي عصير أبرك لي..
    فهد:زين عيل وسويلي..
    اليازي:ما أبا..
    فهد:غصب عنج..
    اليازي:تخسي ألا أنت..
    فهد:شو؟؟
    اليازي:ولا شي ....ماعليه أطلع وفكني..
    فهد:أتحسب بعد..ما عليه أنا في الصالة..
    وطلع فهد وهو يضحك عليها يحب يغايض البنات وخاصة اليازي..هو ما يحبها..بس يحس أنها وحدة من خاواتة مثل عوشة وهدى ولا مرة فكر أو تخيل أنها تكون في يوم حرمتة..
    لأنها من وهم صغار مع بعض كانوا عايشين في بدع زايد وتلمهم المحبة والأخوه والصداقة والقرابة..من بعد ما انتقل شغل أبو سيف لبوظبي أنتقلوا أبوظبي وأشياء وايدة حصلت لهم..وهذا الشي اللي فرقهم بس كانوا يزورون بعض في الويك أند والإجازات الرسمية ..
    اليازي((أف منه للحين ما بطل حركات اليهال هاذي..متى بس يحس فيه؟؟أحبة والله العظيم أحبة بس هو حمار ما يفهم وللحين ياهل))..
    سوتلة سندويجة أما العصير كوب واحد بس وبعد ما خلصت ودتله السندويجة للصالة..أول ما وصلت له شل السندويجة والعصير..
    اليازي:صبر العصير أليه..
    فهد:والله البيت بيتنا..
    اليازي:حرام عليك تعبت وأنا أعصرة..
    فهد:فيه خلاط أظني..
    اليازي:خربان ..
    فهد:لا..أفا..
    اليازي:رد الكوب..لو سمحت..
    فهد:ما عليه بشرب وبخليلج..
    اليازي:فهد؟؟؟
    فهد ما عبرها وشرب نص الكوب وحطة في الصنية اللي شالتنها اليازي..
    فهد:الحمد لله..
    اليازي:يعل يا ربي يعورك بطنك..
    فهد:وبطنج بعد..
    اليازي ما عطتة أي إهتمام وراحت فوق وهي معصبة..((حمار..كلب..ثور.. أهبل قليل أدب حيوان..ثقيل دم..))
    عوشة:منو هذا؟؟
    اليازي من الروع زعقت وطاحت الصنية من يديها وهي عند الدري..
    فهد وهو في الصالة:شبلاج وعيتي العرب؟؟
    اليازي:بسم الله من وين طالعة؟؟
    عوشة:هذا يزاي خفت عليج شفتج تأخرتي..
    اليازي وهي تطالع كوب العصير وهو مكسور:يوه هذا وقتك؟؟
    فهد وهو ياي صوبهم:طالع كسرتي قلاصاتنا..
    عوشة:ألا قلاص واحد هو..
    فهد:ههه هذا الكوب الثاني..
    عوشة:لا والله..
    اليازي:أف منكم الظاهر أني ما بتهنا فيهن زين..
    وشلت الصنية وراحت للمطبخ وهي خلاص دمعتها عند عينها..
    عوشة:الظاهر أنها زعلت..
    فهد:وشعلي انا؟؟ تولي..
    وراح لغرفته..عوشة راحت تساعد اليازي..أما اليازي عوينها بعد ما خلصت ما كلت السندويجة وعلى طول راحت ترقد من القهر..
    ((ليش هو جيه؟؟شسويت أنا؟؟عرف أني زعلت وقال..قال..ت..تولي؟؟؟ ما يحس؟؟ الله يسامحة ..والله حرام اللي قاعد يسوية فيه..حرام عليه))
    رقدت وهي حزينة وتقول متى بيحس هالآدمي؟؟
    في الصالة..
    روضة:آآآآآآآآآآآآآآآآآآآآآآآآآه..والله يصيح..
    عوشة:ما لت عليج ما يصيح..
    روضة:أنت اللي ما عندج خبرة في الأفلام..هيهيهيهيهيهيهيهي((تصيح))
    عوشة:ومويز وهدى ما عرفن ألا يرقدن في الصالة؟؟منو اللي بيشلهن؟؟
    روضة:أنت..
    وتركض للحجرة عشان ما تشلهن..
    عوشة:أف منهن ..
    "
    ""
    قامت دانة وهي تصيح..حلمت حلم يروع حلم خافت منه..قعدت تتلفت يمين ويسار ما لقت زايد..تروعت ..ونست أنه في الغرفة الثانية..
    طلعت وقعدت تدوره لقته في الحجرة الثانية وراحت صوبه..
    كان راقد في سابع نومه وشكله يجنن في رقدة آه شعرة أحلى شي فيه وخاصة أنه نعيم وطويل شوي مش وايد..ما يتعدن إذنيه.. ..
    وهي ياية بيتطلع تسمعة يناديها..
    زايد:دانوة..
    دانة:هاه..
    زايد:شي تبين؟؟شي يعورج؟؟
    دانة:لا..(وطلعت)
    زايد:دانوة صبري((وراح وراها))
    زايد:بلاج؟؟
    دانة:ما شي..
    زايد:بس غريبة إذا فيه شي قولي..
    دانة:بس أتطمن..
    زايد:علي؟؟
    دانو:هيه..
    زايد:ليش؟؟
    دانة ودمعتها نازلة:لأني حلمت أنك ميت..
    زايد:ههه هذا حلم وبعدين اللي كاتبنة ربج بيصير..
    دانة:ونعم بالله..
    زايد:تخافين علي؟؟
    دانة:إذا ما خفت عليك بخاف على من.............
    زايد:شبلاج؟؟كملي..
    دانة(أنا شقاعدة أقول؟؟):ما شي بروح أرقد..
    وطلعت من الصاله لحجرتها وهي مستغربة من اللي يصير غريبة مرة وحدة قالت له؟؟قبل تقول براويه والحين تظهر له العكس؟؟
    زايد ظحك عليها وتأكد أنها تحبه وهو ما ينكر أنه بعد يحبها..
    "
    ""
    الصبح
    قامت اليازي وهي تتثاوب..تلفتت لقت عمرها راقدة تحت..((غريبة أحيدني رقدت على الشبريه..شو السالفه؟؟))قامت من مكانها وأول ما شافت منو على الشبريه عصبت((الحيوانات..عويش وروضوه نزلني من الشبريه وورقدن عليها؟؟))من الغيضة تذكرت غرشة الماي في الثلاجة راحت تييبها..
    ((على منو أصبها؟؟عويش ولا رويض؟؟يوه خلاص النص بالنص..))
    جبت نص الغرشه على عوشة والنص الثاني على روضة..عوشة قامت وهي متروعة أما روضة ما تحس..هاي لو قنبلة منفجرة عدالها ما قامت..
    عوشة:يالخبله شبلاج روعتيني؟؟
    اليازي:هاي يزاتكن خليتني أرقد من دون دوشق؟؟آه والله ظهري يعورني..
    عوشة:أنا مالي خص رويض قالت لي..
    اليازي:ما عليه دواها عندي بعدين..قومي يالله بسج رقاد..
    عوشه:حرام عليج البارحه كملت الفلم..ما شبعت..
    اليازي:يالله بلا دلع..
    عوشه:مش منج رقدتي قبلنا من الغيض..
    تذكرت اليازي اللي صار البارحه:يوه لا تذكريني خلاص ردي ارقدي..
    وقامت اليازي تبدل ثيابها وراحت للحمام..
    الساعة كانت حوالي 9ونص..نزلت اليازي وما لقت أمها وحرمة عمها..
    وسألت الخدامة وقالت راحن لبيت الييران..
    راحت لغرفة الطعام ولقت الريوق..شغلت التلفزيون على قناة البحرين لأنهم يعيدون فلم هدوء وعواصف واليازي من رمضان تشوفة وهاي ثاني مرة تشوفه
    تعرفون شواللي يعجبها في الفلم؟؟أغنيته..
    شي غريب..شي غريب..
    لما تظن أنك حبيب ..
    وأنك من الفرحة قريب..
    لكن يجي سهم ويصيب..
    سهم ويصيب..
    هاي الأغنيه تذكرها بحالها..من زمان وهي تحبه..حاولت أنها ما تتعلق فيه بس..شو تسوي؟؟القلب وما يهوى..
    فجأة...السلام عليكم..
    اليازي وهي تعدل شيلتها:وعليكم السلام..
    سيف:شحالج؟؟
    اليازي:بخير والحمد لله..وأنت؟؟
    سيف:يسرج الحال..غريبة أحيد البنات يرقدن للظهر..
    اليازي:ههه لا أنا حاله مستثناه..
    سيف:ههه زين عيل أخليج تكملين ريوقج..
    اليازي:صبر..صبر..أنت توك واعيي؟؟
    سيف:أنت شرايج؟؟
    اليازي:تعال تريق..أنا شو ريوقي غير كوب جاهي؟؟
    سيف:لا لا عادي..
    اليازي:لا والله أقرب..وبعدين أنا كنت بروح أوعيهن بسهن خاسن رقاد..
    وشوي ألا هدى وموزة داخلات الغرفة..
    هدى وموزة:صباح الخير..
    سيف:بسم الله وين داخلات؟؟
    هدى:أظني مغلطات في العنوان؟؟
    سيف:عدج ما تفلسفتي..
    هدى:ههه شحالك أخويه؟؟
    سيف:هب بخير..
    هدى:أفا ليش؟؟
    سيف:البارحه قالت لي عوشه أنج على الحفة في مادة الكيمياء؟؟
    هدى:أأأأأ شسوي؟؟والله ما أحب الكيميا غصب؟؟
    موزة:ليش أنا عني أحلى مادة عندي الكيميا..
    هدى:وع أكرهها..
    اليازي:هدى..المادة صعبه ولا أنت ما تحبين الأبله؟؟
    هدى:والله ما حب المس دوم حاطة دوبها بدوبي..
    سيف:ليش؟؟
    هدى:ما أدري..
    سيف:المهم إذا تبغن مس تييج البيت تدرسج تراني حاضر بس لازم ترفعين من مستواج زين؟؟
    هدى:إن شاء الله..
    سيف وهو قايم:خلاص أنا بروح وبعدين بنكمل سالفتنا..
    وراح سيف عنهن وقعدن يسولفن أستانست اليازي بقعدتها أول مرة تسولف مع سيف لأنها قبل كانت تستحي منه لكن الحين حست أنه صار مثل أخوها وحبت سوالفه((مش مثل سوالف فهد اللي تغث بالواحد))..
    وأستانست وايد مع هدى وموزة صح أنهن مش في مثل السن بس بعد كانت القعدة معانهن حلوه..
    تذكرت اليازي أيام الثانويه والإعداديه كانت أحلى أيام لها سوالف بنات ولعب وشردة من الحصص..وكانت عادي تقعد مع عيال عمها بس اللي كان يطفر بها فهد كان مايحب يخليها في حالها لازم يلعوزها في أي شي..
    والحين هي حرمه ولازم تخفف قعداتها معاهم ..صح أنه عادي بس شو بيقولون العرب لوشافوها بروحها معاهم ويسولفون؟؟....
    "
    ""
    بعد ما تلبست طلعت للصالة ولقت الريوق محطوط راحت للمطبخ عشان تييب لها صنيه صغيرة..
    صبت لها كوب عصير..وحطت لها سندويجة وطلعت للحديقة الجو كان ولا أروع باين أن اليوم بيكون حلو..قعدت على الكرسي ومدت ريولها للطاوله اللي جدامها حست بألم في بطنها..قعدت تتحسسه شافته كبر شوي وضحكت..((الحين بكمل الشهر الثالث..الله فديت ولديه أنا..وليش ما تكون بنت؟؟خلاص فديت بنتيه أنا))
    وبعد ما شربت لها العصير ما كان لها نفس تاكل قعدت تفكر بحالها..وشو بيصير بها؟؟نزلت دمعة من عيونها..بس..
    دانة:زايد؟؟
    زايد:صباح الخير..
    دانة:صباح النور..
    توها بتنزل ريولها مسكهن زايد وحلف أنها ما تشلهن وقعد على الكرسي الثاني..
    زايد:شحال ولديه؟؟
    دانة:بخير..
    زايد:أأأ..
    دانة:أأأأ..
    زايد:دانة..
    دانة:’’’’’’’
    زايد:أريد..أقولج..أأأأ
    دانة:تعرف اللي ما يعجبني فيك؟؟
    زايد:شو؟؟
    دانة:أنك يوم بتي ترمس ما ترمس عدل..
    زايد:ههه
    دانة:أنا قلت شي يضحك؟؟
    زايد:لا بس..
    دانة:قل شو في خاطرك؟؟
    زايد:ا..أناا نرجع لبعض..
    دانة :مستحيل..
    زايد:ليش عاد؟؟شو السبب؟؟خلينا نفتح صفحة يديدة خلاص أنسي اللي فات حرام..
    دانة وهي تتنهد:بس..
    زايد:أرجوج لا بس ولا شي..دام أن اللي بينا بيصطلح ليش تحطين العقبات وتصعبين الموضوع علينا وهو سهل حله؟؟
    دانة:لكن..
    زايد وهو يتوسل لدانة:أرجوج..
    دانة توها بتتكلم..
    تدخل عليهم فاطمة وهو تنادي دانة.:دانوة..
    وأول ما شافت الموقف أستحت شافت زايد قاعد على ركبه مقابل دانة ودانة مادة ريولها على الكرسي والجو روعه..أكيد خربت عليهم..
    فاطمة:أوه سوري..
    زايد:هاه شبلاج تزاعقين؟؟
    فاطمة:ههه لا بس حرمت عمي متصله تتطمن على دانوة تقول تتصل عليها وتلاقي التلفون مغلق..
    دانة:أووه نسيته مبند..بروح أييبه..
    زايد يحط يدة على يدها:خليج مكانج..فطوم روحي هاتيه..
    فاطمة((ياسلام؟؟خدامة عندهم؟؟)):وينه؟؟
    دانة:على الكرسي اللي في الصاله..
    وراحت فطوم تييبه ورجع زايد يبغى الجواب عند دانة بس..
    فاطمة:دوج..
    زايد:بسم الله مسرع؟؟
    دانة:ههه
    فاطمة:ههه قل ما شاء الله..
    زايد: ما شاء الله..
    وشغلت دانة التلفون وأنه يرن وردت عليه وفاطمة كملت طريقها للبيت أما زايد عصب لأنه ما لقى الجواب وقال على بال ما تخلص بسالها..بس
    أتصلوا عليه الشباب وعزموه أييهم في بيت عمه لأنهم كلهم مجتمعين هناك..
    "
    ""
    اليازي:هاه يا الدياي..
    روضة:شبلاج؟؟
    اليازي:ما تستحن..زين على الأقل حطلي دوشق..
    عوشه:ههه للحين معصبه؟؟
    هدى وموزة:شبلاكن؟؟وليش معصبه؟؟
    عوشه:أف يا خاواتي أحفضن هذا المثل..دزت فيس من طبايع التيس..
    ماتفهمن؟؟
    هدى:عادال فقتج متى بس بيستوي اللي في بالي وبفتك؟؟
    عوشه:عدني ريضه ما بطلع من البيت..
    هدى:أصلا قولي الله يعينه اللي بيبتلش فيج..
    اليازي:أف بدت الحرب القوميه..
    روضة:موزوة روحي المطبخ وهاتي لنا شي ينكل يعت..
    موزة:أنزين..((وراحت))
    عوشه:هاه هاي الأخت المطيعة مب أنت..
    هدى:أف يا أختي أنا قطعة نادرة مالي حد يشبهني في الوجود ليش ما تفهمين؟؟
    عوشه:والله قهرتيني خلاص أذلفي وراها..
    اليازي:يوه
    بس عاد..
    هدى:أنا أبرك لي أطلع..
    عوشه:هيه والله بتفكينا..
    هدى:والله مب على راسج أنا..
    روضة:خلاص عاد هدى أطلعي..
    اليازي:مب حاله هاي لازم كل ما نييكن تحتشرن؟؟
    عوشه:والله هيه اللي تنرفزني..
    روضه:خلاص دخلن في سالفه ثانيه..
    اليازي:هيه صح روضوة اليوم عبدالله بيودينا المارينا..
    روضة وعوشه:جذابه..
    اليازي:والله قبل لا أوعيكن لقيته وكلمته وهو وافق..
    روضة:الله والله من زمان ما رحت المارينا..
    عوشة:يا رب أميه تطيع أروح معاكم..
    اليازي:أكيد طبعا أنت ما عليج منها..
    وتدخل عليهن موزة وهدى ووراهن الخدامة شاله الصنيه اللي فيها الريوق من كل صنف ونوع وطاحن طيحة على الصنيه((مفجوعات))
    .........................................

    • أسماء الكويت
    أسماء الكويت
    03-11-2022 - 04:52 am

    أقولك شي وماتزعل ولاتاخذ على الخاطر!! (5)
    ((يا سعيد له في وسط روحي محله وله معزه صادقه في كياني))
    الشباب كانوا مرتبشين ومشغلين المسجل على هاي الأغنيه وقعدوا يرزفون عبدالله كان يصورهم بكيمرة الفيديو مالت فهد اللي دوم يشلها معاه وين مايروح.. والجو روعة الكل يرزف..فهد وخليفة..أحم..ماشاء الله عليهم يولهم خطير وكل واحد أحلى عن الثاني..خلفان الله لا تبلانا دفش في حركاته والكل يبتعد عنه عن لا يفلعهم بالرشاش..
    الشباب طايحين في ضحك وسوالف ورزف ويوله..جوهم أحلى من جو البنات
    زايد:خلفان الله يغربلك قعد لا تفلعلنا حد
    خلفان:أف شبلاكم الكل مايول معاي
    عبدالله :مب منك من دفاشتك
    خلفان:والله كيفي أنا حر كل واحد واللي يسويه
    سعيد أييهم وهو يرزف:عاشوا
    ويرتبش زايد ويقوم معاهم أيوول
    سيف:عبدالله قم معاهم وخل هاكيمرة عنك
    عبدالله:لا خلني أصور
    سيف:قم يالله وهات أنا بصور عنك
    ويقوم سيف بدال عبدالله وكملت الشله
    محمد كان يسوي لعبدالله تلفون بس ما يرد عليه
    محمد((والله حاله وينه ما يرد؟؟))
    محمد كان في الكليه وتوه طالع وراح بيت عمه عشان يبدل ثيابه ويروح بدع زايد بس تفاجأ بوجود امه وخاواته في بيت عمه..((يوم الأربعاء كان عندهم إحتفال فما رجع واليوم خلوهم يطلعون))
    محمد:أميه؟؟يزوي؟؟رووض؟؟موزوة؟؟
    الكل:ههه
    أم سعيد:بلاك؟؟
    محمد:أنتوا هنيه؟؟
    روضة:لا هناك...ههه
    محمد:سخيفه..شحالج وشحال أبويه وخوانيه؟؟؟
    أم سعيد:الحمدلله كلهم بخير
    روضة:شحالك أنته ..هاه لا يكون مسوي شي وحابسينك؟؟
    محمد:هيه متضارب مع واحد..((جذاب))
    أم سعيد:يالفضيحة ياولديه شحقه تتواقع معاه؟؟ومن ولده؟؟وشسمه..؟؟
    محمد:ههه
    صدقتن؟؟لا بس كان عندنا إحتفال وما طلعونا
    اليازي:والله ولك وحشه ياخوي
    محمد:أحم..ثره فيه حد يتوله علي؟؟
    اليازي:أكيد
    ويلف محمد ويشوف هدى بس ما شاف عوشه:شحالج هداوي؟؟
    هدى:بخير والحمد لله وأنته؟؟
    محمد:بخير وعافيه
    اليازي:الله ما حلاتك وأنت بالإدريس والله غاوي أخويه
    محمد:أعجبج أنا..الأسبوع اللي طاف عاقلج شله بنات على ويووهن
    الكل:ههه
    وبعد نص ساعة من السوالف
    روضة:يزوي وينه عبدالله من ساعه وندق له مايرد؟؟
    محمد:صح من متى وأنا أدق عليه وما رد علي؟؟
    اليازي:صدقج واعدنا يودينا المارينا
    محمد:خلاص خلني أبدل ثيابي وبوديكن شرط؟؟
    البنات:شو؟؟
    محمد:تاخذلي هديه على حسابكن
    البنات:أوكي
    بعد ما راح محمد غرفة فهد وتسبح وبدل ثيابه نزل وخبر خاواته يتجهزن عشان يروحون وهو راح للسياره
    اليازي:عوش يالله عاد
    عوشه:لا فشله أول مرة أروح مع محمد أخوج
    اليازي:هاذوه تراج بتروحين مع عبدالله؟؟
    عوشه:تراني ألا دوم أروح معاه وتعودت لكن محمد؟؟هاي أول مرة
    روضه وهي داخله:يالله محمد يصيح برى حاشرنا بالهرنات
    عوشه:يوة زين
    اليازي:روض قلتي لهدى وموزوة؟؟
    روضة:نحن من الصبح في السيارة
    اليازي:خلاص روحي وأركبي دقايق وبني
    روضة:يالله لا تتأخرن
    عوشه واليازي:أوكي
    الساعه كانت على حوالي 5 العصر
    عندالشباب
    فهد:آه والله تعبت
    عبدالله:مب منكم من الييوله والرزيف كسرتوا عاماركم
    خليفة:الله والله اليووله حلوة هالمرة كلنا هنيه ناقص بس محمد
    عبدالله:أوه طالع كم مرة داقلي؟؟حوالي 5أتصالات من غير خاواتي؟؟
    سيف:وليش بيدقن؟؟
    عبدالله:نسي ت
    اليوم واعدنهن أوديهن المارينا
    فهد:يا خي شتبا بالحشرة وصدعة الراس ما وراهن غير الهم
    عبدالله:أفا ليش
    فهد:والله خاواتي حشرات متنقله كل وحدة أخبل عن الثانيه
    سيف:يا سلام؟؟أحترم نفسك هاذيلا خاواتي ولا تنسى أنهن خاواتك
    فهد:أووه المدافع هنيه؟؟نسيت..سوري..أسحب كلامي
    الشباب:ههه
    ويتصل عبدالله على محمد ودرى أنه وداهن المارينا وحمد ربه أنه ما وداهن
    لأنه متعايز بعد هاليول كله
    "في بيت زايد "
    كانت دانوة مع فطوم وشموة يسولفن في حديقة دانة
    شما:دانوة يالله نروح بيتكم عند البنات
    فاطمة:ههه تبين البنات ولا؟؟؟
    دانة:ههه شو ردي؟؟
    شما:لا والله بس ملانه وودي نروح
    دانة:أنا عني تعبانه شوي مافيه أروح
    فاطمه:تصدقين نسيت أسوي البحث يا ويلي من متى وبسويه وأنسى .. بروح أدخل النت وبطلعه
    شما:شو يعني ما حد بيروح معاي؟؟
    دانة:أنا سوري تعبانه..
    فاطمة وهي طالعه:وأنا مشغوله..
    قعدت شما تتحرطم لأن ما حد بيروح معاها..وقررت تروح بروحها مع الدريول
    "في المارينا"
    البنات عيبهن محل ودخلنه بس عوشه مصرة أنها تروح أيكيا
    اليازي:والله أنج خراطه العرب يروحون لهالأماكن أما أنت إيكيا؟؟
    عوشه:والله يجنن نروح
    روضه:اليازي شورايج في هاللون؟؟
    اليازي:واو اللون الأحمر حلو
    عوشه:يزوي أنا أكلمج؟؟
    وسمع محمد عوشه وراح صوبها:بلاج؟؟؟
    عوشه:ماشي
    محمد:شي تبين؟؟
    عوشه:لا.
    محمد:أفا يا بنت عمي بلاج؟؟حد زعلج؟؟
    عوشه:لا بس كنت أريد أروح إيكيا و غيرت رايي
    محمد:يالله بوديج؟؟
    عوشه:والبنات؟؟
    محمد:بيروحن معانا
    عوشه:والله؟؟
    محمد:غصبن عنهن
    عوشه:أحم مشكور
    محمد:لا شكر على واجب
    وبعد ما خلصن البنات من المحل اللي هن فيه راحن لإيكيا ..ما عجبهن شي لأنهن ما يحبن هالأماكن..يحبن العطورات المكياج الملابس..بس عوشه تحب الأثاث الأبجورات.. الزوالي.. الشموع ..وأشياع تخص الزينه..زينة المطبخ..زينة الحمام ..زينة غرفة النوم...زينة الصاله..كل شي يتعلق بالزينه..
    بعد ما خلصت كانت عوشه شاله الأكياس فجأه طاح كيس توها نازله بتشلها..
    وهي ميبيه دعمها محمد من دون قصد كان يبى يساعدها وهو ميبي في نفس الوقت دعمها..
    عوشه:آخ..يعور
    محمد:سوري
    عوشه:لا عادي
    محمد:شي يعورج؟؟
    عوشه:لا
    وهذا كله جدام البنات وقعدن يتضاحكن..طول الطريق وهن يعلقن على هالموقف..محمد يضحك معاهن وعوشه مفتشله
    " في بيت أبو سيف "
    عبد الله كان يدور له كندورة عدله وما لقى دخل البيت وراح يلبس من كنادير فهد
    شما كانت يايه مع الدريول وخلته يروح ونزلت للبيت أول مادخلت ما لقت حد سألت الخدامه وقالت أن أم سيف وأم سعيد راحن بيت اليران والبنات فوق..
    ركبت شما الدري بسرعة..عبدالله في الجانب الآخر نازل بسرعة
    ((تخيلوا الموقف..الدري عبارة عن دريين اللي يرقا ما يشوف اللي نازل والعكس صحيح..عبدالله لاف يمين وشما يسار تداعموا ))
    شما كانت بتطيح على ورى بس زين الله ستر وجذبها عبدالله صوبه..
    قعد يطالعها وهي مستحيه صارن خدودها ورديات ما عرفت شبتسوي..
    عبدالله:شما؟؟
    شما تو الناس..بدري عليك:هلا عبدالله
    عبدالله:شحالج؟؟
    شما:بخير
    ساد الصمت شوي
    عبدالله:تصدقين شموة؟؟
    شما:شو؟؟
    عبد الله:تولهت عليج من البارحة وكنت أريد أكلمج
    شما وهي مبققه يعيونها:عبدالله
    عبدالله:عادي شفيها أنتي خطيبتي
    شما:بس أنا أستحي
    عبدالله:ويلي على المسحى
    شما:المهم بروح للبنات..شي في خاطرك؟؟
    عبدالله:البنات مب هنيه وراحن المارينا..وفي خاطري تقعدين عشان نسولف
    شما:آسفه بروح البيت
    عبدالله:ليش؟؟
    شما:شو بعد ليش ماحد في البيت
    عبدالله:وهذااللي واقف جدامج؟؟
    شما(مستحيه)
    عبدالله:ويلي على المستحى خلاص برايج روحي بس هاه
    شما:شو؟؟؟؟؟؟؟
    عبدالله:ولا شي..الله يحفظج
    شما:على راحتك مع السلامه
    وزلت شما من بعد هالموقف وهي توها بتتصل للدريول ألا البنات داخلات وكل وحدة عشرة أكياس بيديها..
    عوشه كانت تشلل أكياسها وتذكرت شي
    عوشه:محمد
    محمد:هلا
    عوشه:مشكور على السيره..تفضل
    محمد:يعني أفداج أنا ماحد شكرني غيرج..وبعدين شو ها؟؟
    عوشه:هديه
    محمد:هديه؟؟؟
    عوشه أنت ما قلت شرط نشتري لك هديه على حسابنا ؟؟
    محمد:كنت أسوي سوالف وبعدين كيف دريتي؟؟أنتي ما كنتي موجودة؟؟
    عوشه (صدق انه على نياتة ..مايدري اني من الصبح يالسة اوايق..): يزوي قالت لي وبعدين علشان خاطري تشلها..((انا الخبلا شوة قاعدة اقول،لاوبعد علشان خاطري))
    محمد:صدق انها Cnn،بس علشان خاطرج باخذ الهدية ولا انا ما احب افشل..
    عوشة:مشكورعلى السيرة
    محمد:العفو
    وبعد ما راحت فتحها ولقاها غرشه عطر ريحتها تجنن وتخبل محمد عليه ((هذا الإختيار ولا بلاش))
    " عند البنات "
    شما:زين أعزمن قولن بنروح ولا نحن مب بنات عمكن بعد؟؟
    عوشه:لا حول..بلاج ..
    اليازي:وبعدين عبدالله هو اللي كان بيودينا..
    شما:وليش ما وداكن؟؟
    روضه:الظاهر أنه نسى ومحمد هو اللي ودانا..
    شما:أها..
    اليازي:وين فطوم عيل؟؟
    شما:على قولتها مشغوله..تسوي بحث..
    عوشه:وليش دانوة ما يت؟؟
    شما:تعبانه شوي
    عوشه:من حملت وهي تعبانه
    شما:هي والله ..الله يعينها
    اليازي يالسة تغني"يامن اخذب القلب والروح وياك..لاتفتكر في يوم ابعد واخليك"
    عوشه:ما شاء الله على صوتج حلو
    اليازي:أحم شكرا
    روضه:حطي نجوم الخليج
    شما:هاه ما فيها شي
    كانت شموة تبدل وأتي أغنيه"تدلل" وتقوم اليازي وترقص(ترى اليازي جاهزة بترقص على أي شي)
    "في غرفة هدى "
    موزة:وبعدين؟؟
    هدى:ما شي رديت الخيمه
    موزة:الله والله حلو
    هدى:تصدقين والله بديت أحب هالإنسان
    موزة:وهو؟؟
    هدى:ما أدري به..بس حسيت من حركات خلفان أن خليفه قاله شي
    موزة:يعني قاله الموقف؟؟
    هدى:هيه
    موزة: ما تحسين انح صغيرة على الحب وبلاويه؟؟
    هدى:والله مثل ما سمعت أن الحب يدخل قلب الواحد دون ما يستأذن..
    موزة:أنا عني شاله هالفكرة نهائيا من بالي ما أريد أعاني خلني أتهنئ في حياتي وبعدين يصير خير
    هدى:المهم برويج شو شتريت
    موزة:صبري فيه كيس ضايع ما أدري وينه
    هدى: يمكن في الصاله برى لأن بعض الأكياس ما يبتهن
    موزة:بروح أدوره
    بعد ما راحت موزة قعدت هدى تفكر في الكلام اللي دار بينها وبين موزة..
    ((آه ياحيج يا موزوة مرتاحه..بس أنا شو اللي يأكدلي أنه بيحبني؟؟ما أريد أحط عليه آمالي وطموحاتي وفي الأخير ما يحبني؟؟والله بموت..فديته..آه.. وبعدين شعرفه أهو بالحب؟؟معقوله بيحبني؟؟لا..لا..))
    "
    ""
    ينوصف حبي لها .. ماينوصف عشقي لها .. كل مابغيت اكتب لها.. كل مابغيت اقول الها.. خانتني حروفي وخنقتني اعبراتي..
    .يلي تحب قولي كيف.. كيف اقدر بحبي ابوح .. كيف اقدر بولهيه اصبر .. كيف انسى غرامي الاكيد .. كيف اتجاهل حبي الجديم .. كيف اقول للغلا تعال .. تعال لي انا هو حبك وعشقك والمراد.. وسلامتكم ..
    فهد:الله صح لسانك..
    عبدالله:صح بدنك..
    فهد:منو هاي..؟؟؟
    عبدالله:القلب..
    فهد:لا يكون الخطيبه؟؟
    عبدالله:ومنو غيرها؟؟
    فهد:على قولتهم..((ومن الحب ما قتل))
    عبدالله:ههه
    فهد:هيه أضحك..تراني أدري أنك البارحه تزن علي ندخل البيت بس علشانها!!
    عبدالله: اصلا علشان حرمة عمي
    فهد:حرمة عمك؟؟ولاش..
    عبدالله:ما شاء الله عليك
    فهد:هاه أعجبك أنا
    عبدالله:آه
    فهد:متى بتعرس وبتفكنا؟؟
    عبدالله:والله هي شرطها تكمل دراستها..وأنا الود ودي اليوم العرس قبل باجر..
    فهد:أف هالكثر العرس يخبل بالواحد؟؟
    عبدالله:جب جب طالع عمرك والله أنت اللي محزنني للحين ما خطبت لك وحدة وأخافك تعنس..
    فهد:والله أنا مب مستعيل وبعدين الحمد لله مزيون والف وحدة تتمناني((صدق انه خقاق))
    عبدالله:هيه قل جذيه مغتر وايد بجمالك.. ترى باجر بنات عمك بينخطبن وبتم تبصبص بعيونك
    فهد:والله أنا مقرر آخذ من برى العائله
    عبدالله:ما حد بينفعك غير بنات عمك
    فهد:الحين فضها من سيره بطيت بجبدي تراك
    عبدالله:خلني بعد بهديلك شي ثاني
    فهد: آه ما طولك ياليل..
    لو كتبت الشعر بأنواع الحروف ..
    لجل حبك مقدر أكثر أنتظر..
    خلك امن الناس واسمع يا هنوف..
    أنت أغلى وأحلى من كل البشر..
    يا حبيبي ضمني بأحلى الكفوف..
    خلني عندك مثل عبق الزهر..
    عيش مثل الناس وأفهم هال وصوف..
    أبصراحة حبك أغلى من العمر..
    من يشوف وينظر بهذي الوصوف؟؟
    ينظر بعودك وردفك والخصر...
    بسمتك لي جت تشعلها الطيوف..
    ولي رسمت بصوتك الكل أنبهر؟!!
    من بعد هالقصيدة أكتفى عبدالله بإبتسامه خفيفه..كان يموت في شما وكل ما يسمع أسمها يسرح في عالمه الخاص اللي ما حد يعرفه..
    "عند البنات "
    اليازي "ويلي يا ويلي ياويلي ياويلي.. رايح القمر عن ليلي"
    عوشة:وين راح؟؟
    اليازي:ما ادري؟؟
    هدى:عنبوج يزوي من يينا وأنت ترقصين وتغنين ما تعبتي؟؟
    اليازي:تفو عليج قولي ما شاء الله بتاكليني
    هدى:وع ليش تفلين علي؟؟مالت
    عوشه:أيه ما أسمحلج تواجعين يزوي
    هدى:هاي وين داخله أنت مالج خص أنا أكلم يزوي
    عوشه:يا الدبة تراها طالت وتشمخت أنجبي
    هدى:روعتيني يا الدياية!!
    وتقوم عوشه بتضرب هدى بس مسكتها اليازي وهدى ركضت لبرى الصاله ونزلت تحت وتقول باعلى صوتها"الموت قادم من الشرق"
    اليازي:والله مسويه إرهاب لأختج؟؟
    عوشه:والله أنها حيوانه ما تستحي
    روضه:والله أنت اللي ما تستحين بتضربينها جدامنا؟؟
    عوشه:عادي بنات عمي وتعرفنها
    شما:ياحيكن أنتن مب عايشات هنيه ولا شفتن البلاوي
    عوشه وهي تنغز شما:أييه أستري علينا الله يخليج
    البنات:ههه
    "في الصالة"
    راحت هدى المطبخ من بعد الركيض تحس انها عطشانة وياية بتسرب والا بصوت
    رحمة رحمة
    هدى:ول منو هذا؟؟يا الفضايح انا بليا شيلة
    خليفة:رحمة شبلاج واقفه عند الثلاجة حطي العشى يقولج فهد..يالله..
    هدى:شبقول له؟؟فشله عني ما احلمج ياعوش لو شليت شيلتي أبرك لي
    خليفة وهو يقرب:رحمة؟؟
    هدى:صبر
    خليفة: هداوي؟؟ههه
    هدى:ليش تضحك؟؟
    خليفة:لا أتحراج رحمة..وبعدين بلاج مندسه ما باكلج
    هدى:لا بس....أنا من دون شيله..
    خليفة:أها خلاص قولي لرحمة تحط العشى
    هدى:إن شاء الله
    ومن بعد ما طلع ركضت هدى عشان تلبس لها شيله وقالت للخدامه من بعدها قعدت في الصاله مع أمها وأم سيف وأم زايد.. اللي قاعدات يسولفن متى بيسوون عرس عبدالله وشما وشو التحضيرات والتجهيزات..وهي عايشه في عالم ثاني..عالم عنوانه هدى وخليفة وبس..
    "في بيت زايد"
    كانت الساعة حوالي 10 ونص..دانة منسدحة على الكرسي وتبدل في هالقنوات..
    ((خلاص اليوم بنهي الموضوع..ما أقدر أعيش هالعيشه))
    حطت Fm وسمعت واحد يعد قصيد وقعدت تسمعها..
    أنا الولهان أنا المحروم أنا عايش بلا أوطان
    أنادايم وياالاحزان وهذي باقي احزاني
    أنا صورة بلا برواز أنا قصة بلا عنوان أنا كلي عذاب وهم مثل من عاش وحداني أنا الظامي أنا العطشان شرات الورد لي عطشان أنا الشاكي أنا الباكي ودمعي جرح أعياني أنا المغروم أنا المجنون جنوني محبتي لإنسان أنا حبيت أنا جنيت وحبه سبة جناني حياتي كلها تعذيب ونار الشوق شرى البركان
    وخلي ما درى عني ولا يعلم بما جاني
    نحل جسمي نشف دمي وأنا بمحبته غرقان بلاه الله في حبي مثل ما حبه أبلاني
    معذبني ويعذبني عذاب(يهود) بالإخوان
    عذاب اشد من لعذاب ولاقد حل بإنسان أنا حبيت أنا مليت أنا بمحبتي غلطان وهذي غلطتي روحي وأنا ع نفسي الجاني*
    حست بهالكلمات أنها تنطبق عليها..تحبه وتعشقه لحد الجنون..تموت فيه هو..
    هو كان يبادلها نفس الشعور بس..مرت عليه أيام ياليتها تنسى..
    تعبت منه من كثر ما تقوله أنها تحبه وطبعا هذا في داخلها يقول أنها تحبه بس كل ...اللي صار لها تعبها ....
    السالفه اللي بينهم..
    اولا:أبو زايد كان يبغى فلوس لأن عليه دين لها بدايه ومالها نهايه..
    ومن دون لا يشاور أخوانه اللي هم أبو سيف وابو سعيد وسحب فلوس ترى حلالهم واحد وما تقاسموه..وأبو زايد الله يهديه سحب معظم الفلوس ومن ذاك اليوم نشبت الحرب بينهم وأبو سعيد يحاول يصلح بينهم..ومن هاي السالفة العايلتين ما يزورون بعض من أوامر أبو زايد وأبو سيف..
    وبعد ما حن زايد وراح لعمه وقاله أنهم ما لهم ذنب باللي صار وأن زايد يبغى بنت عمه اللي هي دانة وبعد ما أستهدى أبو سيف بالله وافق..
    لين ما عرسوا زايد ودانة وحسنوا من أحوالهم ونسوا السالفة شوي..
    وبهذا العرس تحسنت أحوالهم ونسوا السالفة اللي صارت بينهم..
    ثانيا :كان زايد مسافر لشغل وعجبته بنت..هذا مجرد إعجاب وتعرف عليها وصارت مجرد ربيعه..وهي طالبه تدرس برى ..
    من بعدها عرس زايد وكان كل مرة يفكر في هاي البنت..وبعد ما عرس وسافر مع دانة نفس المكان و لقى البنت وهي اللي سلمت عليه..
    وقتها دانة شكت في زايد وبدت تغار عليه ومن دون قصد تكلم زايد وقال أنه كان معجب وبعدين سكت..يته أيام يسرح فيها وينسى دانة ..
    يت فكرة في بال دانة وقامت تسويها..
    "عالساعة 11"
    البنات كالعادة سهرانات من بعد ما راحت شما للبيت واستانست عسب اليوم واللي صار لها مع عبدالله..
    اليازي:أف شو جيه ما شي عدل في التلفزيون؟؟
    عوشه: حظج
    روضة:ما عندكن شي نتسلابه؟؟
    هدى:أذكر السوني2في الميلس مالت فهد
    اليازي:الله من زمان مالعبت بهاللعبه روحي هاتيها
    عوشه:يمكن الشباب للحين في الميلس
    هدى:عادي الا عيال عمي
    عوشه:قصورج بعد..ياويلج إن رحتي.
    موزوة:عادي شفيها؟؟
    عوشه:هيه خربتج هدى لازم بتدافعين
    هدى:الا غياظ لج بروح أييبها زين ما علي منج
    عوشه:هدى لاتروحين
    بس لا حياة لمن تنادي راحت هدى للميلس..وحطت أذنها على الباب تبغى تسمع إذا فيه صوت في الميلس
    فج أة ينفتح الباب..
    خلفان:حراميه
    هدى:آآآآآآآآآآآآآآآآآآآآآآآآآآآآآآآآآآآآآآآآآ آآآآآ آآآآآآآآآآ
    خلفان:فقدت صوتج يالعنز عنبوه طريتي ذنيه
    هدى:عنز ما غيرك أنت اللي روعتني
    خلفان:وبعدين ليش يايه هنيه؟؟
    هدى:ما يخصك زين
    خلفان:هيه..عرفت عشان تشوفين المزايين؟؟
    وغمز لها خلفان حست أنا يقصد خليفة
    هدى تستهبل:ومنو يعني؟؟
    خلفان:أنا طبعا..أحم ما ترومين على فرقاي دقايق..
    هدى:ههه ه
    ظحكتني مع أني مالي مزاج أضحك..
    خلفان:ألا ودج أنت بواحد مثلي..
    هدى في واحد بس مب أنته:جب عاد وايد شايف عمرك.. أقول خلني أشل السوني أبرك..
    خلفان:صبر صبر..شو بتاخذين؟؟
    هدى:صمخ..
    خلفان حب يقهرها:بس أنا وحبيب القلب نلعب ها
    هدى:هيه........شو؟؟حبيب القلب؟؟شو قصدك؟؟
    خلفان:أفهميها على الطاير..
    هدى:أنته ما ادري على شو شايف نفسك؟؟توم كروز وأنا ما ادري؟؟
    خلفان:منو هذا بعد؟؟
    هدى:أنت الكلام معاك ضايع أروح أبرك لي..
    وطلعت للبيت وخلفان تم يضحك وما وعى ألا بضربه قويه على راسه من ورى..
    خلفان:آآآآآآآآآآآآآآآآآآآآآآآآآخ..
    خليفة:ما تستحي أنته؟؟أنا الغلطان اللي فتحت قلبي لك وقلت لك
    خلفان:أصلا أنت لازم تشكرني على هذا عشان تعرف أنك تحبها
    خليفة:أص قصر حسك لا يسمعونا الباقين وما عليه دواك في البيت خلنا نرد بس
    خلفان :والله ما علي منك
    وقعد يغني..شلني شله صوبك وقلبي ساري بكيفه
    خليفة:ما عليه الحين براويك
    ويقوم عليه يضربه ضرب وخلفان ما رام يدافع عن عمرة من كثر ما يضحك على خليفة وطول الضرابه وهو يضحك والشباب طايحين ضحك عليهم
    "في البيت"
    موزة: وينج..يلست ادور عليج
    هدى:شتبين؟؟
    موزة:بسم الله بلاج؟؟
    هدى:ما شي مغيضتبي عووش وبس
    موزة:وين السوني2؟؟
    هدى:الشباب يلعبوبها..
    موزة:زين عيل خلينا نروح حجرتج لا تنسين أنا باجر بعد الغدا بنرجع المدينه..
    هدى:زين خلينا نروح المطبخ نشوفلنا أكل يسد يوعي وبنكمل سوالفنا والصراحة عندي سالفه توها مستويه..
    موزة:الله يعينا من سوالفج من البارحة وأنت تسولفين علي..
    هدى:ما عليه ما بزعل عليج هالمرة بس المرة الثانية بظربج
    موزة: صرتي متوحشه
    هدى: عشان تعرفيني على حقيقتي
    ومن بعد ما كلن لهن شي راحن لحجرة هدى عشان يكملن سوالفهن
    ++ دخل وشاف الصاله هاديه..راح للغرفة وما لقاها..دورها في البيت وما لقاها..راح للمطبخ..يمكن تكون هناك..
    شاف ضوء خفيف ياي من الحديقة..فتح الباب الزجاجي..
    شاف المنظر روعه..الشموع على الطاوله ما في مصدر ثاني للضوء ((تخيلوا المكان أوكي؟؟)) مع كوبين عصير بارد ودانة كانت قاعدة على الكرسي وتفكر
    قعد زايد يشوفها ومستغرب من هالتغيير المفاجئ..
    زايد:دانوة..
    دانة:زايد؟؟أنت ييت؟؟
    زايد:هيه..
    دانة:شبلاك واقف تعال اقعد..
    وبعد ما قعد زايد تموا ساكتين ما عرفوا شبيقولون..
    دانة:زايد أنا..........
    زايد:دانوة..لا تقولين شي..
    دانة:زايد..أنت عاجبنك حالنا؟؟
    زايد:لا طبعا..بس ..
    دانة:بس شو؟؟زايد من متى وأنت متغير على؟؟من يوم ما تعرفت على هاييج البنت حرام عليك..قل الغلا والحب اللي في قلبك صوبي؟؟ولا شو؟؟
    زايد:لا لا تقولين جذيه..أنت غلاج للحين في قلبي والله احبج..
    دانة:لكن الأيام اللي طافن؟؟وسرحانك في.....
    زايد:حياتي...لو أنا ما أحبج جان ما ترجيت أبوج هاذيج الأيام ولا تنسين أن أبوي ما كان موافق على هالعرس بس عمي أبوسعيد يزاه الله ألف خير أنه وقف معانا وخلا الأمور بين العايله ترد مثل قبل وأكثر ...نسيتي؟؟
    نسيتي ايام الطفوله؟؟أيام الأعداديه وخبالنا؟؟
    دانة:ههه لا ما نسيت..
    زايد:والله أحبج..
    دانة:بس والله أني أحس بالوحدة من دونك صارت حياتي كلها فوق تحت..صرت أحس بافرح ومرة الحزن...مرة الطمأنينه ومرة الخوف ما عرف شصار بيه صرت أخاف منك حسيت أني بديت أكرهك مع أني كنت أحبك..
    زايد:دانة..خلينا ننسى اللي فات ونبدى من يديد مع ولدي..
    دانة:آه فديتك وفديت ولدك أنا..بس صبر..هاي بنت مب ولد
    زايد:لا لا أنا أبا ولد..
    دانة:ما يخصني أبا بنت وبسميها ريم
    زايد: ريم زايد ..مايليق
    دانة:ما يخصني أنا بسمي البنات وأنت الأولاد..
    زايد: شوة رايج صقر
    دانة:صقر؟؟
    زايد:شو؟؟جنه مب عايبنج؟؟
    دانة:ههه لا عجيبا لأسم أصلا..
    زايد:هيه فديتج أنا.. توج حرمه..
    دانة:يا سلام ومن الصبح كنت شو؟؟
    زايد:بيبي..
    دانة:هيه مقبوله منك بو صقر..
    زايد:أحم..مشكورة أم صقر..
    وبجذيه أصطلح الحال بين دانة وزايد وردوا لبعض ومن ذاك اليوم وهم غامرتنهم السعادة..ورد الفرح

    • أسماء الكويت
    أسماء الكويت
    03-11-2022 - 06:54 am

    --------------------------------------------------------------------------------
    أقولك شي وماتزعل ولاتاخذ على الخاطر!! (7)
    تحيا في روحي ولا أدري ليه يا شوق احتضرت؟؟
    من غرامك من هيامك أو مقادير القدر؟؟
    تحيا بين أنفاس قلبي وأنت فيني ما شعرت
    أبقى هامش في حياتك نقطه تملا لك سطر
    أرتظيتك شمس عمري ليل وجدي وافتكرت
    ما تحاتي الناس عقبي والخلايق (والبشر)
    كم أهيم بداج حبك لجل طيفك وانتظرت
    منك لمحه منك هاجس ينبت الورد الحمر
    يا شجوني في سكوني كم من عمري اختصرت
    لجلك أحيا ولأجلك أبقى وينتهي معك العمر
    وأنت سالي ما تبالي ليه بعيوني كبرت
    ليه أحس إني قريبه؟؟وبيني وبينك دهر
    ليه من طاريك أشهق ولو تخايلي سهرت
    وليه يا متلف غرامي ما أجي يمك وأمر
    كنت أحاول عنك أكابر كنت أحاول ما قدرت
    تحترقني في ضلوعي طعنتك وسط الظهر
    بين واقع كبريائي واحترامي لك نثرت
    بوح يبكي كم أحبك وبوح يبكيني قهر
    تدري يا مفرج همومي إني لشوفك نذرت
    ما تلمس جرح غاير في ضميري يحتضر
    "
    ""
    على الساعة 11 وفي بيت ابو سيف
    عوشة:آه
    هدى وهي منسدحة على الكرسي وتسولف في التلفون
    هدى:أقول نوف بخليج وباشوفج باجر ان شاء الله اوكي؟؟ هاه
    لا لا عادي باي
    عوشة:يوه
    هدى:مللتيبي تراج من الصبح وأنت ألا آه ولا يوه
    عوشة:خواني تأخروا كل هذا عشا؟؟
    هدى:الساعة توها 11
    عوشة:والله احس بشي قلبي ناغزني
    هدى:لا يكون عندج الحاسه السادسة وانا ما ادري؟
    عوشة:هدى دخيلج فكينا من الوقعه
    هدى:أوكي خلاص بروح أرقد شي تبين؟؟
    عوشة:لا
    هدى وهي طالعة:تصبحين على خير
    عوشة:وانت من اهله
    والا بدخلت ابو سيف:السلام عليكم
    هدى:وعليكم السلام..ابويه بلاك؟؟
    ابو سيف:ما شي ليش
    هدى:لكن شكلك
    يقاطعها:تعبان واريد ارقد
    وتطلع عوشة من الصاله وتلاقيهم
    عوشة:أبويه شصار شي بلاكم أخواني فيهم شي؟؟
    ابو سيف:لا الحمدالله ما شي
    عوشة:وفهد؟؟فهد يا من دبي؟؟ليش تأخر
    أبو سيف:أأأ قبل شوي مكلمنة وقال غير رايه وبيبات عند حد من الشباب
    عوشة:لكني قبل شوي ادقله وما يشل تلفونه
    أبو سيف:يمكن.. يمكن راقد
    عوشة وهي خلاص بتصيح:ابوية شي صار لفهد؟؟
    ابو سيف:الله لا يقوله
    هدى:عوش بلاج مكبره الموضوع قالج ما بلاه شي
    عوشة تحط عينها بعين ابوها وهنيه نزل راسة
    عوشة:ابويه ارمس تكلم والله ان فهد فيه شي
    هدى:اف منج اروح ارقد ابرك
    عوشة:جب انت مش هامنج شي غير الرقاد"وتوجه كلامها لابوها"ابويه وغلات الغاليين تتكلم
    ابو سيف:أأأأأأأ
    عوشة:ابويه
    ابو سيف:فهد سو
    عوشة:سوى حادث؟؟
    هدى:شو اخبلتي انتي ؟الله لا يقوله
    عوشة بنضرة ترجي:ابويه صدق؟؟
    ابو سيف: هيه بس هو بخير والحمدلله
    هدى:وين هوه
    عوشة والدموع عند عيونها:كيف استوى الحادث ووين الحين هو؟؟
    "في بيت زايد"
    كان ما شي في طريقة وشاحنه جدامة وهو بيجاوزها لفت الشاحنه عليه وانجلبت سيارته على الرصيف وضرب في عمود الليت
    دانة وهي تصيح:والحين؟؟
    زايد:عدة ماقام بس الدكاترة يقولون انه بخير
    دانة:وابويه وسيف؟؟
    زايد:دروا بس سيف قعد عندة وعمي رجع البيت
    دانة:عووش اعرفها اكيد بتحس بشي اعرفها
    زايد:ما فهمت
    دانة:عووش عندها الحاسة السادسة اذا صار شي ينغزها قلبها والله لتشل البيت فوق تحت
    زايد:تلقين عمي عندم ويطمنهم
    دانة:يارب انك تشفي فهد يارب
    زايد وهو يربت على جتف دانة:آمين
    "في بيت ابو سيف"
    ابو سيف:يا بنتيه قلت لج بخير خلاص عن الصياح
    عوشة:ما اقدر هاذا فهد اخويه
    ابو سيف:استهدي بالله هدى وين امج؟
    هدى:أحيدها رايحة بترقد
    ابو سيف:خلاص باجر بقولها وبنروح صوب فهد
    عوشة:وبروح معاك
    ابو سيف:ان شاء الله
    ورجعت عوشة لحجرتها وهي خلاص منهاره تحب اخوانها وما تريد تتخيل في يوم انها بتفقد واحد فيهم
    هدى:والله ما يسوى عليج خلاص ابويه قال انه بخير ليش ذابحه عمرج
    عوشة:انت ما تحسين؟؟شو قلبج حجر؟؟
    هدى:قلبي مب حجر بعدين اخوج بخير
    عوشة:ممكن تطلعين برى وتخليني؟؟
    هدى:تصبحين على خير يالبرنسيسة
    عوشة:والله انج متفيجة
    هدى:اف زين ردي وانت من اهل الخير
    عوشة:وانت من هله
    وراحت هدى لحجرتها وهي متغصصه "شو يعني؟؟المهم انه بخير بتم اصيح؟؟ الحمدلله على سلامته ليش هي تقول عني جيه؟؟ معقوله؟؟ صدق ان قلبي حجر؟؟"جاوبوني؟؟"
    "في المستشفى"
    سيف كان يراقب اخوه خايف عليه كانوا الدكاترة محاوطينه من كل جانب باين من ويوههم الأستغراب
    سيف:خير دكتور؟؟
    الدكتور:الصراحة من دون لف ولا دوران
    سيف:طبعا بلاه اخويه عسى ما شر؟؟
    الدكتور:الصراحة سويناله الفحوصات اللازمة وطلع بخير بس
    سيف الله يستر:بس شو؟؟
    الدكتور:الضربه يت عند العمود الفقري في آخر الظهر و
    سيف:و شو؟؟تكلم
    الدكتور:أحتمال يكون عندة
    سيف:يا اخي تكلم
    الدكتور:يكون عندة شلل
    سيف:شلل؟؟يعني بيتم على كرسي؟؟
    الدكتور:ما اقدر اقولك شي لين ما يقوم وإذا حس بريوله بيكون وقتها ما بلاه شي لكن إذا صار العكس لا سمح الله
    سيف:يعني انت ما تعرف؟؟
    الدكتور:انا شرحت لك حالته إذا قام وحس بريوله خلاص الحمدلله على سلامته
    سيف:زين الضربة قوية؟؟
    الدكتور:الله ستر انه ما انكسر العمود الفقري انت تدري ان السيارة انجلبت وضربت في عمود الليت وطلع عندة كسر بسيط في يدة وشوية شبوخ على الويه
    لكن ما بنسوي شي لين ما يقوم ونعرف حالته بالضبط
    سيف:مشكور دكتور وما قصرت
    الدكتور:ولو يا اخ سيف هذا الواجب
    وطلع عن الدكتور لأخوه وقعد يدعو له بالشفاء وهو مشبك يديه وحاطنهن ورى راسه حس بحركة خفيفه عداله واول ما لف جاف اخوه
    سيف:فهد
    فهد:آه
    سيف:شي يعورك ازقر الدكتور
    وهز فهد راسة بالنفي
    سيف وهو يقولها بصعوبة:فهد انت تحس بريولك؟؟
    فهد استغرب من هالسؤال وحاول يحرك ريله لكن.....
    "في بيت ابو سيف"
    على الساعة 2 ونص كانت هدى رايحه للحمام شافت ضو خفيف من حجرة عوشة وارحت ما دخلت لقتها على السيادة ورافعة يديها للسما وهي تصيح وتدعو لأخوها هدى ما قدرت تستحمل ووقفت عند الباب تصيح وبعدها بدقايق دخلت
    هدى:عوش
    عوشة اول ما سمعت صوتها مسحت دموعها:هاه شي يعورج؟؟
    هدى:لا مريت بروح الحمام وشفت الليت شغال
    عوشة:خلاص عيل ردي ارقدي
    هدى وبحنان:عوش كيف تبيني ارقد وانت هالكة عمرج بالصياح؟؟
    عوشة:انا ما اصيح ادعي لأخويه
    هدى:فديتج خلاص عاد ابويه طمنا وقال انه بخير وباجر بنروح صوبه
    عوشة:أدري
    هدى:خلاص يالله ارقدي ما فينا يشوفج فهد جيه ويعصب عليه وبعدين يقول هدى ما ادري شسوت بعووش
    عوشة وهي تحضن هدى:ههه فديتج انا خلاص تصبحين على خير
    هدى:وانت من اهله
    وقامت هدى من حضن عوشة وراحت تكمل رقادها وهي فرحانه لأختها "من متى وما حضنتني جيه؟؟دومنا وقعة وكل وحدة ف راس الثانيه فدييت عووش والله احبج لكن المشكلة فيج كله تغيضيبي"
    اما عوشة قعدت تقرى لها قرآن وبعدها رمت بعمرها على الشبرية وتلحفت وغطت في نوم عميق وهي شاله هم فهد وشو بيصير به
    "في بيت زايد"
    زايد قام من رقادة واول ما طاحت عيونه على الشبرية ما لقى دانة استغرب وطلع لها لقاها منسدحة على الكرسي وهي تفكر
    زايد:دندونتي
    دانة:هلا
    زايد:ليش ما رقدتي؟؟
    دانة:ما ياني رقاد
    زايد:والله مب زين لج شوفي ويهج مصفر وجسمج ضعيفوني حرام عليج ما تاكلين شي؟؟
    دانة:ما لي نفس للأكل
    زايد:عوينك يا ولديه من وهوفي بطن امه مسوي ريجيم عيل باجر يوم بيطلع شو بيسوي؟؟
    دانة:ههه
    زايد:هيه الحين ردت روحي يوم ضحكتي
    دانة:والله احس اني ضيقانه مالي نفس لا للأكل ولا للطلعات
    زايد:فديتج انا خلاص في الويك اند بوديج دبي
    دانة:لا لا ما اريد
    زايد:والله صقوري يبى يروح وندر لاند
    دانة:ههه فديته وفديت ابوه انا
    زايد:عمري
    دانة:هلا
    زايد:انت تفكرين في فهد صح؟؟
    دانة:............................
    زايد:والله كنت عندة وقالوا انه بخير
    دانة:أوكي بس باجر ودني صوبه
    زايد:من عيوني لو تطلب عيوني
    دانة وهي مبتسمه:تسلم
    زايد:يالله جانج تبيني اوديج روحي ارقدي وارتاحي شوي
    دانة:إن شاء الله
    قامت دانة ومعاها زايد وهو يسولف عليها وهي تضحك حاول ينسيها شوي لأن من شكلها تعبانه وخلاص هي الحين في شهورها الأخيرة
    "في المستشفى"
    فهد:سيف
    سيف:هاه شو؟؟
    فهد مستغرب:انا مابمشي؟؟
    سيف:الله لا يقوله حرك ريولك
    فهد:ما احسبهن خلاص يعني ما بمشي؟؟
    سيف:فهد يالله حرك ريولك ولا تحرق بأعصابي
    فهد:سيف ما روم والله ما احسبهن
    سيف وهو رايح لريول اخوة ويحركهن
    فهد:ما احس ما احس
    سيف يقرص فهد:هاه؟؟
    فهد:خلاص سيف انس السالفه
    سيف:لا اكيد مسولي مقلب؟؟
    فهد:لا والله ما احسبهن..خلاص هذا اللي كاتبنه ربي اني ما امشي
    سيف:فهد لا تقول جيه بتقوم وبتمشي بعد
    فهد:سيف لا تقعد تتوهم خلاص ما امشي ما بمشي
    سيف:فهد هذا وانت العاقل قلت جيه
    فهد:انا أؤمن بقضاء الله ومقوي ايماني به
    سيف:والنعم بالله لكن اكيد في علاج له
    فهد حب يغير السالفة:سيف حد درى من هل البيت؟؟
    سيف:الكل
    فهد:أهاا
    سيف:فهد خلني اقيس حرارتك
    فهد وهو يبتسم:والله ما فيه شي خلاص هذا حكم ربك
    ويسمعون أذان الفجر
    فهد:يالله رح وصل
    سيف:شي في خاطرك؟؟
    فهد:لا سلامتك بس صل عني
    سيف:ههه ان شاء الله
    وطلع سيف ومن اول ما راح طاحت دمعة فهد..كان يرقب سيف يطلع ويطلع اللي في خاطرة فهد مهما كان بيكبت على عمرة لين ما ينفجر مرة وحدة ويطلع كل اللي في قلبه تم يتلفت يمكن يتوهم صح انه كان قوي جدام اخوه لكن ضعيف جدام عمره"آه يافهد خلاص ما بتمشي بتم على الكرسي وتندز يمين ويسار خلاص بتم كله قاعد في البيت الشغل بتتفنش منه بتم واحد ما له فايدة واحد اللي الكل بيتم ينظر له بنظرة إشفاق وحزن اللي الكل بيجامله بسبب إعاقته
    "
    "
    "
    "
    "
    "
    "
    فطوم
    وحياتي اللي كنت افكر فيها واخطط لها وشو بسوي ووين ومتى؟؟
    خلاص لازم امحي الماضي اللي ما صار له ألا كم شهر خلاص
    دانة يارب انها ما قالت لحد لو فطوم تدري اني اباها اكيد انها بترفضني الحين"ليش؟"
    لأني أنسان معاق ما اقدر اصرف على عمري وكيف بعيش حرمتي؟صح ابويه واخوي ما بيقصرون بس بحس بالنقص وما يندرى باللي بيصير بالمستقبل
    خلاص اتخذت قراري بكلم دانة ما تقول لحد وبنهي السالفه"
    الصبح
    الكل كان متجهز في بيت ابو سيف عشان يروحون يتطمنون على فهد اللي بينصدمون من الخبر وانه خلاص اصيب بالشلل وما بيمشي
    أم سيف:آه ياولديه الله يشفيك
    هدى:خلاص اميه هذا قضاء الله ان شاء الله بيكون بخير وتشوفينه يرقص يمين ويسار
    عوشة:دخيلج عاد نقطينا بسكوتج
    هدى:ونا شقلت؟؟هذا يزاي اللي قاعدة اخفف عنكم؟؟
    ويدخل ابو سيف:يالله كلكن زاهبات
    الكل:هيه
    وراحن للمستشفى..طبعا ابو سيف للحين ما يدري باللي صار اما سيف ما فارق اخوه تم معاه والدكاترة ما قصروا من دروا انه قام عادوا له الفحوصات
    وبعد وصول ابو سيف وهله اللي تفاجأوا بوجود دانة وزايد
    دانة:لا قل والله
    زايد:دانوة استهدي بالله
    دانة وهي موجهه كلامها لفهد:صدق فهد؟؟
    فهد:بس عاد عيوني لا تقلبينها مناحه بشفى ان شاء الله وبمشي
    دانة:زين حرك ريولك
    فهد:دانوة خلاص عاد
    ويدخلون الأهل
    الكل:السلام عليكم
    الكل:وعليكم السلام
    ابو سيف:الله ثر دانوة هنيه؟؟
    هدى:هيه لازم تحطم الرقم القياسي وتسبق الكل
    الكل:ههه
    أم سيف:شحالك فهد يا رب ما صابك شي
    ارتبك سيف وزايد ودانة وفهد
    فهد:الحمدلله بخير..عيل وين عووش؟؟
    ولفت هدى لورى وما لقتها:أحيدها داخلة ورايه
    ابو سيف:طالعيها يمكن برى
    وطلعت هدى اللي لقت عوشة عند الباب
    هدى:عوش يالله ادخلي
    عوشة:ما اروم
    هدى:اوه بتبدى بالمناحة اكوه بخير وما بلاه شي
    عووشة:ما اقدر بصيح
    هدى:قوي قلبج وخليج قدها"مأثر دعايا ديو و البيبسي"
    ودزت هدى عوشة اللي اول ما دخلت خانتها دمعتها وصاحت وسيدة حضنت اخوها فهد
    عوشة:الحمدلله على السلامة يا رب ما فيك شي؟؟
    فهد:الله ثر عووش تصيح عسبي توني دريت اني غالي
    عوشة وتضربه على جتفه:انت من زمان غالي
    هدى وهي تبتسم لسيف:يعوينك طاح كرتك
    سيف:ما عليه برايها بترد عند الحايه
    عوشة:لا والله كلكم لكم معزة ف قلبي
    ابو سيف:وانا وين رحت؟؟
    ام سيف:هيه نستنا ما جنا والديها
    عوشة:حرام عليكم الكل غالي ف قلبي
    هدى:خلاص عاد والله لو دريت انج بتقذينا"وتقلدها"حرام عليكم الكل غالي ف قلبي"جان ما رمست
    الكل:ههه
    وشوي دخلوا خليفة وخلفان:السلام عليكم
    الكل:وعليكم السلام
    زايد:منو وصلكم؟؟
    خلفان:صبر خلنا ناخذ اخبار ولد العم ونتطمن عليه بعدين اسأل
    زايد:ههه مطول لسانك
    خلفان:حرام عليك والله ابرر موقفي واقول الصدق
    زايد:زين منو يابكم؟؟
    خلفان:توم كروزر منو يعني غير الدريول
    عوشة وهدى:ههه
    هدى:يالغبي توم كروز
    خلفان:والله كيفي اسميه بلأسم اللي ابا
    خليفة وهو يوجه كلامه لفهد:شحالك
    فهد:بخير الله يعافيك
    خلفان:هلا والله بفهد "ويدق خشم"شحالك؟؟عساك بخير قالوا انك مسوي حادث؟؟ عسى ما شر؟؟
    فهد:بلاك خذتني بشراع وميداف خلني اجاوب شوي شوي
    هدى:الله يعينك يا اخوي
    خلفان:اييه يوم يتكلمون الكبار يسكتون الصغار
    هدى:انت شو شايف نفسك الا الفارق سنه
    خلفان:شايف نفسي توم كروزر
    هدى:والله توم كروز احلى عنك
    خلفان:يخسي الا هو ولد الأجنبية
    ام سيف وهي ما كانت معاهم:منو ولد الأجنبية؟؟
    الكل:ههه
    خلفان:او هو حرمت عمي خليج عالخط الثاني
    الكل:ههه
    ام سيف:ف خاطري يوم افهم انت شو تقول
    هدى:ههه يعوينه ما يعرف يرمس ههه
    خلفان وهو يقلدها:ههه يعوينه ما يعرف يرمس ههه جب جب يالدبة
    عوشة:ايه انتوا قذيتونا من كثر ما تهربدون قصروا حسكوا
    خلفان:إن شاء الله حرمتيه
    عوشة:مشكور...شو؟؟حرمتك؟؟تخسي منو انت عشان اخذك؟؟
    خلفان: على قولت هدى توم كروزر
    الكل:ههه
    هدى:يا اخي كم اعلمك توم كروز
    ام سيف:منو هذا؟؟
    خلفان:الله يسلمج بنتج عوشة مشتحنه فيه
    ام سيف:يالله يالبلاوي منو ولدة؟؟
    خلفان:ولد الأجنبية
    ام سيف:يخسي الا هو
    عوشة:والله يجذبون
    خلفان:وانا اقولها يا بنت عمي اباج وما حد بينفعج غيري ولد عمج وهي تبا ولد الأجنبية
    ام سيف:يخسي عوش ما لج غير ولد عمج خلفان
    خلفان وهو يحب راس حرمت عمه:اشكر فنج انا
    عوشة:ما باه حرام عليكم انا اخذ الزطي خلفانوة؟؟
    زايد:هيه بلاه خلفان؟؟طالع عليه حلاه وادب واخلاق
    خلفان:احم احم
    هدى:من مدح نفسه يباله رفسة
    دانة:بسم الله على زايد ما بى حد يرفسة
    سيف:انت بس عليج صقور اللي قاعد يرافسج
    دانة محرجة:فديت ولدية
    فهد:اقول زايد وين حرمت عمي؟؟
    خلفان:يه نسيت اميه احيدها تسوي القهوة
    خليفة:تصدق نسينا
    زايد:دامكم نسيتوها لي والله رحتوا فيها
    خلفان:انت بدال ما تروح تييب امك تقعد تسولف؟؟رح هاتها ولا اقول عطني السويج بروح اييبها
    زايد:تخسي الا انت هاللي قاصر القفك السويج وتدعملنا حد
    هدى:ههه
    خلفان:اييه بلاج تضحكين؟
    هدى:أا تحيد يوم كنا في العزبة؟؟
    خلفان:اييه استري علي لا تذكرينهم
    الكل:ههه
    هدى:اتذكرك راكب الكروزن وكنت توك تتعلم السواقه وعاد شو دعم؟؟
    فهد:شو؟؟(لأنه ما كان موجود عند هالسالفة)
    هدى:دعم العنز عوينها وكسر ريلها
    فهد:أشوا انها ما ماتت
    هدى:واسكتوا عاد الا عووش سوت لنا مناحة
    فهد:ليش؟؟
    هدى:طلعت العنز ما لتها
    الكل:ههه
    أبو سيف:هيه والله اتذكر هاييج الأيام
    هدى:ولا عاد سال خلفان طالع شو على راسك
    خلفان وهو يناقز:شو شو؟؟
    هدى:ههه صادوة
    عوشة عرفت حركت هدى انها كانت تبى تغير سالفت سال م"بعدين بقولكم شو سالفته"عشان ما يتذكر الكل ذاك اليوم وخاصة سيف لأنه يحس بالذنب مع انه ما كان قاصد وبعدها بدقايق رجع الكل للبيت ما عدى سيف وخلفان وخليفة قعدوا يكملون سوالفهم وعرف بعض الشباب بالحادث ويو يتحمدون له بالسلامة
    "في بدع زايد"
    بعد ما عرفوا بالحادث وخاصة ان اللي تأثر هي اليازي
    روضة:يزوي بس عن الصياح
    اليازي:انت ما تعرفينه هذا فهد لو استوى شي فيه منو لي غيرة في الدنيا؟؟منو؟
    روضة:زين قالوا انه بخير
    اليازي:آه يا فهد الله يشفيك
    روضة:الله الله على الحب شو يسوي
    اليازي:والله لأجتل عمري ان صار فيه شي
    روضة:اييه استغفري ربج شو روميو وجولييت هو؟؟
    اليازي:مشكله يوم يكون الواحد ما جرب الحب
    روضة:يعني تبيني أحب؟؟ بسم الله عليه بس علي نهيان
    اليازي:من قدج انت نهيان متعني للبيت وخطبج عقبالي عقبال ما يفهمني فهد ويعرف بحبي له..رويض ليش انا حبيته بالذات؟؟ليش ما حبيت سيف؟؟ليش ما حبيت حد من عيال خالتي؟؟ليش هو بالذات؟؟مع انه ما يعطيني ويه وكل ما يلاقيني يطفر بيه ونتواجع ليش؟؟ليش ما يبادلني مثلج انت ونهيان؟؟كل يوم الاقيه هنيه ويسولف معاج عادي جدامنا ويتفداج جدامنا بعد ولا عليه من اللي قاعدين ليش انا حبيت فهد بالذات ليش؟؟
    روضة:يمكن هذا اعجاب لا اكثر
    اليازي:ما ادري بس لو هو اعجاب ما بتعلق فيه هالكثر دوم اقول خلني اصبر وبشوف اخرته ويايه
    روضة:انت بس ادعيله بالشفاء ويصير خير ان شاء الله
    اليازي:ان شاء الله
    "في ابوظبي وخاصة في غرفة هدى"
    كانت مطلعه البوم الصور ومركزة نظرها لصورة
    "آه وينك يا سالم؟؟الله يرحمك لو هو عايش الحين يمكن يكون عمره 13 أو 14 سنه آه والله اتذكر ذاك اليوم زين ما زين هاذا اليوم كان بالنسبة للكل يوم حزين كئيب..سيف..سيف..انهار ذيج الأيام ما كان مصدق اللي سواه تم حابس عمرة في البيت وما كان يطلع منه بس قدر الله ما شاء فعل..عشان جيه يوم درت عووش بالحادث تأثرت لأنها كانت مع سيف الله يعينكم يا خواني ..يه زين ان لساني ما زل ولا جان الكل تم ساكت ويتذكر ذاك اليوم صدق اني خبله"
    وتدخل عليها عووش وهي تصيح
    هدى:عووش بلاج؟؟
    عوشة:هدى فهد فهد
    هدى:ترانا كنا عندة بلاه؟؟
    عوشة:ضربة شلل(ويزيد صياحها)
    هدى:شلل؟؟؟
    هنيه ما عرفت شو بتسوي بتساند اختها وبتواسيها ولا بتصيح معاها
    (اكيد بتصيح)
    وقعدت هدى تهدي عوشة وطبعا صاحت شوي وبعدين استهدن بالله
    "مر يومين بسلام الكل فكر في فهد واليازي اول ما درت غمى عليها وطبعا روضة اخبار العربية هي اللي نقلت لها الخبر مما زاد عليها الحزن والكآبه وفقدت الأمل انها تاخذة" بس صبر عادي ليش لا وآخذة ما فيها شي لو مقصصة ريوله باخذة هذا ولد عمي وانا احبه ليش ارفضة؟؟لكن هو يمكن خلاص شل الفكرة من باله يمكن كان يبى يعرس وهو بنفسه بيرفض هالشي؟؟لا لا لازم ابين له اني احبه وبتعلق به ولا يمكن الأيام تفرقنا"
    "
    "
    "
    "
    الأربعاء
    جاء اليوم الموعود يوم طلعت فهد من المستشفى والكل مجتمع في بيت ابو سيف
    ام زايد وعيالها وام سيف وعيالها وام سعيد في الطريق هي وبناتها وعبدالله هو اللي بيبهم اما محمد اليوم العصر بيطلع من الكلية
    ام سيف وام زايد قاعدات يسولفن بروحهن اما هدى وعوشة ودانة وشما وفاطمة وخلفان وخليفة قاعدين يسولفون وخلفان ينكت عليهم ويضحكهم يريد يغير الجو عليهم يريد يخلي اللي صار شي كأنه ما صار وهذا الشي طبيعي
    خلفان:فديتج حرمتيه قومي هاتي لي قلاص ماي
    عوشة:تخسي الا انت
    خلفان:اللي على راسة بطحه يحسس عليها
    شما:عيل منو تقصد؟؟
    خلفان:فديت بنت اخويه انا
    دانة:يا ويلي بنتيه تعبانه وما فيها
    خلفان:هيه تعبانه هذا اللي بيخلي بنتج مبزايه وتتعايز..انا اباها شرات خالتها
    هدى:أحم أحم مشكور
    خلفان:انت منو مدحج؟؟أنا اطري حرمتي عواشي
    عوشة:انا اخذ واحد مثلك؟؟
    خلفان:انت اصلا لازم تحمدين ربج انج بتاخذين أخو روميو
    فاطمة:ومنو روميو؟؟لا يكون خليفة؟؟
    خلفان:لج الشرف ان اخوج روميو
    دانة:عيل منو جولييت؟؟
    وهنيه تلون ويه هدى صار احمر ووردي وازرق واصفر"كملوا بروحكم"
    خلفان:منو غير هد......
    وهنيه يكفخ خليفة خلفان بالمخدة اللي على الكرسي ويقول
    خليفة:منو غير سمو الأميرة بنتج
    دانة:وايه فديتك جانك انته اللي بتاخذ بنتي مب خلفان الزطي
    الكل:ههه
    خلفان:ما عليه الله يسامحكم الحين بروح بيتنا
    عوشة:وين رايح؟؟حرام عليك القعدة بلياك ما تسوى
    خلفان:يعني بتاخذيني؟؟
    عوشة:أم بفكر
    خلفان:لين ما تفكرين قدج غديتي عيوز
    الكل:ههه
    قفطت عوشة:يا اخي الا انا اكبر منك بسنة
    خلفان:خلاص تاخذيني يعني تاخذيني
    عوشة:مب غصب
    وقعد الكل يضحك عليهم حتى ام سيف وام زايد اللي ما يعرفن شو السالفة ضحكن
    في هاللحظة دخل فهد وهو على كرسيه المتحرك وسيف يدزة وابو سيف معاهم
    الكل:السلام عليكم
    الباقي:وعليكم السلام
    ام سيف:شحالك ولديه
    فهد:بخير
    واول ما لف بيسلم على الباقي شاف فاطمة واهنيه اتغير شكله وتذكر اللي طاف
    "يوم كان يفكر في المستشفى"
    خلفان شاف حزن فهد فحب يغير الجو
    سوى عمرة يصيح:عميه
    ابو سيف:بسم الله بلاك؟؟
    خلفان:طالع عووش اقولها اباج وهي ما تباني
    ابو سيف:والله شورها في يدها
    خلفان:فهد فديتك قلها
    فهد:انت شتبى بالزطيه عوش؟؟
    خلفان:ههه زطيه؟؟خلاص زطي ياخذ زطيه
    هدى:ههه حلوة هاي عيل عيالك شو؟؟
    خلفان:زطاطوة
    عوشة:بسم الله عليه وعلى عيالي
    الكل:ههه
    فهد يوجه كلامة لسيف:ودني للحجرة ابا ارتاح شوي
    هدى:تراني مرتبه الغرفة اللي تحت ومدخنتنها
    سيف:الله انا محد يعتني فيه جيه
    عوشة:ههه سر طالع حجرتك اللي ريحتها تييب اليهد
    هدى:ولا يهمك الحين بشل المدخن وبدخنها
    سيف:هيه توج حرمة
    هدى:خلاص خلني بدز فهد
    فهد وبعصبية:خلوني انا بدز عمريه
    هنيه الكل سكت وحس بفهد وراح سيدة للغرفة
    "على الغدا"
    وصلوا اهل بدع زايد وسلموا على الكل ما عدا فهد اللي كان في الغرفة وما يريد يطلع بحجة انه تعبان"جذاب"تراه يحس بحب اليازي له يعرف انها تموت فيه وهو حاول يكابر هالشعور وعلق عمره بفاطمة وهو يحاول يتحاشى انه يكون مع اليازي عشان ما تحزن عليه"
    نزلن البنات تحت للغدى والرياييل في الميلس
    وطبعا فهد طلع من الغرفة بس بصعوبة بعد ما ترجاه ربيعة"مطر"

    • أسماء الكويت
    أسماء الكويت
    03-11-2022 - 09:57 am

    شما:بعد شو؟؟السيد عبدالله يبانا نملج
    فاطمة:ههه بس زين وليش مكدرة بالج؟؟
    شما:انا ما اريد الحين
    فاطمة:ليش؟
    شما:بعد جيه استحي منه وهو يوم بيملج بيتم دوم ف ويهي
    فاطمة:زين عادي
    شما:افف مشكله اللي ما يفهمك
    فاطمة:انزين ومتى العرس؟؟
    شما:طالع هاي احرما عندي ابرد ما عندج؟؟
    فاطمة:ههه امزح..الله يعينك يا عبدالله
    شما:بس عاد...آه طلع معصب
    فاطمة:افا شو رايج تراضينه؟؟
    شما:انا ما سويت شي غلط عشان اراضيه
    فاطمة:ولو انت ما قلتي انه طلع زعلان؟؟
    شما:هيه
    فاطمة:خلاص راضيه
    شما:كيف؟؟
    فاطمة:اتصلي عليه وقوليله آسفه
    شما:لا والله قصوري بعد ارمسه ف التلفون
    فاطمة:ليش لا؟؟عادي خطيبج
    شما:فطوم ممكن تسكتين
    فاطمة:اووه ما علي منج بييب رقمه وبتكلمينه
    شما:ما بكلمه
    فاطمة:آه حرام عليج الريال يحبج وانت حطمتي هالحب؟؟
    شما:انا حطمته؟؟انا بس قلت له الملجة عقب
    فاطمة:انزين ارحمي الريال وعلى الأقل راضيه
    شما محتاره:م
    فاطمة:بييب الرقم على بال ما تفكرين
    شما:من عند منو؟؟
    فاطمة:ماعليج من وين بييبه بس اسكتي
    وتروح فاطمة وتشل تلفون امها وتاخذ رقم عبدالله وترد صوب شما اللي كان باين عليها انها محتاره
    فاطمة:يبته
    شما:لا خلاص ما بكلمه
    فاطمة:تخسين الحين بدق له
    شما وهي تشل التلفون:ما بتتصلين
    فاطمة وهي تحاول تاخذه من عندها:بتتصلين عناد فيج
    شما:ما اريد
    وتشل فاطمة التلفون وتتصل:يوم بيشله بعطيج السماعة
    شما:يوه شو بقوله؟؟
    فاطمة:خلي قلبج دليلج
    شما:اف
    فاطمة:دوج شل التلفون
    وتعطي شما السماعة اللي كانت متوتره وخايف"وحش هو؟؟"
    عبدالله:الو ..الو
    شما :ال و
    عبدالله:هلا
    شما:اهلين
    عبدالله:منو معايه؟؟
    شما:انا شش م ا
    عبدالله مندهش:شما؟؟
    شما:عبدالله انا آسفه
    عبدالله وهو مبتسم:ما اقبل اعتذارج
    شما:عبدالله حرام عليك انا ماسويت شي غلط عشان ما تسامحني
    عدالله:لا والله؟؟
    شما:شو بعد حرام عليك
    عبدالله:وشو المطلوب
    شما:تسامحني وبس
    عبدالله:يوم انتي تدرين انج مب غلطانه ليش داقة؟؟
    شما:اا بس حسيت انك طلعت زعلان
    عبدالله:انا ازعل؟؟
    شما:عبدالله
    عبدالله:عيونه
    شما:يعني انك مب زعلان الحين؟؟
    عبدالله:بس والله حاط ف خاطريه
    شما:خلاص هانت صبرت كم سنه ما تقدر تصبر سنه ونص
    عبدالله:بس سنه ونص وايد
    شما:عبدالله خلاص ما اريد افتح الموضوع
    عبدالله:خلاص ما بفتحه
    شما:اوكي عيل اخليك
    عبدالله:وين بدري عدني ما شبعت
    شما:عبدالله
    عبدالله:شو؟؟
    شما:ما شي تصبح على خير
    عبدالله:وانت من اهله عيوني
    وسكرت شما من عبدالله وهي فرحانه اما فاطمة اللي كانت تسترق السمع وطارت من الفرحة
    فاطمة:ياحضج الا يقولج عيوني..وين عدني ما شبعت
    شما مستحيه:بس عاد
    فاطمة:ههه
    "في غرفة خلفان بالتحديد"
    خلفان منسدح ع الشبريه هذا حاله من رجع من العزى وما تحرك من مكانه وخليفة كل شوي يقوله خلنا نطلع ولا نروح ولا ولا
    خلفان:مالي نفس
    خليفة:شو ما لك نفس حرام عليك ادع له بالمغفره خلاص هو مات وعزلتك عن الناس ما بترده
    خلفان:خلوف دخيلك لا ترمس
    خليفة:برمس وما عليه منك بتطلع معاي يعني بتطلع
    خلفان:انزين وين بنروح ف عز الظهر؟؟
    خليفة:بيت عمي
    خلفان:لا ما اريد
    خليفة:خلفان شو تباني اسويبك؟؟حرام اللي قاعد تسويه ف عمرك اطلع ورد وسولف واضحك لا تم حزين ومتكدر اللي عليك سويته بس انته ادع له بالمغفرة والرحمه وعن هالحزن
    خلفان:بس
    خليفة:لا بس ولا شي صح انك تعرفه وكنت ربيعه وانا ما انكر بعد اني كنت كصديق له بس مش مثلك دوم معاه بس حزنت له لأنه طيب وحبوب والله يرحمه
    خلفان:زين خلاص
    خليفة:شو خلاص تعبتني من الصبح وانا احايل فيك
    خلفان:زين يالله نروح بيت عمي
    خليفة:يالله والعصر بتي الخطيبة
    خلفان:شواقي؟؟
    خليفة:منو غيرها؟؟
    خلفان:يا ربي فديتها انا
    خليفة:يالله نروح
    خلفان:أخاف البنات راقدات
    خليفة:شو اللي بيرقدهن؟؟
    خلفان:مب منك متوله ع جولييت
    خليفة:ههه فاتك انته اليوم
    خلفان:شو؟؟
    خليفة:رحنا كارفور والبنات معانا
    خلفان:خاين
    خليفة:واستانست الصراحه
    خلفان:لازم بتستانس دام انها راحت
    خليفة:ههه
    خلفان:صدق عاد انته تحبها؟؟
    خليفة:شو ها بعد؟؟
    خلفان:يالله انا اخوك توأم روحك
    خليفة:الصراحه انا ما احبها بس احس..
    خلفان:بيرد يقول ما احبها مجرد اعجاب وارتاح لها
    خليفة:ههه لا بس والله ارتاح لها واحبها بس مش وايد
    خلفان:شو بعد مش وايد"يغمز له"تحبها وخلاص
    خليفة:خلفانوة اسمعني عدل انا وراي دراسة وعقبها بدخل الجامعة وبعدها بشتغل وخير لين ما اشتغل ذيج الساعة بفكر فيها
    خلفان يزاعج:غلط اكبر غلط
    خليفة:بسم الله شبلاك؟؟
    خلفان:لين هذا كله يمكن ياخذها حد غيرك
    خليفة:فيه شي اسمه خطبه
    خلفان:خلاص من الحين اخطبها
    خليفة:اقول يالله قم جدامي
    خلفان:زين خلنا نلقى الحل
    خليفة وهو طالع:يالله
    خلفان:صبر اقول روميو..صبر
    وطلع خلفان ورى خليفة اللي حس انه رجع طبيعي اما خليفة تم يضحك ع اخوه خلفان يحبه يموت فيه ما يعرف من دونه شو بيسوي اكيد بيكون ضايع ف هالكون الكل يحب خلفان مش لخفت دمه بس لا لأشياء وايدة الكل معجب فيه في اخلاقة تعامله مع الثانيين وصح انه يكون غلس شوي بس حبوب وطيب
    بعد ما راحوا ومشي وصلوا وما لقوا حد ف الصالة
    خليفة:اقول يالله نطلع لهن فوق
    خلفان:انته رح ونادهن وانا بتم هنيه
    خليفة:خلنا نروح فوق
    خلفان:لا مب زينه رح ونادهن وانا ارقب هنيه
    خليفة:خلاص بروح وبرد
    خلفان:لا تتأخر
    وراح خليفو يناديهن ينزلن تحت لأن خلفان ما بيروح فوق وفجأة
    ترن
    خلفان:الو
    نوف:السلام عليكم
    خلفان:وعليكم السلام هلا والله ملايين
    نوف"غريبة ما احيد خوان هدى يرمسون جيه":ا هدى موجودة؟؟
    خلفان:هيه نعم
    نوف:ممكن تناديها
    خلفان:شو؟؟ انا تبيني انادي هدى؟؟
    نوف:هيه ليش؟؟
    خلفان:انزين منو اقولها؟؟
    نوف:ربيعتها
    خلفان:ادري انج ربيعتها مب ربيعها
    نوف"اكيد ها مش اخوها:انزين يوم انك تدري ممكن تعطيني اياها
    خلفان:واذا ما عطيتج شو بتسويين؟؟
    نوف:اف
    "وتسكر ف ويهه"
    خلفان:بنت الذين سكرت ف ويههي
    هدى:خلفانوة؟؟
    خلفان:بسم الله الرحمن الرحيم
    هدى:لا يكون وحدة من ربيعاتي؟؟
    خلفان:لا واحد من ربايعج
    هدى:سخيف "وتشوف الكاشف"ها هاي نوف..لايكون؟؟
    خلفان:انا مالي خص هيه اللي سكرت ف ويهيي صدق انها ما تستحي ع ويهها
    هدى:انته اللي ما تستحي ع ويهك اكيد انك سويت شي عصب بها
    خلفان:آه الكل ظالمني
    هدى:آه حزنتنيه
    ويدخل خليفة معاه عوشة وروضة
    خلفان:هلا والله بالزطيه
    وهنيه دخلت موزة
    موزة:زطيه ف عينك
    خلفان:انت حد كلمج؟؟
    عوشة:ههه
    خلفان:فديت الضحكة انا
    "شلت هدى التلفون وراحت للصالة الثانيه عشان تكلم نوف"
    روضة:اخبارك خلفان؟؟وين الصراحة تولهنا عليك
    خلفان:تولهت عليج العافية والله في ابوظبي وضواحيها
    عوشة:افا فاتك اليوم
    خلفان:ادري ادري
    خليفة:اقول اشم ريحت كيك
    عوشة:هيه صبر بييب لكم وقولولي رايكم
    خلفان:مفجوع انته؟؟اصبر خلني اخذ راحتي مع الزطيه
    خليفة:زين آسف ما دريت
    خلفن:هيه ما دريت مب منك جولييت ما عطتك ويه وراحت؟؟
    خليفة:جب جب
    خلفان:ما عليه اراويك عقب
    روضة:اقول خلفانوة
    خلفان:هلا
    وقعدوا يكملون سوالفهم بعدها يابت عوشة الكيكة وتذوقوها واللي مدحها طبعا الزطي خلفان وطلب غيرها وعوشة ما ارفضت له طلب وقالها"تاخذيني؟؟"
    والك ضحك عليه واصراره ان عوشة تاخذه اما هدى تسولف ف التلفون ولا عليها من حد اما موزة لاعت جبدها وراحت لهدى عشان تشاركهن السوالف ونوف قالت لهدى كل اللي صار بينها وبين خلفان وهدى عصب وقالت لها بتراويه عقب بس نوف قالت لها لا برايه اما اليازي ف سابع نوم
    على الساعة 3 ونص راحن البنات يتعدلن وعوشة توعي اليازي أما خلفان وخليفة قعدوا ف الصالة ويدخل عليهم محمد وهو يدز فهد ويضحكون
    خلفان:هلا والله وين كنتوا؟؟
    فهد:ههه هلا خلفان
    خلفان:حمود وين كنتوا؟؟
    محمد:رحنا النادي
    خليفة:بروحكم؟؟
    محمد:لا رحنا مع مطر ولقينا الشباب هناك
    خلفان:افا ما وديتوني معاكم
    محمد:ما ادريبك وين رحت
    فهد:ما عليه خيرها ف غيرها
    محمد:انتوا ليش قاعدين بروحكم؟؟
    خلفان:نرقب البنات
    فهد:ليش وين بتروحون؟؟
    خلفان:بنروح بيتنا نسيت ان خطيبتي بتي؟؟
    فهد:ههه لا يكون شوق؟؟
    خلفان:أحم أحم
    محمد:الله يعينها
    خلفان:ليش يعني؟؟اصلا تحب يديها مجلبه
    خليفة:لا تقعد تتحلم يوم انته عمها
    خلفان:زين اسولف معاكم حرام؟؟وبعدين خطيبتي موجودة
    محمد:منو؟؟
    خلفان:عوش
    محمد:ايه بلاك انته معلق الا عوش عوش
    خلفان:ليش يعني حد يباها غيري؟؟
    محمد:هيه
    خلفان:منو؟؟؟وبعدين ولد العم اولى
    محمد:انا اللي اباها عندك مانع؟؟
    خلفان:آها عشان جيه انته معصب؟؟واقول البارحه بلاه الريال معصب عليه ولا يرمسني لأني حاط عيني ع خطيبتك؟؟
    فهد:محمد صدق عاد؟؟
    محمد:هيه عيل امزح؟؟
    فهد:هيه واقول بلاه البارحة
    خلفان:ها ما قلت لك حاط عينه ثرة
    فهد:خلاص ولا يهمك
    خلفان:لا لا ما يوز انا اللي قلت اباها قبل
    محمد:جب انته نحن ما نرمس يهال
    خلفان:الله يسامحك ما عليه بتردك الحايه
    محمد:الله لا يقوله
    خليفة:عيل عبدالله وين؟؟
    فهد:راح دبي
    خلفان:دبي مرة وحدة؟؟زين يعزم
    محمد:راح ونحن ما ندريبه
    خليفة:وليش راح؟؟
    فهد:يقول واحد من ربعه عازمنه
    وهنيه ينزلن البنات ويدخلن الصالة واولهن عوشة وما شافن محمد وفهد
    عوشة:يالله خلفانوة
    خلفان:يالله
    هدى:صبر بدور نعالي
    عوشة:والله كيفج نحن بنروح"وتوجه كلامها لخلفان"اقول رح طالع الدريول خله يشغل السيارة
    خلفان:اوكي..خليفة تعال معاي
    خليفة:يالله لا تتأخرن
    عوشة:اوكي
    اليازي تتثاوب:ابا ارد ارقد
    روضة:ش رقادة العصر انت بعد"وتنادي"موزوة وينج نحن بنروح
    موزة وهي تعدل شيلتها:صبر
    هدى وهي تنادي من بعيد:عوش نعالي الكعب وين
    عوشة:وانا ش دراني خدامج وانا ما ادري؟؟
    هدى:فقدتج يا الزطيه دومج تضيعين نعالي
    عوشة:زطيه ما غيرج يالدبه
    وهنيه ضحك محمد وفهد واول ما انتبهت عوشة بوجودهم استحت وعلى طول طلعت من الصالة"عاد ونها بطالع اذا خلفان قال للدريول"
    محمد:اقول روضة
    روضة:هاه خلني انا بوديكن
    روضة:خلاص عيل بقولهن يصبرن
    وراحت روضة تناديهن اما محمد بيروح يوديهن وبيرد ع فهد عشان بعد صلاة العصر بيروحون بيت عمهم
    خلفان:يالله رويض ليش تأخرتي؟؟
    روضة:اقول محمد قال بيوصلنا
    هدى وهي معصبه وقاعدة ف الدبه ورى:اف يالله نروح ما فيه انزل
    عوشة:خلاص قوليله بنروح مع الدريول ركبنا نحن
    اليازي:آه اريد ارقد والله تعبانه
    موزة:انت بلاج معلقة الا اريد ارقد
    روضة:الحين شو اسوي؟؟
    هدى:قوليله خلاص ركبا يالله..اف
    عوشة:بلاج تأفأفين ف ذنيه صمختيني
    هدى:جب انت مب منج قاعدة جدام
    عوشة:هيه ثرج محتره؟؟
    هدى:تخسين انا احتر منج؟؟
    عوشة:عيل؟؟
    موزة:الله يخليكن خلاص عن الوقعه
    تواتي روضة وتركب السيارة
    عوشة:هاه شو؟؟
    روضة:ما شي قلت له ورديت
    عوشة:خلفان وين خليفة؟؟
    خلفان:راح البيت مشي
    هدى:ليش الجو حر
    خلفان:الله الله خايفة عليه؟؟
    هدى:انا مب خايفه اقول الصدق والله اموت لو رحت بيتكم مشي ولا الظهر بعد؟؟
    خلفان:شو اسويبه قال السيارة زحمه وما بتكفي
    اقو مصطفى يالله رح بيتنا
    مصطفى:إن شاء الله
    خلفان:ما عندكم شريط عدل ف السيارة؟؟
    هدى:هيه شريط حربي اليديد
    خلفان:أمحق انا ما ادانيه ما عندكم شرايط حربيه؟؟
    هدى:مثل منو؟؟
    خلفان:المزيود الحربيه ولا المزاريع ولا دبي الحربية؟؟
    هدى:لا هاذا ولا هاذاك
    خلفان:امحق اشغل الراديو ابركلي
    وتطلع ام كلثوم"تدرون انتوا ان الظهر يحطون ام كلثوم تغني"
    هدى:بنده
    خلفان:والله احب انا ام كلثوم
    هدى:اف
    عوشة:اييه بلاج كم مرة اقولج لا تتأفأفين ف ذنيه
    هدى:ليتج تسكتين بس
    خلفان:عن الوقعه خلاص وصلنا
    هدى:الحمدلله يا ربي يوم وصلنا
    ونزلن البنات وراحن للبيت اللي لقن شما ف الصالة اما فاطمة فوق
    شما:هلا والله
    عوشة:هلا بج يامرحبا
    شما:هلا اخباركن؟؟
    البنات:طيبه
    اليازي:عيل وين فطوم؟؟
    شما:فوق تتعدل
    اليازي:الله الله بروح صوبها
    هدى:اقول شموة حطي قناة تو
    موزة:هيه صح ما خلص الفلم اللي فيه
    روضة:اقول شموة بلاج؟؟
    شما:ماشي شويت حمى
    عوشة:سلامات
    شما:الله يسلمج
    روضة:اقول شموة سويتن شي بارد للعشى؟؟
    شما:فطوم من الظهر وهي ف المطبخ
    عوشة:تعالن بنشوف شو مسويه
    روضة:يالله وبعد ما عقن عبيهن وكانن بشيل صلاة وراحن للمطبخ اما هدى وموزة يطالعن الفلم
    وبعد نص ساعة اتي ام زايد وتسلم ع البنات وتروح للطباخ اللي حشرته عشان يسوي عشى يبيض الويه لأن الفريج كله بيي اليوم وبعدها بساعة اتي دانة شالة شوق وزايد وراها شال الشنطة واستقبلتهم موزة وهدى
    هدى:يا مرحبا هلا والله بالحلوين
    دانة:هلا بج
    هدى:فديتها عطيني اشلها
    زايد:اذبحج لو شليتيها
    هدى:بسم الله ليش؟؟
    زايد:أخاف على بنتيه
    هدى:انا ما باكلها
    زايد:دانوة لا تعطينها شوق
    دانة:حرام عليك
    زاي:ما اريد
    موزة:عيل عطيني اياها
    زايد:هيه عطيها موزوة
    هدى:وانا ليش لا؟؟
    زايد:مزاج
    وتدخل ام زايد:هلا والله واقول البيت بلاه منور
    زايد:هلا والله بأم زايد
    ام زايد:شحالج دانة؟؟
    دانة:بخير والحمدالله
    "في المطبخ"
    رويض:ليش ما سويتن كيك؟؟
    شما:ما اعرف اسوي كيك
    روضة:خلاص عيل عوييش سوي الكيك
    عوشة:بس ما اعرف الا ف بيتنا
    روضة:يا سلام؟؟
    عوشة:والله
    روضة:خلاص رجعي البيت وسوي الكيكه
    شما:لا خلاص مش لازم كيك
    عوشة:لا لا خلاص برد
    شما:منو اللي بيردج؟؟
    عوشة:بروح مشي
    شما:لالا خلاص
    روضة:انتي بلاج خليها تروح تسوي والله احسن
    عوشة:خلاص بروح من ورى وما حد بيشوفني وبوصل
    شما:خلاص دقي تلفون يوم بتوصلين
    عوشة:اوكي يالله باي
    وطلعت عوشة من ورى وراحت للبيت وطبعا سوت تلفون عشان تطمنهن ولقت محمد وفهد في الصاله وسألوها ليش رجعت وقالت طبعا بتسوي كيكة وبعدها راحت للمطبخ دخلت وعقت دفتها وخلطت الكيكة وحطتها في القالب راحت بتجهز
    الغاز واول ما فتحته...........أأأأأأأأأأأأأأأأأأ
    سمع فهد ومحمد زعيق عوشة وركض محمد عشان يشوف بلاها

    قصه رهيبه الزمن طبعه كذا من اجزاء للعاشقة ديرتها←
    قصة فتاة في قاعة الامتحان→

    فتيات Ftayat اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.

    © فتيات Ftayat 2024